గలతి 6:8 - కొత్త కరార్ కరే బాత్కుంఙ్ పావ్

⁸ ఎనంఙ్ ఇంతే, సొ తా మెనున్ మనున్ ప్రకారం విత్తన తప్పునేంద్ తనే మెన్ తాన నాసడం ఇనెక పంట పుస్చంద్, ఆత్మన్ ప్రకారం విత్తన విత్తేకద్ ఆత్మ ఎప్పుడి అనెక పానం ఇనెక పంట పుస్చంద్.

గలతి 6:8 Iomraidhean Croise

మత్తయ్ 19:29

అన్నె పేర్ రుంఙ్ సటీ తోర్దా అన్నె తోరెంద్ అమ్మ, బనున్, పోరకేరున్, బూమిన్ ఎల్లన్ సాయుత్ ప్రతి ఒక్కొద్ అటద్ నుర్ రెట్లు సుమ్‍దంద్. అదున్ వెంట ఎప్పుడి తిక్సెట పానం కాద్ సుందద్.

మత్తయ్ 25:46

ఇవ్రు ఎప్పుడి సిక్స, నీతి తిక్తవై పానం అనెకవై సెదర్.

లూక్ 18:30

ఈ లొకముత్ ఎన్నిగో పండ్లు వారెక లోకముత్ ఎప్పుడి అనెకా పానం నాయ్ రొబడ్‍సాద్ ఇసా ఇముంఙ్ కరెన్ ఇడ్‍తెంద్.

యోహాన్ 4:14

గని అన్ సియెకా ఈర్ ఉండనుంఙ్ పెన ఈర్‍ అడ్వారెద్. అన్ సియ్‍త ఈర్ అమ్నున్ లోపా ఒక్కొ పానం జరలంఙ్ అందద్ మల్ల అమ్నుంఙ్ ఎప్పుడి అనెకా పానమున్ సియ్‍సాద్ ఇసా సమదానం ఇడ్‍తెంద్.

యోహాన్ 4:36

అదున్ వయ్‍తర్ కిసెకర్ పంటన్ పుస్దర్. ఎప్పుడి అనెకా జివితముంఙ్ సటీ, అముదు ఆ పంటన్ కిస్‍దద్. కటినాడ్ పానం తప్తద్ నై పంటన్ నై కిసెకాద్ ఇద్దర్‍నై కుసీంఙ్ వదర్.

యోహాన్ 6:27

కరాబ్ ఎరెకా అంబలుంఙ్ సటీ కస్టెం కన్నెర్ ఎప్పుడి అనెకా పానం సటీ కాస్ట పాడుర్. అదున్ మన్కనె పోరక్ ఇముంఙ్ సియ్దద్. అమ్నున్ పొయ్‍ బాంద్ దెయ్యం తన్న ఒర్కిల్‍తరున్ ముద్ర ఇడదాద్ ఇసా ఇడ్‍తెంద్.

రోమీ 13:14

ఆక్రిత్ ప్రబు యేసు క్రీస్తున్ ఒర్కిలుర్. మేనుంఙ్ అని అద్నే కదానుంఙ్ జాగా సినేడ్.

రోమీ 6:13

ఇమ్మె వస్తులున్ అన్యాయ్ వస్తులున్‍ పాప్ న్వై సియ్‍నెర్. ఇంతే తిక్తతన పానం ఎద్ద ఇమ్మెత్ నిరి దెయ్యముంఙ్ సియ్యుర్ ఇమ్మె అవయులున్ నీతిన్ పనిక్ ఇదరెకాలంఙ్, దెయ్యముంఙ్ సియ్యుర్.

రోమీ 6:23

తానుంఙ్ ఇంతె పాప్నె కుల్‍కడ్ తికేకది. అనంఙ్ ఎరత్తె దెయ్యమ్నె కృప వరం నేండె ప్రబుంద్ క్రీస్తు యేసునంత్తి ఎప్పుడి అనెకా పానం.

రోమీ 8:11

తిక్‍తరంతన యేసు క్రీస్తున్ సులుప్త ఆత్మ ఇమున్ లోపా అండినింత్తె, అమ్నె తికెకదుంఙ్ తయార్ అనెకా ఇమ్మె సరీరులున్‍ నై ఇమ్మతి బత్కేకా తన్నె ఆత్మనాడ్ బత్కిప్సాంద్.

రోమీ 8:13

నీర్ సరీర్ అనుసర్ అడుగ్తె తిక్కెంఙ్ తయార్ అండాతీర్ గని ఆత్మా సరీరమూత్ కార్యలున్ అలుంఙ్ తే నీర్ బత్కుసాతీర్.

రోమీ 8:6

సరీర్లంఙ్ మన్ తిక్‍సాద్. ఆత్మ లంఙ్ అనెకా పానం, సమాదాన్.

1 కొరింతి 15:42

తిక్తర్ బత్కసార్ ఎరెకద్నయ్ అనాయ్ అన్సాద్. కరాబ్ ఎరెకా మెనున్ ఎప్పుడి కరాబెర్‍సెట మెనున్ ఎక్‍దర్.

గలతి 6:7

పసిలేంఙ్ తోద్. దెయ్యమున్ వేడిపేంఙ్. మన్కాక్ ఏ విత్తన తప్పుత్ ఆ పంటనీ పుస్చంద్.

1 తిమోతి 1:16

ఎన ఎప్పుడి పానం అనెకదుంఙ్ సటీ తాన్ పొయ్ ఇస్వద్ ఇడ్డెకదున్ అన్ ఔరుంఙ్ ఒక్కొ నమొనలంఙ్ అనెంఙ్ యేసు క్రీస్తుద్ తన్నే పురనీ అన్ పొయ్ ఒర్కిల్నెతి అన్ను కివ్ కతెంద్.

యాకోబ్ 3:18

సాంతిన్ కొరేకర్ సాంతినడ్ విత్ తానా వయ తాదున్ వాలడ్ నీతి తాద్ ఇనెక పలం రొబడ్సద్.

2 పేతుర్ 2:12

ఇంతె బుద్ది తోసెటా జన్వల్లాఙ్ అనెక ఈ మన్కకెరున్ ఎద్దీ ఔరున్ ఒర్కితోసెట గొట్టిక్ వాలడ్ విరోద్ కల్సార్. ఔర్, కరాబ్ పనిక్ కల్సర్. జనవర్లాఙ్ ఔర్ తమె కరబ్ వాలడ్ నస్సడం ఎర్సద్.

2 పేతుర్ 2:19

ఆమ్నేత్ అందీ సెత్నా కరాబ్ గులమ్ ఎద్దెద్, సాదరుఙీ సోయ్ కలతిసా వాగ్దానం కత్తేద్. ఒక్కొ మన్కకు తనేదెనా వత్తినింతె అముదు ఆ పనితి అనంఙ్ ఎర్సతీ.

యూద వాయ్త పత్రిక 1:21

మల్ల ఇమ్మున్ నిరి దెయ్యమ్నె ప్రేమ్ ముత్ బద్రం ఇదర్సత్ ఎప్పుడి అనెక పానం అడిగిపేకాద్ నేండె ప్రబువు యేసు క్రీస్తు దయఙ్ సటీ పావ్ ఓలుర్.

ప్రకటన 22:11

అన్యాయ్ కలెకనున్ అన్యాయ్ కల్సా అన్నెంఙ ఇడ్. పవిత్ర తోసెటర్ ఇంక పవిత్ర తోసెటయ్ అన్నెంఙ ఇడ్. నీతి తనున్ ఇంకా నీతినాడ్ అన్నెంఙ ఇడ్.”