Matendu 2:20 - Chimpoto

²⁰ Lyobha analijeghalika lwihi, na mwehi wibya ukeli ngati mwahi, mangane ja kuhika lichobha likolongwa na la ulumbalilu laka Bambo.

Matendu 2:20 Iomraidhean Croise

Matayo 24:29

“Palapala pakwijomuka kulagha kwa machobh ghanihagha, lyobha analijeghalika lwihi, lubhalamwehi ngalwinang'ani, ndondwa anaihabhukaje kuhuma kunani kumahunde, na makili gha hindu ya kunani kumahunde anaghanyuhakikaje.

Matayo 27:45

Kutumbu chikahi cha saa sita mbaka saa tisa, inchi jokapi jakabhi lwihi.

Mako 13:24

“Bhela paghipetaje machobha ghanihagha gha kulagha, lyobha analiyeghalika lwihi na mwehi ngawinang'ane.

Luka 21:25

“Bhela kwibya na nginyulila ku lyobha, na mwehi, na ndondwa. Bhandu bha pundema bhibya na mang'ahiku kwa ndandi ja choghohi cha kubuluma kwa bahali na majegha ghaki.

Matendu 2:19

Ananangia ngangachu kunani kumahunde, na nginyulila pahi pundema, kwibya na mwahi, moto na lyohi likolongwa.

Matendu 2:21

Panihapa, mundu jokapi joayilobhaje kwa lihina laka Bambo, anaakengaliwaje.’

1 Bhakolinso 5:5

mumpelaka mundu hoju kwaka Shetani nahuli hyegha jaki jiyonangikaje, na roho jaki jiweza kukengalewa mu Lichobha laka Bambo Yesu.

1 Bhasesalonike 5:2

Ndandi mwanganya mabheti mmanya wichu kubha Lichobha laka Bambo analihika ngati mwihi moahikila ikilu.

2 Petulu 3:10

Nambu Lichobha la kuhika kwaka Bambo analihikaje ngati mwihi. Lichobha heli, kunani kumahunde anakubhohakikaje kwa sauti ngolongwa, na hindu hyaki yokapi yeibhi kunani anaijochakika kwa moto, ndema anaubhohakikaje papamu na kila chindu chechibhi mkati jaki anachibhohakikaje.

2 Petulu 3:7

Nambu kunani kumahunde na ndema wa sajenu ibhekakiki na Chapanga nahuli iyonangikaje kwa moto. Ibhekakiki kwa ndandi ja lichobha lela ambapu bhandu bhangakunhobhalela Chapanga anabhatemuliwaje na kuyonangeka.

Uyekuliku 16:8

Panihapa, mtumika wa kachechi wa kunani kumahunde akajiti mbali jaki panani ja lyobha. Lyobha lakapekiwi makili gha kubhajocha bhandu kwa kupyopa kwaki.

Uyekuliku 6:12

Bhela nakalingalili na kumbona Mwanambeleli, paakabhopwili muhuli wa sita, kukabhili na kubhaghaja kukolongwa kwa ndema, lyobha lakabhi lipili ngati ligunila lipili, na mwehi wokapi ukabhi ukeli ngati mwahi,