Luka 20:17 - Chimpoto

¹⁷ Nambu Yesu akabhalingalakili na kubhalalukila, “Bho, Malembu hagha ndandi jaki kike? ‘Lighanga lebhalikaniki bhachenga, sajenu libhi lighanga likolongwa lelipalika nakanopi.’

Luka 20:17 Iomraidhean Croise

Matayo 21:42

Panihapa Yesu akabhapwaghile, “Bho, ngachemwasomiki lijambu haleli mu Malembu Mahuhu? ‘Liganga lebhalikaniki bhachenga sajenu libhi liganga lelipalika nakanopi la luhuli. Bambo nde joatehi lijambu haleli, na lombi nde la ukangachu namaa kwitu!’ ”

Mako 10:23

Yesu akalingali ipambala yokapi, akabhapwaghi bhabhulwa bhaki, “Kunonwipi namaa kwa bhanahindu yamahele kujingi mu Ukolongwa waka Chapanga!”

Mako 12:10

Bho, ngachensomiki Malembu aghagha? ‘Liganga lebhalikaniki bhachenga, sajenu libhi liganga likolongwa la punkeghi.

Mako 3:5

Yesu akabhalingali bhandu bhokapi kwa inyela na kuhakalila kwa ndandi ja kunonopa mitima jabhu. Bhela akampwaghi joakatengwiki chiwoku jola, “Uhatambula chiwoku chako!” Na jombi akahatambwi chiwoku chaki na akalamike.

Luka 19:41

Yesu paakaheghali ku Yelusalemu na kuubhona muchi, akaulelile,

Luka 22:37

Maghambu numpwaghila, ipalika malobhi aghagha ghapitalya kwangu ngati moghalembakike mu Malembu Mahuhu, ‘Jombi akabhalangiki papamu na bhahenga mahakau.’ Chakaka ghala ghaghapalika kwangu ghapalika ghapitalyaje.”

Luka 22:61

Bambo akang'anambwiki na kundingali Petulu. Na jombi Petulu akakombwiki malobhi ghala Bambo ghaampwagi, kubha, “Lalenu mangani ja kubheka likongobhe, wingana mala patatu kubha ngacheunimanyi.”

Luka 24:44

Bhela akabhapwaghile, “Aghagha nde mambu ghanakumpwaghili chikahi panakabhi nakona papamu na mwehapa: Kubha ipalika ghapitalya mambu ghokapi ghaghalembakiki panani jangu mu Shelia yaka Musa, na mu Malembu gha bhalota bhaka Chapanga na mu Chitabu cha Zabuli.”

Yohana 15:25

Nambu bhatendiki bhenibhela nahuli malobhi ghala ghaghalembakiki mu Shelia jabhu ghapitalyaje, ghaghapwagha, ‘Bhakanhakali waka.’ ”

Matendu 4:11

Ajoju nde joghakolabheka Malembu Mahuhu, ‘Liganga lemulikaniki mwabhachenga, sajenu libhi liganga likolongwa la kunkeghe.’

Bhaefeso 2:20

Mchengakiki panani ja luhuli lolubhekakiki na mitumi na bhalota bhaka Chapanga, najombi Kristo Yesu mweni nde liganga likolongwa la kunkeghi la kukamulakila nyumba.

1 Petulu 2:6

Ndandi Malembu Mahuhu ghapwagha: “Lingalya! Meka liganga likolongwa la kunkeghi mu Sayuni, linganga la luhuli, lihaghulika na lelipalika nakanopi. Mundu joanaanhobhalya jonihoju ngayipowakeki lihamu.”