ప్రకటన 5:9 - కొత్త కరార్ కరే బాత్కుంఙ్ పావ్

⁹ ఆ దొడ, ఆ పుస్తకున్ తోడ అద్నె ముద్ర పుసేన్ సటీ నీ యొగ్యుడ్. నీ వాద ఎద్ది. ప్రతి వంసముతాన, ప్రతి గొట్టి ముడేకదున్ ఔరున్ తాన, ప్రతి జతిన్ తన, హర్ మందిన్ తన నీ నెత్తురున్ దెయ్యమున్ సటీ మన్కకేరున్ కరేనడ్ సుంతెంద్.

ప్రకటన 5:9 Iomraidhean Croise

మత్తయ్ 20:28

అనాయ్, అన్ మన్కనె పోరక్ సేవా కత్త సుమెంఙ్ వారెతన్ గని సేవ కలెంఙ్ అని పేలెటర్ మన్కక్నె పోరక్ తల్లున్‍ పాపులున్ కడిపెంఙ్ ఇసా అన్నె పానం సియెంఙ్ వా తాన్. మంజె, ఇమ్మె పాపులె న్యాయ్ తన ఇముంన్ సాయ్‍గలెంఙ్ వా తాన్.

మత్తయ్ 26:28

ఇంతే అనే ఇదర్తా దెయ్యమ్నె కరార్ ఇది అన్నె నెత్తురున్ ఇద్ అంగుర్‍ రాస్స ఇడ్సనంస్సాద్. పేరేత్ మన్కకేరే పాపులున్ కండిపేకదుంఙ్ వల్లడ్ కుల్పత అనే నెత్తుర్ ఏంద్.

అపొస్తు 20:28

అన్నె పోరక్నె నెత్తుర్ డ్ తోద్‍తె పోరక్నె వాబ్ వాలడ్ తన్నె సొత నెత్తుర్ ఇసా వాయుత్ అన్సాద్ ప్రబుద్ తన్నె నెత్తురున్ కమాప్తా సంగమున్ కయ్యెకద్ సటీ పరిసుద్దాత్మ ఇంమున్ అదికరిక్ లాఙ్ ఇదర్తిన్ ఆ మందన్ సంగంమున్ ఇమ్మెత్ నిరి ఉసారడ్ అండ్రు.

1 కొరింతి 6:20

దెయ్యమి ఇమున్ కరేనడ్ సుంతెంద్ సుమ్‍తిన్. అదుంఙ్ ఎత్తి ఇమ్మె సరీరాడ్ అంనున్ మహిమ కలుర్.

1 కొరింతి 7:23

దెయ్యం ఇమున్ హజ్జలాడ్ కరేనడ్ సుంతెంద్ అదుంఙ్ ఎత్తి మన్కకెరుంఙ్ గడియకెర్ ఎన్నెర్.

ఎపెసి 1:7

దెయ్యమ్నె దండి కృపన్ వలాడి, అమ్నె లాడ్త పోరకున్ యేసునె నెత్తుర్ వాలడ్ నేండున్‍ సొడప్తెంద్, అని గలత్ పాపలుంన్ కండిప్తెంద్.

ఎపెసి 5:19

కిర్తనలాడ్ ఆత్మకలయ్త పాటలడ్ పవిత్ర తా పాటలడ్ ఒక్కొనుఙ్ ఒక్కొద్ ఇమత్‍ సియ్సా, ప్రబునున్ వాలడ్ ఇమ్మె గుండెత్ పాడ్స కీర్తించుర్.

కొలస్సి 1:14

ఆ దదాక్నతి నేండున్‍ పాప్ లె మాప్ కల్సాద్, సాయెక అన్సా.

కొలస్సి 1:23

ఇద్ ఎరెంఙ్ ఇంతె నీర్ గట్టినాడ్ విస్వాసముత్ సోయ్ ఇలుత్ అంత్, ఆబార్ బూడున్ జాగలున్ తయార్ కలెంఙ్‍, ఇంమున్ ఇడ్డెక సొయ్త కబుర్ వాలడ్ ఎరెకా ఆసనడ్ తన్ కురిసెట అనెంఙ్. ఇసా ఈ సొయ్త కబుర్ పౌలు ఇనెకారన్ అన్ గడియక్ ఇదరేకారన్.

తీతుకు 2:14

అముదు దున్యత కరాబ్‍ తన్న నేండున్‍ ఒర్కిలుత్, సోయ్త పనిక్ కలెకదుంఙ్ ఆసనాడ్ మందిన్‍ తన్లంఙ్ పరిసుద్ద కత్న తన్నె సొత కలెకదుంఙ్ తన్నెత్ తనీ నేండుంఙ్ సటీ సొపరింప్తెద్.

హెబ్రీ 11:14

ఇలాట గొట్టిత్ ఇడ్డేకరు ఔర్ తమ్ తమే సొత దెసమున్ కిరవ్‍సతుమ్ ఇసా సొబనాడ్ ఇడ్సార్

2 పేతుర్ 2:1

గతముత్ నయ్ ఇస్రాయేలీయుల్లొ పైలి కబుర్లకెర్ అండేర్. అదున్ వలాడి ఇముఙ్ గీన పైలీకి ఇడ్తంనెద్. ఔర్ కరాబ్ కలెంఙ్ సటీ సడీక్ ముడుత్ డాప్సన్ద, ఔరున్ సటీ కరేనడ్ సుంతెంద్ అండా ప్రబువున్‍ గిన నాకరిల్సా తమ్. అదున్ వాలడ్ అన్నెత్ అమ్ది కరాబ్ ఎర్స.

1 యోహాన్ 1:7

తే, అముదు వెల్గుత్ అనెక ఇదదాడ్ నేండ్ వెల్గుత్ అడ్గనెర్, నేండుంఙ్ ఒక్కొనేత్ ఒక్కొద్ కలైయుత్ అన్సాద్. అప్పుడ్ అమ్నే పోరక్ యేసు క్రీస్తు నెత్తుర్ నేండున్‍ ప్రతి పాప్ తన సోయ్ కల్సద్.

1 యోహాన్ 2:2

నేండ్‍ పాప్ వాలడ్ మాత్రం తోద్, సర్వ దున్యత్ పాపాలున్ అమ్‍ది పరిహరం.

ప్రకటన 10:11

అప్పుడ్ ఔరు అనుంఙ్ ఇనంఙ్ ఇడ్తెర్. “నీ సిమ్కన మందింఙ్ బదోల్, జాతికుంఙ్ బదోల్, మరొక్కొ మరొకో గొట్టిక్లాడ్ ముడెకారున్ బదోల్, రాజక్ కెరున్ బదోల్ నీ దెయ్యమున్ బదోల్ ఇడెంఙ్” ఇంతెంద్.

ప్రకటన 11:9

మన్కకెరత్తి, సిమ్కన జతిక్లకెరత్తి, రంఙ్ రంఙ్ తా గొట్టిక్ ముడెకారె, జతిక్లతర కొన్సెం మంది ఇవ్రె తిక్త ముర్దలున్ ఓల్సా ముది అని సార్సం దినా ఇవ్రున్ తప్నెత్ ఇడ్డెంఙ్ ఇడెర్.

ప్రకటన 13:7

ఇంకా పవిత్ర యూద్దంకత్న ఔరున్ గెల్లెకదుంఙ్ ఔరుంఙ్ అదికార్ సియెకద్ ఎద్దిన్. ఆర్ కన్దన్ పొయ్, మందిన్ పొయ్, మరొక్కొ మరొక్కొ గొట్టిక్ ముడెకార్ పొయ్, అర్ జతి పొయ్ అదికార్ ఔరుంఙ్ సియెకాద్ ఎద్దిన్.

ప్రకటన 13:8

బూమి పొయ్ పానం కర్ సింకన. ఇంతె బూమి తయార్ ఎరెంఙయ్ అద్ద గొర్రెనె కొవ్వె తన బత్తకా పుస్తకున్ పేర్ తోసెటార్ ఆ జన్వరున్ ఆరాదన కన్నెర్.

ప్రకటన 14:6

అప్పుడ్ మరొక్కొ దూతున్ ఓల్తన్. అముదు ఆబార్ పొయ్ నెగయ్సాంద్. బూమి పొయ్ బత్కెకర్ సిమ్కనం అర్ దేసుంఙ్‍, జాతింఙ్‍, అర్ గొట్టి ముడెకారుంఙ్‍, అర్ జతింఙ్ ఇడ్డెకదుంఙ్ సటీ అంనంత్తి ఎప్పుడి అనెకా సొయ్త కబుర్ అన్సాద్.

ప్రకటన 15:3

ఔరు దెయ్యమ్నె సేవక్ మోసేనె పాట, గొర్రెనె కొవ్వెనె పాట పాడ్స, “ప్రబుంద్ ఇన్నెక పూర సక్తిత దెయ్యం, సదరున్ పొరయెకని, కీంక్రీ దండి కార్యి సమ్తకల్. సిమ్కనన్ నీతి అదికార్ అనెకద్, ఇన్నె విదనా న్యాయ్ తావీ, సత్తెం రాజక్.

ప్రకటన 17:15

ఆ దూత్ ఇంక అన్వెంటా ఇనంఙ్ ఇడ్తిన్, “ఆ వేసదరుంఙ్ అనెక జాగన్ నీ ఓలిప్త దేసెము మంది జాతిక్ మరొక్కొ మరొక్కొ గొట్టిక్ ముడెకర్ ఇడ్సా.

ప్రకటన 4:11

“అమ్మె ప్రబుంద్, అమ్మె దెయ్యం, నీ మహిమ, సక్తి, ప్రబావా సుమ్మెంఙ్ సలెకనివి. అనుంఙ్ ఇంతే నీ దున్యన్ గడీప్తి. ఇన్నె ఇస్టమాడి అదా అండా” అదా ఇడ్సా తమ్మె కిరీటలున్ ఆ సింహాసనం ముదార్వై ఇట్టేర్.

ప్రకటన 5:12

ఔరున్, వై అమ్నె గొర్రెనె కొవ్వె సక్తి ఐస్వర్యం గ్యనం బలం గనత స్తుతి యసస్సు ప్రసంస సుమ్మెంఙ్ సాలద్ ఇసా జోరకత్న ఇడ్సార్!

ప్రకటన 5:6

సింహాసనముత్ ఆ నాలి ప్రాన లుంఙ్ దొడ నడుమ్ గొర్రెనె కొవ్వె ఇలుత్ అనెకదున్ అన్ ఓల్‍తన్. ఆ గొర్రెనె కొవ్వెన్‍ వాద ఎదెత్తిలంఙ్ కన్‍కెదిన్. ఆ గొర్రెలుంఙ్ ఏడ్ కొమ్ము ఏడ్ గెటా అంసా. ఆగెటా బూమి పుర నెర్యత దెయ్యమ్నె ఏడ్ ఆత్మ.