୧ ତିମତି 5:3 - ସତ୍‌ ବଚନ୍‌ ପୁନି ନିୟମ୍‌

³ ଆହ୍‌ର ହିଲ୍‌ୱି ରାଣ୍ଡିକାଂ ଜାତୁନ୍‌ ଅୱାଟ୍‌ ।

New Testament in Pengo Parja Language

³ ଇନେର୍ ହିଲ୍‌ୱି ରାଣ୍ଡି କଗ୍‍ଲେକାଙ୍ଗ୍ ସନ୍‌ମାନ୍ ହିଜି ଜାତୁନ୍ କିୟା।

୧ ତିମତି 5:3 Iomraidhean Croise

ମାତିଉ 15:6

ହେୱାନ୍‌ ଆରେ ତା ଆବା ଆୟାଂ ହାତେନେ ଜତନ୍‌ କିଉନ୍‌ । ଇ ଲାକେ ଏପେଙ୍ଗ୍‌ ମିଦାଂ ବଲ୍‌ମନ୍ଦ୍‌ ରିତିନିତି କାଜିଂ ଇସ୍ୱର୍‌ତି ବଚନ୍‌ ବେକାର୍‌ କିନାଦେରା ।

ମାତିଉ 23:13

“ହାୟ୍‌, ଦରମ୍‌ ଗୁରୁର୍‌ ଆରେ ପାରୁସିକାଦେର୍‌, ମି ସେସ୍‌ ଦସା ଏଚେକ୍‌ ବଇଁକାର୍‌ ! ଆଡ଼େ କାପ୍‌ଟିୟାର୍‌ ଦାର୍ମି କୁଦା, ସାର୍ଗେ ରାଜିନି ହଣି ଦୁୱେର୍‌ ଗେସ୍‌ତି ଇଡ଼୍‌ତାଦେର୍ଣ୍ଣା । ନିଜେ ହେବେ ହଣୁଦେରା ଆରି ଇମ୍‌ଣାକାର୍‌ ହଣ୍ଡେଙ୍ଗ୍‌ ସେସ୍ଟା କିନାରା, ହେୱାରିଂ ହାଜ଼ି ପିସ୍ତି ହିଉଦେରା ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:37

ହେଦେଲ୍‌ ବିର୍‌କୁଲ୍‌ ମନ୍ଦିର୍‌ ପିହ୍‍ୱାଦାଙ୍ଗ୍ ଉପାସ୍‌ ଆରି ଗୱାରି ହୁକେ ୱେଡ଼ାନାଣା ମାପ୍ରୁଙ୍ଗ୍‌ ପାର୍ତାନା କିଜ଼ି ମାଚାତ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:12

ହେୱାନ୍‌ ଗାଡ଼୍‌ନି ଦୁୱେର୍‌ ଲାଗେ ଏକାୱାତିଲେ, ହୁଡ଼ାଟ୍‌, ମାନାୟ୍‌ ରୱାନ୍‌ ହାତି ମାନାୟ୍‌ତିଂ ବାର୍ତ ପିଣ୍ଡ୍‌ଜି ତାସି ମାଚାର୍‌, ହେୱାନ୍‌ ଜାର୍‌ ଆୟାନି ରୱାନ୍‌ ମତର୍‌ କାଡ଼୍‌ଦେ, ମାତର୍‌ ହେ କଗ୍‌ଲେ ରାଣ୍ଡି; ଆରେ ଗାଡ଼୍‌ନି ବେସିହେନିମାନାୟ୍‌ ତା ଲାହାଙ୍ଗ୍‌ ମାଚାର୍‌ ।

ଜହନ୍‌ 1:47

ଜିସୁ ନିତନିୟେଲ୍‌ତିଂ ଜାର୍‌ ଲାଗେ ୱାନାକା ହୁଡ଼୍‌ଜି ହେ ବିସ୍ରେ ଇଚାନ୍‌, “ଇଦାଂ ହୁଡ଼ା ହାତ୍‌ପାନେ ଇ ରକାନ୍‌ ଇସ୍ରାଏଲିୟ ମାନାୟ୍‌, ଇୱାନ୍‌ ତାକେ ଟିଉଲି ହିଲୁତ୍‌ ।”

ପକ୍ୟାତାକା 6:1

ଇ ୱେଡ଼ାଲିଂ, ଏଚେକାଡ଼୍‌ଦ ଚେଲାର୍‌ ବାଡା ଆଜ଼ି ମାଚାର୍‌, ହେୱାଡ଼ାଂ ଗ୍ରିକ୍‌ ବାସାନିକାର୍ ଜିହୁଦିର୍‌ ଏବ୍ରିୟ ବାସାନି ଜିହୁଦି ବିରୁଦ୍‍ତ ନିନ୍ଦା କିଦେଙ୍ଗ୍‌ ଲାଗାତାର୍‌, ଇନାକିଦେଂକି ନିତ୍ରେ ହେବା କିଦେଙ୍ଗ୍‌ ହେୱାର୍‌ତି ରାଣ୍ଡିକାଂ ପାଚାରି କିୱାଦାଂ ମାଚାର୍‌ ।

ପକ୍ୟାତାକା 9:39

ଲାଗିଂ ପିତର୍‌ ନିଙ୍ଗ୍‌ଜି ହେୱାର୍‌ ହୁକେ ହାଚାନ୍‌ । ହେୱାନ୍‌ ୱାତିଲେ, ହେୱାର୍‌ ହେଦେଲିଂ ହେ ଜପ୍‍ଣି ବାକ୍ରାତ ଅଜ଼ି ହାଚାର୍‌, ଆରେ ରାଣ୍ଡିକ୍‌ ୱିଜ଼େକିକ୍‍ ତାଙ୍ଗ୍‌ ହେଦେଲିଂ ବେଡ଼ି କିଜ଼ି ଆଡ଼୍‌ବିସ୍‌ ଆଡ଼୍‌ବିସ୍‌ ଦର୍କା ହେୱାର୍‌ ହୁକେ ମାନି ୱେଡ଼ାଲିଂ ଇମ୍‌ଣି ସବୁ ଆଙ୍ଗି ଆରି ହେନ୍ଦ୍ରାଙ୍ଗ୍‌ ରଚ୍‌ଚି ମାଚାର୍‌, ହେ ସବୁ ଚଚ୍‍ଚେଂ ଲାଗିତିକ୍‌ ।

ପକ୍ୟାତାକା 9:41

ଆରେ, ହେୱାନ୍‌ କେଇ ଲାମାୟ୍‌ କିଜ଼ି ହେଦେଲିଂ ନିକ୍‌ତାନ୍‌ ଆରି ସାଦୁରିଂ ଆରି ରାଣ୍ଡିକାଂ କୁକ୍‌ଚି ହେଦେଲିଂ ଜିଜ଼ି ମାନାକା ଚଚ୍‌ଚାନ୍

୧ ଥେସଲନୀକିୟ 2:6

ଆତିସ୍‌ପା କ୍ରିସ୍ଟତି ପକ୍ୟାତି ଲାକେ ଆସେଙ୍ଗ୍‌ ମାନିନି ଦାବା କିଦେଙ୍ଗ୍‌ ଆଡ଼୍‍ତାପ୍‍ନା, ଆତିସ୍‌ପା ମିତାଙ୍ଗ୍ ଆୟେତ୍‌ ନଲେ ବିନେ ଇନେର୍‌ ତାଙ୍ଗ୍‌ ଆୟେତ୍‌, ଇମ୍‌ଣି ମାନାୟ୍‍ତାଂ ଜାଜ୍‌ମାଲ୍‌ ଗାଟାଦେଂ ଉପାୟ୍‌ କିୱାତାପ୍‌ନା ।

୧ ତିମତି 5:2

ପ୍ରାଚିନାର୍‌ କଗ୍‌ଲେକାଂ ଆୟା ଆରି ଜିପଲିକାଂ ପୁଇପୁୟା ବାବ୍ରେ ତଣ୍‌ଦେଲ୍‌ ଇଞ୍ଜି ଗିଆନ୍‌ କିଜ଼ି ହେ ଲାକେ ବେବାର୍‌ କିୟାଟ୍‌ ।

ଜାକ୍‌ବ 1:27

ଟୁରାର୍‌ ଆରି ରାଣ୍ଡିକାଂ ହେୱାର୍‌ତି ଦୁକ୍‍ ୱେଡ଼ାଲିଂ ସମାଲିକିଦେଂ ଆରେ ଜଗତ୍‌ତାଂ ଜାର୍‌ତିଂ ପାପ୍‌ ହିଲ୍‌ୱି ଲାକେ ରାକ୍ୟା କିନାକା, ଇଦାଂ ମାଦାଂ ଇସ୍ୱର୍‌ ଆରି ବାୱାତି ମୁମ୍‌ଦ ସକଟ୍‌ ଆରି ସକଟ୍‌ ଦାରୁମ୍‌ କାରୁମ୍‌ ଆନାତ୍‌ ।

୧ ପିତର 2:17

ୱିଜ଼ାରିଂ ସମାନ୍‌ୱାରି କିୟାଟ୍‌, କ୍ରିସ୍ଟଙ୍ଗ୍‌ ପାର୍ତି କିନି ଟଣ୍ଡାରିଂ ଜିଉନୱାଟ୍, ଇସ୍ୱର୍‌ତିଂ ପାଣ୍ଡ୍ରା ଆଡୁ, ରାଜାଙ୍ଗ୍‌ ସମାନ୍‌ୱାରି କିୟାଟ୍‌ ।

୧ ପିତର 3:7

ହେ ବାନି, ଏ ଡକ୍ରାର୍, ମି ପାର୍ତାନାତ ଇନେସ୍‌ ବାଦା ଆମେତ୍‌, ଇଦାଂ କାଜିଂ ଡକ୍ରିକାଂ ପାଚେନିଦିନ୍‌ତ ନାଦାର୍‌ ଗାଡ଼୍‌ ଆରି ଜାର୍‍ତି ଲାହାଙ୍ଗ୍‌ ଜିବୁନ୍‌ ଲାଗ୍‍ଦି ଉପ୍‌କାର୍‌ ଦାନ୍‌ନି ରଚେ ଆଦିକାର୍‌ଣ୍ଣି ପୁନ୍‌ଞ୍ଜି ହେୱେକାଂ ୱାରି କିୟାଟ୍‌ ଆରେ ଗିଆନ୍ତ ହେୱେକ୍‌ ଲାହାଂ ମାନାଟ୍‌ ।