इफिसीयो 2:3 - खेरलो वचन नोवालो नियम

³ ज्या माय आमु बी आखा पेल सेरीरान मोरजी पुरी केरनेन केरता जीवताला, एने सेरीर एने मोनान मोरजी पुरी केरताला, एने दिहरा माणहान गेत वेवारा माय रेन रागान सीकार एता।

नाहाली

³ याम आमु पुण आखा च्या आखा पेल्ला आपणो शरीरान वासना माय चालतो एता, एने शरीर एने मोनान ईच्छा पुरो केरतीन एता, एने दिहरा माहुहूस स्वभावाइहि क्रोधाचे सोरा एता.

इफिसीयो 2:3 Iomraidhean Croise

मरकुस 4:19

पुण ज्यी दुनियान बाराम चिन्ता, मालदेनाह मोंग केरने, एने दिहऱ्यु वोस्तुन लालुच ता माय रिगीन वोदता वचनाह दाब लिथे, एने तो विणफोल्योस रेय जाथे।

यूहन्ना 1:13

ता नाहते लुय केरीन नाहते सेरीरान आसा माय ता माणहान आसा माय, पुण बोगवानान उगे रेन पायदा ईयेल हेते।

यूहन्ना 8:44

तुमू तुमरा आबाख बुतड़ान हेते, एने तुमू तान मोरजीह पुरी केरने होदतेह। तो ते सुरवात रेन खुनी हे एने तो खेराय पोर टिकनो नाह, काहाकाय ता माय खेराय सोतीस नाह। जेवी तो जुठ बोलने, ते तान सोबाव केरीन बुलेह, काहाकाय तो जुठो हे एने जुठान आबोख हे।

प्रेरितान काम 14:16

तो गीया टेमा माय आखा देसान माणहाह तान तान वाटे चालने दिनो।

रोमीयो 1:24

तानकेरता बोगवान ताह तान मोनान मोरजीन गेत खाराब पोणान केरता सोड़ दिनो काय ता आपसाम तान सेरीरान अपमान केरी।

रोमीयो 11:30

काहाकाय जिहकेरीन तुमू पेल बोगवानान उकुम नाह मान्या, पुण एवी यहुदिन उकुम नाह माणने से तुमरी पोर किव एनी;

रोमीयो 13:14

पुण तुमू यीशु मसीह पिर लिवो, एने सेरीरान अबिलाषाह पुरो केरनेन मोन मा लागाड़ो।

रोमीयो 2:14

जेवी बिगेर यहुदि माणहा फाय नेम ना सोतो, पुण तीबी ता आपाप नेमा पोर चालतेह, ते तो सोता माय नेम हे, तीबी मुसान नेम ता फाय ना सोतो।

रोमीयो 5:10

जेवी आपु बोगवानान दुसमोन एता पुण बोगवान तान बेटाख ने मोतीन द्‍वारा आपणे हेऱ्यो मेल केरायो। पुण जेवी आपु बोगवानान दोस्तीदार हेते ताहार मसीन जीवायीन द्‍वारा जुलूम होवटी आपणी देखरेत केरी।

रोमीयो 5:9

केरीन जेवी काय आपु यीशुन लुयीन वोजेसे देरमी ठेराना, ताहार तान द्‍वारा बोगवानान रागाम रेन काहा नाय वोचहु?

रोमीयो 6:12

तानकेरता पापाह तुमरा खेतेम एण्या सेरीर माय राज मा केरने दिवो, काय तुमू तान आसान काबाम रिवो;

रोमीयो 7:18

काहाकाय मी जाणथो काय मार माय मतलब मारा सेरीर माय काल्ली हाजाली चिज रिगेत नाह। मोरजी ते मार माय हे, पुण हाजालो काम मार से एत नाह।

रोमीयो 9:22

ते ज्या माय काल्ली बोंलाणेन वात हे काय बोगवान तान राग देखाड़ने एने तान ताकेत देखाड़नेन मोरजी से रागान ठामलान, जा खेतेमान केरता तियार केराय जायेल एता, जुलूम दिर खाईन वेठ्यो;

1 कुरिंथीयो 4:7

तुमरे माय एने दिहरा माय कुण मालमात किरेह? एने तार फाय काय हे, जो तु दिहरा फाय रेन निहे लिदो एय? एने तु दिहरा फाय रेन लिदो एय, ते ओहलो मोठाय काहा किरेह जीहे काय निहे लिदो एय?

2 कुरिंथीयो 7:1

एय मोंगाल्ला, जेवी ज्यो वायदो आमुह जुड़नो ते आवो, आपु आपणा आपाह सेरीरान एने जीवान आखा खाराब कामाह चोखो केरता। एने बोगवानाह बितेन चोखाला माय वोड़ता।

गलातीयो 3:22

पुण चोखाली पुस्तेक आखाह पापान ताबाम केर दिनो, काहाकाय तो वायदो जो बोरहान द्‍वारा यीशु मसीम हे, बुरहो केरनारान केरता पुरी एय जाय।

इफिसीयो 2:2

एक टेम एतो जेवी तुमू आत्मिक रूप से उकुम नाह माणनारे एने आत्मिक रूप माय मोर जायेल एता; एने ज्या दुनियान खाराब वाटी पोर चालनारे एता, एने जुगान आदिकारी, ता जीवान गेत जीवताला, जो जीव एवी बी उकुम नाह मान्नारा माय काम केरने बाजरिनोह।

इफिसीयो 4:22

केरीन तुमू तुमरा बोलना चालनान जुनाला माणहाह, जो कोपेट ने खाराब लालसान गेत खेतेम ईती जाथे, उतार दिवो।

कुलुसी 1:21

एक टेम ईतो जेवी तुमू बोगवाना हेऱ्या रेन सेटा एता, एने आपणा मोन ने विचार एने खाराब कामा केरीन बोगवानान दुसमोन एता।

1 थिस्सलुनिक्यो 4:13

एय बाय बोणहा, जा माणहे मोर रेनाह तान बाराम तुमू एंजाणल्या रिहो ओहली आमरी मोरजी नाह सोती; ज्यानकेरता काय जाह आसा नाह सोती ओहला माणहान गेत दुख मा मोणावहो।

1 थिस्सलुनिक्यो 5:6

तान केरता आपु दिहरान गेत हुवते नाह रेता, पुण जागती एने जोगवीन रेता।

1 तीमुथीयुस 6:9

पुण जा देनी बोणनेन आसा केरतेह, ता पारेख माय, एने फासा माय एने मोकत्युस फालतुक नुकसान एय ओहली लालुस माय फोस जातेह, जो माणहाह बिगाड़ दिथे एने नासान देरीयाम बुड़ाव दिथे।

तीतुस 3:3

काहाकाय आपु बी पेल विणएकल्या, एने उकुम नाह माणनारे, ब्रम माय पोड़ीन आलेग आलेग बातीन अबिलाषाम एने हुकान पावराय माय एता, एने बेदबाव, एने कुयराय केरनेम जीवन जीवताला, एने खाराब एता, एने एका दिहरा हेऱ्या दुसमोनाय केरताला।

1 पतरस 1:14

वात मान्नारा सोरान गेत आपणी विणएकलीन टेमान जुनाला मोरजीन होस मा बुणो।

2 पतरस 2:14

न्यान डोला सिनाला माय बोराय रेनाह, एने ता पाप केऱ्या बिगेर रोकाय नाह सेकते। ता कोमजोर मोना वालाह पोटाड़ लेतेह। तान मोनाह लोब केरनेन आदेत लाग जायेल हे; ता पोर बोगवानान हाराप हे।

2 पतरस 2:18

ता फालतुक गोमेंड ने वातु केर केरीन लुच्‍चाय ने कामान द्‍वारा ता माणहान सेरीरान लालचाय माय फोसाड़ लेतेह, जा एवी एवीच बोटकेल माय रेन निकलेल हेते।

1 योहान 2:16

काहाकाय जो काय दुनिया माय हे, मतलब सेरीरान मोरजी एने डोलान मोरजी एने जीविकान गोमेंड, तो आबाख ने उगे रेन नाह; पुण दुनियास ने उगे रेन हे।

1 योहान 2:8

तीबी मी तुमूह नोवालो उकुम लेखथु, एने जो मसी माय एने तुमरी माय खेरलो ठेराथे; काहाकाय आदारलो खेतेम ईती जाथे एने खेरायीन उजालो एवी चोमेकणे बाजरिनोह।