1 तीमुथीयुस 6:5 - खेरलो वचन नोवालो नियम

⁵ एने ता माणहा माय फालतुक राड़ एत्युह, तान बुद्दी बिगेड़ जायेल हे, एने ता खेरायीह रेन सेटा एय गीयाह, जा सोमेजतेह काय बोक्ती कामाईन वाट हे।

नाहाली

⁵ एने ता माणहामाय वाया लेडाणे निर्माण ऐतेह, ज्यान बुद्धी बिघाडणी गीयी, हेते एने ते सत्यापासून विहित यीन गीया हेते, जे होमोजणु भोक्ती कामान केरता बायणो हि.

1 तीमुथीयुस 6:5 Iomraidhean Croise

मत्ती 12:33

“केदी जाड़ हाजो हे, ते तान फोल बी हाजो रेय; पुण केदी जाड़ खाराब रेय, ते तान फोल बी खाराब रेय, काहाकाय जाड़ तान फोला केरीच ने ओलखाय जाणे।

मत्ती 21:13

एने ताह केयो, “वचन माय लिखेल हे, मारो गेर विन्तान गेर केवाय, पुण तुमू ताह डाकुन पाड़ावो बाणाव मेल्याह!”

मत्ती 23:13

एय कोपटी देरेमगुरू एने फरिसी तुमरे पोर हाय। तुमू माणहान केरता हेरगान राज ने बायणो बोंद केरतेह, नाहते सोता ता माय रिगतेह, नाहते ता माय रिगणाराह रिगणे देतेह।

1 कुरिंथीयो 11:16

पुण केदी कुण बोलाचाल केरने होदि, ते ज्यो जाण लेय काय नाह आमरी एने नाह बोगवानान मोंडलीन ओहली रिती हे।

2 थिस्सलुनिक्यो 3:6

एय बाय बोणहा, आपणा मालीक यीशु मसीन नावा माय आमु तुमूह उकुम आपतेह, एने तुमू एकेक ओहला विश्वासी बाय बोणहा रेन आलेग रिवो जा खाराब चाल चालतेह, एने जी हिकवोण आमु फाय रेन होमलेल हे तान गेत नाह केरती।

1 तीमुथीयुस 1:6

थोड़ाक माणहे ते जी वातु से बोटकीन फालतुक वातु माय फोस जायेल हेते।

1 तीमुथीयुस 3:3

तो दारूड्यो एने राड़कुट केरनार नाय रेणे जुवे, पुण गेरबोड़ो रेणे जुवे, एने लेड़ाणार, एने मालदेनान लोबी नाय रेणे जुवे।

1 तीमुथीयुस 3:8

तिहेस केरीन पावोर बी हाजा सोबावान रेणे जुवे, दुय मुंड्यो एने दारूड्यो, एने ठेगीन पोयशा कामावणार नाय रेणे जुवे।

1 तीमुथीयुस 4:7

पुण बोगवानाह नाह जाणते त्यु डोकर्‍युन वार्ताह रेन सेटा रिवो; एने बोक्‍तीन मेहनेत केर।

1 तीमुथीयुस 4:8

काहाकाय सेरीरान मेहनेत कोम फायदान हे, पुण बोक्ती केरने आखी वातुन केरता फायदो हे, काहाकाय ताह एवीन एने आवता जीवणान बाराम वायदो जुड़ेल हे।

1 तीमुथीयुस 6:6

पुण खुसी माय बोक्ती केरने माय ने आखाम रेन मोटली कामाय हे।

2 तीमुथीयुस 3:5

ता बोक्‍तीन वेह ते देरती, पुण तान सेक्तीह नाय मानती; ओहला माणहा हेऱ्या रेन सेटा रिज्यो।

2 तीमुथीयुस 3:8

जिहकेरीन यन्नेस एने यम्ब्रेस न्या मुसान विरोद किरेल एता, तिहेस केरीन ज्या बी खेरायीन विरोद केरतेह; ता ओहला माणहे हेते, जान बुद्दी बिगेड़ गियीह, एने ता बोरहान बाराम आरवाय जातेह।

तीतुस 1:11

तान मुय बोंद केरने जुवे, एने ज्या माणहे ठेगीन कामावणेन केरता जी वातु हिकाड़ने नाय जुवे, ओहल्यु वातु हिकाड़ीन गेराणान आखा माणहाह बिगाड़ देतेह।

2 पतरस 2:15

ता हुतरी वाटीह सोड़ीन बोटकी जायेल हेते, एने बोओर ने बिटोख बिलाम ने वाटी पोर चाल पुड़ेल हेते, जो खाराब कामान मोंजरीह मोंगाल्ली जाणेल ईतो।

2 पतरस 2:3

ता लोबा माय आवीन ज्युठ्यु वातु बाणावती। एने तुमरे फाय रेन गेलेत फायदो विसती, डेंड ने उकुम ते ता पोर पेलुस रेन एय जायेल हे, एने तान खेतेम एणे जोरेवरी हे।

यहुदा 1:11

ता पोर हाय! काहाकाय ता केनान गेत चाल चालना, एने बिलाम ने गेत मोंजरीन केरता खाराब एय गीयाह, एने विरोद केरीन कोरह ने गेत खेतेम एय गीयाह।

प्रकाशितवाक्य 18:13

एने दालचीनी, मासालो, एसेल गेंदाणार वोस्तु, हालीयान डिक; दारो, तेल, मोयदो, गोव, गाय बुयेल, मेंड्रा बोकड्या, गोड़ा, तांगो, पावोर, सेरीर एने माणहान जीव वोर।

प्रकाशितवाक्य 18:3

काहाकाय आखा देस तान दारो मतलब खाराब ने बियावी ओहली आदेतीह पियेल हेते। ज्यी देरतीन राजा ती हेऱ्या खाराब सिनालो किरेल हेते, एने देरतीन वेपारी तान हुख ने कारेण मालदार एती गीयाह।”