Bhafilipi 4:9 - Chimpoto

⁹ Mambu ghamulibholiki kwangu na kughajopalela, na kughajowana na kughabhona kwangu, mughatendaje ghanihagha. Na Chapanga wa lukwale anaakubha papamu na mwehapa mabhokapi.

Bhafilipi 4:9 Iomraidhean Croise

Matayo 1:23

“Ndingalyaje, bikila anaapataje chitumbu, anaambelaka mwana wa chikambaku, na analowakika Emanueli,” yani, “Chapanga papamu na tepani.”

Matayo 28:20

Mubhabhola kukamula mambu ghokapi ghanundaghalaki mwehapa. Na lingalyaje, nepani mili papamu na mwehapa machobha ghokapi, mbaka ujomukelu wa chikahi.”

Matayo 7:21

“Nga kila mundu joambwaghila, ‘Bambo, Bambo,’ anaajingala mu Ukolongwa wa kunani kumahunde, nambu jola pena joaghatenda mapalu gha Atati wangu joabhi kunani kumahunde.

Luka 6:46

“Bho, maghambu kiki munoha, ‘Bambo, Bambo,’ na koni ngachemughahenga ghala ghanumpwaghi mughahengaje?

Luka 8:21

Yesu akabhayangiki bhokapi, “Amabhu wangu na bhalongu bhangu nde bhala bhokapi bhabhalijowana Lilobhi laka Chapanga na kulitii.”

Yohana 13:17

Anamughamanyi mambu ghanihagha, mbanga kwinu mwehapa ngati anamughatendike.

Yohana 15:14

Mwehapa mbi bhakochi bhangu, ngati anantendiki ghanundaghalakile.

Yohana 2:5

Amabhu waka Yesu akabhapwaghi bhatumika, “Lokapi lenaampwaghilaje, mulihengaje.”

Matendu 9:6

Nambu sajenu ujemaje, na ujingala ku muchi na konihoku anabhukupwaghila cheupalika kuhenga.”

Bhalumi 15:33

Chapanga wa lukwali abya papamu na mwehapa mabhokapi. Amina.

Bhalumi 16:20

Najombi Chapanga wa lukwali anaantimba Shetani pahi ja magholu ghinu manyata. Chihomu chaka Bambo witu Yesu Kristo chibya papamu na mwehapa. Amina.

1 Bhakolinso 10:31

Bhela, chokapi chentenda anakubhi kula au kunywa, au pantenda lijambu lokapi lela, mtendaje ghokapi kwa ulumbalilu waka Chapanga.

1 Bhakolinso 14:33

Maghambu Chapanga nga Chapanga wa fujo, nambu nde Chapanga wa lukwale. Ngati mokubhelile kwa makanisa ghokapi gha bhahuhu.

1 Bhakolinso 4:16

Bhela, nunjopa njighaje ulenganesu wangu.

2 Bhakolinso 13:11

Kwa sajenu, bhalongu bhangu, nundaghila! Mbyaje bhambone kwa kila chindu, njeghalikaje mtima, mbyaje na nia jimu, mtamaje kwa lukwali, na Chapanga wa upalu na lukwali anaakubha papamu na mwehapa.

Bhafilipi 3:17

Bhalongu bhangu, njengalyaje ulenganesu wangu, na mkabhalingalyaje bhandu bhala bhabhajenda kulengana na ulenganesu ghotukumpekihi mwehapa.

Bhafilipi 4:7

Na lukwali lwaka Chapanga, lolupeta malangu ghokapi, analundenda mitima jinu na maholalelu ghinu muka Kristo Yesu.

1 Bhasesalonike 1:6

Nanamu mkabhi bhahemba bhitu na bhaka Bambo, koni mkajopalyaje lilobhi mu ulali wamaheli, papamu na chiheku chaka Roho Mhuhu.

1 Bhasesalonike 2:14

Kwa ndandi mwanganya bhalongu bhitu, mkatendakiki mwabhahemba bha makanisa ghaka Chapanga ghaghabhi mkati jaka Kristo Yesu mu Yudea. Mkapatiki mang'ahiku ghalaghala kuhuma kwa bhandu bhinu mabhete ngati bhela makanisa hagha moghakang'ahakakile na Bhayahude,

1 Bhasesalonike 5:23

Chapanga wa lukwali angolula mwehapa nakanopi na kundenda mwehapa, yani, roho hinu, mitima jinu na hyegha hinu, panga na lawama, mbaka chikahi cha kuhika kwaka Bambo witu Yesu Kristo.

2 Bhasesalonike 3:4

Na jombi Bambo atupekeha lihobhalelu likolongwa panani jinu, na ngachetubhi na choghohi kubha mtenda na ananjendalya kutenda ghala ghatukumpwaghile.

2 Timoseo 4:22

Bambo akubha papamu na roho jako. Chihomu chaka Chapanga chikubha papamu na mwehapa mabhokapi. Amina.

Yakobo 1:22

Ngamwalikolowa mabhete kwa kulijowanela pena lilobhi laki, nambu mlihengaje kwa itendu.

2 Petulu 1:10

Bhela bhalongu bhango, mtendaje ukangamalu nakanopi kuutenda ulowakeku winu hoghu ghondowakiki na Chapanga ubyaje lijambu la kutamakila mu matamu ghinu; ngati anamtama kwa ntundu ghonihoghu ngamwihabhuki ng'o.

1 Yohana 3:22

na kujopalela kwaki chokapi chetulobha, maghambu tuikamula amuli yaki na kughatenda ghaghanyambiha pamihu jake.