రోమీ 1:21 - కొత్త కరార్ కరే బాత్కుంఙ్ పావ్

²¹ ఔరున్ దెయ్యమున్ ఒర్కిలుత్ కుల్ అమ్నున్ దేయ్యంలఙ్ మహిమ కలెతెంద్, దన్యావద్ ఇడ్డెతెంద్ గని తమ్మే విసరుత్ బుద్దిమంతకెర్ ఎద్దెర్. ఔర్ రికమి మనుత్ చిర్మచికటి ఎద్దిన్.

రోమీ 1:21 Iomraidhean Croise

యోహాన్ 3:19

దెయ్యం ఇడ్‍త తిర్పు, ఎద్దిన్. దున్యత్ వేలంఙ్ వత్తిన్. మంద్దికారబ్ పానిక్ కాల్‍సార్ అదుంఙ్ ఎత్తి ఔర్ వెల్ఙున్ సాయుత్ చికటిన్ ప్రేమ్ కల్సర్.

అపొస్తు 26:18

ఔరె కండ్లు ఓల్ గాత్ ఔరున్ సిర్మనా తన వెలుఙుంఙ్ సైతన్ వరెంఙ్ ఇన్ పనుక్సానన్సాత్. ఔర్ అన్ విస్వాస్ ఇడుత్ తమ్మె పాపులున్ మాప్, పవిత్ర ఇసా, దెయ్యం ఆస్తరున్ కలపుత్ తమే జగ రొంబడెంఙ్ ఇసా ఇనంఙ్ కల్సాన్సాత్.”

రోమీ 1:19

తనుంఙ్ ఇంతె దెయ్యమున్ వాలడ్ కరప్తద్ సదర్ ఔరుఙ్ కన్కెర్సనండద్. దెయ్యమి అదున్ ఔరుఙ్ సెరెంఙ్ ఇట్టెంద్.

రోమీ 1:28

ఔరె మనుత్ దైవిక్ గ్యానుంఙ్ జాగ తోతెద్. అదుంఙ్ ఎత్తి కలెకా పనిక్ ఔరడ్ కల్‍గలెకా కరాబ్‍ మనుంఙ్ దెయ్యమ్ ఔరుంఙ్ సోపిప్‍తెంద్.

రోమీ 11:10

ఔర్ ఓల్సెటర్లంఙ్ అవ్రే కల్లున్ చిర్మనా ఎరేంఙ్ గాక; అవ్రే విపు ఎప్పుడు వంఙ్ దుక్ అనేంఙ్ గాక.

2 తిమోతి 3:2

మంది సొతంఙ్ సటీ విచార్ కలెకంద్, పైసెలె అసా, గుల్ ఇడ్డెకార్ అంసార్. ఔరు గార్వనాడ్ అనెకర్, దెయ్యమున్ దుసన్ కలెకార్, తన్నేర్లంఙ్ సోయ్, ఇదార్తదున్ మద్దెకార్, కరాబూ,

1 పేతుర్ 1:18

తానుంఙ్ ఇంతె, ఇమ్మె తొలెని తార్ కూమ్త రీతినడ్ ఇముంఙ్ గదిప్ తాద్ కరాబ్ బత్కు తన నీర్ పకంఙ్ కుర్యెతీర్. కరాబ్ ఎరెక బఙ్ఙర్, చాదీ అంటా వస్తులున్ ఔరుంఙ్ రొబాడెతిన్. ఈ గిట్టి ఇముంఙ్ ఒర్కి.

1 పేతుర్ 2:9

గని సిర్మన తన చమత్కర్ వెలుత్ ఇమున్ కుఙ్త అముదు సొబాత గునా నీర్ తయార్ కత్తీర్. అదుఙి నీర్ నివ్డిప్త కూమ్ తంద్లంఙ్ రాజక్ ఎద్దార్ దెలాక్ కలాయ్త గుంప్, పవిత్ర మందింఙ్‍, దెయ్యమ్నె ఆస్తి మందిలంఙ్ అండార్.

ప్రకటన 14:7

అముదు, “నీర్ దెయ్యముంఙ్ అర్రిఙ్ అర్సుత్. అంనుంఙ్ మహిమ సియుర్. అన్నె మన్కకెరుంఙ్ న్యాయ్ కలెక వెల వత్తిన్. అదుంఙ్ ఎత్తి బూమిన్, ఆబారున్, సమ్‍దురున్, బూమి పొల ఈర్నె జల్లున్ గడిప్తనున్ మొకుర్.” ఇసా జోరనట్ ఇడుర్.

ప్రకటన 15:4

ప్రబు నీవి మత్రమ్ పరిసుదునీ, ఇనుంఙ్ అర్సెటర్ ఎర్? ఇన్నె పేరున్ మాన్ సియెకర్ ఎర్? ఇన్నె న్యాయ్‍ క్రియా సదరుంఙ్ కారిల్తె. అదుంఙ్ ఎత్తి సదర్ జాతిక్లకెర్ ఇన్నె సన్నిదింఙ్ వత్న ఇన్ మొక్దర్.”