కొలస్సి 4:2 - కొత్త కరార్ కరే బాత్కుంఙ్ పావ్

² పార్తనత్ ఇల్లుత్ అండ్రు. దన్యావద్ ఇడ్స ఉసరడ్ అండ్ర.

కొలస్సి 4:2 Iomraidhean Croise

మత్తయ్ 26:41

నీర్ పరిక్సత్ పడెంఙ్ తోంద్ ఇత్న ఉసారడ్ అండ్రు అని పార్తన కలూర్. ఆత్మంఙ్ కారే అస అన్సాంద్. గని సరీరాడ్ కమజొర్ అస్సాంద్.

మార్క 13:33

ఉసారడ్ అండ్రు. ఓల్సని అండ్రు. ఆ వేల ఏపుడి వర్సదొ ఇముంఙ్ ఏరక్ తొతెంద్.

లూక్ 18:1

అట్టిల్‍సెటా ఎప్పుడి పార్తన కల్సననెంఙ్ ఇసా ఇడెంఙ్ యేసుంద్ సిసులుంఙ్ ఈ ఉదహరన ఇడ్తెద్.

లూక్ 21:36

ముదర్వై జర్గిలెకా ఇదాసిమనాతన్న నీర్ సుకిపుత్, మన్కనె పోరక్ ముండట్ ఇల్లెంఙ్ సటీ సక్తితంద్ ఎరెంఙ్ ఇసా ఎపుడి పార్తన కల్సఅడ్ర ఇసా యేసుంద్ ఔరుంఙ్ ఇడ్‍తెద్.

అపొస్తు 1:14

ఇవ్రు సిమ్కన మిరయుత్ ఒక్కొ మన్నాడ్ ఎప్పుడి పార్తన కల్సానన్నెర్. కొన్సెం మంది పిల్లక్, యేసుంద్ అమ్మ మరియక్, యేసునె దాదకేర్ గినా ఇవ్రడ్ అన్నెర్.

రోమీ 12:12

ఆసనడ్ పావ్ ఓల్సా కుసీకలుర్. కస్టముత్ సంఙ్ఙ్ ఎర్సా, పార్తనత్ బరోసనడ్ అండ్రర్.

ఎపెసి 6:18

ఆత్మత్ సీమ్కన వెల్లలంత్తి సిమ్కన రకలడ్ పార్తన, జమ్ ఇదర్స అనుర్. అదున్ సటీ సిమ్కన్ ఒక్కొది మంనడ్ పవిత్ర సదరున్ సటీ అర్పనా ఇదర్స ఉసారడ్ అండ్రు

పిలిపి 4:6

ఇదున్ వాలడ్ ఎందిన్. ప్రతి గొట్టిక్లత్తి పార్తన ఇదరెకంతి దన్యావద్ ఇడ్సా ఇమ్మె వినంతి దెయ్యమున్ ఇండుర్.

కొలస్సి 1:9

ఈ కారన్ వాలడ్ అమ్ ఇంమున్ సటీ పార్తన ఇదరెకాద్ మంద్దెతమ్. నీర్ పూర బుద్దినడ్, ఆత్మత కలైయ్తర్ అమ్నే మనడ్‍ పురయ్ వినెంఙ్ఙ్ ఇసా దెయ్యమున్ వెల్సనండతున్.

కొలస్సి 2:7

అమ్నత్తిని ఎప్పుడి మిరైయుత్ అండ్రు. అమ్నున్ పొదెని ఇమ్మె బత్కుల్ అండద్. ఇంమున్ ఇడ్ తా రీతినడ్ విస్వాసముత్ ఎరెంత్ ఔర్ అనెంఙ్. దన్యావద్ ఇడ్డెకత్తి కైయిసనండ్ర.

కొలస్సి 3:15

క్రీస్తుంద్ సియెక సాంతి ఇమ్మె గుండెలతి బత్కెంఙ్ ఇడుర్. ఈ సాంతింఙ్ సటీ ఇంమున్ ఒక్కొదీ మెన్లన్ దెయ్యం సితిన్. ఇంక దన్యావద్ ఇడుర్.

కొలస్సి 3:17

గొట్టినడ్ ఎక్కద్ పనినడ్ ఎక్కద్, నీర్ తనెది ఇదర్తెన ప్రబువు యేసునె పేర్ ఇడుర్. బాంద్ అముదు దెయ్యమున్ యేసున్ వాలడ్ దవ్యవాద్ సిసా ఇదరూర్.

కొలస్సి 4:12

ఇమ్మత్తి ఒక్కొద్ క్రీస్తు యేసునె సేవ ఇదరెకాద్ ఎపప్రా మరిమరి ఇంముంఙ్ వందనాలు ఇడ్సతుమ్. దెయ్యమ్నె సంకల్పముత్ నీర్ పురయ్ సొబనడ్ అనెంఙ్ ఇసా అముదు ఎప్పుడి ఇంమున్ సటీ పార్తన ఇదర్సనండద్.

1 పేతుర్ 4:7

సింకనంఙ్ సదర్ అంతేయ్ వేలంఙ్ ఎర్సద్ మెరవత్తిన్. ఆదుఙి సోయ్త బుద్దినడ్ ఆత్మాన్ సొయాడ్ ఇడూర్ అప్పుడ్ నీర్ అపూడ్ నీర్ పార్తన కలెంఙ్ సలతీర్.