ప్రకటన 13:16 - కొత్త కరార్ కరే బాత్కుంఙ్ పావ్

¹⁶ పెన తన్నె ఉన్నకేయ్యపకంఙ్ ఎక్కద్ కపర్ పొయ్ ఎక్కద్ ముద్ర ఇడ్గలెంఙ్ ఇసా మెన్ మన్కకెరున్, గరీబులున్, దన్వంతకెర్, లాఙ్ గరిబులున్, అదికలున్, బానిసాలున్ సిమ్కన మందిన్ అముదు జులుమ్ కతెంద్.

ప్రకటన 13:16 Iomraidhean Croise

అపొస్తు 26:22

“ఎనగని అన్ దెయ్యమ్నె మదతడ్ ఈ దినమ్ దూక్ ఇలుత్ అండత్. ఇమ్మున్ ప్రవక్తక్ మోసే ముండట్ సాక్సంగా ఇమ్మె ముండట్ ఇల్సాతున్

1 కొరింతి 12:13

ఎనంఙ్ ఇంతె యూదులెకంద్, గ్రీకు లెకంద్, గడియకెర్‍ ఎకద్, స్వత ఎరెన్ ఇంతె, నేండ్‍ సిమ్కన ఒక్కొది మెన్ ఒక్కొ ఆత్మనడ్ బాప్తిస్మ సుంతమ్. నేండ్ సింక్కన ఒక్కొది ఆత్మన్ ఉనెంఙ్ సియ్తెంన్ అముదు ఒక్కొది మన్నాడ్ సియ్తెంద్.

గలతి 3:28

ఇంతీ యూదుడు గ్రీకు దేసతంద్ గడియక్‍ స్వతంత్రుడ్ ఇసా తేడ తోద్. యేసు క్రీస్తు నంతి నీర్ సదర్ ఒక్కొది అండాతిర్.

గలతి 6:17

అన్ యేసుంద్ ఒర్కి అనే మెనుత్ సొఙుత్ అండాతున్ అదుఙి ఇండితన ఏరి అన్ కస్టం వర్గలేంఙ్ తోద్.

ఎపెసి 6:8

సేవక్ ఎందెన స్వత ఎత్న, ఇంమతీ ఒక్కొదొక్కొద్ అముదు ఇదర్త సోయ్ తా పనికి ప్రబునున్ వాలడ్ సుకంమున్ అందర్ ఇస ఇంమున్ ఒర్కియి.

కొలస్సి 3:11

ఇనట కాలముత్ గ్రీకు దేసురర్ ఇసా యూదుంద్ ఇసా, సున్నతి సుమ్తద్‍ ఇస సున్నతి సుంసెటంద్ ఇస విదేసితంద్ ఇసా, సిదియా దేస్తద్ ఇసా, జీతగాడ్ ఇసా, సొతతర్ ఇసా తోద్. క్రీస్తునె ముండట్, సదార్ బరబర్ అండర్.

2 తిమోతి 3:8

యన్నే, యంబ్రే ఇనెకర్ మోసేన్ వెంటా సెరెకర్లంఙ్ ఇవ్రు నాయ్ కరాబ్ మంతవ్లత్తి కరాబెత్న విస్వ సత్తెం అడగెర్.

ప్రకటన 11:18

మందిఙ్ రగ్ పెర్గతిన్ గని ఇన్నె రఙ్ వత్తిన్ తిక్తరుంఙ్ న్యాయ్ కలెకా వెల. ఇన్నె గాడియకెర్ ఇన్నెకా కబుర్లకెరుంఙ్ పవిత్ర ఇన్నె పేర్ ఇంతె అర్రి అనెకరుంఙ్ అరితోసెటరుంఙ్ నాయ్ ఇనమ్ సియెకా వెలా బూమిన్ నసాడం కలెకరుంఙ్ నసాడం కలెకా వెలా వత్తిన్.

ప్రకటన 15:2

మల్ల అన్ ఒక్కొ గాజ్ సందూర్ లంఙ్ ఓల్తన్. అదున్ వెంట కిస్ కలయ్యుత్ అన్సాద్. జన్వరున్, అద్నె బొమ్మన్, అద్నె పేరున్ ఓలిపెకా అకడన్ గెల్‍తర్ ఆ గాజ్ సందూర్ మెర దెయ్యం సిత కీంక్రీ సుమ్ముత్ ఇలుత్ అనెకదున్ అన్ ఓల్‍తన్. ఔరె కేయ్యుత్ దెయ్యం సియ్తతీ వాస్తు అంసా.

ప్రకటన 19:18

రాజక్ కెరె ముర్య, సైన్యాదికర్లె ముర్య, జోరతరె ముర్య, గుర్రలె ముర్య, అదున్ పొయ్ ఉదుత్ అనెకారె ముర్య. సొత తా, బానుసు, ముడ్సెటార్, సోయ్తర్ అమ్నె సోయ్తర్ సిమ్కననె ముర్య, వత్న తిడ్ర” ఇంతెంద్.

ప్రకటన 19:20

అప్పుడ్ జన్వర్, ముండట్ సమ్కర్ కత్ తా పైలి కబుర్లక్ రొబ్బటెర్. ఈ సమత్కల్ లాఙ్ ఇమ్‌ద జాన్వర్ ముద్ర లగప్తరున్, ఆ మూర్తిన్ మొక్కెకరున్ పసిప్తెంద్. ఈ ఇద్దరున్ దగదగ తరియెకా కిస్నె నెగడిత్ పాన జొప్పిటెర్.

ప్రకటన 19:5

అప్పుడ్ “దెయ్యమ్నె గడియకెర్, అంనుంఙ్ అర్రిఙ్ ఆర్సెకార్, సోయ్తర్ ఎక్కద్ కరాబులెకద్ సిమ్కన నేండె దెయ్యమున్ మొక్కుర్ ఇసా ఒక్కొ లెంఙ్ సింహాసనం తన విన్క వత్తిన్.”

ప్రకటన 20:12

తిక్ తార్ సోయ్తరా ఎక్కద్ కరాబు లెక్కద్ ఆ సింహాసనముత్ ఇలుత్ అనెకరున్ ఓల్తన్. అప్పుడ్ పుస్తకె పుస్తెర్. మరొక్కొ పుస్తకెనాయ్ పుస్తెర్. అద్ పానం పుస్తక్. ఆ పుస్తకుత్ తమ్మె కార్యలున్ బదోల్ వాయుత్ అనెకదున్ వాలడ్ ఔరె న్యాయ్ ఎర్సాద్.

ప్రకటన 20:4

అప్పుడ్ సింహాసన ఓల్తన్. అదున్ పొదె ఉద్‍తనుంఙ్ న్యాయ్ కలెకా అదికార్ సితేర్. యేసున్ బదోల్ ఇడ్త తమ్మె సాక్సముంఙ్ సటీ, దెయ్యమ్నె వాకున్ ఇడ్తదుంఙ్ తల్లున్ ఒడ్గత్ బక్తకెరె ఆత్మలున్ నదురడ్. ఔరు కుర్ర జన్వరున్ లాఙ్, అద్నె మూర్తిన్ ఎక్కద్ మొక్కెతన్. ఔరె కపారుత్ ఎక్కద్ కెయ్యుత్ ఎక్కద్ ముద్ర ఇడ్ గలెతన్. ఔర్ ఇండ్డి పనలెత్న క్రీస్తునడ్ కలయుత్ హజర్ సాల్కు అడ్గిప్త్తెర్.

ప్రకటన 6:15

అప్పుడ్ బూమి పొదె అనెకా రాజక్ కేర్, దండి మన్కకెర్, సైనిక్లె అదికారి, దనికుల్, సక్తి తార్, ఇంకా బానిస స్వెచ్చ పురా మెట్లు గుండ్ల సందీత్, కన్నుత్ డాఙ్నేర్.

ప్రకటన 7:3

“అమ్ అమ్మె దెయ్యమ్నె గడియకున్ ముండట్ ముద్ర సియ్ నంత్తెంఙ్ బూమింఙ్, సందురుంఙ్‍, మాకులుంఙ్ ఎటది అన్యాయ్ కన్నెం” ఇంతెంద్.