2 పేతుర్ 1:5 - కొత్త కరార్ కరే బాత్కుంఙ్ పావ్

⁵ ఈ కారన్ వాలడ్‍ ఇమ్మెత్ నీర్ బక్తి కొసిదడ్ అనెకార్లాంఙ్ ఇమ్మె విస్వసడ్ సోయ్త గునమాడ్, సోయ్త గునమాడ్ బుద్ది,

2 పేతుర్ 1:5 Iomraidhean Croise

లూక్ 16:26

ఇద్ది ఎరెకడ్ పెనా ఒక్కొ తనెద్ ఇంతె ఇనుంఙ్ అనుంఙ్ నడమున్ ఒక్కొద్‍ గుల్‍ దండి లొవ అన్సాద్. ఇదున్‍ వాలడ్ ఇలర్ ఇమున్వై వరెంఙ్ సాలెర్ అని అలర్ ఇదె విడుత్ వరెంఙ్ సాలెర్, ఇసా అబ్రామ్ ఇడ్‍తెద్.

లూక్ 24:21

అమ్‍ తె అముదు ఇస్రాయేల్ మంది సొడపెకద్ ఎన్నెంద్ ఇమ్‍ది. ఇస అమ్ బరోస నాడ్ పవొల్తమ్. అంత్తెయ్ తొద్, ఇదా సిమ్కన ఎత్న ఇన్నెడ్ ముది దినా ఎద్దె.

యోహాన్ 6:27

కరాబ్ ఎరెకా అంబలుంఙ్ సటీ కస్టెం కన్నెర్ ఎప్పుడి అనెకా పానం సటీ కాస్ట పాడుర్. అదున్ మన్కనె పోరక్ ఇముంఙ్ సియ్దద్. అమ్నున్ పొయ్‍ బాంద్ దెయ్యం తన్న ఒర్కిల్‍తరున్ ముద్ర ఇడదాద్ ఇసా ఇడ్‍తెంద్.

1 కొరింతి 14:20

దాదకేర్, విచారుత్ సిన్న పోరకేర్లంఙ్ అనెంఙ్ తోద్. కరాబ్ పనిత్ లె తాలంఙ్ అండ్రు గని విచార్ కలెకత్తి పర్నీతి సుమ్మెకార్లంఙ్ అండ్రు.

ఎపెసి 5:17

అదుఙి నీర్ తేలివి తొసేట అన్నెర్‍ గని ప్రబునె మన్‍ తనెదొ ఒర్కిలుర్.

పిలిపి 1:9

ఇమ్మె ప్రేమ్త బుద్దినడ్, సిమ్కన నిర్నయ్ అందఙ్ అంతెయ్ తయార్ ఎర్సననెంఙ్ అన్ పార్తన ఇదరతున్.

పిలిపి 2:12

అనె లాడ్తంద్ సహ విస్వాసులారా, నీర్ ఎప్పుడి సిన్నమ్ ఎందెతిలన్, అన్ ఇమ్ మెర అనెఙి తోద్, మరి పెర్రెత్ గడి ఇమ్ వెంట తోసెటండె, ఇమ్మె పుర్ అరినడ్ నీర్ రక్స ఓలుర్.

పిలిపి 4:8

ఆక్రిత్, దాదకేర్ బాయినెవారా, ఎద పఙ్ ఙహితవొ ఎద మన్ ఇడ్డెకవొ ఎద నీతి ఎద పవిత్ర వొ ఎద సత్తెం ఎద సొబత పెర్తవొ ఎద నైతికంగా సొబతవొ మెచ్ననం అద అట వాలడ్ అల్లున్ సుంముత్ అండ్రు.

కొలస్సి 1:9

ఈ కారన్ వాలడ్ అమ్ ఇంమున్ సటీ పార్తన ఇదరెకాద్ మంద్దెతమ్. నీర్ పూర బుద్దినడ్, ఆత్మత కలైయ్తర్ అమ్నే మనడ్‍ పురయ్ వినెంఙ్ఙ్ ఇసా దెయ్యమున్ వెల్సనండతున్.

కొలస్సి 2:3

బుద్ది, ఉసార్‍తనం ఇద సంపద క్రీస్తునత్తి డపుత్ అండా.

హెబ్రీ 11:6

ఇస్వాద్ తోసెటా దెయ్యమున్ కుసీ కలెకాద్ సద్యం ఎరెద్. తానుంఙ్ ఇంతె దెయ్యం నత్తి వత్ తార్ అముదు ఇంతెంద్ ఇసా, తన్ కిరవేకరున్ అముదు ప్రతి పాలం సియ్సంద్ ఇసా నమ్మెంఙ్.

హెబ్రీ 12:15

దెయ్యమ్నె కృపత్ ఇంమత్తి ఎర్రి తపిల్సెటా ఉసార్ ఎర్ర. అనాయ్ తక్లిబు వర్గత్ చిమ్కనమందిన్ కరాబెద్ద చేంద్ ఇన్నెకా వేరున్ ఇంమత్తి మోలయెం ఇడ్సెటా ఉసారడ్ అండ్రు.

హెబ్రీ 6:11

నేండ్‍ దెయ్యముంఙ్ సటీ పవొల్సాతుమో అదున్ బదోల్ ఇమ్మత్తి ప్రతి ఒక్కొద్ పూర కరెయ్ జిద్దడ్ ఎత్‍ అన్నెంఙ్ ఇసా అమ్మె ఆస.

1 పేతుర్ 3:7

అనైయ్ మాసున్ నిర్, పానం కదున్ కట్నంలన్ ఇమ్మె మాస ఇంమతీ సర్సం ఇస కృపన్ అదీ ఇడుర్, అద్ అనే ఎల్లన్ దివే ఇస మన్నడ్ అద్నడ్ వగీలుర్. ఇనంఙ్ కత్తె ఇమ్మె పార్తనంఙ్ కరాబ్ ఎరెద్ సొబతాద్ ఎరద్.

2 పేతుర్ 1:10

అదుఙి దాదకేర్, ఇమ్మె కుగెకాద్, ఇమ్మె ఆస్తదున్ గట్టి ఇదరెంఙ్ సటీని సీమ్కనా గ్యాన్ ఇడుత్ అన్. అప్పుడి నీర్ ఎప్పుడి గడ్బడ్ ఎరెర్.

2 పేతుర్ 1:11

ఇదున్ వాలడ్ నేండె ప్రబువు, రక్సక్ ఇనేక అముదు యేసు క్రీస్తునె ఎప్పుడి సొబ తాద్ రాజ్యం ముత్ ఇముంఙ్ సెరెంఙ్ రోబడద్.

2 పేతుర్ 3:14

అదున్ లాడ్తంద్, దదాకెరరా, నీర్ ఇదవున్ సటీ, పవ్ ఓల్‍నేండ్ అదుహీ సాంతినాడ్, అమ్నె విచారుత్ నీర్ తప్పు తోసెట, సొబనాడ్ అండ్రు.

2 పేతుర్ 3:18

నెడే ప్రబునున్, రక్సక్ ఇనేక యేసు క్రీస్తు కృపనాడ్ తయార్ ఎద్ద. అంనుఙి ఎప్పుడి, అనెక కరెయ్ మహిమ రొంబడూత్ అంకాద్! ఆమెన్.