ప్రకటన 13:4 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁴ ମାରି, ୱିଜେରେ ଜାତୁଦିଙ୍ଗ୍‌ ଅଦିକାର୍‌ ସିତିମାନି ସାରାସ୍‍ତିଙ୍ଗ୍‍ ପୁଜା କିତାର୍ । ୱାର୍‌ ଜାତୁଦିଙ୍ଗ୍‌ ବା ପୁଜା କିଜି ଇର୍ହା, “ଏନ୍‍ ଇୟା ଜାତୁଦି ସାମାନ୍‍ ଆନାନ୍ ? ଏନ୍‍ ତାନି ବିରୁଦ୍‍ତାନ୍ ଜୁଦ୍‍ କିଦେଙ୍ଗ୍‌ ଆଟ୍‍ନାନ୍‍ ?”

Konda: కొండ బాసదు నెగ్గి కబ్రు

⁴ అయ జంతుదిఙ్‌ అతికారం సిత్తివందిఙ్‌ వారు అయ గొప్ప పెరి సరాస్‌దిఙ్‌ పొగ్‌డిఃజి మాడిఃసి మహార్‌. మరి వారు అయ జంతుదిఙ్‌ పొగిడిఃజి మాడిఃసి, “యా జంతులెకెండ్‌ మన్నికాన్‌ ఎయెన్‌బా సిలెన్. మరి దన్ని వెట ఉద్దం కిదెఙ్‌ అట్నికాన్‌ ఎయెన్‌బా సిల్లెన్”, ఇజి గొప్ప వెహ్సి మహార్‌.

ప్రకటన 13:4 Iomraidhean Croise

2కొరింతి 4:4

ୱାର୍‌ ବିସ୍‍ବାସ୍ କିଏରେ, ଇରିଙ୍ଗ୍‌ ୱାରି ମନ୍‍ତିଙ୍ଗ୍ ଇୟା ଦୁନିଆଦି ଦିୟାମ୍‌ କାଣା କିତାମାନାତ୍ । ଇସାବ୍‍ତାନ୍ ମାପୁରୁଦି ମୁର୍ତିଦି କ୍ରିସ୍ତଦି ମହିମାନ୍ନିତ ସୁସମାଚାର୍‌ତି ଜାୟ୍‌ ୱାରି ଲାକୁତୁ ସଲ୍‌ଏତ୍‍ନି ।

2దెస్స 2:4

ଆୟା ତାଗ୍‌ଇଆତ୍ମା ଲୋକାଦି ୱାର୍‌ଗିଜିସାନିକା ୱିଜୁ ପୁଜାଦି ଦିୟାମ୍‌ ମାରି ପୁଜାସିତି ଜିନିସ୍‍ତି ବିରୁଦ୍‍ କିନାତ୍‌ ମାରି ନିଜେଦିଙ୍ଗ୍‌ ୱିଜେରିଙ୍ଗ୍‌ ମୁସ୍‌କୁ ଇଡାୟ୍‌ଆଦେଙ୍ଗ୍‌ ଆସା କିନାତ୍‌ । ଇୟାୱାଜା ଜେ ୱାନ୍‌ ମାପୁରୁଦି ମନ୍ଦିର୍‌ତୁ ବାସ୍‌ସି ନିଜେଦିଙ୍ଗ୍‌ ମାପୁରୁ ଇଜି ତରାନାତ୍‌ ।

ప్రకటన 12:3

ବାଦଡ଼ତୁ ମାରି ଉନ୍‌ଡ୍ରି କାବାଆନି ସିନା ତୋରିତାତ୍ । ନେତେର୍‌ ରଙ୍ଗ୍‍ତି ସାରାସ୍ ୱାଜା ଉନ୍‌ଡ୍ରି ପେରି ଜାତୁ, ତାନିଙ୍ଗ୍‌ ସାତ୍‌ଗୋଟା ତାଲେକ୍, ଦାସ୍‍ଗୋଟା କମୁକୁ ମାରି ୱିଜୁ ତାଲେକାଙ୍ଗ୍‌ ଉନ୍‌ଡ୍ରି ଲାକା ମୁକୁଟ୍ ମାରାତ୍‌ ।

ప్రకటన 12:4

ଆୟାକାତ୍‌ ତାନି ତକାଦାନ୍‍ ବାଦଡ଼ତାନ୍‌ ମୁନ୍‌ଡ୍ରିବାଗ୍‌ତାନ୍‌ ଉନ୍‌ଡ୍ରିବାଗ୍‌ ସୁକେଙ୍ଗ୍ ରେଲ୍‌ଜିତାସି ଦୁନିଆ ମୁସୁକୁ ପୋକ୍‍ତାତ୍ । କଡ଼ ଜନମ୍‌ ଆତି ଦାପେ ଦାପେ ୱାନିଙ୍ଗ୍‌ ତିନି ଉଦେସ୍‌ତାନ୍‌ ସାରାସ୍ ଆୟା ଆଇମା ଲାକ୍‌ତୁ ୱାତାଦୋ ନିରାତ୍ ।

ప్రకటన 13:11

ତାନିୱେନ୍‍କା ନାନୁ ସୁଡୁତା, ମାରି ଉଣ୍ତ୍ରି ଜାତୁ ବୁମି ଲୋଇରାନ୍‌ ନିଙ୍ଗିଁଜି ୱାଜିନାତ୍ । ମେଷସାବକଦି କମୁକୁ ୱାଜା ତାନି ରୁଣ୍ତି କମୁକୁ ମାର୍‍ଏ ମାରି ୱାନ୍‌ ପୁର୍ବେଦି ସାରାସ୍ ୱାଜା ମାଟା ଇଜିମାର୍‌ଆତ୍‌ ।

ప్రకటన 13:15

ପାର୍‌ତୁମ୍‌ ପସୁଦି ବମାଦୁ ଜିବନ୍‌ସିଜି ତାନିଙ୍ଗ୍‌ ଜିବନ୍‌ କିନି ଉପାୟ୍‍ ମାରିଉନ୍‌ଡ୍ରି ପସୁ ନେସ୍ତାମାରାତ୍ । ଆବେଟ୍‍ ବମା ୱାରିଗିତାତ୍ ମାରି ଏମେକାର୍ ତାନି ପୁଜାକିଏତାର୍, ୱାରିଙ୍ଗ୍‌ ସାପିସ୍‍ କିଦେଙ୍ଗ୍‌ ଅଦିକାର୍‌ ସିଆୟ୍‌ଆତାତ୍‌ ।

ప్రకటన 13:2

ଅଡ଼ୁଜୁ ଉଣ୍ତ୍ରି କାବ୍‍ରା ନରେସ୍‍ ୱାଜା ତୋରିଜିମାରାତ୍ । ତାନି ପାଦାମ୍‍କୁ ଅଡ଼ୁଜୁ ପାଦାମ୍‍କୁ ୱାଜା ମାରି ୱେୟୁ ନରେସ୍‍ ୱେୟୁ ୱାଜା । ସାରାସ୍‍ ଇୟା ଜାତୁଦିଙ୍ଗ୍‌ ନିଜେଦି ସାକ୍ତି, ସିଂହାସନ୍ ମାରି ପେରିଅଦିକାର୍ ସିତାନ୍‌ ।

ప్రకటన 17:14

ୱାର୍‌ ମେଷସାବକଦି ବିରୁଦ୍‌ତାନ୍ ଜୁଦ୍‍ କିନାର୍; ମାତର୍‌ ମେଷସାବକ ୱାନି କୁକାୟ୍‌ଆତାମାନା, ବାସେଆତାମାନା, ବୁଲାନିକାର୍ ମାରି ବିସ୍‌ବାସ୍‌ତି ଲୋକା ସାହାଜ୍ୟଦାନ୍ ୱାରିଙ୍ଗ୍‌ ଆରାକିନାର୍ । ଇରିଙ୍ଗ୍‌ ୱାନ୍‌ ପ୍ରବୁରି ପ୍ରବୁ ମାରି ରାଜାରି ରାଜା ।”

ప్రకటన 18:18

ମାରି କାସ୍‌ସିମାନି ଗାଡ଼୍‌ତି ଗୋଇ ସୁଡ଼ୁଜି ଇର୍ହାର୍‌, “ଇୟା ପେରିଗାଡ଼୍‌ତି ୱାଜା ମାରି ଆମା ଗାଡ଼୍‌ ସିଲେତାତ୍ ।”

ప్రకటన 9:20

ମର୍‍ଡିଦାନ୍ ସାଏଣ୍ତା ତେବାତି ଲୋକୁ ଜାତିଦି, ଇନିକା ବା ବାଦେଲେ ଆଏତାତ୍‍ । ୱାର୍‌ ଦୁବେଆଙ୍ଗ୍‍ଁ ପୁଜାକିଦେଙ୍ଗ୍‍ ଡ଼ିସ୍‍ଏତାର୍ । ମାରି ସୁଡ଼ୁଦେଙ୍ଗ୍‌, ୱେନ୍‍ଡ୍ରେଙ୍ଗ୍‍ଁ ମାରି ବୁଲାଦେଙ୍ଗ୍‍ ଆଟ୍‍ଇକା ବାଙ୍ଗାଁରାମ୍, ୱେଣ୍ତି, ପିତଲ୍‌, କାଲୁ ନି ୱେର୍‍ଗୁଦାନ୍‍ ତିଆର୍ ଆତିମାନି ଦିୟାମ୍‍କାଙ୍ଗ୍‍ଁ ପୁଜା କିନିକା ଡ଼ିସ୍‍ଏତାର୍ ।