హెబ్రీ 7:26 - కొత్త కరార్ కరే బాత్కుంఙ్ పావ్

²⁶ అముదు కప్టి అంట్సెటద్, నింద తోసెటద్, సోయ్తంద్, పాపులుంఙ్ దావ్ అనెకంద్, ఆబారుంఙ్ ఎన పొయ్ అనెకంద్. అటా దండి దెయ్యలక్ నేండుంఙ్ ఒల్సయ్.

హెబ్రీ 7:26 Iomraidhean Croise

మత్తయ్ 27:18

తానుంఙ్ ఇంతె అముదు ఒర్కిల్‍ తెంద్, ఔర్ రగ్గడ్ యేసునున్ తాన్నె కెయ్యుత్ సుముత్ సియ్‍తెర్.

మార్క 16:19

యేసు ప్రబుద్ తన్నె సిసులుంన్ ఇద్ద సదర్ గొట్టిక్ ఇడ్డెక ఎద్ద వెన్కత్ అత్తి పొయ్ పరలోకముత్ సెత్న తన్నె బాంద్ దెయ్యమ్నె ఉన్న పకంఙ్ ఉద్‍తెద్.

లూక్ 1:35

అని దూత్ అదున్ ఇంతిన్ పవిత్ర దెయ్యం ఇన్న పొదె వారద అని సక్తి దండి దెయ్యమ్నె నిడ ఇన్‍పొయ్‍ముసాద్ అదుంఙ్ ఎత్తి ఇన్నుంఙ్ పరిస్దు పోరక్ జన్మిలెకద్ అన్సాద్ అమ్నున్ దెయ్యమ్నె పోరక్ ఇందర్.

లూక్ 23:22

మున్ది గుసాల్ అముదు ఔరున్ వెలుత్ ఓల్‍తెద్. ఇమ్ దతన్నెద్‍ కరాబ్ కతెంద్? ఇమ్నున్ అల్ఙేఙ్ ఇంతె ఇమ్నంతి తనయ్ గునా ఓలెతన్. అన్ ఇమ్నున్ తిక్కెకా సిక్స సియుత్ సాయ్‍సత్.

లూక్ 23:41

నేండుంఙ్ బరబర్ న్యాయ్ రొబ్బటిన్. గని ఈ మన్కక్ కరాబ్ తనయ్ కలెతెద్.

లూక్ 23:47

అపుడ్ ఎద్దున్ ఒలుత్, నూర్ సైనిక్లె దొడంద్, “ఈ మన్కక్ కరెయ్ నీతిమాన్” ఇసా దెయ్యముంఙ్ స్తుతి కత్తెద్.

లూక్ 24:26

దెయ్యమ్నె మన్‍వలె ఇదా సిమ్కన తక్లిబులున్ సొసిపుత్ తన్నె మహిమత్ సెరెకద్ క్రీస్తునుంఙ్ జరురి తా! ఇంతెంద్.

లూక్ 24:46

అని క్రీస్తుంద్ ఔరున్ ఇంతెంద్. దెయ్యమ్నె మన్వలె తక్లిబ్ సొసిపుత్న ముడొలుంఙ్ తిక్త తనట్‍ సుల్‍దాద్.

యోహాన్ 14:30

ఈ దున్యత అదికారి వర్సానంసాద్. అదుంఙ్ ఎత్తి ఇమున్‍వెంటా ఎక్వ ముడెన్. అముదు అన్ తనయ్‍గలెంఙ్ సాలెద్.

యోహాన్ 8:29

అన్ పన్కతంద్ అన్ వెంట అన్సాద్. అన్ సిమ్కన వెలలెఙి అమ్నుఙ్ మనుంఙ్ వత్తవునీ ఇడ్‍సాత్. అదుంఙ్ ఎత్తి అముదు అన్ ఒక్కొనునీ సాయెద్” ఇసా ఇంతెంద్.

అపొస్తు 3:14

అముదు పవిత్రక్ నీతిమంతుంద్, గని నీర్ అంనున్ అంత్తెయ్ ఎరెకడ్ అంనున్ బదోల్‍ పిలాతున్ మెరమ్ మరొక్కొనున్ సాయుర్ ఇసా నీర్ వెల్తిర్.

అపొస్తు 4:27

హేరోద్ పెనా ఒర్కిలుత్ పిలాతు, ఇస్రాయేల్త సత్తెం వంట మల్ల యూదులెర్సెటర్ వెంట కలయుత్. పవిత్ర ఇన్నె సేవకులున్, నివి అబిసేకం క్రీస్తున్ లంఙ్ కత్త యేసునుంఙ్ విరొది ఎదీ.

2 కొరింతి 5:21

తానుంఙ్ నేండ్ ఇన్తే నేండ్ అంనడ్ దెయ్యనడ్ నీతి ఎరెకద్లడ్ పాప్ అమ్నున్ దెయ్యమీ నేండుఙ్ సటీ పాపంగా ఇదర్తిన్.

హెబ్రీ 1:3

అముదు దెయ్యమ్నె మహిమ ప్రబావాల జొరత వేలంఙ్ అముదు. దెయ్యమ్నె సబావ్ పురా అముదు. నేండె పాప్ లే బదోల్ అమ్‍ది. సక్తినడ్ ఇదరుత్, గొట్టిన్ వాలడ్ సమ్తన్ పురనీ అడ్గిప్సాద్ ఎత్ అనెక జాగ నెరయుత్ దెయ్యమ్నె ఉన్నా పాకఙ్ ఉద్దెంద్.

హెబ్రీ 12:2

నేండె విస్వాసి అదున్ పూర కలెక యేసున్ పొయ్ నేండె నదుర్ సియ్నర్. అముదు తన్నె ముండట్ అనెక కుసింఙ్ సటీ సిలువన్ సొసిప్తెద్. అద్నె అపమనున్ లెక్కకలెతెద్. ఇండ్డి అముదు దెయ్యమ్నె సింహాసనాముత్ ఉన్న పకంఙ్ ఉద్తెద్.

హెబ్రీ 2:10

తనుంఙ్ ఇంత్తే ఎరుంఙ్ సటీ తయార్ అన్సాతివొ, ఎనున్ వాలడ్ దున్య గడిల్తినో అముదు అనెకా మందినె పోరకేరున్ మహిమంఙ్ తోడావారెంఙ్ ఇసా ఔరున్ రక్స సుమెకా తక్లిబున్ వాలడ్‍ పురా కాలెంఙ్ దెయ్యముంఙ్ సమంజసమే.

హెబ్రీ 2:17

దయా తావున్ బదోల్ నమ్మకమ్తా కివ్‍కత్న దండి దెయ్యలక్లాఙ్ అనేంఙ్‍, మందినే పాప్ లుంఙ్ మాపి కలెంఙ్ అంద తన్నె దాదకేర్ తన్న ఒక్కొంద్లాఙ్ ఎరెకా జీమెదర్ వత్తిన్.

హెబ్రీ 3:1

అదుఙి, దెయ్యమున్ వాలడ్ కుగేనా అనే క్రీస్తులె దాదకేర్ బాయినె వార కలయ్తర్. పవిత్ర దాదకెర్నయ్ ఇనెకదుంఙ్ అపొస్తులున్, దండి దెయ్యలక్ యేసు క్రీస్తునున్ బదోల్ వసార్ కలూర్.

హెబ్రీ 7:11

లేవిక్ దేలకెర్ అనెంఙయ్ దెయ్యమ్ ఔరుంఙ్ నియమ్ సాస్త్రన్ సియ్తెంద్. అదుంఙ్ ఎత్తి ఒక్కొ వేల ఆ దేయలక్నె సొయుంఙ వాలడ్ పురా ఎద్దిన్ ఇసాతిరెరత్తె లేవీ ఇనెకంద్ అహరోనున్ క్రమం ఎర్సెట మెల్కిసెదెక్‍ క్రమంత మరొక్కొ దెయ్యలక్ వరేకాద్ తా పని?

హెబ్రీ 8:1

ఇండి అమ్ ఇడ్డెకదున్ బదోల్ కర్రె విసాయ్ ఇద్. నేండుంఙ్ ఒక్కొ మెన్ దెయ్యలక్ అన్సాద్. అముదు పరలోకముత్ ఎంత్తెఒ మహిమ దెయ్యమ్నె సింహాసనముత్ ఉన్నపక్కంఙ్ అన్సాద్.

హెబ్రీ 9:14

ఇక ఎప్పుడి అనెక ఆత్మ వాలడ్ ఎటది అన్మాన్ తోసెటా దెయ్యముంఙ్ తన్నెత్ తాని బావు క్రీస్తునె నెత్తుర్ రడ్, పానంఎత్న దెయ్యమ్నె సేవా కలెంఙ్ కరాబ్ ‍ పనిక్ తనట్ నెడ్డె మన్ సాక్సమున్ ఎంత్తెయో సోయ్ కల్సాదో విచార్ కలుర్!

1 పేతుర్ 1:19

ఏ లోబం డాగ్ తోసెట, గొర్రెనె కొవ్వె లంఙ్ క్రీస్తునెత్ ఒక్కొద్ ఎంతెయొ కిమ్మత్ బవ్నె నెత్తురున్ వాలడ్ ఇముంఙ్ సొబత రొంబాడద్.

1 పేతుర్ 2:22

అముదు ఎనటది పాప్ కలెతెంద్. అమ్నే ముతీత్ ఎనటది కపటం కడుకెరెతీన్.

1 పేతుర్ 3:22

అముదు పరలోకముంఙ్ సెద్దె, దెయ్యమ్నె ఉన్నకేయ్ పకంఙ్ ఉద్దూత్ అండద్. అముదు దూతలూన్, అదికార్లున్, సక్తిక్, పూర అడ్గిప్సానంసాంద్.

1 యోహాన్ 2:2

నేండ్‍ పాప్ వాలడ్ మాత్రం తోద్, సర్వ దున్యత్ పాపాలున్ అమ్‍ది పరిహరం.

1 యోహాన్ 3:5

నేండె పాప్ ములున్ పుసేంఙ్ ఇసా క్రీస్తుంద్ నేడున్ సటీ వత్తేద్. అమ్నంతి ఎ పాపమ్ తొతేద్.

ప్రకటన 3:7

పిలదెల్పియత్ అనెక సంగంత దూత్ లున్ ఇనంఙ్ వాయ్. సత్తెం వాగిల్తంద్ పవిత్ర దావిద్ తాలం కిల్లిక్ సుంతంద్; పుస్తెంద్ ఇంతె ఏంది గెత్తెంఙ్ సలెంద్, గెతెంద్ ఇంతె ఏందీ పుసెంఙ్ సలెంద్, అనటాంద్ ఇంద్ ఇడ్డెకా గొట్టిక్ తనేద్ ఇంతె,