యాకోబ్ 1:2 - కొత్త కరార్ కరే బాత్కుంఙ్ పావ్

² అనే బాయినేవరా దాదకేర్, ఇమ్మె వస్వాసామున్ వరేకా పరీక్స ఇముఙ్ నడిపేంఙ్ మెరా ఎర్సద్ ఇస కుసినాడ్ ఒర్కిలుత్న

యాకోబ్ 1:2 Iomraidhean Croise

అపొస్తు 5:41

ఆ పేరుంఙ్ సటి అపోస్తు అపమాన్ ఎరెకారమ్ ఇసా ఆ దండి సబన్ సాయుత్న కుసినడ్ సెద్దెర్.

రోమీ 5:3

అంత్తెయ్ ఎరెకడి, కస్టలున్ సయినున్, సైన్ పరిక్సత్, పరిక్స పవ్ ఓలెకాద్ ఇదర్‍సా ఇసా కరిలుత్న నేండె కస్టాలెంఙ్ కుసీ కన్నర్.

పిలిపి 1:29

తొలెనిత కాలముత్ అన్ ఇదర్త జగ్డన్ ఓలిప్తెర్. అదున్ విసనండర్. నీగిన అది జగ్డత్ అండతిర్. అదుంఙ్ ఎత్తి దెయ్యమ్ ఇముంఙ్ ఎకున్ క్రీస్తున్ నమ్మెక మొక ఎరెకడి, అమ్నుంఙ్ సాటి తిప పడ్సా అనుబవ్ ఇముంఙ్నాయ్ సియ్తెంద్.

పిలిపి 2:17

అనంఙ్ ఎద్దె ఇమ్మె విస్వాస బావ్ ఒర్కిపడుత్ అన్ అన్నె పానంమడ్ సేరెఙ్ కలెఙ్ ఙ, అన్ తిక్తెనయ్ అన్ కుసినడ్ ఇమ్ వెంట అందత్.

పిలిపి 2:18

అనైయ్ నీర్ గిన కుసినడ్ అన్ వెంట సొబనడ్ అనెంఙ్.

కొలస్సి 1:24

పఙ్ఙి ఇంమున్ సటీ అన్ పడెక తిప్పలున్ కుసీంఙ్ వడ్సతున్. సంగమ్ ఇనెక క్రీస్తు అమ్నె మెనుంఙ్ఙ సటీ పట్ట తిప్పలంతి కమ్మిఅనెఙ్ ఙ అదవున్ అనె వంట అనె మేనుత్ పురయ్ ఇదర్సత్.

హెబ్రీ 10:34

అముదు ఎనంఙ్ ఇంతె, నీర్ కైదిక్ లత్తి తక్లిబ్ పడుత్ కివ్ ఎద్దిర్. నీర్ సియ్త, ఎప్పుడి అంత్ సంపదన అండావిస వారసు సుమ్మసతుమ్ ఇసాఒర్కిలుత్ ఇముంఙ్ ఇనెక ఆస్తి పస్తికున్న సుమ్ముత్ సెరెఙ కుసింఙ్ వరేర్.

యాకోబ్ 1:12

పరిక్సలున్ సహిన్‍ కలేకాద్ బాగ్యివాన్. ఆ పరిక్సత్ గేల్ తానుంఙ్ దెయ్యమున్ ప్రేమ్ కలేకరుఙ్ గొట్టి సియ్యెకాద్ పానం తా ముకుట్ అమ్నుఙ్ వారద్.

యాకోబ్ 1:16

అనే లాడ్తంద్ దాదకేర్, పసిల్నేడ్.

యాకోబ్ 1:19

అనే లాడ్తంద్ దాదకేర్, ప్రితి ఒక్కొద్ వినేంఙ్ లాంకి పడ్సంద్. ముడేకదుంన్, రంఙున్ కడమ కలేంఙ్. ఇద్ ఇమ్ముఙి ఒర్కి అనెంఙ్.

యాకోబ్ 5:11

కివ్ కలెకంద్ దన్యులు ఇసార్ బావిస్ తా? నీర్ యోబు సహనాన్ని వాలడ్ విన్తీర్. యోబునే గొట్టిత్ ప్రబునే ఉద్దేస్ ఒర్కి అనెకర్ నీర్ అముదు ఎంతొ జాలి, దయ అనెకాద్ ఇసా ఒర్కిల్తేర్.

2 పేతుర్ 2:9

అనఙ్ ఎందె, దెయ్యం సేవ అనెకంద్ ఔరున్ పరీక్స తనట్ ఎనంఙ్ పుస్సర్ ప్రబునున్ ఒర్కీ, ఎన్నంతెఙ్ ఆక్రి గొట్టీ రోజి అనె సిక్స ఎకెంన్ పఙ్ పఙ్ఙినమ్సెటాంద్ మన్కకెరున్ ఎనంఙ్ బందిస్తేరొ ఊహత్ గిన ప్రబునున్ ఒర్కి.

ప్రకటన 2:10

ఇనుంఙ్ వరెకా కస్టలున్ బదోల్ అర్సనెమ్. విన్, ఇమున్ పరిక్స ఓలెంఙ్ సైతన్ ఇమ్మత్తి కొంచెం మందిన్ జేలుత్ తపెకాంద్ అన్సాద్. పది దీనా హింసా అంసా. తీక్‍నంత్తెత్ ఇమన్దరడ్ అన్. అన్ ఇనుంఙ్ పానంనె ముకుట్ సియ్‍సాత్.