2 కొరింతి 4:2 - కొత్త కరార్ కరే బాత్కుంఙ్ పావ్

² ఇన్తే లజ్జలా సేటుంఙ్ గొట్టిక్ వెన్కవారెం. అముంఙ్ సత్తెం అడ్గనెర్, దెయ్యనె వాక్యమున్ వక్రం ఇదర్స తోతెద్. దెయ్యమ్నె నదురుంఙ్‍ ప్రతిఓక్కొనుఙ్ మన్ సాక్సి అమ్మెత్ అమీ కబుల్ కత్న ఇడ్సతుమ్.

2 కొరింతి 4:2 Iomraidhean Croise

రోమీ 1:16

సొయ్త సువార్త బదోల్ అన్ లజ్జంఙ్ వరెన్. తానుంఙ్ ఇంతె యూదుంద్ ఎన్తెయో, గ్రీకు జాతి తంద్ బరొస అనెకద్ ప్రతి ఒక్కొద్ అది దెయ్యమ్నె రక్స.

రోమీ 6:21

ఇండి కత్త పనీక్ వాలడ్ ఇముంఙ్ తా పైదా రొంబట్టిన్? అదుంఙ్ వాలడ్ నీర్ ఇండి లజ్జఙ్ వర్సతిర్‍ తా? తికెకది అద్నె పైదా.

1 కొరింతి 4:5

అదుంఙ్ ఎత్తి ప్రబునే ఆ వెలా వరెంఙ్ పేలెయ్, తనెదునీ బదోల్ న్యాయ్ కలెంఙ్ తోద్. అముదు సీకటిత్ అనెక వున్ వెలుంఙుంఙ్ కొత్న మన్కకెర్ లోపా అనెక ఉద్దేసలున్ వక పుసాద్. అపుడ్ ప్రతి ఒక్కొనుంఙ్ పాజె ఇంత మాన్ దెయ్యం తన్న రొంబాడద్.

2 కొరింతి 1:12

అమ్మెత్ దండి మదత్ ఇద్దీ! ఇదుంఙ్ అమ్మెత్ ఇద్ మన్ సాక్సి ఇమందార్. లోకం లాఙ్ బుద్దినడ్ తోద్ గని దెయ్యం కృప గొట్టినడ్ అద్ విసరడ్ సత్తె దెయ్యమ్నె అసిర్వదడ్ ఇదరుత్, దున్యత్ సిమ్కన మల్ల కాస్ ఇమ్ వాలడ్ అడెగెకా.

2 కొరింతి 11:3

పామ్నె రూపాడ్ హవ్వన్ పసిప్తెతి ఇమ్మె మన్లున్ క్రీస్తు నత్తి అనెకా ఇమ్మన్దారినడ్ అన్త, పవిత్ర బక్తి తనట్ సెసావొ తనెదొ ఇసా అన్ అర్సనండా తున్.

2 కొరింతి 11:6

ఎనఙ్ ఇడ్డెకదొ అన్ కరప్సెటండెనా తెలివిత్ కరప్ సెటరన్ ఎరెన్. అనెంఙ్ రకాలుఙ్ అని గొట్టికుఙ్ ఇదున్ ఇముంఙ్ ఇడ్ తమ్.

2 కొరింతి 2:17

ఏంతొయొ మంది దెయ్యమ్నె గొట్టిన్ సొ తా విరెక సర్కివిసనండర్. అన్ అనటర్ ఎరెమ్. అమ్ క్రీస్తునె సేవకెరమ్. దెయ్యనె కసమడ్ ఇడ్సనండతుమ్. దెయ్యం ముండట్ ఇడ్సనండాతుమ్.

2 కొరింతి 5:11

అదుఙి నేండ్‍ ప్రబునుఙ్ నత్తి అర్రిత బక్తకెర్ మందిన్ ఒప్తెతిలాఙ్. అమ్ తనెదొ దెయ్యముంఙ్ ఒర్కి సొబనడ్ ఓల్సద్. ఇమ్మే మన్ సాక్సి దెకుల్ ఎద్ది సోయ్ అనెఙ్ ఇసా అమ్ ఆస కబుల కల్సనండతుమ్.

2 కొరింతి 6:8

గనతత్ గనహీనతత్ అపవదులెంఙ్ ప్రసంసలొన అమ్ సత్తెం పనీ కల్సనండతుమ్.

2 కొరింతి 7:14

తానుంఙ్ ఇన్తె అన్ అమ్నుఙ్ ఇమ్మున్ వాలడ్ సత్తెం ఇడ్త తా గొట్టిన్ నీర్ అన్ను లజ్జంఙ్ కొరెతీర్. ఇదుంఙ్ అమ్ ఇమ్మడ్ ఇమ్మడ్ ఇడ్తద్ సిమ్నయ్ ఎనఙ్ ఎరద్ అనఙ్ అమ్ ఇముంఙ్ బదోల్ తితసుంఙ్ సొయ తా ఇడ్సతుం ఇడ్డెకద్ ఎన్దిస ఒర్కి.

ఎపెసి 4:14

అపుడ్ నేండ్ సిన సినపర్లంఙ్ మన్కకెరె రుబాబ్ నడ్ కరాబ్ ఇదరెంన్ సటీ అని రకలడ్ ఇడ్కద్ ఇనెక గాలిన్ తకెఙ్ ఙ ఈర్కుత్ కొచ్చెట అన్సాతుమ్.

ఎపెసి 5:12

తానుంఙ్ ఇంతె ఔరు డాపుత్ ఇదరెక ఆ పనికున్ వాలడ్ ముడెకద్ గిన గుల్ లజ్జ సెద్దెతి.