2 पतरस 3:9 - खेरलो वचन नोवालो नियम

⁹ मालीक तान वचनाह पुरो केरनेन वार नाह लागाड़ेत, जोहली वार थोड़ाक माणहे सोमेजतेह; पुण तुमरे बाराम दिर दिरेह, एने एगदान नास एय नाय ओहली तान मोरजी हे, पुण ज्यो काय आखाह पासतावो केरनेन टेम जुड़ी।

नाहाली

⁹ प्रभु तान प्रतिज्ञान विषय माय वार नाह केरणे, जोहलो वार किहिक माणहा सोमजणु; पुण तुमरे विषय माय धीर देरणे, ताह नाह जुवीत का कूण नाश एय, पुण ज्यानकेरता कि आखाह मोन फिरावणेन टायम जुडी.

2 पतरस 3:9 Iomraidhean Croise

रोमीयो 13:11

टेमाह ओलखीन इहकेरीन किरो, ज्यानकेरता काय जेवी तुमरी केरता निंद माय रेन जाग उठणेन टेम आव पुचेल हे; काहाकाय जी टेम आपु बुरहो किरेल एता, ता टेमान विचार केरीन एवी आमरो सुटकारो आहने हे।

रोमीयो 13:12

रात जुलूम एय जायेल हे, एने दिह उगणे माय हे; तानकेरता आपु आदारलान कामाह सोड़ीन उजालान आथ्‍यार बांद लिज्यो।

रोमीयो 2:4

काय तु तान मोटली गीण, एने सहनशीलता, एने दिरीह नेचो जाणेह? काय ज्य नाह सोमजेत काय बोगवानान गीण तुवाह मोन बोदेलनेन उगे ली जाथे?

रोमीयो 9:22

ते ज्या माय काल्ली बोंलाणेन वात हे काय बोगवान तान राग देखाड़ने एने तान ताकेत देखाड़नेन मोरजी से रागान ठामलान, जा खेतेमान केरता तियार केराय जायेल एता, जुलूम दिर खाईन वेठ्यो;

1 तीमुथीयुस 1:16

पुण माहु पोर ज्यानकेरता गीण एनी काय मी आखाम रेन मोटला पापी पोर मसी यीशु तान आखी सहनशीलता देखाड़ी, काय जा माणहे यीशु पोर पासाण रेन बुरहो केरती एने ता जेलेमक्यो जीवाय सापड़ावती तान केरता मी एक आदर्श बोणु।

1 तीमुथीयुस 2:4

तान ओहली मोरजी हे काय आखा माणहान सुटकारो एय, एने ता खेरायीह हास केरीन जाण लेय।

इब्रानियो 10:37

काहाकाय पुस्तेक किथे: “एवी जुलूम कोम टेम रेय जायेल हे, जेवी काय आवणार आवी; एने वार नाय लागाड़ी।

1 पतरस 3:20

ता ज्या जीव हेते जा ती टेम बोगवानान उकुम नाह मान्नारे एता जेवी नुहान डोंडह्यो बोणने बाजरियेल एतो एने बोगवान दिर देरीन वाट जोवतालो। ता डोंडह्‍याम फोक्‍तो आठ जाणे पाण्याह रेन वोच गीया।

2 पतरस 1:4

काहाकाय यीशु न्यास ने वोजेसे आपुह तान किमतीदार एने जुलूम मोटलो वायदो आपेल हे: ज्यानकेरता काय तान द्‍वारे तुमू ती बुरायीह रेन सुटीन, जी दुनिया माय खाराब मोरजी केरीन ईथे, बोगवानान सोबावाम बेलाय जावो।

2 पतरस 3:15

एने आपणा मालीकान दिर जो आपुह आपेल हे सुटकारान टेम सोमजो, जीहे आपणो मोंगाल्लो बाहख पौलुस बी ती एकलीन केरीन जो बोगवान ताह आपेल ईतो, तान वापेर केरीन लिखेल ईतो।

प्रकाशितवाक्य 2:21

मी तीह पापा माय रेन मोन फिरावणेन केरता मुको आपेल, पुण ती सोता सिनालो केरने से मोन फिरावणे नाह हुदीत।