Mateo 19:16 - KILOMBENO KIHYA KIA NFUMWETU YESU KIDISITU

¹⁶ Talangai, umune bafikile, bamwihwishe’shi: Mulambukishi e buwa, nankakitshi kinyi kibuwa kia kumwena muwa wa ikala-ika?

Mateo 19:16 Iomraidhean Croise

Mateo 19:15

E bebatentekyele māsa, bakatukile kwanka.

Mateo 19:26

Anka Yesu bebatadile swee, bebalungwile’shi: kino nkikambilwe na bantu, anka kw’Efile-Mukulu bintu bioso abiuku kukitshibwa.

Mateo 19:29

N’ese muntu akuleka mashibo e, su mbakwabo balume su mbakwabo bakashi, su nshye, su nyina, su mpian’e, su bana, su nsenga, ha mwanda w’eshina diande, akatambula bifwime misusa lukama, akahyana namu muwa wa ikala ika.

Mateo 25:46

Binyibiabia bano abakēnde mu malwa a ikala-ika; anka balulame (abakatwele) mu muwa wa ikala-ika.

Yoano 10:28

Neyiha muwa wa-ikala-ika; tayifu sunga mpahelahela, sunga muntu kwiyinyenga kwiasa diande.

Yoano 12:25

Awa e na kifulo na muwa we na mwinyi, au ukamushimina; ank’e ashikwa muwa we wa hano-hansenga, akekala nao, mpa na kwikalaika.

Yoano 3:15

Ese akumina mwadi E, takalwika, ooo, anka akekale na muwa wa ikala-ika.

Yoano 4:14

anka ese akatomo ku ā mema ankamuha, takahusha’nyi nyota dimo, ooo, sunga mpahelahela; anka ā mema ankamuha akekala munda mwe bu nsulu ya mema afifuka, mpaa na mu muwa-au-tala wa ikala-ika.

Yoano 5:39

Kimbai mu bifundjibwe, mwanda mwanka mwa nutentekesha’shi: twi na muwa waikala-ika: abio nyi abintemuna.

Yoano 6:47

Binyibinyi, binyibinyi nenwambashi: Awa akumina mwimi e na muwa wa ikala-ika,

Yoano 6:68

Henyihaha Shimona Petelo bamwalulwile’shi: A Mumu, atukēnde kwi’nyi? Obe we na misambo ya muwa wa ikala-ika.

Bikitshino 16:30

Biabia bebatushishe mwanka, tabehusha’shi: A bamwanana, nkihwandjikile’mi kukita kinyi kuhanda?

Bena Loma 2:7

Kwi baba be na kwishtnka mu mufwaka mu bikitshino bibuwa abakimbi ntumbo na kinemo, na kukutwa lufu, abakahebwa mawa wa ikala-ika;

Bena Loma 5:21

eshi, mubamunyine kulwisha bu nfumu mu lufu, biabia buntu bwa bisumanga abukamuna ku kululama kwa muwa wa ikala-ika, kwi Yesu Kidisitu Nfumwetu.

I Temote 1:16

Anka ha uno mwanda nyi wanatambwila lusa’shi, Yesu Kidisitu aleshe kahuñanyi mwandji’mi kwikala bu kihwandjikisho kwi’ba abakakumina mwadi e mpaa na ku muwa wa ikala-ika.

I Temote 6:12

Olwe ngoshi yibuwa ya lukumino, kamina ku muwa wa ikala-ika koboitanyinwe, na kukumina bokuminyine bibuwa ku mpala kwa tumonyi twibungi.

I Temote 6:19

N’ako kwībikila abo bana bene (buheta) bwa ku kihindji kianakafike, takidi kibangilo kibuwa’shi, bakamine ku muwa wa kwikala-ika.

Tetusa 1:2

mu lutengyelo lwa muwa wa ikala-ika, ubayile Efile Mukulu, e teuku kudimba, habadi tahabandjile kubanga bahanohansenga;

Tetusa 3:7

hakubingishibwa ku bu-muntu bwe biatudia kwikala bampyanyi mwiyile lutengyelo lwa muwa wa ikala-ika.

I Yoano 1:2

(mwanda muwa ubamwekyelwe, n’atwe tweumona, na kwakula bu kamonyi, na kwinulungula (awa) muwa wa ikala-ika, ubadi na Yaiya ubetufumbudilwe;)

I Yoano 2:25

Na uno nyi mulayilo wabetulayile, nyi muwa wa ikala-ika.

I Yoano 5:20

Atwiuku namu’shi. Mwan’Efile Mukulu bafikile, betuhele kishingulwilo’shi, twiukye yawa sha binyibinyi, n’atwe twi mwandie nyi a binyibinyi, munda mwa Mwan’e Yesu Kidisitu. E nyi Efile Mukulu a binyibinyi na muwa wa ikala-ika.

Yuda 1:21

Nwilame mu kifulo ki’Efile Mukulu, na kutengyela lusa lwa Nfumwetu Yesu Kidisitu mpaa na ku muwa wa ikala-ika.