1 पतरस 2:5 - खेरलो वचन नोवालो नियम

⁵ तुमू बी खुद जीवताला देगड़ान गेत जीवान गेर बोणती जातेह, ज्यानकेरता काय चाकर्‍यान चोखालो सोमाज बोणीन, ओहला जीवावाली बोली चेड़ावो जो यीशु मसीन द्‍वारा बोगवानाह पोटी।

नाहाली

⁵ तुमूह पुण जीवेच जीवताला देगूडान होस आत्मिक घेर बोणावीन जातेह, ज्याहरीन याजकगणचे पवित्र समाज बोणावीन, इही आत्मिक अर्पण सडजी जे यीशु मसीहान द्वारे बोगवानानाह आवडीनार ग्राष्य हि.

1 पतरस 2:5 Iomraidhean Croise

रोमीयो 12:1

तानकेरता एय बाय बोणहा, मी तुमूह बोगवानान किव एर केरावीन तुमूह विन्ता केरथु काय तुमरा सेरीराह जीवताला, एने चोखालो, एने बोगवानाह पोटे ओहलोह बोली केरीन चेड़ावो। ज्‍यीस तुमरी आत्मिक सेवा हे।

रोमीयो 15:16

काय मी बिगेर यहुदिन केरता मसी यीशुन सेवक बोणीन बोगवानान हाजाली खोबरीन सेवा चाकर्‍यान गेत केरू, जाकेरीन बिगेर यहुदिन चेड़ावणो, चोखाला जीवा केरीन चोखालो बोणीन समर्पित केराय जाय।

1 कुरिंथीयो 3:16

काय तुमू नाह जाणते, काय तुमू बोगवानान मोंदिर हेते, एने बोगवानान जीव तुमरे माय रीथे?

1 कुरिंथीयो 3:9

काहाकाय आपु बोगवानान हाती हेते; तुमू बोगवानान खेते हेते, एने बोगवानान बाणायेल आवाल्या हेते।

1 कुरिंथीयो 6:19

काय तुमू नाह जाणते काय तुमरो सेरीर चोखाला जीवान मोंदिर हे, जो तुमू माय बुहेल हे, एने तुमूह बोगवानान उगे रेन जुड़ेल हे, एने तुमू सोतास ने नाह सोता?

2 कुरिंथीयो 6:16

एने मुरती हेऱ्यो बोगवानान मोंदिरान काय समंद? काहाकाय आमु ते जीवताला बोगवानान मोंदिर हेते! जिहकेरीन मालीक कियेल हे: “मी ता माय बोहुह, एने ता माय चाला फिऱ्या केरूह; एने मी तान बोगवान रेह, एने ता मार माणहे एती।”

गलातीयो 6:10

तानकेरता जाह वोर टेम जुड़ी आपु आखा हेऱ्या हाजो केरी, खास केरीन विश्वासी परीवार वाला बाय बोणहा हेऱ्या।

फिलेपियो 1:11

एने ता देरमान फोला केरीन जा मसी यीशुन द्‍वारे हेते, बोरपुर एते जावो जाकेरीन बोगवानान बोड़ाय एने स्तुती एते रेय।

फिलेपियो 2:17

केदी माहु तुमरा बोरहान रूप बोलीदान एने सेवा हेऱ्यो आपणी लुय बी वोयाड़ने पोड़ी, तीबी मी खुस हे एने तुमू आखा हिऱ्यो खुसी वाटथु।

फिलेपियो 4:18

मार फाय आखो काय हे, एने जुलूम बी हे; जी वोस्तु तुमू इपफ्रुदीतुस ने आथे ली मुकलेल एता त्युह देरीन मी आखरी गीयोह, तो ते सुखदायक सुगन्द, लेय लेणेन लायेक बोलीदान हे, जो बोगवानाह पुटीह।

कुलुसी 3:17

जो काय बी तुमू किरो नाहते किवो, तो आखो मालीक यीशुन नावा केरीन किरो, एने तान द्‍वारे आबाख बोगवानान दन्यवाद किरो।

1 तीमुथीयुस 3:15

केदी माहु हे आवणे माय वार एय जाय, ते तु ज्यी चिट्ठीन द्‍वारे जाणहे काय बोगवानान गेराणा माय जी जीवताला बोगवानान मोंडली हे, एने जो खेरायीन खाम्बो एने पायो हे, तारो वेवारो माणहा हेऱ्यो किहीक रेणे जुवे।

इब्रानियो 3:6

पुण मसी बिटोख एणेन नाते बोगवानान गेरान आदिकारी हे एने तान गेर आपु हेते। केदी आपु दिर पोर एने आपणी आसान मोठवाय पोर सेवली बुखेत वोर मोजबुती माय थोबीन रेहु।

1 पतरस 2:9

पुण तुमू ते एक निवाड़ेल वोस, एने राजकिय चाकर्‍यान सोमाज, एने चोखाला माणहे, एने बोगवानान सोतान माणहे हेते, ज्यानकेरता काय जो तुमूह आदारलाम रेन तान मोटला उजालाम हादेल हे, तान गुण देखाड़ो।

1 पतरस 4:11

जो कुण पारचार केरी, तो बोगवानान वचनान पारचार केरी; केदी ईखेह सेवा केरी, ते ती ताकेत केरीन केरी जी बोगवान आपेह; ज्यानकेरता ज्‍यु आख्‍यु वातुम यीशु मसीन उगे रेन, बोगवानान बोड़ाय देखाय। बोड़ाय एने ताकेत आदिकार जेलेम ने जेलेम तास ने हे। आमेन।

1 पतरस 4:17

काहाकाय तो टेम आव लागेल हे, काय पेल बोगवानान माणहास ने नियावान सुरवात एय। केरीन नियावान सुरवात आपणे फाय रेन एय ताहार तान सेवेट काय एय, जा बोगवानान हाजाली खोबरीह नाह मानते?

प्रकाशितवाक्य 1:6

एने आपुह एक राज एने तान आबाख बोगवानान केरता चाकर्‍यो बाणाव दिनो। यीशु मसीन बोड़ाय एने आदिकार कायेम कायेम एती रेय! आमेन।

प्रकाशितवाक्य 20:6

बोरकेतवालो एने चोखालो माणुह तो हे, जो पेल्ला जीव उठणा माय बेलायेल हे। ओहला माणहा पोर दुसरी मोतीन कायस बी आदिकार नाय मिली; पुण ता बोगवानान एने मसीन चाकऱ्या एती, एने ता हेऱ्या एक एजार वोरह्या वोर राज केरती।

प्रकाशितवाक्य 3:12

जा जिक जाती ताह मी बोगवानान मोंदिर ने एक खाम बाणावुह, तो पोशो केदी बी मोंदिर ने बाहेर नाय जाय। एने मी ता पोर मार बोगवान ने नाव एने मार बोगवान ने हेयरान नाव नोवालो यरूशलेम लेखुह, जो मार बोगवान ने हेरगान उगे रेन नेचो उतरी, एने मी ता पोर मार नोवालो नाव लेखुह।

प्रकाशितवाक्य 5:10

ताह आमरा बोगवानान सेवा केरनेन केरता राज एने चाकर्‍यो बाणायेल हे, एने ता देरती पोर राज केरती।”