లూక్ 24:47 - కొత్త కరార్ కరే బాత్కుంఙ్ పావ్

⁴⁷ యెరూసలేముత్ సూరు ఎత్న సదర్ మందింఙ్ అమ్నె పేరడ్ మన్ బద్లిపెకాద్‍, పాపులె మాప్ కలేకద్ ఎరద్ ఇసా ఇడ్డెకద్ ఎంద్ ఇసా వాయుత్ అంసా.

లూక్ 24:47 Iomraidhean Croise

మత్తయ్ 28:19

అదుంఙ్‍ ఎత్తి నీర్ సెత్నా సాటం జాగల మంది సిసు లాంఙ్ కాలుర్. తక్ దెయ్యమ్ అని పోరక్ యేసుదనే పవిత్ర ఆత్మనె పేరడ్ ఔరుంఙ్‍ బాప్తిస్మ సియుర్.

మత్తయ్ 3:2

“పరలోక రాజ్యం మేరం వత్తిన్, అదుఙి మన్ బద్లిపుర్!” అముదు ఇడ్తెంద్.

మత్తయ్ 9:13

సాస్త్ర నెత్ ఈ గొట్ట్టిన్ కరిపుర్ అన్ పాపులె పచ్చతాపలున్ కూగెంఙ్ వత్తన్, తానుంఙ్ ఇంతె అనుంఙ్ బావ్ లగ్గెద్ గని అన్ నీతి అనెకరుంఙ్ తోద్ గని గరిబులుంఙ్ అని కివ్ ఓలిపెంఙ్ మన్కకెరుంఙ్ కూగెంఙ్ వత్సతున్.

లూక్ 13:34

యే! యెరూసులేంతరా! నీర్ ప్రవక్తకెరూన్ అలుఙస నీ బగవత్తక్ ఇమ్‍వై పావిటరున్ గుండ్లాడ్ లగాప్స అల్ఙెకాద్ కోర్‍ తత్నే పిట్టలున్ మెర కక్తెతీయ్‍ ఏన్నిగుసల్ ఇమున్‍ మెర కలెంఙ్ ఇసా ఓల్తద్. గని నిర్‍ ఓప్పెతిర్‍. ఇదె విడ్రి! బగవన్తక్‍ ఇంమే నగురున్‍ పడ్ ఎరెంఙ్‍ సాయ్‍తెద్. యెహొవనే ఆదికరడ్ వరెకనుఙ్‍ బగవన్‍తక్‍ ఆసీర్వద్‍ సీయ్కద్‍ ఇసా నిర్‍ ఇనంత్తెంఙ్, కరెయ్‍ అన్ పెన ఏక్కొసట్‍ ఓలేర్‍ ఇసా ఇడ్తెంద్.

అపొస్తు 10:43

యేసును నమ్మతర్ తమ్మె పాప్ లుగు అముదు పేర మాపీ రొబ్బదిస్స కబుర్లకేర్ సాక్స ఇండ్తెర్.

అపొస్తు 11:18

ఔర్ ఇద గొట్టికుల్ వింతే ఔరె అడ్డమ్ కాలేఙ్ తోద్. దెయ్యం బత్కున్ యూదు లెర్సెటరుంఙ్ గిన మన్ బద్లిపుర్ అనెఙ రక్సన సుమేకా మొకాసియ్యిత్తేన్ ఇస్సా ఔర్ దెయ్యమున్ స్తుతికాల్సర్.

అపొస్తు 13:46

గని పౌలు, బర్నబా దైరమాడ్ సమదానం ఇడ్సా, “సిమ్కనంఙ్ ముదర్వై దెయ్యమ్నె గొట్టిన్ నీర్ ఇడ్డెకాద్ అమ్మె కర్తవ్యం. గని నీర్ నరకం ఇదరెకాదున్ వాలడ్, కారె పానమున్ ఎప్పుడి పత్కెకద్ ఇమ్మెత్ నీర్ ఇనేకాదున్ వాలడ్ అమ్ ఇమున్ సయుత్ యూదులెర్సెటర్వై సెసా నండాతుమ్.

అపొస్తు 2:38

పేతురు ఇనంఙ్ ఉత్తర్ ఇడ్తెంద్, “ఇమ్మతి ప్రతి ఒక్కొంద్ పాప్నె మపి మిసెమడ్ పాపులున్ సాయుత్ మన్ బద్లిపుర్ పొందుత్ యేసు క్రీస్తునె పెరడ్ బాప్తిస్మ సుమ్మెంఙ్. అపుడ్ తె ఇమ్మె పాపులె మాప్కతెంద్. ఇముంఙ్ పవిత్ర ఆత్మన్ వరం రొబడద్.

అపొస్తు 20:21

మన్ బద్లిపుర్, దెయ్యముంఙ్ సటీ బాంత్కఇస్స, నేండె యేసు ప్రబునున్ విస్వాస్ తొసెట గ్రీకు యూదులుంఙ్‍, యూదు ఎర్సెటర్ ఎమ్మె సాక్సం ఇండ్తన్.

అపొస్తు 26:18

ఔరె కండ్లు ఓల్ గాత్ ఔరున్ సిర్మనా తన వెలుఙుంఙ్ సైతన్ వరెంఙ్ ఇన్ పనుక్సానన్సాత్. ఔర్ అన్ విస్వాస్ ఇడుత్ తమ్మె పాపులున్ మాప్, పవిత్ర ఇసా, దెయ్యం ఆస్తరున్ కలపుత్ తమే జగ రొంబడెంఙ్ ఇసా ఇనంఙ్ కల్సాన్సాత్.”

అపొస్తు 26:20

పేలె దమస్కుంఙ్‍, యెరూసలేమ్, యూదలే దేసెం సిమ్కన, అద్ అద్ద వేనుకత్ యూదులెర్సెటర్, ఔర్ మర్ మనస్సు సుమ్ముత్ దెయ్యమున్వై తిర్గుత్ మరూ మన్ బద్లిపుర్ కార్య ఇదరెంఙ్ ఇడ్సా నంసతున్.

అపొస్తు 28:28

అదుంఙ్ ఎత్తి దెయ్యమున్ వాలడ్ ఈ రక్సన అది ఇడుత్. యూదు ఏర్సటరున్ వై పన్కెకద్ ఎదిన్ ఇసా నిర్ ఒర్కిలుర్. ఔరు విసార్.

అపొస్తు 3:19

మన్ బద్లిపుర్ దెయ్యమున్వై మలయుర్. అనఙ్ ఇదర్తె దెయ్యం ఇమ్మె పాపులున్ సోయ్‍కల్సద్.

అపొస్తు 4:12

రక్సన ఇంక ఎరున్ వాలడి రొంబాడెద్. తానుంఙ్ ఇంతె, రక్సన రొంబడెంఙ్ ఇంతె యేసు ఆబార్ బుడున్ అన్నెక దెయ్యం మన్కకెరుంఙ్ తప్ప మరొక్కొ పేర్ తంద్ ఒర్కిలెంఙ్ ఇడెతెర్. ఈ పెరుంఙ్ తప్పు తాకత్ దున్యతరుంఙ్ సితద్ మరి పెరుంఙ్ తోద్.

అపొస్తు 5:31

దెయ్యం అమ్నున్ అమ్నె ఉన్న పకంఙ్ అనెకా రక్సక్ ఎకద్. అమ్నున్ ఒక్కొ దండి మన్కక్ లంఙ్‍, బత్కిపెకంద్ లంఙ్ నిర్నాయ్ కతెంద్. మల్ల ఇస్రాయేల్ మందిన్ మన్ బద్లిపుర్ రొంబాడుత్ అవకసం. అమ్మె పాపులుంఙ్ మాప్ కలేంఙ్, రక్సపానం పొందుత్ అవకసం రొంబడెంఙ్ ఇసా అమ్నె ఉద్దెసం.

రోమీ 5:20

నియమ్ సాస్త్రం సేరఎకాదున్ వాలడ్ అపరద్ నెరయ్తిన్. గలత్ ఎద్దె పాప్ తికెకదున్‍ అదర్ కత్న ఏనంఙ్ కురితినొ, అనఙి ఎప్పుడి పానం కలయెంఙ్ నీతిన్ వాలడ్ కృప మన ప్రబు యేసు క్రీస్తున్ వాలడ్ సెరెంఙ్ సటీ పాపం నెర్యుత్ జాగలేంఙ్ కృప పూరయ్ నెర్యతిన్.

ఎపెసి 1:6

అమ్నె ప్రేమ్ పోరక్నె కృపన్ వాలడ్ ఓల్తె సొబానడ్ అందత్ ఇసా దెయ్యం అమునున్ అమ్నె పోరకేర్ వాలడ్ నేండుంఙ్ పుకమెయ్ సియ్సాద్.

ఎపెసి 3:8

పవిత్ర మందినడ్ సదరుంఙ్ ఎన కమ్మితద్ అన్ కమ్మి అనెంఙ్‍ క్రీస్తు రుబబున్ యూదు లెర్సెటరుంఙ్ గొట్టి ఇండెఙ్ సటీ, ఈ కృపన్ అనుంఙ్ సియెకద్ ఎదిన్.

కొలస్సి 1:27

యూదులెర్సెట ఈ మద్దెకదున్ సొబ తా పనిన్ ఇండెన్ ఇసా దెయ్యంనంతి సిదుర్ గొగ్గెతెంద్. ఈ మద్దెకదున్ ఇమ్మత్తి అనెక యేసు క్రీస్తు. అందీ మహిమ వాలడ్ ఆసా అన్సాద్.

1 యోహాన్ 2:12

ప్రియమైన చిన్న సినపరారా! క్రీస్తున్ వాలడ్ ఇమ్మె పాప్ ములున్ మాప్కల్ అదుహీ ఇమ్మున్ వాయసా అండతున్.