1 तीमुथीयुस 3:16 - खेरलो वचन नोवालो नियम

¹⁶ ज्या माय संका नाह सोतो काय बोक्‍तीन मालमात ते मोठो हे; तो सेरीर माय एन आवो, चोखाला जीवा माय देरमी ठेरानो, हेरोगदुताह देखानो, एने दिहरा देसा माय तान पारचार एनो, दुनिया माय ता पोर बुरहो केराय गीयो, एने बोड़ाय माय हेरगाम उखलाय गीयो।

नाहाली

¹⁶ याम शंका नाहं कि भगत रहस्य कठीण हि, म्हणजे, तो जो शरीर माय प्रकट एनो, आत्मा माय खेरो ठेरेल, स्वर्गदूताह देखानो, दिहरी जातीमाय तान पोरचार एनो, जगाम तापोर विश्वास किरील गीयो, एने महिमात उपेर विशेल गीयो.

1 तीमुथीयुस 3:16 Iomraidhean Croise

मत्ती 1:23

“दिखो, एक कुवारली सोरीह दिह रेती, एने ती एक सोराह जेणी एने तान नाव इम्मानवेल मेलाय जाय,” तान मतलब हे, “बोगवान आमरी हिऱ्यो हे।”

मत्ती 13:11

यीशु ताह जापाप आप्यो, “तुमूह हेरगान राज ने मालमात ने सोमेज आप दियेल हे, पुण ओयाह नाह।

मत्ती 28:2

एने उचकाहुच मुठलो बुकम्प ईनो, काहाकाय मालीकान एक दुत हेरगा माय रेन उतऱ्यो, एने माहणान आहने आवीन ता देगड़ाह सिटो केर दिनो, एने ता पोर बोह गीयो।

मत्ती 3:16

जेवी यीशु बपतीस्मा लेन पाण्या माय रेन उपेर आवो, एने दिखो, हेरोग उगड़ी गीयो, एने तो बोगवानान जीवाह पेरवान वेहा माय तान उपेर उतेरतालो दिख्यो।

मत्ती 4:11

तेवी सैतान ताह सोड़ीन जात रिनो, एने दिखो, हेरोगदुत आवीन तान सेवा चाकरी केऱ्या।

मरकुस 1:13

एने उजाड़ी माय चालीह दिह वोर सैतान यीशुन पारेख किरते रिनो; एने यीशु जेंगली जेनवेरा हिऱ्यो रिनो, पुण हेरोगदुत आवीन तान सेवा चाकरी केऱ्या।

मरकुस 16:19

मालीक यीशु ता हिऱ्यो वातु केरनेन पासाण हेरगा माय विसाय गीयो, एने बोगवानान जीवड़े उगे बोह गीयो।

मरकुस 16:5

माहणा माय रिगताच, त्यु एक जुवानाह दोवल्या फाड़का पिरेल ईतो, ताह जीवड़े उगे बुहेल देखीन त्यु जुलूम बिय गीयु।

लुका 2:32

काय तो दिहरी जातीन माणहाह खेरायीह देखाड़ी, एने तारा निवाड़ेल माणहे इस्राएलान बोड़ाय एय”

लुका 20:44

दाऊद ते मसी मालीक किथे; ते ओवतो तो तान वोच किहीक एय सेकी?

लुका 22:43

तेवी हेरगाम रेन एक हेरोगदुत यीशुह देखानो जो ताह ताकेत आपतालो।

लुका 24:4

तो देखीन त्यु बोंगलाय गीयु, पुण तुलेचबूखे दोवल्या पिपेलन्या फाड़का पिरील, दुय माणहे त्युन आहनेच आवीन उबरेय गीया।

लुका 24:51

एने ताह बोरकेत आपते लेन तो ता हिऱ्यो रेन आंगे एय गीयो, एने हेरगा माय विसाय गीयो।

यूहन्ना 1:14

एने सोबदो माणहान सेरीर बोणीन आवो, एने गीण एने खेराय माय पाको एन आमरी विचीम रिनो। एने आमु तान ओहली बोड़ाय देख्या, जिहकेरीन आबाख ने एकुस बेटाख ने बोड़ाय।

यूहन्ना 13:3

यीशुह मालुम एतो काय आबोख आखो काय मार आथाम आप दियेल हे, एने मी बोगवाना फाय रेन आयेल हे; एने बोगवाना फाय जाथु।

यूहन्ना 15:26

पुण जेवी तो मोदेक केरनार आवी, जाह मी तुमरी फाय आबाख फाय रेन मोकलुह, मतलब खेरायीन जीव जो आबाख फाय रेन निकलेह, ते तो मारी गोवाय देय;

यूहन्ना 16:28

मी आबाख ने उगे रेन दुनिया माय आयेल हे; मी एवी पुशो दुनियाह सोड़ीन आबाख फाय जाथु।”

यूहन्ना 17:5

एने एवी एय आबा! तु तार हिऱ्यो मार बोड़ाय ती बोड़ाय से देखाड़, जी दुनिया बाणावणेन पेल किरेल ईतो।”

यूहन्ना 20:12

एने जाहरी यीशुन देड़ मीलेल एतो, ताहरी दोवल्या फाड़का पिरील दुय हेरोगदुत एक मुंडान उहत्ये, एने दिहरो पायता बोह रियेल तीह देखाना।

यूहन्ना 6:62

एने केदी तुमू माणहान बेटाख जाहरी तो पेल ईतो, ताहरी उपेर जातालो दिखहो, ताहार काय एय?

प्रेरितान काम 1:19

एने ज्यी वातीह यरूशलेम हेयरा मायवाला आखा माणहे जाण गीया, तानकेरता तान बाषा माय ता खेतान नाव हकलदमा मतलब लुयीन खेत पोड़ गीयो।)

प्रेरितान काम 10:34

तेवी पतरस केयो, “एवी माहु खेरीच मालुम एय गीयो काय बोगवान कुणीन बी बेदबाव नाह केरने।

प्रेरितान काम 14:27

एने जेवी ता अन्‍ताकिया माय पोचना ते मोंडलीह टुलो केऱ्या, एने जो बोगवान ता हिऱ्यो रेन किरेल तो केय होमलाया, एने बिगेर यहुदिह बुरहो केरनेन केरता किहीक बायणो उगाड़ दिनो।

प्रेरितान काम 20:28

तुमरो एने तुमरा आखा टोलान राखवाली किरते रिवो। चोखालो जीव ताम रेन तुमूह कालजी केरनार ठेरायेल हे काय तुमू बोगवानान ती मोंडलीन राखवाली किरो, जीह बोगवान तान लुयी केरीन वेचातो लियेल हे।

रोमीयो 10:12

यहुदि एने युनानी माय काय फारेक ना सोतो, ज्यानकेरता काय तो आखान मालीक हे एने तान आखाह नाव लेणारान केरता मालदार हे।”

रोमीयो 10:18

पुण मी केथु, काय ता नाह होमल्या? होमलेल ते खेरीच एता; काहाकाय लिखेल हे, “तान नांद आखी देरती पोर, एने तान वचन दुनियान कोपरे कोपरे वोर पोच जायेल हे।”

रोमीयो 16:25

ता बोगवानान बोड़ाय एय जो ता बोरहान गेत तुमूह मारी हाजाली खुबेर मतलब यीशु मसीन हिकवोणीन पारचारान गेत स्थिर केर सिकेह, ता बेदान उजालान गेत जो जेलेमक्योस लिकायेल ईतो।

रोमीयो 16:26

पुण एवी देखीन जेलेमक्या बोगवानान उकुमा केरीन जाणकारान पुस्तेक ने द्‍वारा आख्‍यु जात्युह कियेल हे काय ता बुरहो केरीन उकुम मान्नारे एय जाय,

रोमीयो 3:4

केदिस नाह! पुण बोगवान खेरलो एने एकेक माणुह जुठो ठेराय, पुस्तेक माय लिखेल हे, “जाकेरीन तु तारी वातु माय खीरलो एने न्यायी ठेराय सिकेह, एने नियाव केरने बुखेत तुवाह जिक जुड़ी।”

रोमीयो 8:3

काहाकाय जा काम नेम सेरीरान वोजेसे कोमजोर एन नाह केर सीक्‍यो, ताह बोगवान किऱ्यो, मतलब तास ने बेटाख पापा वालो सेरीरान गेतुस एने पापान बोली एणेन केरता मोकलीन, सेरीर माय पापा पोर डेंडान उकुम आप्यो।

रोमीयो 9:5

डायडाया तास ने हेते, एने मसी बी सेरीरान गेत तास माय रेन ईनो। जो आखान उपेर जेलेम बोरकेतवालो बोगवान हे। आमेन।

1 कुरिंथीयो 15:47

पिल्लो माणुह आदम माटड्यान एतो, दिहरो हेरगान हे।

1 कुरिंथीयो 2:7

पुण आमु बोगवानान तो लिकायेल इकेल, मालमात ने रिती पोर केतेह, जाह बोगवान केल बाणावणेन पेलुच रेन आमरी बोड़ाय ने केरता निवाड़ेल हे।

2 कुरिंथीयो 1:19

काहाकाय बोगवानान सोरो यीशु मसी जान आमरे द्‍वारे मतलब मार एने सिलवानुस ने एने तीमुथीयुस ने द्‍वारे तुमरी विचीम पारचार एनो, ता माय होव एने नाह दुयू नाह एता, पुण बोगवानान उगे रेन होवुज एती।

गलातीयो 2:8

काहाकाय जो पतरस खेतना वालान माणहाह प्रेरिताईन काम मोटलो प्रबावा बेल केरायो, तोस माहु बी बिगेर यहुदि माय प्रबावशाली काम केरायो,

गलातीयो 4:4

पुण जेवी टेम पुरो एनो, ते बोगवान तान बेटाख मोकल्यो जो बायकु से पायदा ईनो, एने तो नेमान काबाम जीवतालो,

इफिसीयो 1:9

काहाकाय बोगवान तान मोरजीन मालमात, तान हाजा उद्देशान गेत देखाड़ेल हे, जो तो खुद मसी माय स्थापित किरेल ईतो।

इफिसीयो 6:19

एने मार केरता बी विन्ता किरो काय जेवी मी वचन केणेन केरता मुय खोलुह, तेवी माहु ईमोत हेऱ्यो हाजाली खोबरीन मालमात केय सेकु।

कुलुसी 1:23

केदी तुमू बोरहान आदार पोर मोजबुत बोणीन रिहो, एने ती हाजाली खोबरीन आसाह जीह तुमू होमलेल हेते मा सोड़ो, जान पारचार जुगान नेचली आखी बाणावोट माय केराय गीयो, एने जान मी पौलुस सेवक बोणेल हे।

कुलुसी 1:27

बोगवानान ज्यी योजना एती काय तान माणहा पोर जी लिकायेल वात देखाड़ी काय ज्यो लिकायेल कोलीक बोड़ाय मोंगी हे, जी तान माणहान केरता हे। एने ज्यी लिकायेल वात ज्यी हे काय मसी तुमरे माय हे मतलब तुमू बोगवानान बोड़ाय ने आसा माय बागी एय सेकतेह।

कुलुसी 1:6

हाजाली खुबेर बोरकेत लावेह एने पुरी दुनिया माय पोसेरते जाथे, तिहेस केरीन जिहकेरीन तुमरे विचीम ते दिह रेन हे, जेवी तुमू पेल्‍ली वार बोगवानान गीणीन बाराम होमल्या एने मालुम पोड़नो काय ज्यो खेरीच हे।

कुलुसी 2:2

काहाकाय तान मोनाह उत्साह जुड़ी एने ता मोंगा माय एक एय जाय, एने तो पुरो देन जो खेरला सोमेज केरीन सापड़ेह ताह जुड़ जाय। इहकेरीन ताह आबोख बोगवानान बेदान मालुम पोड़ जाय, जो मसी खुद हे।

2 थिस्सलुनिक्यो 1:10

ज्यो ते दिह एय, जेवी यीशु तान चोखाला माणहाम बोड़ाय होदणे एने आखा बुरहो केरनाराम बोंगलाणेन कारीन एणेन केरता आवी। एने तुमू बी ता माय बाग लिहो; काहाकाय आमरी गोवाही पोर तुमू बुरहो किरेल एता।

2 थिस्सलुनिक्यो 2:7

काहाकाय एदेरमान लिकायेल ताकेत एवी बी काम किरेह, पुण एवी एक रोकणार हे, एने जाह वोर तो सिटो नाय एय जाय ताह वोर रोक रेय।

1 तीमुथीयुस 3:9

पुण बोरहान खेरलो चोखो मोनाह होमालीन मेली।

इब्रानियो 1:3

तो बोगवान बोड़ाय ने उजेड़ एने तान वेहान साप रूप हे, तोच आख्‍यु वोस्तुह तान ताकेतीन वचना केरीन होमालने। जेवी तो आपुह आपणा पापाम रेन दोव दियेल ईतो, ते तो मोटली बोड़ाय पोर बुहेल बोगवानान जीवड़े उगी बोह गीयो।

इब्रानियो 12:2

एने बोरहाह बाणावणार एने खेरो केरनार यीशुन उगे टिंगते रेता, जो ती खुसीन केरता जी तान ओंगाण दिरेल ईतो, लाज ने काईच चिन्ता नाह केरीन खुरूसखाम ने दुख विठेल, एने बोगवानान राजगादिन जीवड़े उगे जाय बुहेल हे।

इब्रानियो 7:7

ज्या माय काईच सुवशो नाह सुतो काय जो बोरकेत आपेह, तो बोरकेत आपणाराह रेन मुठो रिथे।

इब्रानियो 8:1

जो काय आमु केतेह, तान मुखी वात ज्यी हे काय आपु फाय खेरीच एक उहलो मुखी चाकर्‍यो हे, जो हेरगा माय मोटला बोगवानान राजगादिन जीवड़े उगे जाय बुहेल हे,

1 पतरस 1:12

बोगवान ता जाणाव केरनाराह देखाड्यो काय ता सोतान नाह पुण तुमरी सेवान केरता ज्‍यु वातु केऱ्या केरताला, जान खुबेर एवी तुमूह तान द्‍वारा जुड़नी जा चोखाला जीवान उगे रेन, जो हेरगाम रेन मोकलाय गीयो, तुमूह हाजाली खुबेर होमलाड्या; एने ज्‍यु वातुह हेरोगदुत बी हास केरीन देखणेन आसा मेलतेह।

1 पतरस 1:20

बोगवानान इकेल दुनियाह बोणनेन पेलुच रेन सोमजाय जायेल एती, पुण एवी ज्या सेवल्या काला माय तुमरी केरता देखानो।

1 पतरस 1:21

तान द्‍वारा तुमू ता बोगवाना पोर बुरहो केरतेह, जो ताह मुरेल माय रेन जीवाड्यो एने बोड़ाय आप्यो काय तुमरो बुरहो एने आसा बोगवाना पोर टिकीन रेय।

1 पतरस 3:18

ज्यानकेरता मसी बी आखा पापान केरता एकुस वार मुरेल काय आपुह बोगवानान आहने खेरला बोणावीन पोचाड़ी एने तो सेरीरा केरीन ते माराय गीयो, पुण जीवा माय जीवाड़ाय गीयो।

1 पतरस 3:22

यीशु हेरगा माय जाईन बोगवानान जीवड़े उगे बुहेल हे; एने हेरोगदुत एने हेरगावाला आदिकारी एने ताकेत तान ताबाम केराय जायेल हेते।

1 योहान 1:2

तो जीवाय आमुह देखानो, एने ताह आमु देख्या, एने तान गोवाय देतेह; एने ता जेलेमक्या जीवणान खुबेर तुमूह आपतेह तो आबाख हेऱ्यो एतो एने एवी आमरी विचीम आवो।

1 योहान 3:5

एवी तुमू ज्यो जाणतेह काय तो ज्यानकेरता आवो काय पापाह उखलीन ली जाय; एने ता माय कायच बी पाप नाह सोतो।

1 योहान 3:8

जा माणहे पाप केरतेह ता सैतानान उगे रेन हेते, काहाकाय सैतान सुरवाती रेन पाप केरती आयेल हे। एने सैतानान कामाह खेतेम केरनेन केरता बोगवानान बिटोख आयेल।

प्रकाशितवाक्य 17:5

तीन निंडालो पोर ज्यो नाव लिखेल एतो: “मालमात, मोटलो बाबिलोन सिनालो केरनारान एने देरतीन खाराब वोस्तुन आहख।”

प्रकाशितवाक्य 17:7

तेवी तो हेरोगदुत माहु केयो, “तु काहा बोंगलाह? मी हात मुंड एने दोह हिंगवाला जेनवेराह एने ता पोर बोहणारी बायकुन मालमात तुवाह केह।”

प्रकाशितवाक्य 7:9

ज्यान पासाण माहु एक गेणाय नाय ओहली माणहान मोटली गेरदी देखानी, ज्या माणहे एकेक देस, गेराणो, जाती एने आलेग आलेग बाषा बोलने वाला एता, ता माणहे राजगादि एने मेंड्रान ओंगाण दोवल्या फाड़का पेरीन आथा माय खजुर ने डालख्यु लेन उबरियेल एता।