Matendu 2:30 - Chimpoto

³⁰ Nambu kwa kubha Daude akabhi mlota waka Chapanga, akamanyiki kubha Chapanga akundapi mbamba ngati ananhaghula jumu wa mbelakeka waki, na kunkweha atama pa chitehu chaki cha ukolongwa.

Matendu 2:30 Iomraidhean Croise

Matayo 22:43

Yesu akabhapwaghile, “Bhela, bho, iwezikana bholi kupwaga kwa makili ghaka Roho Mhuhu, Daude ankema jombi Bambo? Ndandi akapwaghike,

Matayo 27:35

Pabhakajomwi kunhwamba punsalaba, bhakaghabhini ingobhu yaki, kwa kuilapulila kula. Nahuli ghapitalya malobhi ghaakapwaghiki mlota waka Chapanga, “Bhakaghabhini ingobhu yangu ya kunja, na kanzu jangu ja mkati bhakajilapuli kula.”

Mako 12:36

Roho Mhuhu akundongwi Daude kupwagha, ‘Bambo akumpwaghi Bambo wango, Utamaje upambala wangu wa kumalelelu, mbaka panabhabhekaje maadui bhaku pahi ja magholu ghaku.’

Luka 24:44

Bhela akabhapwaghile, “Aghagha nde mambu ghanakumpwaghili chikahi panakabhi nakona papamu na mwehapa: Kubha ipalika ghapitalya mambu ghokapi ghaghalembakiki panani jangu mu Shelia yaka Musa, na mu Malembu gha bhalota bhaka Chapanga na mu Chitabu cha Zabuli.”

Matendu 1:16

Petulu akapwaghiki, “Bhalongu bhango, jakabhi lazima pandu pa Malembu Mahuhu ghatimiaje, kwa malobhi ghaka Roho Mhuhu kupetela kwaka Daude, akalotiki malobhi ghaka Yuda jola joabhalongua bhandu bhabhunkamula Yesu.

Bhalumi 1:3

yani malobhi panani jaka Mwana waki, joakabhelakiki mu lubheleku lwaka Daude kwa ntundu wa hyegha,

Bhalumi 15:12

Kabhete, mlota Isaya apwagha, “Litundulila la Yese analipitalyaje, jombi joanapitalya na kubhatawala bhandu bha mataifa ghangi, bhandu bha mataifa ghangi anabhunhobhalyaje.”

2 Timoseo 2:8

Unkombukaje Yesu Kristo, joakahyokiki kuhuma kwa bhakuwa, joakabhi wa lubheleku lwaka Daude, ngati moghapwaghi Malobhi Manyahi ghandangaza.

Bhaebulania 1:1

Pamwandi hapa Chapanga akalongili pamaheli na akahokolu bhitu na kwa ntundu wamaheli kwa kupetela bhalota bhaki,

Bhaebulania 3:7

Bhela ngati moapwaghi Roho Mhuhu: “Lalenu ngati ananjowini sauti jaka Chapanga,

Bhaebulania 4:7

Chapanga akabhekiki lichobha lengi ambalu lilowakeka “Lalenu.” Hyaka yamaheli yeipetike akalongili mu Malembu kwa indela jaka mlota Daude malobhi ghaghalongulili kupwaghakika: “Lalenu ngati ananjowini sauti jaka Chapanga, ngamujitenda kunonopa mitima jinu.”

Bhaebulania 6:17

Kwa lilobhi leniheli, Chapanga kwa kupala kubhalangiha nakanopi bhala bhabhipwelila chilanga chela, ntundu malobhi ghaki moghalepe kung'anambuka, akalangihi kwa kulapa.

Bhaebulania 7:21

Nambu Yesu akabhili Mpenganyambiku kwa kulapa chikahi ambapu Chapanga akumpwaghili: “Bambo atehi kulapa, wala ngaing'anambuli maholalelu ghaki: ‘Wehapa nde Mpenganyambiku mileli.’ ”

2 Petulu 1:21

Maghambu njeta ubholu wa kilota ghoubhokana na mapalu gha bhandu, nambu bhandu bhakabhohiki ulota kuhuma kwaka Chapanga bhakalonguhika na Roho Mhuhu.

Uyekuliku 17:14

Anabhakomanaje na Mwanambelele, nambu Mwanambelele papamu na bhala bhaabhalohiki na bhahaghulika ambabhu nde bhalongwana, anaabhawezaje, maghambu jombi nde Bambo wa mabambo, na Nkolongwa wa bhakolongwa.”

Uyekuliku 19:16

Panani ja ingobhu jaki, na panani ja lipaja laki, akabhi alembakiki lihina aleli, “Nkolongwa wa bhakolongwa, na Bambo wa mabambo.”