కొలస్సి 1:13 - కొత్త కరార్ కరే బాత్కుంఙ్ పావ్

¹³ అముదు నేడున్ చీకటి రాజ్యం ముత్ అదికార్ వాలడ్ సయతెర్ తనె ప్రేమ్త పోరకున్ రాజ్యంముత్ సాయ్సార్.

కొలస్సి 1:13 Iomraidhean Croise

మత్తయ్ 17:5

అముదు ముడ్సఅనెంఙ్‍, ఓక్కోతరియెకా డమ్మ నిడనాడ్‍ పుస్తిన్ అని డమ్మలత్తనట్ ఒక్కొ అవజ్ వత్తిన్. ఇమ్‌ద అన్నె లాడ్త పోరక్ ఎన్నెంద్. ఇమ్నుంఙ్ బదోల్ అనుంఙ్ కుసీ అన్సాద్. ఇమ్నెత్ విండ్ర.

మత్తయ్ 25:34

మల్ల రాజక్ తన్నె ఉన్న పకంఙ్ అనెకరున్ ఓలుత్న, అన్నెబాంద్ ఆసిర్వద్ సియ్‍తర్, వర్. దున్యత్ గడిలెంఙయ్ ఇముంఙ్ సటీ తయార్‍ కత్త రాజ్యం మున్ గెల్లుర్.

మత్తయ్ 3:17

మల్ల పరలోకం తన ఒక్కొ విన్కవతిన్ నీ అన్నె లాడ్త పోరక్ ఎన్ని. ఇన్ వాలడ్ అనుంఙ్ కుసీ అన్సాద్.

లూక్ 13:24

గూల్ మంది కుతుడ్కె బొయ్ద సొంఙెక అన్సాద్. ఆ దర్యొజ తన సొంగెంఙ్ పెరెత్ కోసీద్ కాలుర్. పేలెటర్ ఆ దర్యొజ తన సొంగెంఙ్ తక్సెటా ఓల్సార్. గని ఔరడ్ ఎరెంఙ్ సాలేద్.

లూక్ 22:53

అన్ రోజ్‍ ఇమున్ వెంట గుడిత్ అన్నెంఙ అదికార్ సుమెతిర్. గని ఇద్ ఇమ్మె సంది, చీకటి తా సక్తి” ఇంతెంద్

యోహాన్ 17:24

“బాంద్, అన్ ఎత్తి అంసాతొ, నీ అనుంఙ్‍ సియ్తర్ అన్ వెంట అనెంఙ్ ఇసా, నీ అనుంఙ్ సియ్‍త మహిమన్ ఔరు ఓలెంఙ్ ఇసా అన్ అసా కల్‍సాత్. తానుంఙ్ ఇంతె బూమిన్ గడిపెంఙ్ పేలెయ్ తనయ్ నీవ్ అన్ ప్రేమ్ కల్‍సాతి.

యోహాన్ 3:35

బాంద్ పోరకున్ ప్రేమ్ కల్సాద్. అదుంఙ్ వాలడ్ సిమ్కన అమ్నె కెయ్యుత్ సియ్‍తెంద్.

యోహాన్ 5:24

యేసుంద్, ఇద్‍ కరెయ్. అన్నె గొట్టిక్ విత్న అన్ పన్కతనున్ పొయ్ బరొస ఇడ్డెకనుంఙ్ ఎప్పుడి అనెకా పానం రొంబాడద్. అంటనుంఙ్ సిక్స వరేద్. ఇంతె అముదు తికెకాదున్ గెలుత్ ఎప్పుడి తిక్సెట పానం వద్దాంద్.

అపొస్తు 26:18

ఔరె కండ్లు ఓల్ గాత్ ఔరున్ సిర్మనా తన వెలుఙుంఙ్ సైతన్ వరెంఙ్ ఇన్ పనుక్సానన్సాత్. ఔర్ అన్ విస్వాస్ ఇడుత్ తమ్మె పాపులున్ మాప్, పవిత్ర ఇసా, దెయ్యం ఆస్తరున్ కలపుత్ తమే జగ రొంబడెంఙ్ ఇసా ఇనంఙ్ కల్సాన్సాత్.”

రోమీ 14:17

దెయ్యమ్నె రాజ్యం తినెకాద్, ఉనేకద్ తోద్. అద్ నీతి, సాంతి, పరిసుద్ద ఆత్మ ఇదరేకా కుసి.

2 కొరింతి 11:14

ఇదుంఙ్ పరిసాన్ ఎరెకద్ తనెద్. సైతన్ దెకుల్ వెల్ఙుత్ దూత్ పసిప్తేతి ఇదర్తెంద్.

2 కొరింతి 4:4

దెయ్యమ్నె రూపమున్ క్రీస్తునే సొబా ఓలిపెఙ్ సొయ్త కబుర్ వెల్ఙు ఓల్సెటా, ఇద దున్యత్ దెయ్యం ఔరె అవిస్వాసమున్ ఓలెకా కండ్లూన్ గుడ్డిలంఙ్ కతెంద్.

ఎపెసి 1:6

అమ్నె ప్రేమ్ పోరక్నె కృపన్ వాలడ్ ఓల్తె సొబానడ్ అందత్ ఇసా దెయ్యం అమునున్ అమ్నె పోరకేర్ వాలడ్ నేండుంఙ్ పుకమెయ్ సియ్సాద్.

ఎపెసి 4:18

తనుంఙ్ ఇంతె ఔరే మన్నున్ తకెన్ సల్సెట, ఇమ్మె మన్‍ కటిన్ ఎదదుంఙ్‍ వాలడ్ ఇమ్మె ప్రేమ వాలడ్ ఇమ్మె మన్నుత్ బుద్దిన్ ఇడుత్న, దెయ్యమ్నె పానం తన దవ్ ఎద్దెర్.

ఎపెసి 5:5

ఇంమున్ ఒర్కియి. కరాబ్ పనిక్ అపవిత్ర తోసెటర్ అసా పడేకర్లంఙ్ క్రీస్తున్, దెయ్యమున్ కలైయ్తా రాజ్యం మున్ అర్హులు ఎరెర్. అసా పడేకర్ మూర్తిక్లడ్ సమనం.

ఎపెసి 5:8

పేలెనిత కాలముత్ నీర్ చికటీత్ అనిర్. గని పఙ్ఙి ప్రబునత్తి వేలుఙుత్ అన్సతిర్. వేలుఙుత్ కలైయుత్ అడ్గనెర్.

ఎపెసి 6:12

తానుంఙ్ ఇంతె నేండె జగ్డలున్ మన్కాకెరె నెత్తుర్ రడ్ తోద్. ఇనెడిత చీకటి కలైయ్త దున్యన్ గడిప్త, దొడలడ్, అదికార్లడ్, ఆకాసమండలంలొని కరాబ్ ఆత్మ ముండట్‍ నేండ్‍ జగ్డ ఇదర్సతుమ్.

1 తెస్సలోని 2:12

ఇముంఙ్ ఇడ్సనండాత్ బాంద్ తన్నె పోరకేరత్తి అడ్గనెర్ పద్దతినడ్ ఆమ్ ఇమ్మాడ్ మాన్ అండామ్ ఇసా ఇముంఙ్ ఒర్కి.

హెబ్రీ 2:14

అదుంఙ్ ఎత్తి దెయ్యమ్నె సినపర్ సిమ్కన నెత్తుర్ కలయ్తరి అదుంఙ్ ఎత్తి యేసుంద్‍నాయ్ ఆ నెతురున్ కలయ్తది. అదున్‍ వాలడ్ తన్నె తికేకదుంఙ్ వాలడ్ తిక్కేకా బలంఅనెకానుంఙ్ ఎన సైతనున్ కమ్జొర్ కతెంద్.

1 పేతుర్ 2:9

గని సిర్మన తన చమత్కర్ వెలుత్ ఇమున్ కుఙ్త అముదు సొబాత గునా నీర్ తయార్ కత్తీర్. అదుఙి నీర్ నివ్డిప్త కూమ్ తంద్లంఙ్ రాజక్ ఎద్దార్ దెలాక్ కలాయ్త గుంప్, పవిత్ర మందింఙ్‍, దెయ్యమ్నె ఆస్తి మందిలంఙ్ అండార్.

2 పేతుర్ 1:11

ఇదున్ వాలడ్ నేండె ప్రబువు, రక్సక్ ఇనేక అముదు యేసు క్రీస్తునె ఎప్పుడి సొబ తాద్ రాజ్యం ముత్ ఇముంఙ్ సెరెంఙ్ రోబడద్.

1 యోహాన్ 2:8

అముదు, ఇమ్మున్ కొత్త ఆగ్య వాయ్స అండతుమ్. క్రీస్తునత్తి, ఇమ్మతీ ఇద్ సత్తెం. తనుంఙ్ ఇంతే చీకటి ఎద్దిన్. కరే వేలంఙ్ పఙ్ఙి కురిసనండాద్.

1 యోహాన్ 3:14

నేండ్ నేండె దాదకేర్ ప్రేమ్ కత్తమ్ అదుంఙ్ ఎత్తి నేండ్ మరనమ్ తన పానం దాట్తమ్ ఇసా నేడున్ ఒర్కి. ప్రేమ్ కత్తద్ మరనంమూతి అన్సద్.

1 యోహాన్ 3:8

అపారదం ఇదరేకద్ సైతనుంఙ్ కలైతద్. తనుంఙ్ ఇంతే మొదలీట్ట తాన సైతనున్ పాప్ ఇదర్సని అండద్. సైతనే పనికున్ నసాడం ఇదరేంఙ్ దెయ్యమ్నె కీకె కండ్కెద్దెద్.