Aebulania 10:5 - Amatengu

⁵ Ndi ndaba Kilisitu pajabiya juhika pundema, ampwagila Sapanga: “Weapa ngasewapai litambiku lukusinza wala litambiku la hindu, lakini wanhandaliya nhyega.

Aebulania 10:5 Iomraidhean Croise

Matei 11:3

bukundalukiya, “Boo, wehapa le jojapwaga Yohana gutenda kuhika, au tundendaliya jonge?”

Luka 1:35

Ntumi jukunani kwaka Sapanga ampwagila, “Loho jaka Sapanga jiitenda kuguhulukila na makili gaka Sapanga giitenda kuguyekale. Henu Mwana wa Sapi jitenda kusaliwa, bankema Mwana waka Sapanga.

Luka 7:19

jaatuma kwaka Bambu bukundalukya, “We lee ndi jojapwaga Yohana Mmbatisa guhika, au tundendaliya jonge?”

Yohana 1:14

Lilobi jwabiya mundu, jwatama pamu natwepani. Natwepani tugubona ukolongu waki, ulumbii waki jombi jojubii Mwana wakajika wa Atati a Sapanga, jutweli wamboni na sakaka.

Agalatia 4:4

Lakini kipindi se sela sekipalika pasahika. Sapanga antuma mwanamundu jojasaliwa nu mmbomba, nukutama pai ja malagalaki giki Yahudi,

1 Timoti 3:16

Ngasekibii kiholu sokapi kupete ukolongu na sili ju kuhobale kwitu hejibii ngolongu. Jabonikana mu liumbu lu umundu, jabonikana kuba junu upali mu Loho kuba ndi jwaamboni, jabonikana na atumi bu kunani kwaka Sapanga. Jaalandila bandu banga kuhobale Sapanga, jabombaliwa nu undema, jajukulika mu ulumbi.

Aebulania 1:6

Lakini Sapanga pajabiya antuma Mwana waki, jojutumbuli kubelekwa punndema, japwaga, “Atumi boka bu kunani kwaka Sapanga bunzinamia.”

Aebulania 10:10

Ndaba Yesu Kilisitu jahenga gajupala Sapanga juhenga, twepani tunyambiswi mahakau kwii indela ja nhyega jaki jwaboa litambiku kwa mala jimu pena.

Aebulania 10:7

Papu napwaaga, ‘Nepani mi pamba, kuhenga gaupala wehapa nepani nhenga, mwaa, Sapanga, ngati eahandaki kitabu sa malagalaki gaka Sapanga.’ ”

Aebulania 10:8

Jatumbuliya kupwaga, “Ngasegupai wala ngasegupendeswa ni litambi liinyama na litambiku lukutinyi na litambiku la hindu litambiku lukuleka mahakau.” Japwaga hela hata ngati matambiku ganga goti apia kulengana na Malagalaki.

Aebulania 2:14

Ndienu ndaba bana haba, ngati ejaakema bombi, ndi bandu bana nhyega na mwai, Yesu mweni jabiya ngati bombi nu kujongana nabu mu umundu wabu. Jahenga hela, ili kwii indela ja kuwa kwaki, juwesa kulihalabana mahengu gi Lijobi lelibii nu uwesu ukukoma,

Aebulania 5:7

Yesu pajabii jutama pundema pani, kukilelu kikolongu na maholi, jasalila nukundoba Sapanga jojabii nu uwesu ukunhoko mu kuwa. Najombi Sapanga anzowani ndaba jwabi joandumbali Sapanga.

Aebulania 8:3

Kila Ngolu Nkolongu anhagwi ili ampiikia Sapanga nhupi ni litambiku, na henu Nngolu Nkolongu witu yani Yesu jupalika jubia na sindu sukumpiki Sapanga.

1 Petili 2:24

Jombi mweni jagatotula mahakau gitu mu nhyega jaki panani ju nsalaba, ili tukotuka kuhenga mahakau, nukutama kukuhenga mahengu gagunndengane Sapanga ngati hejupala. Kukuhumiswa kwaki mwanganya npatiki womi.

2 Yohana 1:7

Ndaba baalonge isoli bingi apitii punndema. Bandu haba ngaseajetake ana Yesu Kilisitu jwahikiki na jabi mundu. Mundu ngati hoju julonge isoli na ampenga Kilisitu.