1 थिस्सलुनिक्यो 4:3 - खेरलो वचन नोवालो नियम

³ बोगवानान मोरजी ज्यी हे काय तुमू समर्पित एयीन पुरा चोखा बोणी: एने सिनालाह रेन वोचीन रिवो,

नाहाली

³ कारण बोगवानान ईच्छा हि कि तुमूह पवित्र बना: म्हणजे व्यभिचारा पासून सेटो रीवू,

1 थिस्सलुनिक्यो 4:3 Iomraidhean Croise

मत्ती 12:50

काहाकाय जो कुण मार हेरगावाला आबाख ने मोरजी पोर चाली, तोस मार बाहख, एने मार बोणीख, एने मारी आहख हे।”

मत्ती 15:19

काहाकाय खाराब विचार, खुन, चोरी, सिनालो, दिहरा सिनालाम फासाड़ने, जुठो पुरावो, एने चिहटा मोना माय रेन निकेलने।

मत्ती 5:32

पुण मी तुमूह ज्य केथु काय जो कुण तान बायकुह सिनाला सावाय दिहरा काल्ला बी कारणा से सोड़ेह, तो तीह सिनालो केरावेह; एने जो कुण ती सोड़ दियेल बायकु हेऱ्यो वाराड़ किरेह, तो सिनालो किरेह।”

मत्ती 7:21

जा माहु, “एय मालीक, एय मालीक केतेह,” ता माय रेन एक बी हेरगान राज माय जाय नाय सेकी, पुण तास जाय सेकती जा मारा हेरगावाला आबाख ने मोरजी पोर चालती।

मरकुस 3:35

काहाकाय जो कुण बोगवानान मोरजी पोर चाली, तोस मार बाहख, मार बोणीख एने मार आहख हे।”

यूहन्ना 4:34

यीशु चेलाह केयो, “मारो खाणो ज्यो हे काय जो माहु मुकलेल हे, ताह पुटे तिहे चालु एने तान काम जो माहु हुपेल हे तो पुरो केरू।

यूहन्ना 7:17

जो कुण बोगवानान मोरजी पोर चालने होदि, ताहार तो ज्या हिकवोणान बाराम जाण जाय काय ज्यो बोगवानान उगे रेन हे, तो काय मी मार उगे रेन बाणावीन केथु।

प्रेरितान काम 15:20

पुण आमुह ते ता फाय चिट्ठी लेखीन मोकेलने जुवे; काय ता ओहलो खाणो नाय खाणे जुवे जो रितीन गेत एठो हे काय मुरती पोर चेड़ायेल हे, सिनाला हेऱ्या रेन ता सेटा रेय एने गिलो टिबलीन मारील काल्ला बी जेनवेरान माह एने लुय नाय खाय।

प्रेरितान काम 15:29

एने मुरतीन सामने चेड़ायेल चिज, एने लुयीह रेन एने गिलो दाबीन मारील जेनवेरान माहाह रेन एने सिनालाह रेन सेटा रिवो। केदी तुमू न्याह रेन सेटा रिहो ते तुमरो हाजो एय। ओंगाण आमरे उगे रेन हाजो।”

प्रेरितान काम 20:32

“एने एवी मी तुमूह बोगवान एने तान गीणीन खोबरीन आथाम चोखो केरीन होप देथु, तोस तुमूह बांद सिकेह एने बोगवानान आखा माणहा हेऱ्यो तुमूह बोरकेत आपाड़ सिकेह।

प्रेरितान काम 26:18

तान डोला उगाड़ने एने ताह आदारा माय रेन उजाला माय लावणे, एने सैतान ने आदिकार माय रेन बोगवानान उगे फिरनेन केरता, तुवाह मोकेलने बाजरिनोह। ताहसे तुवाह होमालीन मेलुह, ज्याह से ता पापान माफी सापड़ावती एने ता माणहान जागो सापड़ावती जो मार माय बोरहान कारेण चोखा ईयेल हेते।”

रोमीयो 1:29

तानकेरता ता आखी बातीन गुनो, एने खाराब काम, लोब, कुयराय, खुन, राड़, एने कोपेट एने अन्याय केरीन पुरा बोराय गीया एने चुगली,

रोमीयो 12:2

ज्यी दुनियान गेत मा बुणो; पुण तुमरा मोनान नोवाला एय जाणे से तुमरो बोलनो चालनो बी बोदेलती जाय, जाकेरीन तुमू बोगवानान हाजाली, एने पोटनार, एने सिद्द आसा अनुबव केरीन मालुम केरती रिवो।

रोमीयो 6:22

पुण एवी पापाह रेन सुटीन एने बोगवानान गुलाम बोणीन तुमूह ज्य फोल जुड़नो जाकेरीन चोखा पोण सापड़ेह, एने तान सेवेट जेलेमक्यी जीवाय हे।

1 कुरिंथीयो 1:30

बोगवान आपु मसी यीशु माय समर्पित केरीन एक एणेन केरता हादिल हे, एने बोगवान आमरे केरता मसीह इकेल बाणायो। एने तान द्‍वारे नियाव केरनार, एने चोखा एने सुटकारो जुड़ेल ठेरायु।

1 कुरिंथीयो 7:2

काहाकाय जुलूम सिनालो एणे बाजरिनोह, केरीन एकेक एदम्याह सोतान बायकु रेणे जुवे, एने एकेक बायकुन बी सोतान एदमी रेणे जुवे।

2 कुरिंथीयो 12:21

एने ओहलो नाय एय काय मार बोगवान माहु पुशो तुमरी न्या आवणेन केरता माहु पोर दाबाव टाकी, एने माहु पोशो दुख मोणावणे पोड़ी जा पेल पाप किरेल एता, एने खाराब कामे, सिनालो एने हावुस जो ता केरतेह, मोन नाह फिराया।

गलातीयो 5:19

सेरीरान काम ते देखातेह, मतलब सिनालो, खाराब पोण, बोगविलास,

इफिसीयो 5:17

एने फोगा मा बुणो, पुण मालीकान मोरजी काय हे, ती सोमजी लिवो।

इफिसीयो 6:6

माणहाह खुस केरनारान गेत देखाड़नेन केरता सेवा मा किरो, पुण मसीन पावोरान गेत मोन से बोगवानान मोरजी पोर चालो।

कुलुसी 1:9

तानकेरता जेवी रेन आमु तुमरे बाराम होमलेल हेते ते दिह रेन आमु तुमरी केरता कायेम विन्ता किरेल हेते। काय तो पुरी आत्मिक बुद्दी एने सोमेज जो तान जीव आपेह तान मोरजीन इकेल केरीन तुमूह बोर देय।

कुलुसी 3:5

तानकेरता आपणा ता जेगान मोरजीह मार टाको, जी तुमू माय काम किरेह, मतलब सिनालो, एठोपोणा, खाराबपोणा, खाराब लालचाय एने लोबाह जो मुरती पुजान बाराबोर हे।

कुलुसी 4:12

यीशु मसीन सेवक इपफ्रास जो तुमरे माय रेन हे, तुमूह नमस्‍कार किथे। एने कायेम तुमरी केरता जीव तोड़ीन विन्ता किरेह, काहाकाय तुमू सिद्द एन पुरा बोरहा हेऱ्या बोगवानान मोरजी पोर टिकीन रिवो।

1 थिस्सलुनिक्यो 4:2

काहाकाय मालीक यीशुन आदिकार माय काल्ली काल्ली हिकवोण आमु तुमूह आपेल ज्यो तुमू जाणतेह।

1 थिस्सलुनिक्यो 4:4

एने तुमू माय रेन आखा एदमी ज्यो जाणने जुवे काय तुमू तुमरी बायकु हेऱ्यो चोखालाम एने मान हेऱ्या वेवार केरने जुवे।

1 थिस्सलुनिक्यो 5:18

एने आखी वातु माय बोगवानान दन्यवाद किरो; काहाकाय यीशु मसी माय तुमरो जो जीवणो हे, बोगवानान मोरजी जीज हे।

1 थिस्सलुनिक्यो 5:23

सान्ती आपणार बोगवान खुद तुमूह पुरो चोखो केरी; एने तुमरो चोखालो जीव एने जीवाह एने सेरीराह आपणा मालीक मसी यीशुह आवणे वोर पुरी रिते से निर्दोस एने होमालीन मेली।

2 थिस्सलुनिक्यो 2:13

एय बाय बोणहा, एने बोगवानान मोंगाल्ला माणहे, आमुह तुमरा बाराम कायेम बोगवानान दन्यवाद केरती रेतेह; काहाकाय बोगवान तुमूह सुरवाती रेन निवाड़ लियेल हे काय चोखाला जीवान द्‍वारे चोखाला बोणीन, एने खेराय पोर बुरहो केरीन सुटकारो लिवो।

तीतुस 2:14

जो सोताह आपणे केरता आप दियेल काय आपुह आखी बातीन खाराब माय रेन सोड़वे, एने आपुह तास ने चोखाला माणहे बाणावी हाजाला कामान केरता, केरीन कायेम तियार रिवो।

इब्रानियो 10:36

काहाकाय तुमूह दिर खाणो जोरवरी हे, काहाकाय बोगवानान आसाह पुरी केरीन तुमू वायदान फोल सापड़ावहो।

इब्रानियो 12:16

ओहलो नाय एय काय ईखेह जाण सिनालो केरनार, नाहते एसाव ने गेत विण देरमी रेय जो एक टेमान रोटान बोदले तान पेल पायदा एणेन पोद वेच दिनो।

इब्रानियो 13:21

तुमूह एकेक हाजी वातु माय खेरो केरी, ताकेरीन तुमू तान आसा पुरी किरहो, एने यीशु मसीन द्‍वारे तो आपु माय त्यु आख्‍यु वातु पायदा केरी, जो ताह पुटेह। मसीन बोड़ाय जेलेमक्योस इते रेय। आमेन।

इब्रानियो 13:4

वाराड़ आखा माय आदर ने वात मानाणे जुवे, एने वाराड़ान आथरोण चोखाली मिलो, काहाकाय बोगवान सिनालो केरनारान, एने पाराई बायकु हेऱ्यो पाप केरनारान नियाव केरी।

1 पतरस 1:2

तुमू बोगवान आबाख ने वातीन केरता निवाड़ाय जायेल हेते एने तान जीवान कामान उगे रेन, चोखाला माणहे ठेराय जायेल हेते, ज्यानकेरता काय यीशु मसीन उकुम माने एने यीशु मसीन लुयी केरीन चोखो एय जाय, तुमूह गीण एने सान्ती जुलूम काय जुलूम जुड़ते रेय।

1 पतरस 4:2

ज्यानकेरता काय तुमू तुमरा उगरेल जीवणाम रेन वोय माणहान मोरजीम नाह, पुण बोगवानान मोरजीन गेत जीवे।

1 योहान 2:17

दुनिया एने तान मोरजी दुयू खेतेम एते जाथे, पुण जो बोगवानान मोरजी पोर चालेह तो जेलेम बोणीन रेय।

प्रकाशितवाक्य 21:8

पुण बिणाराह, अविश्वास केरनारे, खाराब काम केरनाराह, खुन केरनाराह, सिनालो केरनाराह, जादु केरनाराह, मुरतीह पुजा केरनाराह, एने जुठ बोलनारान ईसो ता जोवरा माय रेय, जो आक्‍ठो एने गंदक केरीन हेलेगती रिथे, ज्यी दुसरी मोत हे।”

प्रकाशितवाक्य 22:15

पुण चिता एने जादु केरनारे, सिनालो केरनारे एने खुन केरनारे, मुरतीन पुजा केरनारे एने आखी बातीन जुठाह मोंग केरनारे एने जुठी वातु बाणावणारे, ता आखा हेयरान बाहेर रेती।