Yohana 3:32 - Amatengu

³² Jombi julongale gajagabweni nakaga jowa, lakini nga mundu jojujetake gajagalongale.

Yohana 3:32 Iomraidhean Croise

Matei 7:8

Ndaba, mundu jokapi jojuloba atenda kumpeke na jojutaputa jutenda kupata na jojuhotima atenda kunhogule nndyangu.

Yohana 1:11

Jahika kwa bandu baki, lakini bandu baki ngasebunzopike.

Yohana 15:15

Mwanganya nga nunkemi mwaatumisi, ndaba ntumisi ngasejumanya sejuhenga nkolongu waki. Lakini nepani nunkemiki mwanganya mwaakakosi bangu, ndaba numanyisi goti ganyoini kuhuma kwa Atati bangu.

Yohana 18:37

Papuje Pilatu japwaagila, “Ndienu, wehapa le wa Bambu Nkolongu?” Yesu jaapwagila, “Wehapa gupwaiki nepani na Bambu Nkolongu. Nepani melikwi ndaba ja majambu haga, na kwa ndaba heji nhikiki pundema kaapwagi bandu majambu ga Sakaka. Kila mundu jojupala sakaka jutenda kunyoane.”

Yohana 3:11

Nugupwaji sakaka, twepani tupwaaga gatugamanyi nu tupwaga gatagabweni, lakini mwabangi ngasempai kujetake malobi gitu.

Yohana 3:26

Ndienu anzendila Yohana nukumpwajila, “Mbola, gunkomboka mundu jola jojabii pamu nawe kwii juku losi luku Yoludani, jowabii gulonge naku jola, henu najombi jutenda kubatisa, na bandu boka atenda kunzende.”

Yohana 3:33

Jokapi jojujetake kulongale kwaki jujetake Sapanga ndi sakaka.

Yohana 5:20

Atati bupala Mwana, nukundangi kila sindu sejuhenga mweni, kabee bundangia majambu makolongu kupeta haga, nanamu mwitenda kusangaa.

Yohana 8:26

Mii na malobi gingi gukumpwagi nu kuntemu mwanganya. Lakini jojundumiki ndi jwa sakaka, nane numpwaagi mwabandu bupundema malobi ganyowini kuhuma kwaki.”