హెబ్రీ 6:9 - కొత్త కరార్ కరే బాత్కుంఙ్ పావ్

⁹ లాడ్తంద్ దాదకేరార, అమ్ ఇనంఙ్ ముడ్సఅన్నెంఙ్ నీర్ ఇదుంఙ్ ఎన సొబత పనిత్ అండతిర్ రక్స సొతాతి అన్సాతిర్ ఇసా గొట్టినాడ్ బరోసా ఇడ్సాతుమ్.

హెబ్రీ 6:9 Iomraidhean Croise

మార్క 16:16

ఇద్ద సోయ్త కబురున్ వింత్న ఎంద్ అదున్ పొయ్య విస్వాస్ ఇడుత్న పరిసుద్ద ఆత్మనాడ్ బాప్తిస్మ సుమ్ సార్. ఔరుంఙ్ దెయ్యం సిక్సతన కాపడద్ అని ఎర్ అదున్ పొయ్ విస్వాస్ ఇడెర్ ఔరున్ దెయ్యం సిక్స సియ్‍ద.

అపొస్తు 11:18

ఔర్ ఇద గొట్టికుల్ వింతే ఔరె అడ్డమ్ కాలేఙ్ తోద్. దెయ్యం బత్కున్ యూదు లెర్సెటరుంఙ్ గిన మన్ బద్లిపుర్ అనెఙ రక్సన సుమేకా మొకాసియ్యిత్తేన్ ఇస్సా ఔర్ దెయ్యమున్ స్తుతికాల్సర్.

అపొస్తు 20:21

మన్ బద్లిపుర్, దెయ్యముంఙ్ సటీ బాంత్కఇస్స, నేండె యేసు ప్రబునున్ విస్వాస్ తొసెట గ్రీకు యూదులుంఙ్‍, యూదు ఎర్సెటర్ ఎమ్మె సాక్సం ఇండ్తన్.

1 కొరింతి 10:14

అదుఙి అన్నె లాడ్తంద్ సంఙ్తకెరార, మూర్తి పూజలున్ వరెంఙ్ ఎడ్నేర్ దావ్ సెర్.

2 కొరింతి 12:19

అన్నె లాడ్తంద్ సంఙ్తక్నీవా అమ్ పఙ్ఙిదూక్ అమ్మె అగమి అమ్ గొట్టింఙ్ గొట్టి సియ్యెకద్ నీర్ ఇసానండతిరా? దెయ్యమ్నె నదురుంఙ్‍ క్రీస్తున్ సుమ్ముత్ ఇమ్మె సోయ్ సుద్రిలెంఙ్ సటీ ఇదా సిమ్కన ఇడ్సనండతుమ్.

2 కొరింతి 7:1

అన్నె లాడ్తంద్ సంఙ్తకెరార విస్వాసీక్లారా, ఈ వాగ్దాన్ అన్సా అదుఙి దెయ్యం పొదె అర్రినడ్ పురా ఎరెకదున్ పవిత్ర వాలడ్ కోసీద్ పడ్సనండతుమ్ సరీరమున్ ఆత్మఙ్ అట్తా ముర్ ఒడెకద్.

2 కొరింతి 7:10

దెయ్యం వాలడ్ వరెక దుక్కం దుక్ కలెకాద్ ఎరెద్ గని మన్ బద్లిపుర్ రక్సన రొంబడ్సద్. ఈ దున్యనె ఇసొబడ్ వారెక దుక్కం, దుక్ తిక్కెకదుంఙ్ కొర్సద్.

గలతి 5:6

అప్పుడ్ యేసు క్రీస్తు నత్తి సున్నతి ఏద్ద కరాన్ ఇసా, రొబాడ్సెటా తన్‍య్ సాలే, ప్రేమ్ నాడ్ పని ఇదరెకాద్ ఇస్వసి ముక్యం.

హెబ్రీ 10:34

అముదు ఎనంఙ్ ఇంతె, నీర్ కైదిక్ లత్తి తక్లిబ్ పడుత్ కివ్ ఎద్దిర్. నీర్ సియ్త, ఎప్పుడి అంత్ సంపదన అండావిస వారసు సుమ్మసతుమ్ ఇసాఒర్కిలుత్ ఇముంఙ్ ఇనెక ఆస్తి పస్తికున్న సుమ్ముత్ సెరెఙ కుసింఙ్ వరేర్.

హెబ్రీ 10:39

తే నేండ్ నాస్ ఎరెకదున్ వెన్కాంఙ్ వరెకరం ఎరెమ్. గని ఆత్మాన్ బాత్కిపెకంద్ పాజె అంతె ఇస్వాద్ అనెరత్తి నేండ్ అన్సాతుమ్.

హెబ్రీ 2:3

ఇంతే సొబత రక్స నేండ్ లక్ససియేం? ఆ గేల్పేకదున్ పేలె ప్రబుదీ ఇడ్తేద్, అదున్ విత్న ఔరున్ వాలడ్ ఆద్ నేండుంఙ్ ఒర్కి పటీన్.

హెబ్రీ 5:9

మల్ల మెల్కిసెదెకుఙ్ క్రమంత దెయ్యం అంనున్ పేలెతా దొడా దెయ్యలక్ ఎప్పుడి రక్స ఎద్దేద్.

హెబ్రీ 6:10

దెయ్యం నమ్సెటాంద్ కలెకద్ ఎరెంద్. పవిత్ర నీర్ సేవ కత్తిర్. కల్సనీ అంసార్. దెయ్యమ్నె పేరున్ సుముత్ నీర్ ఓలిప్త ప్రేమనడ్ ఇమ్మె సేవలున్ అముదు మదెద్.

1 పేతుర్ 2:11

లాడ్తంద్ అన్నె దదాకెరరా, నీర్ ఈ లోకముత్ మరొక్కొ దేసెం తార్ లంఙ్‍, సాయ్నెతిలంఙ్ అండాతీర్ అండార్. అదుఙి ఇమ్మె ఆత్మన్ విరొదడ్ పోరటం ఇదరేక మెన్ దున్యత అసాలున్ సాయ్ ఇసా వింతి కల్సనండతుమ్.

2 పేతుర్ 3:1

లాడ్తంద్ దదాకెరరా, ఇద్ అన్ ఇమున్ వాయెకద్ ఇంది లేక. నీటమ్ ఇడుత్ ఇమ్మె మన్నున్ కుసీ కలెంఙ్ ఇసా అన్నె బుద్దినాడ్ ఇదరుత్ ఇదవున్ వయ్సనండాత్.

1 యోహాన్ 2:7

లాడ్తంద్, అన్ ఇమ్ముంఙ్ వాయేకాద్ కొత్త ఆజ్జ ఎరేద్. ఇద్ పేలెతన ఇమ్మున్ అనెకా పాత ఆగ్య. ఈ పాత ఆగ్య నీర్ వింత గొట్టి.

యూద వాయ్త పత్రిక 1:3

అనే లాడ్తంద్ సొప్తియకేర్, నేండ్ సిమ్కన వత్త రక్సన గురించి ఇమున్ వాయత్ అసనడ్ సక్తి అనుంఙ్ పేర్రేత్ అండేనా, పవిత్ర దెయ్యమ్నె మంది తన్ ఒక్కొమాటి సిచాద్ విస్వాసం అదున్ జిద్దడ్ గెల్లేంఙ్ ఇడ్సనండాత్, వాయేంఙ్ ఙ తాక్తిన్.