అపొస్తు 22:30 - కొత్త కరార్ కరే బాత్కుంఙ్ పావ్

³⁰ మరొక్కొదినం, యూదులున్ అమ్నత్తి కున్త్తిప్త కరాబు కరెన్ ఒర్కిలెఙ్ సటీ, రోమా సైనిక్లె అదికరి అమునున్ సంకెలముల్ పుస్తెర్, దండి దెయ్యలక్, దడ్డి సబతర్ సిమనా సమాదనం ఎరెఙ్ ఆగ్యసియ్‍తన్, పౌలున్ కొత్నా ఔరున్ ముండట్ ఇల్పుర్,

అపొస్తు 22:30 Iomraidhean Croise

మత్తయ్ 10:17

మన్కకె రత్తి ఉసారడ్ అండ్రు. ఔర్ ఇమున్ జేలుత్ తప్దర్ యూదులె న్యాయ్ కలెకర్వై సియ్‍దర్, ఔరె యూదులె సావ్డిక్లెంఙ్ మంది ఇమున్ సాట్లడ్‍ దనప్‍గదర్.

మత్తయ్ 27:2

అని ఔర్ యేసునున్ సుమ్‍తెర్ అని రొమి రాజ్‍పాల్ పిలాత్‍నె కెయ్యుత్ సియ్‍తెర్.

మత్తయ్ 5:22

గని అన్ ఇముంఙ్ ఇడత్. ఎంద అమ్నె దాదక్ బాయిన్ పొయ్య అగమ్మి రాగ్గుంఙ్ వరద్ అమ్నె సిక్స సదర్‍ దెయ్యం తన్నట్ ఎరద్. అని ఎంద తన్నెదాదక్‍నెత్ బద్నం కద్దంద్ అమ్నుంఙ్ పరలోకముత్ న్యాయ్ సబాతన్ న్యాయ్ ఎరద అని ఎద్దెన అమ్నె దాదకున్ బైతడ్ ఇందద్ అముదు నరకమ్ కిస్త నెగడింఙ్ సెద్దాంద్.

అపొస్తు 21:11

అముదు పౌలు వాత్, ముల్కెన్ కట్టెక టావెలడ్ అందనాడ్ తనే కేయ్యుత్ గేట్టల్ కట్టుత్న ఈ ఇనంఙ్ ఇస్సన, “ఈ ముల్కెన్ కట్టెక పట్ట వలడ్, అమ్నున్ యెరూసలేముత్ యూదులు ఈ రక్మినాడ్ కటుత్ యూదులెర్సెటర్ ఔరె కేయ్యుత్ సియ్యిస్సర్ ఇస్స పరిసుద్దత్మ ఇండ్సనంస్సన్.”

అపొస్తు 21:33

పుడారి సైనిక్ అంనున్ మేర సెత్న, అంనున్ ఇనుమ్ సంకెలలడ్ కట్ ఇస్స సైనికుల్గు ఉక్కుమ్ సియ్తెంద్. అముదు ఎద్ ఎన్నెంద్? తనేంద్ కత్తేన్? ఆ వేనుకాంత్ మందిన్ వేల్తుఓల్సన్.

అపొస్తు 22:5

ఈ గొట్టిత్ దండి దెయ్యలకేర్ దొడా అన్ ఎడ్డెకద్ కరెయ్ ఇసా ఇవ్రి సాక్సులాండర్. అన్ ఔర్ తనట్ దమస్కుంఙ్ అమ్నె దాదకేర్ పత్రిక సుముత్, అత్తర్ విస్వాసులున్ గినా కట్టుత్ సిక్ససియుత్ యెరూసలేముంఙ్ తోడా వరెంఙ్ ఈసా అత్తిఙ్ సెదం.

అపొస్తు 23:1

పౌలు దడ్డి సబ తార్ ఔరున్ నిటామ్ ఓలుత్, “దాదకేర్, అన్ ఈ దినముంఙ్ తన దెయ్యం ముండట్ పూర సోయ్ మన్ సాక్సినాడ్ అడగ్సానన్సాత్” ఇసా ఇడ్తెంద్.

అపొస్తు 23:15

అదుంఙ్ ఎతి నీర్ మందినై సబాత్ కలయుత్, అమ్నున్ సోయ్ వెల్తొలుత్ అమ్నున్ ఇమున్ మేర తోడవర్ ఇసా రోమా సైనిక్లే అదికరి వెంట మనవి కాలుర్. అముదు ఇమున్ మేర వరెంఙ్ పేలెని అమ్నున్ అల్ఙెంఙ్ తయార్ ఎత్ అన్సాతుమ్” ఇసా ఇంతెర్.

అపొస్తు 23:20

అదుంఙ్ ఎతి, “నీ పౌలున్ పుర్తిగా విచార్ కలేంఙ్ ఇసా అమ్నున్ వేగెడ్ సబాంఙ్ మేర తోడవరెంఙ్ ఇసా ఇన్ బతిమలాడెంఙ్ యూదు పావ్ ఓల్స నన్సార్.

అపొస్తు 23:28

ఔర్ అమ్నున్ పోయ్ తప్పత గునా తనేదొ ఒర్కి పర్తెంద్ ఇసా అన్ ఔరె దడ్డి సబాత్ అమ్నున్ తోడ సెద్దన్.

అపొస్తు 23:6

అత్తి అనెకరత్తి ఒక్కొ బాగం సద్దుకి కయ్యులూ, మరొక బాగం పరుసిక్ అండెతి పౌలు ఒర్కిలుత్, “దాదకేర్, అన్ పరుసిక్లె, పరుసిక్ సంతతివాన్ని. నేండుంఙ్ అనెక నిరీక్సన ఆస, తిక్ తార్ బత్కసార్ వాలడ్అన్ విచరనా వెంటపడసా నన్సాత్.” ఇసా మందిన్ ముండట్ వాపొయ్సా ఇడ్తెంద్.

అపొస్తు 26:29

అదుంఙ్ తె పౌలు, “సస్తెయొ కస్టమాడో, నీర్ మాత్రమ్ తోద్, ఇనేడ్ అన్నె గొట్టిక్ వినేకార్ నీర్ సిమ్కన ఈ సంకెల తప్ప అన్ లంఙ్ అనేంఙ్ ఇసా దెయ్యముంఙ్ అన్నె పార్తన” ఇంతెంద్.

అపొస్తు 5:21

ఆ గొట్టిన్ విత్న సెత్న మందిరుంఙ్ ముదర్వై ఇలుత్ ఇడ్తెర్. అప్పు ఇస్రాయేల్ దెయ్యలకెర్ అమ్నున్ వెంట అనెకర్ కలయుత్ దడ్డి సబత యూదత మందిన్ కూగుత్ జేలుత్ అనెక అపొస్తులున్ తోడవా ఇసా కొన్సెం మందిన్ పన్కతెంద్.