1 पतरस 1:12 - खेरलो वचन नोवालो नियम

¹² बोगवान ता जाणाव केरनाराह देखाड्यो काय ता सोतान नाह पुण तुमरी सेवान केरता ज्‍यु वातु केऱ्या केरताला, जान खुबेर एवी तुमूह तान द्‍वारा जुड़नी जा चोखाला जीवान उगे रेन, जो हेरगाम रेन मोकलाय गीयो, तुमूह हाजाली खुबेर होमलाड्या; एने ज्‍यु वातुह हेरोगदुत बी हास केरीन देखणेन आसा मेलतेह।

नाहाली

¹² तामारीन जो प्रगट केरील एतो कि ते आपणी नाहं पुण तुमरो सेवा केरता हि वातू किथी रेथे हि, ज्यान सुवार्ता ऐवी तुमूह तान द्वारे जुडील तान केरता पवित्र आत्मान द्वारे, जो स्वर्गाफायरीन मोकल्य गीयो, तुमूह सुवार्ता होमलाळीन; एने आवो वातूह स्वर्गदूत पुण लक्ष आपिन देखाणेम लोभ केरणू.

1 पतरस 1:12 Iomraidhean Croise

मत्ती 11:25

तुलबूखे यीशु केयो, “एय आबा, हेरोग एने देरतीन मालीक! मी तारो दन्यवाद केरथु काय तु ज्यी वातुह इकेल एने सोमेज वालाह रेन लीकाड़ मिल्योह, पुण सोराह देखाड़ेल हे।

मत्ती 11:27

“मारो आबोख माहु आखोच होप दियेल हे, एने कुणीच नाह जाणेत काय बिटोख कुण हे, आबोख उलोस जाणेह, एने आबोख कुण हे ज्य बी कुण नाह जाणेत, पुण बिटोख उलोस जाह देखाड़ेल हे, तोच जाणेह।”

मत्ती 16:17

यीशु ताह जापाप आप्यो, “एय शमोन, योनान सोरा तु बोरकेतवालो हे, काहाकाय माह एने लुय नाह, पुण मार आबोख जो हेरगाम हे, ज्यी वात तुवाह देखाड़ेल हे।

मरकुस 16:15

उवतो यीशु चेलाह केयो, “तुमू आखी केलीम जाईन आखी केलीन माणहाह हाजाली खोबरीन पारचार किरो।

लुका 15:10

मी तुमूह केथु इहीचकेरीन पाप सोड़नार पापीन बाराम बोगवानान हेरोगदुतान सामने मोंज ईथे।”

लुका 2:26

एने चोखालो जीव ताह कियेल ईतो, काय जाह वोर तु मालीक ने मसी देख नाय लिहे, ताह वोर मोतीह नाय दिखहे।

लुका 9:6

तेवी चेला निकेलना एने गावा गावा हाजाली खुबेर होमलाड़ते, एने माणहाह हुदारतेन फिरते रेना।

यूहन्ना 15:26

पुण जेवी तो मोदेक केरनार आवी, जाह मी तुमरी फाय आबाख फाय रेन मोकलुह, मतलब खेरायीन जीव जो आबाख फाय रेन निकलेह, ते तो मारी गोवाय देय;

प्रेरितान काम 10:44

पतरस ज्यी वातु केताच, चोखालो जीव वचन होमेलनारा आखा पोर उतेरनो।

प्रेरितान काम 16:10

जेवी पौलुस ज्यो देरसेन दिख्यो ते ज्यो सोमेजते लेन काय बोगवान आपुह ता माणहा माय हाजाली खुबेर केणेन केरता हादेल हे, आमु चालोच मकादुनिया जाणेन विचार केऱ्या।

प्रेरितान काम 2:33

तानकेरीन बोगवान ताह तान जीवड्या आथान उगे बोहाड़ेल हे, ताह चोखाला जीवान बाराम वायदो आबाख फाय रेन जुड़ेल हे, एने तुमू ज्यो देखतेह एने होमेलतेह ताहाच तो रोचवेल हे।

प्रेरितान काम 4:31

जेवी ता विन्ता केर लेदा, ते तो जागो जाहरी ता एकठा एता आल गीयो, एने ता आखा चोखाला जीवाम बोराय गीया, एने बोगवानान वचन ईमोत केरीन होमलावते रेना।

प्रेरितान काम 4:8

तेवी पतरस चोखाला जीवा माय बोरायीन ताह केयो, एय माणहान आदिकारी एने डायडाया:

प्रेरितान काम 8:25

ओवता पतरस एने योहान पुरावो दितेन एने मालीकान वचन होमलाड़ीन, यरूशलेम माय आव लागा, एने आवणे बुखेत सामरीयान जुलूम होवटा गावा माय हाजाली खुबेर होमलाड़ते गीया।

रोमीयो 1:15

केरीन मी तुमूह बी जा रोम माय रेतेह, हाजाली खुबेर होमलावणेन जेलेम तियार हे।

रोमीयो 1:17

काहाकाय हाजाली खुबेर ज्य देखाड़ेह काय बोगवान माणहाह तान प्रती हाजो किहीक बाणावीह ज्य सुरवात रेन सेवेट वोर बोरहान द्‍वारास हे। जिहकेरीन पुस्तेक माय लिखेल हे: “जो माणुह बोगवाना हेऱ्यो देरमी हे एने लायेक हे तो बोरहान द्‍वारा जीवतालो रेय।”

रोमीयो 10:15

एने ता पारचार किहीक केरती जाह वोर काय मोकलाय नाय जाती, जिहकेरीन लिखेल हे, “हाजाल्यु वातुन हाजाली खोबरीह केणारान पाय कोहला हाजा हेते!”

रोमीयो 15:19

निसाणी, एने अद्बुत कामान ताकेत केरीन, एने चोखाला जीवान ताकेत केरीन मारीस द्‍वारा किरेल; न्या वोर काय मी यरूशलेम रेन कावदेन इल्लुरीकुम वोर मसीन हाजाली खोबरीन पुरो पुरो पारचार किऱ्यो।

1 कुरिंथीयो 2:10

पुण बोगवान ताह आपणो जीवान द्‍वारे आमु पोर देखाड़ेल हे, काहाकाय जीव सोब वातु मतलब बोगवानान मिठ्यु वातु बी पारखेह।

2 कुरिंथीयो 1:22

एने तो आमु पोर साप लागाड़ील हे काय आमु तान हेते, एने चोखालो जीव बी बियानान रूप माय मोनाम आपेल हे, जो आवणारा कालाम जुड़ी।

2 कुरिंथीयो 6:6

चोखाला माय, इकेल माय, दिरी माय, गीणीन द्‍वारा आमु खुद बोगवानान सेवक एणेन केरता, एने चोखाला जीवान द्‍वारा, एने बिगेर कोपेट खेरला मोंग माय,

गलातीयो 1:12

काहाकाय ती माहु काल्ला माणहान उगे रेन नाह पोचनी, एने नाह माहु एगदो हिकाड़ेल, पुण यीशु मसीन द्‍वारा देखानी।

गलातीयो 1:16

जेवी तो निर्णय लिदो काय तान सोराह मार माय देखाड़ी काय मी बिगेर यहुदि माय तान हाजाली खुबेर होमलाडु, ते मी काल्ला माणहान मोदेक नाह लिदो।

इफिसीयो 3:10

काय एवी मोंडलीन द्‍वारे बोगवानान बाती बातीन इकेल, ता मुखी एने आदिकारी पोर, जो हेरगा माय हे देखाड़ी।

1 थिस्सलुनिक्यो 2:9

काहाकाय एय बाय बोणहा, आमरी मेहनेत एने तेकलीत खेरीच तुमूह मालुम एय, काय तुमू माय रेन कुणी पोर बी आमरो वोजो नाय पोड़ने जुवे केरीन आमु रात ने दिह काम दुंदो केरीन बोगवानान हाजाली खोबरीन पारचार किरेल।

1 तीमुथीयुस 3:16

ज्या माय संका नाह सोतो काय बोक्‍तीन मालमात ते मोठो हे; तो सेरीर माय एन आवो, चोखाला जीवा माय देरमी ठेरानो, हेरोगदुताह देखानो, एने दिहरा देसा माय तान पारचार एनो, दुनिया माय ता पोर बुरहो केराय गीयो, एने बोड़ाय माय हेरगाम उखलाय गीयो।

इब्रानियो 11:13

ज्या आखा बोरहास ने हाल माय मुरेल; एने ता वायदो किरेल वोस्तुह नाह सापड़ाया, पुण ताह सिटेस रेन देखीन खुस एना एने मान लेदा काय आपु देरती पोर पारका एने बाहेरल्या हेते।

इब्रानियो 2:4

ता सावाय बोगवान तान मोरजीन गेत निसाण्यु, चोमेत्कार ने कामे एने बात बातीन ताकेतीन कामे, एने चोखाला जीवान वरदान वाटाणेन द्‍वारे ज्यान गोवाय दिते रिनो।

इब्रानियो 4:2

आपुह बी ताच ने गेत हाजाली खुबेर केणेन आयेल एती, पुण होमलेल वचना केरीन ताह काईच फायदो नाह ईनो, काहाकाय होमेलणारान मोना माय बोरहा हेऱ्यो नाह बोहनो।

1 पतरस 1:25

पुण मालीकान वचन कायेम टिकीन रीथे।” एने ज्योस हाजाली खोबरीन वचन हे, जो तुमूह होमलाड़ेल एतो।

1 पतरस 4:6

काहाकाय मुरेलाह बी हाजाली खुबेर ज्यास ने केरता होमलाड़ेल काय सेरीर माय तान नियाव माणहान गेत एय, पुण जीवा माय ता बोगवानान मोरजीन गेत जीवे।

प्रकाशितवाक्य 5:11

पुशो मी दिख्यो, एने एजार एने लाखो हेरोगदुतान आवाज होमल्यो, ता राजगादि एने ता चार जेनवेरान एने ता डायला माणहान चार उगे उबरियेल एता।