లూక్ 9:19 - కొత్త కరార్ కరే బాత్కుంఙ్ పావ్

¹⁹ ఔర్ ఇంతెర్‍ బాప్తిస్మ ఓడ్పెకా యోహాన్. గని మల్ల కొన్సెం మంది ఏలీయాక్‍ ఇన్నేద్ అని మల్ల కొన్సెం మంది పేలెనిత కబుర్లకేర్ లోపా ఒక్కోంద్‍ పెన సుల్‍తేంద్‍ ఇసా ఇన్నేర్‍.

లూక్ 9:19 Iomraidhean Croise

మత్తయ్ 14:2

అని అముదు ఔరె ఆదికరిక్లాడ్ ఇంతెంద్. ఈ మన్కక్ బాప్తిస్మ సియెకా యోహాన్ ఎన్నెదా. ఇమ్‌ద తిక్తరున్ సుల్పుతెంద్. అదుంఙ్ ఎత్తి, ఇదా దండి సమత్కాల్ ఇమున్ వాలడ ఎర్సాన్సా. యెరొద్ రాజక్ గడియాక్ రుంఙ్ ఇనంఙ్ విచార్ కలెకద్నె కారాన్ ఇద్ ఎంద్.

మత్తయ్ 3:1

ఆ దినాలుంఙ్ బాప్తిస్మ సియెక యోహాన్ వత్న యూదియ దేస్త బట్టిత్ వత్ గొట్టిక్ ఇడ్స వతెంద్.

మార్క 6:14

యేసునే పేర్ గులేనహ నేరయ్‍త్తిన్. హేరోద్ రాజక్ అమ్నున్ బదోల్ విత్న ఇసాద్. బాప్తిస్మ సియెకా యోహాన్ తిక్కుత్ పానమ్ ఎద్దేంద్. అదుంఙ్ వల్లడ్ ఇంమ్నత్తి ఇంతె దండి దండికి సమత్కార్ ఏర్సనంసా.

మార్క 6:15

కోచెం మంది ఇస్సార్. ఇమ్‌ద ఏలీయాక్ ఏన్నెద్. మల్ల కొన్సెం మంది ఇస్సార్ ఇమ్‌ద తొల్లె వత్త దెయ్యమ్నె గొట్టిక్ ఇండెకార్ లోపా ఒక్కొంద్ ఏన్నెద్.

లూక్ 9:18

మల్ల ఇనంఙ్‍ ఎద్దీన్‍ యేసుంద్‍ ఒక్కొందీ సెత్నా పార్తన కలేఙా అమ్నే సిసులూన్ అమ్నున్‍వై వత్తేర్. అముదు‍ అవ్రూన్‍ వేల్తెంద్ మన్కకెర్‍ అన్‍ ఏద్‍ ఎన్నేంద్‍ ఇసార్‍?

లూక్ 9:20

అముదు‍ ఔరున్ ఇన్తెంద్ గని నీర్‍ అమ్నూన్‍ ఏద్ ఎన్నెంద్ ఇసతీర్? పేతురుక్ ఇంతేంద్‍, “నీ దెయ్యమ్నె మన్ తా క్రీస్తునివ్ ఎన్నివా.”

యోహాన్ 1:21

తె ఔర్ అమ్నున్ ఇంతెర్, “నీ ఎన్ని? ఏలీయాక్ క్నివా?” ఇసా వేలుత్‍ ఓల్‍త్తెర్. అముదు, “తొద్” ఇసా ఇంతెంద్. ఔర్ ప్రవక్త నివా? ఇసా వేలుత్ ఓల్‍త్తెర్. అముదు “తొద” ఇసా ఇంతెంద్.

యోహాన్ 1:25

అదుంఙ్ ఎంతి యోహాన్ “నీ క్రీస్తుని ఎరేలాంఙ్‍, ఏలీయాక్ ఎరేలాంఙ్‍, ప్రవక్త నాయ్ ఎరెలాంఙ్. అటనీ ఎరతె నీ మందింఙ్ తనుంఙ్ బాప్తిస్మ సియ్‍సాతీ?” ఇసా వేల్త్తొల్తెంద్.

యోహాన్ 7:40

అమ్నె గొట్టిక్ వింత్తె కొన్సెం మంది, “ఇమ్ది కరెయ్ ప్రవక్త ఎన్నెంద్” ఇసా ఇంతెర్.

యోహాన్ 9:17

అదుంఙ్ వాలడ్ ఔర్ గుడ్డి అనెకనున్ ఇన్నె కండ్లున్ సోయ్ కతెంద్ ‍ తా! అమ్నుంఙ్ వాలడ్‍ నీ తనెవిసాతీ? ఇసా వెల్‍తెర్. “అముదు ఒక్కొ కబుర్లక్” ఇంతెంద్.