Mateo 18:3 - KILOMBENO KIHYA KIA NFUMWETU YESU KIDISITU

³ eshi; Binyibinyi, nenulungula’shi: Su tanwi bālule mashimba kwikala bu bana bakinga, tanukatwele mu Bufumu bwa mwiilu, ooo.

Mateo 18:3 Iomraidhean Croise

Mateo 13:15

Mwanda mashimba a bano bantu abālulukile bwalotakane, matwi abo ngashikile, meso abo namu abamomwa, tala kioso kihindji abakamono na meso abo, na kuhusha na matwi abo, sunga kushingula ’mashimba, n’abo kwikala balulukye ’mashimba, n’ami biandjia kwibahasha.

Mateo 18:2

Yesu betanyine mwana mukinga kwadi, bamutudile munkatshi mwabo;

Mateo 18:4

Binyibiabia muntu oso akehelesha bu uno mwana, e winyi mukile bukata mu Bufumu bwa mwiilu.

Mateo 19:14

Anka Yesu bambile’shi: Kuminai bana bakinga, tanwibatoshanga kufika kwandji’mi, mwanda bufumu bwa mwiilu nyi anka bu abo.

Mateo 19:23

Henyihaha Yesu balungwile bana-be-ba-bukishi’shi: Binyibinyi nenulungula’shi: Kwi bukoho muntu mpeta kutwela mu Bufumu bwa mwiilu;

Mateo 5:18

Mwanda binyibinyi, nenulungula ’shi: mpā n’ahakashimina eīlu na nsenga, sunga kahelahela ke ntshantshantsha, su ke nyunyunyu ka mukanda-wa-bishila takakashimina sunga kahelahela kenyi, mpā na haukakumbana.

Mateo 5:20

Mwanda nenulungula’shi, su kululama kw’eshimba kwenu ta nkukile kwa bafundji-ba-mikanda na Bafadiseo, tanukatwele mu bufumu bwa mwiilu.

Mateo 6:16

Dimonyi, hanushidi biakudia namu, tanwikalanga bongame bu bansesa, mwanda’bo abanyengye nkyebo yabo bebamone’shi mbashile biakudia. Binyibinyi, nenulungula’shi, abakwete kutambula bwedi bwabo.

Mateo 6:2

Binyibiabia hokitshi biabuntu (biobe) ha kuhana, twelanga mpungi kumpala kobe, bu amukitshine bansesa mu bitumbwilo na mu mpata, mwa biadia kutumbishibwa kwi bantu. Nenulungula, binyibinyi’shi, abakwete kutambula bwedi bwabo.

Mateo 6:5

Hōtekye, twekalanga bu bansesa; mwanda abasehela kwimana mu bitumbwilo na ku masank’a mpata mwa kumwekibwa kwi bantu. Nankulungula, binyibinyi abakwete kutambula bwedi bwabo.

Mako 4:12

Kumona, abakamono, anka ta bashingula; kuhusha, abakahusha, anka tabashingula; tala abakālula mashimba’bo, na milwisho yabo ayikebalekyelwa.

Luka 13:24

Nyishai bikata kutwela mu kibelo kihela, mwanda nenulungula’shi: Bebungi abakakyebe kutwela, abakakutwa.

Luka 22:32

Anka’mi tankutekyele’shi, lukuluhilo lobe talukakutshikwa: na hokāluluka kwishimba okankamike bakwenu.

Yoano 1:51

Biabia bamulungwile’nyi’shi: Mbinyibinyi mbinyibinyi nakwamba’shi: Anukamono eilu dishitukye, na bamwikeilu b’Efile Mukulu bakaminanga, bayikanga ha Mwan’a Muntu.

Yoano 3:3

Yesu bamwalulwile’shi: Binyibinyi, binyibinyi biankulungula’shi: Su muntu takatandjibwa diakabidi, tanakamone bufumu bw’Efile Mukulu, ooo.

Yoano 3:5

Yesu bālulwile’shi: Binyibinyi binyibinyi biankulungula’shi: Su muntu tamutandjibwe ku mema na ku Kikudi-E-Selelee, biabia tanakatwele mu bufumu bw’Efile Mukulu, ooo.

Bikitshino 14:22

Bakwete kukankamisha mashimba a balondji b’Efile, na kwibalanga’shi: Nunyingamanei mu lukumino, mwanda nkihwandjikile ’twe kumona misāibulo yibungi ha kutwela mu bufumu bw’Efile Mukulu.

Bikitshino 28:27

Mwanda mashimba a bano bantu angakundakane, Matwi abo n’amu e bu ashikile, Na meso abo mbealiute, Tala bakamona na meso abo, Na kuhusha na matwi, Na kushingula na mashimba, Na kwikala bululukye ku mashimba, N’ami nkebahashe.

Bikitshino 3:19

Binyibiabia nwilangei ’mashimba, nwikale bālulwe’shi, milwisho yenu yishimangishwe, biabia akukafiki kwi Yehowa bihindji bia kukankamana kwishimba.

I Bena Kodinda 14:20

Bakwetu tanwikalanga bu bana mu nangunangu ooo, anka mu kifita nwikale bana; mu nangunangu nwikale bakulu.

I Petelo 2:2

bu bana bakī batoka, nwikale na kulakila mabele a biabinyibinyia Mwanda (w’Efile) ’shi, nukule n’ao mpaa na ku kihandjilo.

Ii Petelo 1:11

Nyi anka biabia anukahebwa kitwēlo kikilekile bukata kia mu bufumu bwa ikala-ika bwa Nfumwetu Yesu Kidisitu.