फिलेपियो 3:18 - खेरलो वचन नोवालो नियम

¹⁸ काहाकाय होवटास हेते, जा इहकेरीन जीवतेह, जान वात मी तुमूह जाहार ताहार किरेल हे, एने एवी बी रेड़ी रेड़ीन केथु काय ता सोतान बोलनो चालना केरीन मसीन खुरूसखाम ने विरोदी हेते।

नाहाली

¹⁸ काहाकाय इही पुण मोकताज माणहे हि, जे मसीहान क्रुसला शत्रुता मेलीन विजयी एय गीयो हि (मी तुमूह जादा वारीन कियील एने ऐवी भी मी पोशो पोशो किथी हि).

फिलेपियो 3:18 Iomraidhean Croise

लुका 19:41

जेवी यीशु यरूशलेम ने आहने आवो, तेवी तो ता हेयराह देखीन रेड़नो।

प्रेरितान काम 20:19

मतलब जुलूम गेरबोड़ाय से, एने आहवा गेलावी गेलावीन एने त्यु पारेख माय बी, जो यहुदिन योजनान वोजेसे जी मार पोर आव पुड़ेल एती, मी मालीकान सेवा किरतेच रिनो।

रोमीयो 9:2

काय माहु मोटलो दुख हे, एने मारो मोन जेलेम दुखते रीथे,

1 कुरिंथीयो 1:18

काहाकाय खुरूसखाम किस्सो खेतेम एणे जाणे बाजरिनोह तान केरता फोगवाय हे, पुण आमु सुटकारो सापड़ावणारान केरता बोगवानान ताकेत हे।

1 कुरिंथीयो 6:9

काय तुमू नाह जाणते काय अन्याय केरनारे माणहे बोगवानान राज ने वोस नाय एती, दोका माय मा रिहो नाह सिनालो केरनारे, नाह मुरती पुजा केरनारे, नाह दिहरी बायकु हेऱ्यो सिनालो केरनारे, नाह लुच्‍चाय केरनारे, नाह एदम्या हेऱ्यो सिनालो केरनारे,

2 कुरिंथीयो 11:13

काहाकाय ओहला माणहे जुठा प्रेरित, एने ठेगीन काम केरनारे, एने मसीन प्रेरितान वेह रूप बोदेलनारे हेते।

2 कुरिंथीयो 11:29

केदी एगदो कमजोर हे, ते काय मी कमजोर नाह ईत? एने एगदाह ठोकर लागेह ते काय मारा जीवाम दुख नाह ईत?

2 कुरिंथीयो 2:4

मोटली तेकलीत एने मोनान केस्टा माय रेन मी जुलूम आहवा गाल गालीन तुमूह लिखेल ईतो। ज्यानकेरता नाह काय नाराज ईहो, पुण ज्यानकेरता काय तुमू ता मोटला मोंगाह जाण लेय, जो माहु तुमू हेऱ्यो हे।

गलातीयो 1:7

पुण “दिहरी हाजाली खुबेर सोतीस नाह,” पुण वात ज्यी हे काय थोड़ाक माणहे ओहला हेते जा तुमूह गाबराव देतेह, एने मसीन हाजाली खोबरीह बिगाड़ ने होदतेह।

गलातीयो 2:14

पुण जेवी मी दिख्यो काय ता हाजाली खोबरीन खेराय पोर हुतरा नाह चालते, ते मी आखान सामने पतरसाह केयो, “जेवी तु यहुदि एन बिगेर यहुदिन गेत जीवनो जिवेह यहुदिन गेत नाह ताहार तु बिगेर यहुदिह यहुदिन गेत चालनेन काहा किथे?”

गलातीयो 2:21

मी बोगवानान गीणीह नाह नाकारणे। पुण केदी काल्लो माणुह नेमान द्‍वारा देरमी रेतो, ते ज्यान मतलब ज्यो हे काय मसीन मोरनो व्यर्थ रेतो।

गलातीयो 5:21

दारकुट्यो, लीलाक्रिड़ा एने इहकेरीन दिहरा उंजु कामे हेते, जान बाराम मी तुमूह पेलुस रेन केय दिथो जिहकेरीन पेल केय बी दियेल हे, काय ओहला ओहला काम केरनारे बोगवानान राज ने वारीस नाय रेती।

गलातीयो 6:12

जा माणहे सारिरीक दिखलावो होदतेह तास तुमरो खेतना केरावणेन केरता दाबाव टाकतेह, फोक्‍तो ज्यानकेरता काय ता मसीन खुरूसखाम ने वोजेसे वेला नाय एणे जुवे।

गलातीयो 6:14

पुण ओहलो नाय एय काय मी दिहरी एगदी वातीन मोठलाय केरू, फोक्‍तो आपणो मालीक यीशु मसीन खुरूसखाम ने, जान द्‍वारा दुनिया मार नेजरी माय एने मी दुनियान नेजरी माय खुरूसखाम पोर चेड़ावाय जायेल हे।

इफिसीयो 4:17

तानकेरता मी मालीकान नावा माय चेतावणी आपथु काय जिहकेरीन बिगेर यहुदिन माणहे तान मोनान व्यर्थ विचार माय जीवतेह, तुमू एवी रेन इहकेरीन मा चालो।

फिलेपियो 1:4

एने जेवी केदी तुमरे केरता विन्ता केरने, ते जेलेम खुसी माय विन्ता केरने।

1 थिस्सलुनिक्यो 4:6

काय ज्यी वातु माय कुण बी मसी मायवाला बायाख ने फायदो नाय विसी एने नाय ठेगी, काहाकाय बोगवान ज्यी आखी वातुन बुदलो लिण्यो हे; जिहकेरीन आमु पेलुच तुमूह कियेल एने इर बी केरायेल एता।

2 थिस्सलुनिक्यो 3:11

आमु होमेलतेह काय थोड़ाक माणहे तुमरी विची माय आलह्या हेते, एने कायच काम दुंदो नाह केरती पुण दिहरान कामाम आथ टाक्या केरतेह।

2 पतरस 2:10

खास केरीन ताह जा खाराब विचारान पासाण सेरीरा ने गेत चालतेह एने मालीकाह नेचा जाणतेह। ता डिठाला, एने एकएट्या हेते, एने उचाला पोदवालाह हाजो बाकतो केणेन नाह बिते,

यहुदा 1:13

ज्या देरीयान मोटला जेलखा हेते, जाह लाज आवीह केरीन उसेलतेह; डावाडोल तारे हेते, ज्यानकेरता कायेम ने केरता मोटलो आंदारो मेल रेनोह।