1 కొరింతి 10:14 - కొత్త కరార్ కరే బాత్కుంఙ్ పావ్

¹⁴ అదుఙి అన్నె లాడ్తంద్ సంఙ్తకెరార, మూర్తి పూజలున్ వరెంఙ్ ఎడ్నేర్ దావ్ సెర్.

1 కొరింతి 10:14 Iomraidhean Croise

అపొస్తు 15:20

అముదుఙి ముర్తిక్ బోనం అపవిత్ర తినెకాద్ పుడ్కేంఙ్ వరెద్ ఇసా, పరస్త్రీని కామ్మి సంజిలెంఙ్ తోద్, బొడ్కన్ తిర్ముత్ అలుంఙ్ తాద్ జనవర్లే ముర్యన్ పుడుకెంఙ్ వరెద్ ఇసా, జనవర్లే నెత్తురున్ ఉనేంఙ్ వరెద్ ఇసా అవరుంఙ్ నేండ్ లేక వాయుత్ పవిటంన్

రోమీ 12:19

లాడ్తంద్ సక్ తాకేరె, రగ్ సుంమేగ్ తోద్. దెయ్యమ్నె రగ్గున్ జాగా సియుర్. “రగ్గున్ న్యాయ్ కలెకద్ అన్నె పని, అని పాయ్దా సియ్సాతున్ ఇసా ప్రబువు ఇడ్సద్” ఇసా వాయుత్ అండద్.

1 కొరింతి 10:15

బుద్ది అనెకర్ వెంట ముట్టెతి ఇమ్మాడ్ ముడ్సనండాత్. అన్ ఇడ్త గొట్టిక్ ఇమ్మెత్ నీరి ఆదికత్ నిర్నయ్ కత్న.

1 కొరింతి 10:19

అదుంఙ్ అన్ ఇనెకాద్ తనెద్ ఇసా ఇసాతిర్? ముర్తిపుజ లత్తి, అద లత్తి సియ్త ఎన తనెద్ ఎన అండద్ ఇసా అన్ ఇడ్సనండత్ తా?

1 కొరింతి 10:7

“మంది తినెంఙ్ ఉనెంఙ్ ఉద్తేర్, కామసంబందం ఎత్ ఎందెంఙ్ సుల్తేర్” ఇసా వాయుత్ అండెతి ఔర్లాఙ్ నీర్ మూర్తి పుజలున్ మొక్కెకార్లంఙ్ ఎన్నేర్.

1 కొరింతి 5:11

ఇండి అన్ ఇముంఙ్ వాయెకాద్ తన్నెద్ ఇంతె, క్రీస్తునంత్తి దాదక్ తొదా బాయి కుగెకర్ ఔరు ఎరీఎక్కద్, కరాబ్ పనికలెకర్ లొబీయకెర్ మూర్తికున్ మొకేకర్ విరోద్ కలెకర్ ఉన్నెకార్ వెత్తెకర్ ఎత్న అండె, అటరున్ వెంట కలయుత్ అనెంఙ్ తోద్. కనీసం ఔరున్ వెంటా కలయుత్ తీన్నెమ్.

2 కొరింతి 11:11

తనుంఙ్? అన్ ఇముంఙ్ ఇడ్తన ప్రేమ్ కలెతన్ ఇసా ఇంతన్? ఇన్ పానం కత్తన్ ఇసా దెయ్యముంఙ్ ఒర్కి.

2 కొరింతి 12:15

అదుఙి ఇమ్మె ఆత్మలుఙ్ సటీ కుసినడ్ కరసా కల్సత్. ఇముంఙ్ సటీ కర్జా ఎరసాత్. అన్ ఇమున్ ఎంతెయో పానం కత్తన్ నీర్ అన్ను ఇంకా ఎక్వ ప్రేమ్ కత్తిరా?

2 కొరింతి 12:19

అన్నె లాడ్తంద్ సంఙ్తక్నీవా అమ్ పఙ్ఙిదూక్ అమ్మె అగమి అమ్ గొట్టింఙ్ గొట్టి సియ్యెకద్ నీర్ ఇసానండతిరా? దెయ్యమ్నె నదురుంఙ్‍ క్రీస్తున్ సుమ్ముత్ ఇమ్మె సోయ్ సుద్రిలెంఙ్ సటీ ఇదా సిమ్కన ఇడ్సనండతుమ్.

2 కొరింతి 6:17

అదుఙి, “నీర్ ఔర తన కురియూత్ వకా వరెకా కొసిదాడ్ అండ్రు. అపవిత్ర పుడ్కెఙ్ తోద్.” ఇసా ప్రబుద్ ఇడ్సనండద్.

2 కొరింతి 7:1

అన్నె లాడ్తంద్ సంఙ్తకెరార విస్వాసీక్లారా, ఈ వాగ్దాన్ అన్సా అదుఙి దెయ్యం పొదె అర్రినడ్ పురా ఎరెకదున్ పవిత్ర వాలడ్ కోసీద్ పడ్సనండతుమ్ సరీరమున్ ఆత్మఙ్ అట్తా ముర్ ఒడెకద్.

పిలిపి 4:1

అదుహీ అనె లాడ్తంద్ దాదకేర్ బాయినేవర్, నీర్ ఇంతె అనుంఙ్ మనుంఙ్. ఇంమున్ ఓలెంఙ్ ఇస గుల్ అసా అండిన్. అనె కుసిన్, అనె ముకుట్ అండే అనె దదాక్నివ సినపారరా, ప్రబునత్తి సొబనడ్ అండ్రు.

పిలేమోన్ 1:1

క్రీస్తు యేసుంద్ కైది ఎదా పౌలు, దాదక్ తిమోతింఙ్ లాడ్తంద్ సంగతిక్ పిలేమోనుంఙ్ అన్నె సోయ్త పనీ సంతక్ పిలేమోన్,

హెబ్రీ 6:9

లాడ్తంద్ దాదకేరార, అమ్ ఇనంఙ్ ముడ్సఅన్నెంఙ్ నీర్ ఇదుంఙ్ ఎన సొబత పనిత్ అండతిర్ రక్స సొతాతి అన్సాతిర్ ఇసా గొట్టినాడ్ బరోసా ఇడ్సాతుమ్.

1 పేతుర్ 2:11

లాడ్తంద్ అన్నె దదాకెరరా, నీర్ ఈ లోకముత్ మరొక్కొ దేసెం తార్ లంఙ్‍, సాయ్నెతిలంఙ్ అండాతీర్ అండార్. అదుఙి ఇమ్మె ఆత్మన్ విరొదడ్ పోరటం ఇదరేక మెన్ దున్యత అసాలున్ సాయ్ ఇసా వింతి కల్సనండతుమ్.

1 యోహాన్ 5:21

అన్నె పోరకేరరా, ముర్తికుంఙ్ దావ్ అండ్ర.

ప్రకటన 13:8

బూమి పొయ్ పానం కర్ సింకన. ఇంతె బూమి తయార్ ఎరెంఙయ్ అద్ద గొర్రెనె కొవ్వె తన బత్తకా పుస్తకున్ పేర్ తోసెటార్ ఆ జన్వరున్ ఆరాదన కన్నెర్.

ప్రకటన 2:14

ఎనగని నీ కత్త కోన్ని గలతులున్ అన్ ఎత్తుత్న ఓలిపెకారని. అద ఎద్దవింత్తె ఇస్రాయేలు మూర్తికుంఙ్ బావ్ సియ్తదున్ తినెకద్‍లంఙ్‍, చినలి కలెకద్‍లాంఙ్ ఔరున్ గలత్ పవ్ కొస్తామ్ ఇసా బాలాకుకు కరప్త బిలామున్ బొదన్ అనుబవ్ సుమెకర్ ఇనంత్తి అంసార్.

ప్రకటన 21:8

అర్సెకర్, అవిస్వాసిక్, అసా కలెకర్, అంలఙెకర్, సినాలిక్, మాంత్రిక్, మూర్తిక్ మొక్కెకర్, పైలిక్ సిమ్కన తరియెకా కిస్నెగాడిత్ రాల్దర్. ఇద్ రెండవ తిక్కెకద్.”

ప్రకటన 22:15

పట్నం వాకా ఆతె, మాత్రిక్, సినాలి, కూన్ కలెకర్, మూర్తి పూజ కలెకర్, పైలిన్ ప్రేమ్ కత్న అబ్యాస్ కలెకర్ అంసార్.