फिलेपियो 2:9 - खेरलो वचन नोवालो नियम

⁹ ज्यास ने वोजेसे बोगवान ताह जुलूम मोठो बी किरेल, एने ताह तो नाव आपेल जो आखा नावा माय रेन उचो हे।

नाहाली

⁹ तान केरता बोगवानान पुण ताह उचो जागीपोर उबरीयेल किरील, एने ताह ते नाव आपील जे आखा नावापुररीन श्रेष्ठ हि,

फिलेपियो 2:9 Iomraidhean Croise

मत्ती 11:27

“मारो आबोख माहु आखोच होप दियेल हे, एने कुणीच नाह जाणेत काय बिटोख कुण हे, आबोख उलोस जाणेह, एने आबोख कुण हे ज्य बी कुण नाह जाणेत, पुण बिटोख उलोस जाह देखाड़ेल हे, तोच जाणेह।”

मत्ती 28:18

यीशु तान आहने आवीन केयो, “हेरोग एने देरतीन सोब आदिकार माहु होपायेल हे।

लुका 10:22

मारो आबोख माहु आखोच होप दियेल हे, एने कुणीच नाह जाणेत काय बिटोख कुण हे, आबोख उलोस जाणेह, एने आबोख कुण हे ज्य बी कुण नाह जाणेत, पुण बिटोख उलोस जाह देखाड़ेल हे, तोच जाणेह।

यूहन्ना 13:3

यीशुह मालुम एतो काय आबोख आखो काय मार आथाम आप दियेल हे, एने मी बोगवाना फाय रेन आयेल हे; एने बोगवाना फाय जाथु।

यूहन्ना 17:11

मी एवी ज्यी दुनिया माय नाय रेव, पुण ज्या ज्यी दुनिया माय रेती, एने एवी मी तार फाय आवथु। एय चोखाला आबा! तु ता नावान ताकेत केरीन ताह होमाल, जो तु माहु आपेल हे, काहाकाय जिहकेरीन तु एने मी एक हेते, तिहेच केरीन ता बी एक एय जाती।

यूहन्ना 17:12

जेवी मी ता हिऱ्यो ईतो, ते मी तारा ता नावा केरीन जो तु माहु आपेल हे, तान राखवाली केऱ्यो। मी तान चोकसी किऱ्यो, एने खेतेम एणारा सोराह सोड़ीन ता माय रेन कुण खेतेम नाह एनो, ज्यानकेरता काय चोखाली पुस्तेक माय जो कियेल हे तो पुरो एय।

यूहन्ना 17:5

एने एवी एय आबा! तु तार हिऱ्यो मार बोड़ाय ती बोड़ाय से देखाड़, जी दुनिया बाणावणेन पेल किरेल ईतो।”

प्रेरितान काम 5:31

ताहाच बोगवान तान जीवड्या आथा पोर जुलूम उचो केरीन मालीक एने सोड़ेवणार ठेरायो काय तो इस्राएलाह मोन बोदेलने एने पापान माफी आपी।

इफिसीयो 1:10

बोगवानान जी योजना एती काय ठिक टेम आवणे बुखेत हेरगान एने देरतीन आख्‍यु चिजीह टुलो केरी काय मसी तान आदिकारी एय।

कुलुसी 1:18

तोच सेरीर, मतलब मोंडलीन मुंड हे; तोच सुरवात हे, एने मुरेल माय रेन जीव उठणारा माय रेन पेल्लो हे, काय आखी जागे तोच पेल्लो ठेराय।

2 थिस्सलुनिक्यो 1:12

आमरो बोगवान एने मालीक यीशु मसीन गीणान द्‍वारे मालीक यीशु मसीन नाव तुमू माय बोड़ाय जुड़ने जुवे, एने तुमू ता माय।

इब्रानियो 1:4

एने हेरोगदुताह रेन तो उलोस हाजो ठिरेल, जुलोक तो ताह रेन मोटलो पद ने वोस बोणीन हाजो नाव सापड़ायेल हे।

इब्रानियो 1:9

तु देरमाह मोंग किरेह एने एदेरमा हिऱ्यो दुसमोनाय किरेल हे। केरीन बोगवान, तार बोगवान, तार हातीह रेन जादा खुसीन तेल केरीन तारो निवोड़ किरेल हे।”

इब्रानियो 12:2

एने बोरहाह बाणावणार एने खेरो केरनार यीशुन उगे टिंगते रेता, जो ती खुसीन केरता जी तान ओंगाण दिरेल ईतो, लाज ने काईच चिन्ता नाह केरीन खुरूसखाम ने दुख विठेल, एने बोगवानान राजगादिन जीवड़े उगे जाय बुहेल हे।

इब्रानियो 2:9

पुण आपु यीशुह जो हेरोगदुताह रेन थुड़ोस कोम किरेल ईतो, मोतीन दुख उखेलनेन वोजेसे बोड़ाय एने आदर ने मुकूट पेर रियेल देखतेह, काहाकाय बोगवानान किव माय तु एकेक माणहान केरता मोतीन होवाद चाखी।

1 पतरस 3:22

यीशु हेरगा माय जाईन बोगवानान जीवड़े उगे बुहेल हे; एने हेरोगदुत एने हेरगावाला आदिकारी एने ताकेत तान ताबाम केराय जायेल हेते।

2 पतरस 1:17

काहाकाय जेवी यीशु आबाख बोगवाना फाय रेन मान एने बोड़ाय सापड़ायो, एने ता उजाला माय रेन ज्यो बोल होमलानो, “ज्यो मारो मोंगाल्लो बिटोख हे, ज्या पोर मी जुलूम खुस हे।”

3 योहान 1:7

काहाकाय ता यीशुन नावान केरता निकेल रेनाह, एने बिगेर बुरहो केरनार माणहा फाय रेन कायच नाह लेतेह।

प्रकाशितवाक्य 1:5

एने मसी यीशुन उगे रेन, जो खीरलो गोवाह हे, एने मुरेल माय रेन जीव उठणार पिल्लो एने देरतीन राजान आदिकारी हे। तुमूह गीण एने सान्ती जुड़ी। तो आपुह मोंग किरेह एने तो तान लुय केरीन आपणा पापा माय रेन आपुह सोड़व्यो।

प्रकाशितवाक्य 11:15

जेवी हातवो हेरोगदुत तान पावलीह फुक्यो, तेवी हेरगा माय मोटलो मोटलो आवाज एणे लागो, “एवी दुनिया पोर राज केरनेन ताकेत आमरा मालीक फाय हे, एने तान मसीन हे, एने तान राज कायेम कायेम रेय!”

प्रकाशितवाक्य 19:16

तान फाड़का एने जांग पोर ज्यो नाव लिखेल एतो: “राजान राजा एने मालीक ने मालीक!”

प्रकाशितवाक्य 3:21

जा जीत हासील केरी ताह मी मार हिऱ्यो मार राजगादि पोर बोहणेन आदिकार आपुह, जिहकेरीन मी बी जीत हासील केरीन मार आबाख हिऱ्यो राजगादि पोर बोह रिनोह।

प्रकाशितवाक्य 5:12

एने ता मोठेस आयड़ीन ज्यो गीत गावणे बाजरियेल एता: “तो मेंड्रो जो माराय जायेल एतो, ताकेत, देन, इकेल, आदिकार, मान सम्मान, बोड़ाय, एने स्तुतीन लायेक हे!”