इफिसीयो 1:4 - खेरलो वचन नोवालो नियम

⁴ जिहकेरीन तो आमुह केल बोणनेन पेल ता माय निवाड़ लियेल हे! काय आमु तान आहने मोंग माय चोखाला एने निर्दोस रेय।

नाहाली

⁴ जीही तो आमूह जगान उत्पतीन पेल्ला तामाय निवाडीन लीईल कि आमु तान एने प्रेमामाय पवित्र एने निर्दोष एय.

इफिसीयो 1:4 Iomraidhean Croise

मत्ती 24:22

केदी ता दिह कोम नाय एता, ते काल्लोस जेनवार नाय वोचतो, पुण जा निवाड़ेल हेते, तान कारेण ता दिह कोम एय जाती।

मत्ती 24:24

काहाकाय जुठा मसी एने जुठा जाणकार उठ बोहती, एने मोटली निसाणी, एने बोंगलाड़ टाके ओहला कामे देखाड़ती काय केदी एय सेकी ते निवाड़ेलाह बी खोवाड़ देती।

मत्ती 24:31

तो पावलान सोबदा हिऱ्यो तान हेरोगदुताह मुकल्यो, एने ता वादलान ज्यी उगे रेन ती उगे वोर चार उगे रेन तान निवाड़ेल माणहाह एकठा केरती।

मत्ती 25:34

तेवी राजा तान जीवड़े उगे वालाह केय, “एय मार आबाख ने बोरकेतवाला माणहे, आवो, ता राज ने आदिकारी बोण जावो, जो देरतीह रेन पेल तुमरे केरता तियार किरेल हे।

यूहन्ना 10:16

मारा दिहरा उंजु बी मेंड्रा हेते, ता ज्या कोठामवाला नाह सोता। पुण माहु ताह बी लावणे जोरवरी हे; काय ता मार बोली होमेलती, तेवी तान एकुस टुलो एने एकुस गोवाल रेय।

यूहन्ना 15:16

तुमू माहु नाह निवाड्या; पुण मी तुमूह निवाड़ेल हे एने तुमू जाईन फोल लावो, एने तुमरो फोल जेलेम बोणीन रेय इहकेरीन मी तुमूह ठेरायेल हे। एने जो बी तुमू आबाख फाय मार नाव लेन मांगहो, ताहार बोगवान तुमूह आपी।

यूहन्ना 17:24

“एय आबा! मार मोरजी ज्यी काय जाह तु माहु आपेल हे, ता मार हेऱ्या ताच रेती जा मी रेह, ज्यानकेरता काय तु माहु आपेल ती बोड़ायीह देख सिके, काहाकाय दुनियाह बाणावणेन पेल तु मार पोर मोंग किरेल हे।

प्रेरितान काम 13:48

ज्यो होमलीन बिगेर यहुदि माणहे खुस एना, एने बोगवानान वचनान बोड़ाय केरने बाज गीया; एने जोला जेलेमक्यो जीवायीन केरता ठेराय जायेल एता, ता बुरहो केऱ्या।

प्रेरितान काम 15:18

ज्यो तोस मालीक किथे, जो दुनियान सुरवात रेन ज्यी वातीन खुबेर जाणेह देखाड़तीन आयेल हे।”

प्रेरितान काम 18:10

काहाकाय मी तार हिऱ्यो हे, एने कुण बी तुवा पोर चेड़ाय केरीन तारो दुको नाय केरी। काहाकाय ज्या गावा माय मारा जुलूम होवटा माणहे हेते।”

रोमीयो 8:33

बोगवानान निवाड़ेल माणहा पोर कुण दोस लागाड़ी? बोगवानुस हे जो ताह देरमी ठेरावण्यो हे।

1 कुरिंथीयो 1:8

तो तुमूह मोजबुत केरीन मेली सेवली वार वोर काय तुमू आमरा मालीक यीशु मसीन पोशो आवणेन दिह निर्दोस ठेराणे जुवे।

गलातीयो 5:13

एय बाय बोणहा, तुमू स्वतंत्र एणेन केरता हादाड़ाय जायेल हेते; ज्यी स्वतंत्राह सारिरीक कामान केरता सादेन मा बाणावो, पुण मोंग से एका दिहरान सेवा किरो।

गलातीयो 5:22

पुण जीवान फोल मोंग, खुसी, सान्ती, दिर, गीण, बोलाय, बुरहो,

गलातीयो 5:6

जेवी मसी यीशु माय एक एतेह, तेवी नाह खेतनान काह काम हे, एने नाह बिगेर खेतनान एणेन; पुण फोक्‍तो बोरहान जो मोंगान द्‍वारा ईथे।

इफिसीयो 2:10

काहाकाय आमु बोगवानान बाणायेल हेते, एने मसी यीशु माय ता हाजा कामान केरता बोणेल हेते, जाह बोगवान पेलुस आमुह केरनेन केरता तियार किरेल हे।

इफिसीयो 3:17

एने बोरहान द्‍वारे मसी तुमरा मोना माय बोही काय तुमू मोंग माय मोजबुत एने पाको एन,

इफिसीयो 4:2

आखी दीनता एने गेरबोड़ाय माय दिर देरीन आपसाम मोंगा माय एका दिहरान वेठ लिवो।

इफिसीयो 5:2

जिहकेरीन मसी आपुह मोंग किऱ्यो, एने आपणे केरता सोताह मोग मोग गेंदाणार आस्त्रान गेत बोगवानान केरता एक बेट एने बोलीन रूप माय चेड़ाव दिनो, तिहेस केरीन मोंग माय जीवाय जीवो।

इफिसीयो 5:27

एने तीह एक चोमेकणी मोंडली बोणावीन ता हेऱ्यो उबो केरी, ती माय नाह डाग, चोखो पोणा, निर्दोस, नाह जोरवरी, एने नाह काय कोमी चोखाली एने निर्दोस एय।

फिलेपियो 2:15

काहाकाय तुमू जी खाराब वोसी माय बोगवानान निर्दोस सोरा बोणीन रिवो, जान विची माय तुमू जीवायीन वचन लेतेन दुनिया माय हेलेगताला दिवान गेत देखातेह।

कुलुसी 1:22

तो एवी सारिरीक सेरीर माय मोतीन द्‍वारे तुमू बोगवाना हेऱ्यो दोस्ती बाणाव लिदो, काहाकाय तुमूह तान सामने चोखाला एने बिगेर पापान, एने निर्दोस बाणावीन उबराखे।

कुलुसी 2:2

काहाकाय तान मोनाह उत्साह जुड़ी एने ता मोंगा माय एक एय जाय, एने तो पुरो देन जो खेरला सोमेज केरीन सापड़ेह ताह जुड़ जाय। इहकेरीन ताह आबोख बोगवानान बेदान मालुम पोड़ जाय, जो मसी खुद हे।

कुलुसी 3:12

एने तुमू बोगवानान माणहे हेते; तो तुमूह मोंग किरेह एने तान आपणा बोणनेन केरता निवाड़ेल हे, ते ओवतो मोटली गीण, बोलाय, गेरबोड़ाय, नम्रता एने दिराह पिरो।

1 थिस्सलुनिक्यो 3:12

एने मालीक मालीक माय आमरो मोंग तुमू पोर हे, तिहेस केरीन तुमरो मोंग एक दिहरा माय एने आखा माणहाम वोड़ी, एने वोड़ती जाय।

1 थिस्सलुनिक्यो 4:7

काहाकाय बोगवान आपुह एठा एणेन केरता नाह, पुण चोखाला एणेन केरता हादिल हे।

2 तीमुथीयुस 1:9

तो आमरा कामान वोजेसे नाह, पुण तान योजना एने गीण माय आमुह सुटकारो आप्यो एने चोखाली हादावणी माय हाद्यो, ज्यी गीण मसी यीशु फाय आवणे माय आमु पोर ईयेल एती।

2 तीमुथीयुस 2:10

ज्यानकेरता मी निवाड़ेल माणहान केरता आखो काय वेठथु, काय ता बी ता सुटकाराह जो मसी यीशु माय हे जेलेमक्यो बोड़ाय हेऱ्यो जुड़ी।

2 तीमुथीयुस 2:19

तीबी बोगवान बाणायेल पाको पायो बोणीन रीथे, एने ता पोर सिक्को बी लागाड़ेल हे: “मालीक तान जा माणहे हेते ताह ओलखेह,” एने “जो कुण मालीकान नाव लिथे, तो अन्याय केरने से वोचीन रेय।”

याकुब 2:5

एय मारा मोंगाल्ला बाय बोणहा, हुमलो काय बोगवान दुनियान नेजरीम जा गेरीब हेते ताह निवाड्यो काय बोरहा माय मालदार एने ता राज ने आदिकारी एय, जान वायदो तो ता हिऱ्यो किरेल हे जा ता पोर मोंग केरतेह?

1 पतरस 1:2

तुमू बोगवान आबाख ने वातीन केरता निवाड़ाय जायेल हेते एने तान जीवान कामान उगे रेन, चोखाला माणहे ठेराय जायेल हेते, ज्यानकेरता काय यीशु मसीन उकुम माने एने यीशु मसीन लुयी केरीन चोखो एय जाय, तुमूह गीण एने सान्ती जुलूम काय जुलूम जुड़ते रेय।

1 पतरस 1:20

बोगवानान इकेल दुनियाह बोणनेन पेलुच रेन सोमजाय जायेल एती, पुण एवी ज्या सेवल्या काला माय तुमरी केरता देखानो।

1 पतरस 2:9

पुण तुमू ते एक निवाड़ेल वोस, एने राजकिय चाकर्‍यान सोमाज, एने चोखाला माणहे, एने बोगवानान सोतान माणहे हेते, ज्यानकेरता काय जो तुमूह आदारलाम रेन तान मोटला उजालाम हादेल हे, तान गुण देखाड़ो।

2 पतरस 3:14

तानकेरता, एय मोंगाल्ला, ज्‍यु वातुन वाट जोवतेह ताहार, कोसीत किरो काय तुमू सान्ती माय बोगवानान सामने विणढाग्या एने निर्दोस ठेराहो,

1 योहान 4:16

जो मोंग बोगवान आपुह किरेह, ताह आपु जाण गीयाह एने आपुह ता पोर बुरहो हे। बोगवान मोंग हे, एने जो कुण बी मोंग माय बोणीन रीथे तो बोगवाना माय बोणीन रीथे, एने बोगवान ता माय बोणीन रीथे।

प्रकाशितवाक्य 13:8

दुनियाह बाणावणेन पेल जान नाव मारायेल मेंड्रान जीवणान पुस्तेक माय लिखेल हेते, ताह सोड़ीन आखी देरती पोर रेणारे माणहे ता जेनवेरान आरादना केरती।

प्रकाशितवाक्य 17:8

जो जेनवार तु दिखेल हे, तो पेल केवी तीबी जिवतालो एतो पुण एवी जिवतालो नाह सोतो; तीबी तो नेरेग कुंड माय रेन बाहेर निकली तेवी तान नास एय जाय। दुनियान सुरवाती रेन जा माणहान नाव जीवणान पुस्तेक माय लेखाय नाह गीयो, ता जेनवेराह जो पेल जिवतालो एतो पुण एवी जिवतालो नाह सोतो, पुण तो पोशो आवण्यो हे, ज्यो देखीन दुनियान आखा माणहे बोंगलाय जाती।