1 యోహాన్ 1:7 - కొత్త కరార్ కరే బాత్కుంఙ్ పావ్

⁷ తే, అముదు వెల్గుత్ అనెక ఇదదాడ్ నేండ్ వెల్గుత్ అడ్గనెర్, నేండుంఙ్ ఒక్కొనేత్ ఒక్కొద్ కలైయుత్ అన్సాద్. అప్పుడ్ అమ్నే పోరక్ యేసు క్రీస్తు నెత్తుర్ నేండున్‍ ప్రతి పాప్ తన సోయ్ కల్సద్.

1 యోహాన్ 1:7 Iomraidhean Croise

మత్తయ్ 6:12

అముంఙ్ కర్జ ఎత్న మాప్ కలెకరున్ మాప్కల్ అమ్ సుక్కితమొ అనాయ్ అమ్మె పాపులుంనయ్ సుక్కిల్తం అమ్మెనయ్ సుక్కిప్

యోహాన్ 1:29

మరొక్కొ జీర్‍ యోహాన్ యేసుంద్ తన్‍వై వరెకనున్ ఓలుత్న, ఇదొ! దెయ్యమ్నె గొర్రెనె కొవ్వె! సదార్ దున్యత పాపులున్ తన్‍పొయ్‍ సుమ్‍తెంద్.

యోహాన్ 12:35

అపుడ్ యేసుంద్ ఔరడ్ ఇనంఙ్ ఇడ్తెంద్, ఇంకా కొన్సెం కాలమీ వెలుంఙ్ ఇమ్మె నడుమ్ అన్సాద్; చికటి ఇముంఙ్ ముంసెట, ఇంకా వెలుంఙ్ అనెఙయ్ అడుగుర్. చికటిత్ అడ్గనెర్, తన్ ఎద్దెసెసందో అమ్నుఙి కరీలెద్.

యోహాన్ 5:4

అపూడ అపుడ్ కొన్ని గుసల్ మెలాప్స నంద్.

రోమీ 13:12

సింతే గుల్ పెర్రెత్ గడి ఎత్ వేన్ తా వేలంఙ్ వత్తిన్ అదుహీ నేండ్ చికటి కార్యమున్ సయుత్న వెలుంఙ్ జాగ్డకత్ కలైతా అయుదలున్ సుంనాడ్.

1 కొరింతి 6:11

పేలె ఇమ్మత్తి కొన్సెంమంది అటరి. అనంఎరత్తె ప్రబు యేసు క్రీస్తునె పేరడ్, నేండె దెయ్యమ్నె ఆత్మ ఇమున్ ఒడెకదుంఙ్ వాలడ్ పవిత్ర ఎదిర్ నీతి ఇమన్‍దాల్‍ ఎదిర్.

ఎపెసి 1:7

దెయ్యమ్నె దండి కృపన్ వలాడి, అమ్నె లాడ్త పోరకున్ యేసునె నెత్తుర్ వాలడ్ నేండున్‍ సొడప్తెంద్, అని గలత్ పాపలుంన్ కండిప్తెంద్.

ఎపెసి 5:8

పేలెనిత కాలముత్ నీర్ చికటీత్ అనిర్. గని పఙ్ఙి ప్రబునత్తి వేలుఙుత్ అన్సతిర్. వేలుఙుత్ కలైయుత్ అడ్గనెర్.

1 తిమోతి 6:16

అముదు ఎకున్ వేలుంత్ పూర కతెంద్ అని కరెయ్ బత్కసాద్. మనుత్ ఎరి అమ్నున్ ఓలెత్తెర్, ఎరి ఓలెంఙ్ సాలెర్. అమ్నున్ మన్, ఎప్పుడి పానం రొంబడెంఙ్ ఆమెన్.

తీతుకు 2:14

అముదు దున్యత కరాబ్‍ తన్న నేండున్‍ ఒర్కిలుత్, సోయ్త పనిక్ కలెకదుంఙ్ ఆసనాడ్ మందిన్‍ తన్లంఙ్ పరిసుద్ద కత్న తన్నె సొత కలెకదుంఙ్ తన్నెత్ తనీ నేండుంఙ్ సటీ సొపరింప్తెద్.

హెబ్రీ 9:14

ఇక ఎప్పుడి అనెక ఆత్మ వాలడ్ ఎటది అన్మాన్ తోసెటా దెయ్యముంఙ్ తన్నెత్ తాని బావు క్రీస్తునె నెత్తుర్ రడ్, పానంఎత్న దెయ్యమ్నె సేవా కలెంఙ్ కరాబ్ ‍ పనిక్ తనట్ నెడ్డె మన్ సాక్సమున్ ఎంత్తెయో సోయ్ కల్సాదో విచార్ కలుర్!

యాకోబ్ 1:17

ప్రతి సోయ్ తా బహుమనం, పురా వరం పరలోకం తాన వర్సా. వెలుంఙ్ తయార్ కత్త తాక్ తన వర్సంద్. అముదు మేలగేకా నిడలన్ అనేద్. అమ్‍నుంఙ్ మర్పు తొతేద్.

1 పేతుర్ 1:19

ఏ లోబం డాగ్ తోసెట, గొర్రెనె కొవ్వె లంఙ్ క్రీస్తునెత్ ఒక్కొద్ ఎంతెయొ కిమ్మత్ బవ్నె నెత్తురున్ వాలడ్ ఇముంఙ్ సొబత రొంబాడద్.

1 యోహాన్ 1:3

నీర్ గిన్ అమ్మడ్ మిరయుత్ అనెంఙ్ ఇసా అమ్ ఓల్తమ్ తాక్నడ్, అమ్నె పోరక్నాడ్ యేసు క్రీస్తునాడ్ అండిన్.

1 యోహాన్ 1:5

దెయ్యం వెలుంఙ్. అమ్నత్తి సికాటి తోతెది తొతేద్. అదున్ ఆమ్ అమ్నత్తి వింత్ ఇముంఙ్ ఇడ్సనండతుమ్.

1 యోహాన్ 5:6

తన్ బాప్తిస్మఇనెక ఇరున్ వాలడ్, అంనే తిక్త నెత్తురున్ వాలడ్ వత్తంద్ యేసు క్రీస్తుంది. అముదు ఎకుని ఈర్వాలడ్ మాత్రమి తోద్. ఇరున్ వాలడ్, నెత్తురున్ వాలడ్ గిన వతెంద్. దెయ్యం ఆత్మరూప్ అదుఙి ఆత్మాయ్ ఇద్ సత్తెం ఇక్సీ సియ్సనండాద్.

1 యోహాన్ 5:8

ఆత్మ, ఈర్, నెత్తుర్ ఇదా మూదీ ఒక్కొది సాక్సం ఇడ్సానండా.

2 యోహాన్ 1:4

బాంద్ నంతన నేండ్ సుమ్మతా ఆగ్య ప్రకార్ ఇమ్మె సినపరత్తి కొన్సెం మంది సత్తెం పావుత్ అడ్గనెర్ ఇసా ఒర్కి అన్ గుల్ కుసీంఙ్ వర్సత్.

3 యోహాన్ 1:4

అనే సినపర్ సత్తెం పావుత్ అడ్గనెర్ ఇసా ఒర్కిలేకదున్ ఎనా అనుంఙ్ దండి కుసి బద్లిపెకద్ తొతేద్.

ప్రకటన 1:5

ఇమన్దరి సాక్సం తిక్తరంతన అదికారి లంఙ్‍, బూమిత్ అనెకా రాజక్ కెర్ సిమ్కన పొరయెకాంద్ అముదు యేసు క్రీస్తు తన కృప, సాంతి ఇముంఙ్ ఎక్కద్. అముదు నేడున్ ప్రేమ్ కల్సా తన్నె నెత్తురున్ వాలడ్ నేండుంఙ్ నేండె పాప్ తనట్ సొడప్తెంద్.

ప్రకటన 12:11

ఔర గొర్రెనె కొవ్వె నెత్తుర్, తమ్మె సాక్సినడ్ అంనున్ గెల్త్తెర్. తికేకద్ వాత్తెనాయ్ తమ్మె పానలున్ ప్రేమ్ కలెత్తెర్.

ప్రకటన 7:14

అదుహీ అన్ “అయ్యా, ఇనుఙి ఒర్కీ” ఇసా సమాదాన్ ఇడ్తేంద్. అప్పుడ్ అముదు అన్నడ్, ఇవ్ర సదర్ దడ్డి బాద తాన వతరీ. ఇవ్రి గొర్రెనె కొవ్వె నెత్తుర్ తమే జుఙ్ఙేలెన సుత్కెర్. అదవున్ తెలొడిక్ ఇదర్తేర్.