1 Petero 3:4 - Nouveau Testament et Psaumes en Ndandi Version 1962

⁴ nikwa ribye omundu oyu bisamire womutima, kyekirimu kitehonda kihehere kyobuholo, ni kyo buguri bunene embere syoMungu.

AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Nĩkwa obubuya bwenyũ bubye bwʼomutima owali omwisi wʼomundu. Bubye obubuya bwʼekĩrĩmũ ekihehere nʼekyʼobũkũtũ, ekitetsanda. Obubuya obo ni bwʼobũgũlĩ bunene embere sya Nyamuhanga.

1 Petero 3:4 Iomraidhean Croise

Esyonyimbo 131:2

Kwenene nabiribonderya nerikunga ekirimu kyage eribyabukutu; Ngo mwana utsirire amabere ku nyinya wuwe, Ekirimu kyage omwisi wage kiri ngo mwana atsirire amabere.

Esyonyimbo 147:6

OMUKAMA akasiyikirira abahehere: Akandagariraya ababi ahisi oko kitaka.

Esyonyimbo 149:4

Kusangwa oMUKAMA akatsemera abandu buwe Asyabambirya abahehere nerilamibwa.

Esyonyimbo 25:9

Abakayikehaya asyasondolabo omo ritunganene, Kandi abakayikehaya asyakangiriryabo enzira yiwe.

Esyonyimbo 45:13

Omwali womwami omo nyumba ni wolukengerwa kundu: Esyongimba siwe silukire omo zahabu.

Esyonyimbo 51:6

Lebaya, ukasonda ekwenene omo bihande byomwisi; Nomo kihande kibisamire wasyanyiminyisya amenge.

Matayo 11:29

Muheke engomo yage, mwiyire kwingye; kusangwa ndi molomolo nowomutima ahehere, nenyu mwasyabana eriluhuka omo mitima yenyu.

Matayo 21:5

Mubwire mwali wa Sioni, muti, Lebaya, omwami wawe amasa okuwe, Neriyikehya, iniane oko punda, Noko kyana kyepunda.

Matayo 23:26

Uwe muFarisayo ndimatime! utsuke erierya omwisi golutehi nekisya, neyihya iyatoka eriera nibya.

Matayo 5:5

Omuyisa ari na bomutima molo, kusangwa basyarya e kihugo mo mwandu.

Luka 11:40

Inywe bikiru! Oyu wakokotaya enyuma mwatakokotya nomwisi kwehi?

Luka 16:15

Nikwa mwabwirabo ati, Muri abo abakayitungananaya omo meso wabandu, nikwa oMungu anasi emitima yenyu; kusangwa ekikayihamaya omo bandu ni syonye emuliro woMungu.

AbanyaRoma 1:23

mobahingania olukengerwa lwoMungu utehola omo sisumba esikasosa omundu oyu kahola, kutse esyonyonyu, kutse esyonyama, kutse esika kululuka.

AbanyaRoma 2:29

Yono muYuda oyune muYuda nomwisi, neribana eryekwenene ni ryomutima, nekirimu butsira eryamasako. Neripipwa riwe siryelwa oko bandu rikalwa oko Mungu.

AbanyaRoma 6:6

Tunasi ko mundu wetu wa kera abambawa haguma naye omubiri webibi atoke eriheribwa, netu itutaswabya omo bukobe bwebibi.

AbanyaRoma 7:22

Kusangwa ngatsema omo bihano byoMungu, omwisi wo mutima wage,

2 AbanyaKorinto 10:1

Ingye Paulo, ngabago busana neriyibombekano bolobolo bwa Kristo, ingye oyuri molomolo omugulu ndi mo meso wenyu, nikwa inyikalire omugulu ndeho:

2 AbanyaKorinto 4:16

Ritya sitweyitalukako. Nomo mibiri yetu yeyihya ikakula, omundu wetu womwisi akayirawa mo muhyamuhya ekiro nekiro.

AbanyaGalatia 5:23

eriyibo mbeka, eriyiteya; sihari ekihano kikalwa nebi.

AbanyaEfeso 4:2

omwiyikehya yosi neriyibombeka, neri tindaluha, neriganyirana omo lwanzo,

AbanyaKolosai 3:12

Nga bayisogawa noMungu, ababuyirire nabanze, mwa­mbale omutima werigenyera, obubuya, eriyikehya, eriyibo mbeka, neritindaluha,

AbanyaKolosai 3:3

Kusangwa mwabirihola, nengebe yenyu ibisire haguma na Kristo omwisi woMungu.

1 AbanyaTesalonika 4:11

musonde eriyikalira bolo, mukole emyatsi yenyu-yenyu, muyikolere omo byala byenyu, ngoko twabategeka;

2 AbanyaTesalonika 3:12

Nikwa abandu ngabo tukategekabo nerihanabo omwisi woMukama Yesu Kristo bakole omubiri wabo gobukutu, bako lere ebyalya byabo ibobene.

1 Timoteo 2:2

busana na bami nabakulu bosi, itwabyaho omo lyolo nobuholo, erikenga Mungu neriyitondeka omo myatsi yosi.

2 Timoteo 2:25

oyu kakunga abakalwa naye nobolo. Mungu mbino angahabo eribinduka nerihika okwiminya omwatsi wakwenene,

Tito 3:2

sibanegulire omundu, sibalwe, babye bolo, bakangaye erikenga abandu bosi.

Yakobo 1:21

Neryo muhiyire hali ebitisirire ebyosi nerikanya ryebibi, mwangirire nobolo eKinywa kyabiriherwa omwisi wenyu, ekyangatoka erilamya ebirimu byenyu.

1 Petero 1:23

Mwabiributwa buhya-buhya, butsira omo mbuto ikahonda nikwa omo mbuto itehonda, kye kinywa kyoMungu ekiriho ekikakota;

1 Petero 3:15

nikwa omo mitima yenyu mukenge Kristo ngoMukama. Imunasikire endambi yosi erisubirya oburi mundu oyu kababulaya busana namaha awari omwisi wenyu, nikwa mukolekyo nobolo nerikenga;