ప్రకటన 4:11 - కొత్త కరార్ కరే బాత్కుంఙ్ పావ్

¹¹ “అమ్మె ప్రబుంద్, అమ్మె దెయ్యం, నీ మహిమ, సక్తి, ప్రబావా సుమ్మెంఙ్ సలెకనివి. అనుంఙ్ ఇంతే నీ దున్యన్ గడీప్తి. ఇన్నె ఇస్టమాడి అదా అండా” అదా ఇడ్సా తమ్మె కిరీటలున్ ఆ సింహాసనం ముదార్వై ఇట్టేర్.

ప్రకటన 4:11 Iomraidhean Croise

అపొస్తు 14:15

దొడలార, నీర్ ఇనంఙ్ తనుంఙ్ కల్సాతిర్? అమ్ గినా మన్కకెరి నీర్ లాంఙ్ మన్కకెరి ఈ కరాబున్ పనింఙ్ సయుత్న ఇముమంఙ్ దవ్ ఆబార్, బూమిన్, సమ్‍దురున్ అత్తి అనెక అదా సిమ్కన గడుపుత్. ఆ పానం అనెకా దెయ్యమ్నె సొయ్త కబుర్ ఇముంఙ్ ఇడ్సతుం.

అపొస్తు 17:24

ఈ ప్రపంచమున్, ఇత్తి అనెక ప్రతి వస్తున్ తయార్ కలేక దెయ్యం; ఆబారున్, బూమిన్ ప్రబుంద్ ఎద్దన్ అముదు దెయ్యం, మన్కకెర్ కట్ తా మందిరుత్ బత్కెంద్.

రోమీ 11:36

సమస్తమూ అమ్నున్ ములంఙ్, అమ్నున్ వాలడ్, అమ్‍నుంఙ్ సటీ అండ. యుగయుగాలున్ అమ్మునుంఙ్ మహిమ కరెయ్ ఎరేంఙ్ గాక. ఆమెన్.

ఎపెసి 3:9

పురయ్ తయార్ కత్త దెయ్యంనంతీ పేలెతనట్‍ ఏరితోసెటంద్లన్ ఆ డాప్త సత్తెం సదరుని ఒర్కిపడ్గలెఙ్ దెయ్యమ్నెత్ ఆ కృపన్ అనుంఙ్ సియ్తెంద్.

హెబ్రీ 1:10

ప్రబు! సురువత్తుత్ నివి బూమిఙ్ బునజి ఇదార్తీ. ఇన్నే కేయ్యులడి ఆబారున్ ఇదార్తీ.

హెబ్రీ 1:2

ఇదుఙ్‍వాలడ్ దున్యత్ ముత్ అముదు తన్నే పోరకున్ వాలడ్ నేండ్ ముట్టెద్. అముదు అమ్మె పోరక్నే దున్యఙ్ వారసుడులఙ్ నేమిప్తెంద్. ఆ పోరకున్ వాలడ్ అముదు దున్యన్ ఇదర్తెంద్.

ప్రకటన 1:6

నేడున్ తన్నె బాంద్ ఇనెకా దెయ్యమ్నె ఒక్కొ రాజులంఙ్ దెయ్యలకెర్లంఙ్ కతెంద్. అంనుంఙ్ మహిమ గనత, యేసు క్రీస్తునె అదికార్ ఎప్పుడి కరెయ్ అంసా ఎకా! ఆమెన్

ప్రకటన 10:6

పరలోకమున్, బూమిన్, సముదురున్, అత్తి అనెక సిమ్కనని గడిపుత్ ఎప్పుడి బత్కెక దెయ్యమ్నె పెరడ్ ఇనంఙ్ ఇమన్ కతెంద్. “ఇంక కోర్ము ఎరెద్ ఇసా దూత ఇడ్తిన్.

ప్రకటన 14:7

అముదు, “నీర్ దెయ్యముంఙ్ అర్రిఙ్ అర్సుత్. అంనుంఙ్ మహిమ సియుర్. అన్నె మన్కకెరుంఙ్ న్యాయ్ కలెక వెల వత్తిన్. అదుంఙ్ ఎత్తి బూమిన్, ఆబారున్, సమ్‍దురున్, బూమి పొల ఈర్నె జల్లున్ గడిప్తనున్ మొకుర్.” ఇసా జోరనట్ ఇడుర్.

ప్రకటన 19:1

ఇదా ఎద్ద వెన్కత్ సిమ్కన మంది ముట్టెతి లంఙ్ ఒక్కొ దండి అవజ్ పరలోకంతన అనుంఙ్ విన్క వత్తిన్. హల్లెలూయా! రక్సన, సక్తినడ్ మహిమ కలెకా నేండె దెయ్యమ్నెవి.

ప్రకటన 5:12

ఔరున్, వై అమ్నె గొర్రెనె కొవ్వె సక్తి ఐస్వర్యం గ్యనం బలం గనత స్తుతి యసస్సు ప్రసంస సుమ్మెంఙ్ సాలద్ ఇసా జోరకత్న ఇడ్సార్!

ప్రకటన 5:2

సోయ్ అనెక ఒక్కొ దెయ్యమ్నె దూత్, “ఆ పుస్తకున్ ముద్రలున్ పుసుత్ అదున్ పుసెంఙ్ సాలెకద్ ఏద్?” జోరకత్ ఇడ్డెకనున్ ఓల్తన్.

ప్రకటన 5:9

ఆ దొడ, ఆ పుస్తకున్ తోడ అద్నె ముద్ర పుసేన్ సటీ నీ యొగ్యుడ్. నీ వాద ఎద్ది. ప్రతి వంసముతాన, ప్రతి గొట్టి ముడేకదున్ ఔరున్ తాన, ప్రతి జతిన్ తన, హర్ మందిన్ తన నీ నెత్తురున్ దెయ్యమున్ సటీ మన్కకేరున్ కరేనడ్ సుంతెంద్.