ରୋମିୟ 2:16 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁶ ଆମା ନାଣ୍ତିଙ୍ଗ୍‍ ମାପୁରୁ ଜିସୁ କ୍ରିସ୍ତଦି ମାଣାନ୍‌ ଲୋକା ମାର୍‍ଗିତି ବିସୟ୍‍ୱିଜୁ ବିଚାର୍‌ କିନାନ୍‍, ଆୟା ନାଣ୍ତିଙ୍ଗ୍‍ ନାନୁ ପ୍ରଚାର୍‍ କିତିମାନି ସୁସମାଚାର୍‌ ଇସାବ୍‍ତାନ୍‍ ଇୟାୱିଜୁ ଗଟାନାତ୍‌ ।

Konda: కొండ బాసదు నెగ్గి కబ్రు

¹⁶ లోకుర్‌ వరి మన్సుదు ఎయెరిఙ్‌ నెస్‌ఏండ ఇడ్తిమన్ని ఆలోసనమ్‌కు వందిఙ్‌బా, దేవుణు తీర్పు కిని రోజుదు తీర్పు సీనాన్‌. యేసు క్రీస్తు వెట యాకెఙ్‌ విజు జర్గిజినె ఇజి నాను వెహ్సిని సువార్తదు మనాద్.

ରୋମିୟ 2:16 Iomraidhean Croise

మత్తయి 16:27

ମନୁସ୍ୟପୁତ୍ର ବୁବା ମାପୁରୁଦି ମାଣାନ୍‌ ଗୌରବ୍‍ ନି ମୁସ୍‌କୁପୁର୍‌ତି ଦୁତ୍‌କାୱାଲେ ମାରିଡ଼େସି ୱାନାନ୍‌ । ନାସ୍ତିୱାଲେ ୱାନ୍‌ ୱିଜୁ ଲୋକାଙ୍ଗ୍‌ ୱାନି କିତିମାନି ପାଣି ଇସାବ୍‌ତାନ୍‌ ପଲ୍‌ସିନାନ୍‌ ।

లూకా 8:17

ମାତର୍‌ ଆମାକା ନେସିଇକା, ଇୟାୱାଜା ନେସିଇ ବିସୟ ଇନିକା ସିଲେତ୍‌, ମାରି ଆମାକା ୱେଙ୍ଗାଁଜି ତରାଇଆଏତ୍‍, ଇୟାୱାଜା ନେସେଇ ବିସୟ୍‌ ଇନିକା ସିଲେତ୍‌ ।

యోహాను 12:48

ଏନ୍‌ ନାଙ୍ଗିଁ ଡ଼ିସ୍‌ସି ନା ମାଟା ମାନାଏନ୍‌, ନା ୱେୟୁଦି ବାକ୍ୟ ୱାନି ବିସାର୍‍କିନିକାତ୍‍ ଆନାତ୍‌ । ଆୟା ବାକ୍ୟ ୱିଜ୍‍ନି ଦିନ୍‍ତୁ ୱାନି ବିସାର୍‌ କିନାତ୍‌ ।

అపొస్తు 10:42

ଲୋକାମାନୁ ନେଗି କାବୁର୍‌ ପ୍ରଚାର୍‌ କିଦେଙ୍ଗ୍‌ ଇଜି ନି ମାପୁରୁ ଜେ ୱାନିଙ୍ଗ୍‌ ଜିନିମାନି ନି ସାତିୱାରି ବିଚାର୍‌କିନି ୱାଜା ନିଲ୍‍ପତାମାନାନ୍‍, ଇୟା ମାଟାଦି ସାକି ସିଦେଙ୍ଗ୍‍ ଇଜି ୱାନ୍‌ ମାଙ୍ଗିଁ ଆଦେସ୍‌ ସିତାମାନାନ୍‌ ।

అపొస్తు 17:31

ୱାନ୍‌ ଉନ୍‍ଣ୍ତ୍ରି ଦିନ୍‌ ତିର୍‌ କିତାମାନାନ୍‌ । ଆୟା ଦିନ୍‌ ୱାନ୍‌ ୱାନି ବାସେଆତି ଲୋକ୍‌ତି ମାଣାନ୍‌ ୱିଜୁ ଦୁନିଆଦି ନ୍ୟାୟ୍‌ ବିସାର୍‌ କିନାନ୍‌ । ଆୟା ଲୋକ୍‌ତିଙ୍ଗ୍‌ ସାତିମାଣାନ୍‌ ନିକ୍‍ତି ମାଣାନ୍‌ ୱାନ୍‌ ଇୟା ମାଟାଦି ସତ୍‍ ୱିଜେରରିଙ୍ଗ୍‍ଁ ୱେର୍‍ତା ମାନାନ୍‌ !

ରୋମିୟ 16:25

ରାଦୁ, ମାପୁରୁଦି ଗୌରବ୍‌ କିନାଟ୍‍ । ନାନୁ ପ୍ରଚାର୍‌ କିଜିମାନି ଜିସୁ କ୍ରିସ୍ତଦି ବିସୟ୍‍ତାନ୍‍ ସୁସମାଚାର୍ ନି ଜୁଗ୍‍ ଜୁଗ୍‍ ଆସ୍‌ସି ମାର୍‍ଗିଜିମାନି ମାଟା ସତ୍‍ ଇସାବ୍‍ତାନ୍‍ ମି ବିସ୍‍ବାସ୍‍ତିଙ୍ଗ୍‍ଁ ଆଟ୍‍ୱା ଇଡ୍‍ଦେଙ୍ଗ୍‍ଁ ଇଜି ମାପୁରୁ ଆଟ୍‌ନାନ୍‌ ।

ରୋମିୟ 2:5

ମାତର୍‌ ମିର୍‌ ଗର୍ବ ନି ଆଟ୍‍ୱା ମୋନ୍‌ । ଆଦେଙ୍ଗ୍‌ ସେସ୍‍ ଦିନ୍‍ତି ବିଚାର୍‍ତିୱାଲେ ମିର୍‌ ମାପୁରୁଦି ଦଣ୍ତ୍‍ତି ଲୋକ୍‍ ଆଜି ନାଣ୍ତ କାସ୍ଟୁ ଦଣ୍ତ୍‍ ପୟ୍‍ନିଦେର୍‍ ।

ରୋମିୟ 3:6

ଏସାଙ୍ଗ୍‍ ସିଲେ । ମାପୁରୁ ଜଦି ନିୟାୟ୍‍ କିନିକାନ୍‍ ଆଏନ୍‍, ୱାନ୍‌ ଏଣ୍ତେସ୍‌ ଦୁନିଆଦିଙ୍ଗ୍‍ ନ୍ୟାୟ୍‍ ବିସାର୍‍ କିନାନ୍‍ ?

1కొరింతి 15:1

ଏ ତଡ଼ାନ୍‌କୁ ନି ତାଙ୍ଗିଁକି, ନାନ୍‌ ମି ଲାକ୍‌ତୁ ଆମା ସୁସମାଚାର୍‌ ପ୍ରଚାର୍‌ କିତାମାର୍‌ଆ, ଆମାକା ମିର୍‌ ମାନାତି ମାନିଦେର୍‌, ଆବେନ୍‌ ବା ତିର୍‌ ଆଜି ତେବାତିମାନିଦେର୍‌, ନାନ୍‌ ଏଣ୍ତେସ୍‌ୱାଜା ମି ଲାକ୍‌ତୁ ପ୍ରଚାର୍‌ କିତାମାର୍‌ଆ, ଇକା ମିଙ୍ଗିଁ ଏତ୍‌ କିବିସ୍‌କିଜିନା ।

1కొరింతి 4:5

ଆଦେଙ୍ଗ୍‌, ବେଡ଼ାଦି ଆଗ୍‍ଡ଼ିନେ ପ୍ରବୁ ବିଚାର୍‌ କିଦେଙ୍ଗ୍‌ ୱାନି ସାନ୍ଦି କାପ୍‌କିଦୁ । ଇନି ବିସୟ୍‌ ବିଚାର୍‌ କିମାଟ୍‌ । ୱାନ୍‌ ସିକାଟିଦୁ ମାର୍‌ଗିତିମାନି ବିସୟ୍‌କୁୱିଜୁ ଜାୟ୍‌ତୁ ତର୍‌ନାନ୍‌, ମାରି ଲୋକା ମୋନ୍‌ତୁ ମାର୍‌ଗିତିମାନି ମାଟେଙ୍ଗ୍‌ୱିଜୁ ୱେକ୍‌ନାନ୍‌; ନାସ୍ତିୱାଲେ ୱିଜୁ ଲୋକୁ ମାପୁରୁଦିମାଣୁକୁ ପ୍ରସଂସା ପୟ୍‌ନାର୍‌ ।

2కొరింతి 5:10

ଇରିଙ୍ଗ୍‌ ମା ୱିଜେରିଙ୍ଗ୍ ୱାନିମାଡ଼ାନ୍‍କୁ ବିଚାର୍‍ ଆଦେଙ୍ଗ୍‍ଁ ସତେନ୍ କ୍ରିସ୍ତଦି ଆଗ୍‍ଡ଼ି ନିଣ୍ତ୍‍ରେଙ୍ଗ୍ ପଡ଼ାନାତ୍ । ନାସ୍ତିୱାଲେ ସାନି ମେନ୍ଦଲ୍‌ତୁ ମାଡୁ କିତିମାନି ନେଗିକା ବା ତାଗ୍‍ଇକା, ୱିଜୁ ପାଣିକିତି ଇସାବ୍‍ତାନ୍‍ ମାଡୁ ପଲ୍‌ ପୋଇନିକା ।

ଗାଲାତିୟ 1:11

ଏ ତଡ଼ାନ୍‍କୁ ତାଙ୍ଗିଁକି, ମିଙ୍ଗିଁ ୱେର୍‍ସିନା ଜେ, ନାନୁ ଏମେ ସୁସମାଚାର୍‌ ପ୍ରଚାର୍‍ କିନା, ଆକା ଲୋକା ମାଣାନ୍‍ ରେଏତ୍‍ ।

1తిమోతి 1:11

ଗୌରବ୍‌ମୟ୍‌ ଦନ୍ୟ ମାପୁରୁଦି ନେଗି କାବୁର୍‌ ପ୍ରଚାର୍‌ କିନି ଦାଇତ୍‌ ନା ମୁସ୍‌କୁ ସିଆୟ୍‌ଆତା ମାନାତ୍‌ ।

2తిమోతి 2:8

ନାନ୍‌ ପ୍ରଚାର୍‌ କିତିମାନି ସୁସମାଚାର୍‌ ଇସାବ୍‌ତାନ୍‌ ଆମା ସାତିମାଣାନ୍‌ ନିଙ୍ଗିଁତି ଜିସୁ କ୍ରିସ୍ତ ଦାଉଦ ରାଜାଦି କୁଟୁମ୍‌, ୱାନିଙ୍ଗ୍‌ ଏତ୍‌ କିଦୁ ।

2తిమోతి 4:1

ମାପୁରୁଦି ଆଗ୍‌ଡ଼ି ମାରି ୱିଜୁ ଜିବନ୍‌ତିକାର୍‌ ମାରି ସାତିମାନି ଲୋକାଙ୍ଗ୍‌ ବିସାର୍‌ କିଦେଙ୍ଗ୍‌ ମାରି ସାସନ୍‌ କିଦେଙ୍ଗ୍‌ ୱାଜିମାନି କ୍ରିସ୍ତ ଜିସୁଦି ଆଗ୍‍ଡ଼ିନେ, ନାନ୍‌ ମିଙ୍ଗିଁ ଇୟା ଡାଟ୍‌ ମାଟା ସିଜିନା,

2తిమోతి 4:8

ଇଲେଇ ନାନ୍‌ ଦାର୍ମୁପାଣିକିନି ଉଣ୍ତିଙ୍ଗ୍‌ ଜିଣାନି ପୁର୍‌ସ୍କାର୍‌ ଇଟ୍‌ତାମାନାନ୍‌, ପେରିଦିନ୍‌ତୁ ନ୍ୟାୟ୍‌କିନି ବିସାର୍‌କିନି ପ୍ରବୁ ନାଙ୍ଗିଁ ଆୟା ପୁର୍‌ସ୍କାର୍‌ ସିନାନ୍‌, କେବଲ୍‌ ନାଙ୍ଗିଁ ସିଲେ; ଜିବନ୍‌ନୋନିକା ବକ୍ତିଦି ୱାଲେ ଆମାକାର୍‌ ୱାନି ୱାନିଦିନ୍‌ତିଙ୍ଗ୍‌ କାପ୍‌କିତା ମାନାର୍‌, ୱିଜେରେ ଇୟା ପୁର୍‌ସ୍କାର୍‌ ପୟ୍‌ନାର୍‌ ।

ఎబ్రి 9:27

ୱିଜେରେ ଉନ୍‍ଣ୍ତ୍ରେଦେବା ସାନାର୍ ମାରି ତାନିୱେନ୍‌କା ମାପୁରୁଦି ବିଚାର୍‍ଦି ଆଗ୍‍ଡ଼ି ନିନାର୍‍ ।

୧ ପିତର 4:5

ମାତର୍‌ ଆମା ମାପୁରୁ ଜିବନ୍‌ ମାରି ସାତିୱାରିଙ୍ଗ୍‌ ବିଚାର୍‌ କିଦେଙ୍ଗ୍‌ ମାନାନ୍‌, ୱାନି ଲାକ୍‌ତୁ ୱାରିଙ୍ଗ୍‌ ଇସାବ୍‌ ସିଦେଙ୍ଗ୍‌ ପଡ଼ାନାତ୍‌ ।