ରୋମିୟ 10:2 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

² ମାପୁରୁ ଉଣ୍ତିଙ୍ଗ୍‌ ୱାରି ନାଣ୍ତ ତିଲାନିକା ମାନାତ୍‌, ମାତର୍‌ ଆୟା ମାନାନିକା ସତ୍‍ ସାକିୟ୍‌ ମୁସ୍‌କୁ ସିଲେତ୍‍ ।

Konda: కొండ బాసదు నెగ్గి కబ్రు

² వారు దేవుణు వందిఙ్‌ గొప్ప ఉసార్‌దాన్‌ మన్నికార్‌ గాని దేవుణుదిఙ్‌ పూర్తి నెస్‌ఏర్‌ ఇజి వరివందిఙ్‌ నాను వెహ్సిన.

ରୋମିୟ 10:2 Iomraidhean Croise

యోహాను 16:2

ମିଙ୍ଗିଁ ଲୋକୁ ୱାରି କୁଟୁମ୍‌ତାନ୍‌ ସପ୍‍ନାର୍‍ ମାରି ଇୟାୱାଜା ଦିନ୍‌ ୱାଜିନାତ୍‍, ଏସ୍ତିୱାଲେ ଏନ୍‌ ମିଙ୍ଗିଁ ଡାକ୍‍ନାନ୍‍, ୱାନ୍‌ ମାପୁରୁଦି ଇସାବ୍‌ତାନ୍‌ ଇଜି ଏତ୍‌ କିନ୍‌ନାନ୍‌ ।

అపొస్తు 21:20

ୱାନି ମାଟା ୱେର୍‌ଇ ୱେନ୍‌କା ୱାର୍‌ ୱିଜେରେ ମାପୁରୁଦି ଦନ୍ୟବାଦ୍‌ କିତାର୍‍ । ତାନି ୱେନ୍‌କା ୱାର୍‌ ଇର୍ହାର୍‌, “ତଡ଼ାନ୍‌ ପାଉଲ, ନିନ୍‌ ସୁଡ଼୍‍ଜିନି, ଏଣ୍ତେସ୍‌ ଇଲେଇ ହାଜାର୍‌ ହାଜାର୍‌ ଜିହୁଦି ଲୋକୁ ପ୍ରବୁ ଜିସୁମାନୁ ବିସ୍‌ବାସ୍‌ କିଜିନାର୍‍ ମାରି ୱାର୍‌ ନିୟମ୍‌ ଉଣ୍ତିଙ୍ଗ୍‌ ବା ବିସ୍‌ବାସ୍‌ତାନ୍‌ ତେବାତାମାନାର୍‍ ।

అపొస్తు 21:28

ୱାର୍‌ ଆଉଲି ଆଜି ଇର୍ହାର୍‌, “ଏ ଇସ୍ରାଏଲ୍‌ତି ଲୋକୁ, ମାଙ୍ଗିଁ ସାକା କିଦୁ ! ଇୟା ଲୋକୁ ସାରିବେଡ଼୍‍ତି ସଲ୍‍ସି ଇସ୍ରାଏଲ୍‌ତି ଲୋକା ବିରୁଦ୍‍ତାନ୍‍, ମସାଦି ନିୟମ୍‌ ନି ଇୟା ମନ୍ଦିର୍‌ ବିରଦ୍‌ତାନ୍‌ ସିକିୟା ସିଜିନାନ୍‌ । ମାରି ଇଲେଇ ୱାନ୍‌ ଏସ ଅଣଜିହୁଦି ଲୋକାଙ୍ଗ୍‌ ମନ୍ଦିର୍‌ ଲୋଇ ତାସି ଇୟା ପବିତ୍ର ବାଡିଦିଙ୍ଗ୍‍ଁ ତାଗ୍‌ଇକା କିଜିନାନ୍‍ ।”

అపొస్తు 22:22

ପାଉଲ ଇୟା ମାଟା ଇନି ସାନ୍ଦି ଲୋକୁ ମନ୍‍ ସିଜି ୱେନ୍‍ଜିମାର୍ହାର୍‍, ମାତର୍‌ ତାନିୱେନ୍‍କା ୱାର୍‌ ନାଣ୍ତ ଆଉଲି ଆଜି ଇର୍ହାର୍‌, “ୱାନିଙ୍ଗ୍‍ଁ ଦୁନିଆଦାନ୍‌ ସପ୍‍ତୁ ! ୱାନିଙ୍ଗ୍‌ ସାୟାମାର୍‌ଗା ଡାକ୍‍ତୁ ! ୱାନ୍‌ ଜିନିକା ଜଗ୍‌ ସିଲେ !”

అపొస్తు 22:3

ନାନୁ ଅରେନ୍‌ ଜିହୁଦି, ସିଲିସିଆଦି ତାର୍ସସ୍‍ତୁ ନା ଜନମ୍‌, ମାତର୍‌ ନାନୁ ଜିରୁସାଲାମ୍‍ତୁ ପିରିତା ମାର୍ହା ମାରି ଗମଲିଏଲତି ଅରେନ୍‌ ସିସୁ ମାର୍ହା । ମା ଡକ୍ରାଦାଦାରି ନିୟମ୍‌ ନାନୁ ଟିକ୍‍ତାନ୍‍ ଅଜାତା ମାର୍ହା ମାରି ମି ୱାଜା ମାପୁରୁଦି ଉଣ୍ତିଙ୍ଗ୍‍ଁ ୱେଡ଼ିକା ମାର୍ହା ।

ରୋମିୟ 10:1

ନା ତଡ଼ାନ୍‍କୁ, ନି ତାଙ୍ଗିକ୍ ନିଜେ ଜାତିଦି ଲୋକୁ ରକିୟା ପାଏଆପିର୍, ଇକା ନା ଜିବନ୍‍ତି ବଦା ମାରି ମାପୁରୁମାନୁ ଇକା ନା ପାର୍‍ତନା ।

ରୋମିୟ 10:3

ଲୋକାଙ୍ଗ୍‍ ଦାର୍ମୁତିକାର୍‍ ୱାଜା ମାନାଦେଙ୍ଗ୍‍ଁ ଇଜି ମାପୁରୁ କିତି ଉପାୟ୍ ମାନାଏଜି ୱାର୍‌ ଦାର୍ମୁତିକାର୍‍ ଆଦେଙ୍ଗ୍‍ଁ ନିଜେଦି ସାରିଦୁ ବୁଲାତାମାନାର୍‍ । ଆଦେଙ୍ଗ୍‍ଁ ୱାର୍‌ ମାପୁରୁଦି ଆୟା ସାରି ଡ଼ିସ୍‍ତା ସିତାମାନାର୍‍ ।

2కొరింతి 4:4

ୱାର୍‌ ବିସ୍‍ବାସ୍ କିଏରେ, ଇରିଙ୍ଗ୍‌ ୱାରି ମନ୍‍ତିଙ୍ଗ୍ ଇୟା ଦୁନିଆଦି ଦିୟାମ୍‌ କାଣା କିତାମାନାତ୍ । ଇସାବ୍‍ତାନ୍ ମାପୁରୁଦି ମୁର୍ତିଦି କ୍ରିସ୍ତଦି ମହିମାନ୍ନିତ ସୁସମାଚାର୍‌ତି ଜାୟ୍‌ ୱାରି ଲାକୁତୁ ସଲ୍‌ଏତ୍‍ନି ।

2కొరింతి 4:6

ଇରିଙ୍ଗ୍‌ ଆମା ମାପୁରୁ ଇର୍‌ଆମାନାନ୍‌, “ସିକାଟିଦି ଲୋଇରାନ୍‌ ଜାୟ୍‌ତିକା ଆନିକା,” ଆୟା ମାପୁରୁ କ୍ରିସ୍ତଦି ମୋକମ୍‌ତାନ୍ ସାକ୍ତିଦି ମହିମା ସୁଡ଼ୁନି ଉଣ୍ତିଙ୍ଗ୍‌ ମା ଜିବନ୍‌ତୁ ଜାୟ୍‌ କିତାମାନାନ୍ ।

2కొరింతి 8:3

ନାନୁ ସତ୍‍ ବାବେ ଇଜିନା ଜେ, ୱାରି ବଦାଦାନ୍ ନିଜେଦି ସାକ୍ତି ଇସାବ୍‍ତାନ୍‍ ଇୟାୱାଜାନେ ନିଜେଦି ଆଟ୍‍ନି ମାଣାନ୍‌ ନାଣ୍ତ ବା ଦାନ କିତାମାନାର୍‌ ।

ଗାଲାତିୟ 1:14

ଜିହୁଦି ଦାର୍ମୁ ମାନାନିମାନୁ ସାମାନ୍‌ତାନ୍‍ ଜିହୁଦି ଲୋକାମାନୁ ବା ନାନୁ ଆଗ୍‍ଡ଼ିମାର୍ହା ମାରି ମା ଡକ୍ରାଦାଦାରି ରିତିନିତି ଉଣ୍ତିଙ୍ଗ୍‍ଁ ନାଣ୍ତ ମାନାଜିମାର୍ହା ।

ଗାଲାତିୟ 4:15

ମିର୍‍ ଏସା ୱେଡ଼ିକା ସିଲିତିଦେର୍‍ ! ମାତର୍‍ ଇଲେଇ ଇନିକା ଆତାମାନାତ୍‍ ? ମି ବିସୟ୍‍ତାନ୍‍ ନାନୁ ଇୟା ସାକିୟ୍‌ ଡାଟ୍‍ତାନ୍‍ ଇନ୍‍ଡ୍ରେଙ୍ଗ୍‍ଁ ଆଟ୍‍ନା ଜେ, ଆଦେଙ୍ଗ୍‍ଁ ଆଟ୍‍ତିଙ୍ଗ୍‍ଁ, ମିର୍‍ ନିଜେ ନିଜେଦି କାଣୁକୁ କୁତ୍‍ସି ତାସି ନାଙ୍ଗିଁ ସିଦେଙ୍ଗ୍‌ ଆଟ୍‍ତିଦେର୍‍ମାନ୍ଦି ।

ପିଲିପିୟ 1:9

ମାରି, ନାନ୍‌ ପାର୍‌ତାନା କିଜିନା, ଏଣ୍ତେସ୍‌ ସତ୍‌ତି ବୁଦି ମାରି ନିୟାୟ୍‌ ବିଚାର୍‌ତି ୱାଲେ ମି ଜିବନ୍‌ନୋନିକା ନାଣ୍ତଦାନ୍‌ ନାଣ୍ତ ପିରିତ୍‌,

ପିଲିପିୟ 3:6

ନା ତାଗ୍‌ଇ ବ୍ୟବ୍‌ଆର୍‌ତି ଉଣ୍ତିଙ୍ଗ୍‌ କ୍ରିସ୍ଟାନ୍‌ ମଣ୍ତଲିଦିଙ୍ଗ୍‌ କାସ୍ଟୁ ସିଜି ମାର୍‌ଆ, ମାରି ବ୍ୟବସ୍ଥାଦି ମାଟା ମାନାନି ମାଣୁକୁ ଜଦି ଅରେନ୍‌ ଦାର୍ମୁଦିକାନ୍‌ ଆନାନ୍‌, ଆର୍‌ତିଙ୍ଗ୍‌ ନାନ୍‌ ଦୋସ୍‌ ସିଲେତା ।

కొలొసి 4:13

ଇରିଙ୍ଗ୍‌ ୱାନ୍‌ ମି ଉଣ୍ତିଙ୍ଗ୍‌ ମାରି ଲାଅଦିକିଆ ମାରି ହିଏରାପଲିଦି ଲୋକା ଉଣ୍ତିଙ୍ଗ୍‌, ୱାନ୍‌ କିତିମାନି କାସ୍ଟୁପାଣି ବିସୟ୍‌ତାନ୍‌ ନାନ୍‌ ନିଜେ ଇୟା ସାକ୍ୟ ୱେର୍‌ସିନା ।