ప్రకటన 2:10 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁰ ମିର୍‌ ଏମେ ୱିଜୁ ଦୁଃକ୍‌କାସ୍ଟୁ କିଦେଙ୍ଗ୍ ସଲିସିନିଦେର୍‌, ଆୟାଉଣ୍ତିଙ୍ଗ୍‌ ତିଲାମାଟ୍ । ୱେନ୍‌ଡ୍ରୁ ! ମି ମାଣୁକୁ ଏସ ଲୋକାଙ୍ଗ୍‌ ଜଇଲ୍‌ତୁ ନିରିସି କିଜି ସୟତାନ୍ ପରିକା କିନାତ୍‌ । ମାତର୍‌ ମି ଇୟା କାସ୍ଟୁ କେବଲ୍‌ ସାଣେକ୍‌ ଦିନ୍‍ସାଦି ତେବାନାତ୍ । ଇବେନୁ ସାନିତାନିଙ୍ଗ୍ ତିୟେଲ୍‌ ମାରିଙ୍ଗ୍‌ବା, ନା ଉଣ୍ତିଙ୍ଗ୍‌ ବିସ୍‌ବାସ୍‌ ତେବାତିଙ୍ଗ୍‌, ନାନୁ ମିଙ୍ଗିଁ ଜିବନ୍‌ନାନି ଟପି ସିନା ।

Konda: కొండ బాసదు నెగ్గి కబ్రు

¹⁰ నీ ముస్కు వాదెఙ్‌ మన్ని కస్టమ్‌కాఙ్‌ వందిఙ్‌ నీను తియెల్‌ ఆమా. నిఙి పరిస కిదెఙ్, నీ లోకురిఙ్‌ సెగొండారిఙ్‌ సయ్‌తాను అస్పిసి జెలిదు ఇడిస్నాన్‌లె. పది దినమ్‌కు నీను హిమ్సెఙ్‌ ఓరిసి మండ్రెఙ్‌ వలె. గాని నా ముస్కు మన్ని నమకమ్‌వందిఙ్‌ సావు వాతిఙ్‌బా నమకమాతికి ఆజి మన్‌అ. ఎలాకాలం మంజిని బత్కు ఇని ఇనాయం నాను నిఙి సీనాలె.

ప్రకటన 2:10 Iomraidhean Croise

మత్తయి 10:22

ନା ଉଣ୍ତିଙ୍ଗ୍‌ ୱିଜେରେ ମିଙ୍ଗିଁ କାଡ଼୍‍ନାର୍‍; ମାତର୍‌ ଏନ୍‌ ସାରାସାରି ସାନ୍ଦି ବିସ୍‌ବାସ୍‌ତୁ ତିର୍‍ଆଜିତେବାନାନ୍‍, ୱାନ୍‌ ରକିୟା ପୟ୍‍ନାନ୍‍ ।

మత్తయి 10:28

ଏମେକାର୍‌ କେବଲ୍‌ ମି ମେନ୍ଦଲ୍‌ତିଙ୍ଗ୍‌ ନାସ୍ଟୁକିନାନ୍‍, ମାତର୍‌ ମି ଆତ୍ମାଦିଙ୍ଗ୍‌ ଇନି କେତି କିଦେଙ୍ଗ୍‌ ଆଟ୍‍ଏନ୍‍, ୱାରିଙ୍ଗ୍‌ ତିଲାମାଟ୍‌ । ମାତର୍‌ ଏମେ ମାପୁରୁ ମି ମେନ୍ଧଲ୍‍ ନି ଆତ୍ମା ରୁଣ୍ତିୱାନିକାଙ୍ଗ୍‍ ନରକଦୁ ଦଂସ କିଦେଙ୍ଗ୍‌ ଆଟ୍‍ନାନ୍‍, ୱାନିଙ୍ଗ୍‌ ତିଲାଦୁ ।

మత్తయి 24:13

ମାତର୍‌ ଏନ୍‌ ସାରାସାରି ୱେନ୍‌କା ସାନ୍ଦି ସାସ୍‌ଆସ୍‌ସି ତେବାନାନ୍‌, ୱାନ୍‌ ରକିୟା ପଇନାନ୍‌ ।

మార్కు 13:13

ମାରି, ମିର୍‌ ନା ୱେନ୍‌କା ୱାନି ଲୋକୁ ଆତିମାନିଙ୍ଗ୍‌ ମିଙ୍ଗିଁ ୱିଜେରେ କାଡ଼୍‍ନାର୍‍; ମାତର୍‌ ଆମାକାନ୍‍ ସାରାସାରି ୱେନ୍‌କା ସାନ୍ଦି ସାସ୍‌ଆସ୍‌ସି ତେବାନାନ୍‌, ୱାନ୍‌ ରକିୟା ପଇନାନ୍‌ ।

మార్కు 8:35

ଏନ୍‍ବା ନିଜେଦି ଜିବନ୍‌ତିଙ୍ଗ୍‌ ରକିୟା କିଦେଙ୍ଗ୍‌ ବଦା କିନାନ୍‌, ୱାଣ୍ତ୍ରୁ ୱାନି ଜିବନ୍‌ ଆରା କିନାନ୍‌; ମାତର୍‌ ଏନ୍‌ ନା ଉଣ୍ତିଙ୍ଗ୍‌ ମାରି ଇୟା ସୁସମାଚାର୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିନାନ୍‍, ୱାଣ୍ତ୍ରୁ ୱାନି ଜିବନ୍‌ ରକିୟା କିନାନ୍‌ ।

లూకా 21:12

ମାତର୍‌ ଇୟାୱିଜୁ ଗଟାନି ଆଗ୍‌ଡ଼ି ଲୋକୁ ମିଙ୍ଗିଁ ଆସ୍‌ନାର୍‌ ମାରି ପାର୍‌ତନା ଇଲୁଦୁ ମାରି ଜଇଲ୍‍ତୁ ମିଙ୍ଗିଁ ପୋକ୍‌ସି କାସ୍ଟୁ ସିନାର୍‍, ମାରି ନା ଦରତି ଉଣ୍ତିଙ୍ଗ୍‌ ମିଙ୍ଗିଁ ରାଜା ନି ସାସନ୍‌କିନି ଲୋକା ଆଗ୍‌ଡ଼ି ଅନାର୍‍;

యోహాను 12:25

ଏନ୍‌ ନିଜେଦି ଜିବନ୍‌ତିଙ୍ଗ୍‌ ନାଣ୍ତ ଜିବନ୍‍ନୋନାନ୍‍, ୱାନ୍‌ ଆକା ଆରାକିନାନ୍‌, ମାରି ଏନ୍‌ ନିଜେଦି ଜିବନ୍‌ତିଙ୍ଗ୍‌ ଇୟା ଦୁନିଆଦୁ କାଡ଼୍‍ନାନ୍‍, ୱାନ୍‌ ଆକା ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ଉଣ୍ତିଙ୍ଗ୍‌ ରକିୟା କିନାନ୍‌ ।

యోహాను 13:2

ଜିସୁ ନି ୱାନି ସିସୁର୍‍ ଏସ୍ତିୱାଲେ ନାଡ଼ାଦି ବଜିଦୁ ବାସ୍‍ତାମାର୍ହାର୍‍ । ଏସ୍ତିୱାଲେ ସୟତାନ୍ ସିମୋନ ମାରିସି ଇସ୍କାରିୟୋତିୟ ଜିହୁଦାଦି ଜିବନ୍‌ତୁ ଜିସୁଙ୍ଗୁଁ ସାତ୍ରୁରି କିୟୁଦୁ ସର୍‍ପେ କିଦେଙ୍ଗ୍‌ ଇଜି ବଦା କିତାୱିସ୍‍ତା ମାର୍ହାନ୍‍ ।

యోహాను 13:27

ଆୟା ରୁଟି କାଣ୍ତେକ୍‌ ପୟ୍‌ତି ୱେନ୍‌କା ସୟତାନ୍ ୱାନି ମାନୁ ଡ଼ୁଗିତାତ୍‌ । ଆବେଟ୍‌ ଜିସୁ ୱାନିଙ୍ଗ୍‌ ଇର୍ହାନ୍‌, ଆମାକା କିଦେଙ୍ଗ୍‌ ସଲ୍‌ସିନି, ଆକା ଦାପେର୍‌ କିଆ ।

అపొస్తు 20:24

ମାତର୍‌ ନା ଉଣ୍ତିଙ୍ଗ୍‌ ନା ନିଜେ ଜିବନ୍‍ତିଙ୍ଗ୍‍ଁ ନାନୁ ଇସ୍ରିକା ଇଜି ଅଡ଼୍‍ବିନା । ମାପୁରୁଦି ଦୟା ବିସୟ୍‌ତାନ୍‌ ପ୍ରବୁ ଜିସୁ ଏମେ ମାଟା ୱେର୍‌ତେଙ୍ଗ୍‌ ଇଜି ନାଙ୍ଗିଁ ସେବା ଦାୟିତ ସିତାମାନାନ୍‌, ଆକା ପୁରା କିଦେଙ୍ଗ୍‌ ଇଜିନା ସୁସମାଚାର୍ ପ୍ରଚାର୍‌ ପାଣି ସାକି ପୁରା କିନା, ନିସନେ ନା ବଦା ।

అపొస్తు 21:13

ମାତର୍‌ ପାଉଲ ଇର୍ହାନ୍‌, “ମିର୍‌ ଇୟା ଇନିକା କିଜିନିଦେର୍‌, ଏନ୍ଦା ଇୟାୱାଜା ଆଡ଼୍‌ବାଜି ନା ଜିବନ୍‌ତିଙ୍ଗ୍‌ ରୁକ୍‍ସିନିଦେର୍‍ ? ଜିରୁସାଲାମ୍‍ତୁ କେବଲ୍‌ ତରାୟ୍‌ ଆଦେଙ୍ଗ୍‌ ସିଲେ, ମାତର୍‌ ପ୍ରବୁ ଜିସୁ ଉଣ୍ତିଙ୍ଗ୍‌ ସାଦେଙ୍ଗ୍‍ଁ ଇଜି ବା ନାନ୍‌ ତିଆର୍‌ ମାନା ।”

1కొరింతి 9:25

କାର୍‌ଜିନିକାର୍‌ ଅଜା କିନିୱାଲେ ୱିଜୁ ବିସୟ୍‌ତାନ୍‌ ଜାଗାର୍‌ତା ବ୍ୟବ୍‌ହାର୍‌ କିବିସ୍‌କିନାର୍‌; ୱାର୍‌ ନାସ୍ଟୁଆନି ପୁଙ୍ଗୁଁସରା ପୟ୍‌ନି ଉଣ୍ତିଙ୍ଗ୍‌ ଆକା କିନାର୍‌; ମାତର୍‌ ମାଡୁ ନାସ୍ଟୁଆଇ ପୁରସ୍କାର୍‌ ପୟ୍‌ନି ଉଣ୍ତିଙ୍ଗ୍‌ ଆକା କିନିକା ।

ଏପିସିୟ 2:2

ଆୟା ବେଡ଼ାଦୁ ମିର୍‌ ଦୁନିଆଦି ସତ୍‌ସିଲି ସାରିଦୁ ବୁଲାଜି, ବାଦଡ଼ତି ରାଜିଦି ଅଦିପତିଦି ଆଡ୍‍ଗି ମାର୍‌ଇଦେର୍‌ । ଆୟା ଅଦିପତି ଇଲେଇ ମାପୁରୁଦି ମାଟା ଆସ୍‌ଇୱାରି ଲୋକା ମୁସ୍‌କୁ ସାସନ୍‌ କିଜିନାନ୍‌ ।

ଏପିସିୟ 6:12

ଇରିଙ୍ଗ୍‌ ମାଡ୍‌ ଦୁନିଆଦୁ ବାସାଜିମାନି ଲୋକା ବିରୁଦ୍‍ତାନ୍‍ ଜୁଦ୍‍ କିଇକା; ମାଡ୍‌ ୱାର୍‍ଇବାଦଡ଼୍‍ତି ତାଗ୍‍ଇ ସାକ୍ତି ମାରି ସିକାଟି ଜୁଗ୍‍ତି ସାସନ୍‌କିନିକାତ୍‍, ଅଦିକାରି ମାରି ୱିଜୁ ଦୁନିଆଦି ତାଗିଇ ଆତ୍ମିକ ସାକ୍ତି ବିରୁଦ୍‍ତାନ୍‍ ଜୁଦ୍‍ କିଜିନିକା ।

యాకోబు 1:12

ଆମା ଲୋକ୍‌ ଦୁଃକ୍‌କାସ୍ଟୁଦୁ ସାସ୍‌ କିନାନ୍‌, ୱାନ୍‌ ଆସିର୍ବାଦ୍‍ତିକାନ୍‍; ଇରିଙ୍ଗ୍‌ ଇୟାୱାଜା ଲୋକ୍‌ ପରିକାଦୁ ଜିଣାତିଙ୍ଗ୍‌, ମାପୁରୁ ୱାନି ଲୋକାଙ୍ଗ୍‌ ଆମା ଜିବନ୍‌ ସିନାନ୍‌ ଇଜି ପାର୍‌ମାଣ୍‌ କିତାମାନାନ୍‌, ୱାନ୍‌ ଆକା ପୁର୍‌ସ୍କାର୍‌ ୱାଜା ପୟ୍‌ନାନ୍‌ ।

୧ ପିତର 5:4

ଏସ୍ତିୱାଲେ ପେରି ମେଣ୍ତେଙ୍ଗ୍‌ଗାଉଡ଼ୁ ୱାନାନ୍‌, ମିରୁ ଗୌରବ୍‌ଦି ମୁକୁଟ୍ ପୋଇନିଦେର୍ । ତାନି ଜାୟ୍‌ ଏସ୍‌କାଙ୍ଗ୍‌ ନାମ୍‌ଏତ୍‌ ।

୧ ପିତର 5:8

ତିଆର୍‌ ଆଜି ଜାଗାର୍‌ତା ମାନ୍‌ଡ୍ରୁ, ମି ସାତ୍ରୁ ସୟତାନ୍‌ ଆଉଲି ଆନି ପାର୍ଟା ନରେସ୍‍ ୱାଜା ଏଙ୍ଗ୍‌ ଡ଼ିଙ୍ଗ୍‍ଦେଙ୍ଗ୍‌ ପୟ୍‌ଜି ଅସିନାତ୍‌ ।

ప్రకటన 13:14

ମାରି ପାର୍‌ତୁମ୍‌ ପସୁଦି ମାନିମାନୁ ଇୟାୱାଜା ନାଣ୍ତ କାବାଆନି ପାଣି କିଜି ଦୁନିଆଦି ଲୋକାଙ୍ଗ୍‌ ୱିଜେରିଙ୍ଗ୍ ବାଣ୍ତିସ୍‍ କିତାତ୍ । କାଣ୍ତାସାରି ଗାଉ ଆଜି ନେଗେନ୍‍ ଆତିମାର୍‍ଇ ଆଗିଡ଼ିରି ପସୁଦିଙ୍ଗ୍ ସନ୍‌ମାନ୍‌ତି ଉଣ୍ତିଙ୍ଗ୍‍ ତାନି ଉଣ୍ତ୍ରି ବମା ତିଆର୍‌ କିଦେଙ୍ଗ୍ ମାରିଉନ୍‌ଡ୍ରି ପସୁ ଲୋକାଙ୍ଗ୍‌ ଆଦେସ୍ ସିତାତ୍ ।

ప్రకటన 13:2

ଅଡ଼ୁଜୁ ଉଣ୍ତ୍ରି କାବ୍‍ରା ନରେସ୍‍ ୱାଜା ତୋରିଜିମାରାତ୍ । ତାନି ପାଦାମ୍‍କୁ ଅଡ଼ୁଜୁ ପାଦାମ୍‍କୁ ୱାଜା ମାରି ୱେୟୁ ନରେସ୍‍ ୱେୟୁ ୱାଜା । ସାରାସ୍‍ ଇୟା ଜାତୁଦିଙ୍ଗ୍‌ ନିଜେଦି ସାକ୍ତି, ସିଂହାସନ୍ ମାରି ପେରିଅଦିକାର୍ ସିତାନ୍‌ ।

ప్రకటన 13:7

ମାପୁରୁଦି ଲୋକା ବିରୁଦ୍‍ତାନ୍ ଜୁଦ୍‍ କିଜି ୱାରିଙ୍ଗ୍‌ ଆରା କିଦେଙ୍ଗ୍‌ ୱାନ୍‌ ସାରି ପୋଇତାନ୍‍ ମାରି ୱିଜୁ କୁଟୁମ୍‌, ଦେସ୍ ମାରି ବାସା ମାରି ଜାତି ମୁସୁକୁ ତାନିଙ୍ଗ୍‌ ଅଦିକାର୍ ସିଆୟ୍‍ ଆତାତ୍‍ ।

ప్రకటన 17:14

ୱାର୍‌ ମେଷସାବକଦି ବିରୁଦ୍‌ତାନ୍ ଜୁଦ୍‍ କିନାର୍; ମାତର୍‌ ମେଷସାବକ ୱାନି କୁକାୟ୍‌ଆତାମାନା, ବାସେଆତାମାନା, ବୁଲାନିକାର୍ ମାରି ବିସ୍‌ବାସ୍‌ତି ଲୋକା ସାହାଜ୍ୟଦାନ୍ ୱାରିଙ୍ଗ୍‌ ଆରାକିନାର୍ । ଇରିଙ୍ଗ୍‌ ୱାନ୍‌ ପ୍ରବୁରି ପ୍ରବୁ ମାରି ରାଜାରି ରାଜା ।”

ప్రకటన 2:13

ନାନୁ ନେସ୍‌ନା, ମିର୍‌ ସୟତାନ୍‍ଦି ସିଂହାସନ୍ ଲାକୁତୁ ବାସାକିଜିନିଦେର୍‌ । ମାତର୍‌ ମିର୍‌ ନା ଉଣ୍ତିଙ୍ଗ୍‌ ବିସ୍‌ବାସ୍‌, ଇୟାୱାଜାନେ ସୟତାନ୍ ବାସାକିନି ଜାଗାଦୁ ଏସ୍ତିୱାଲେ ନା ଅରେନ୍‌ ବିସ୍‌ବାସ୍‌ତି ସାକିସିନି ଆନ୍ତିପାଦିଙ୍ଗ୍‌ ସାୟାମାର୍‌ଗା ଡାକ୍‌ତାର୍‌, ନାସ୍ତିୱାଲେ ବା ମି ବିସ୍‌ବାସ୍‌ ଡ଼ିସ୍‌ଇମାରିଇଦେର୍‌ ।

ప్రకటన 2:9

ମି ଦୁଃକ୍‌କାସ୍ଟୁ ୱିଜୁ ନାନ୍‌ ନେସ୍‌ନା; ନାନୁ ବା ନେସ୍‌ନା ଜେ, ମିର୍‌ କାକୁର୍ତିଲୋକୁ; ମାତର୍‌ ସତ୍‍ତାନ୍ ମିର୍‌ ମାଜନ୍‌ ଲୋକ୍‌ । ଏମେକାର୍ ନିଜେଦିଙ୍ଗ୍ ଜିହୁଦି ଇଜି ଇନାର୍, ମାତର୍‌ ସତ୍‍ତୁ ଜିହୁଦିର୍ ଆଏର୍‌ ମାରି ଏମେକାର୍ ସୟତାନ୍‍ଦି ୱେନ୍‌କା ସନାର୍‌, ୱାର୍‌ ଏଣ୍ତେସ୍‌ ମିଙ୍ଗିଁ ଅପମାନ୍ କିଜି ମାଟା ଆଜିନାର୍‌, ଆକା ନାନୁ ନେସ୍‌ନା ।