ପିଲିପିୟ 3:12 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹² ନାନ୍‌ ଜେ ଇଲେଇ ଆୟାୱିଜୁ ପୟ୍‌ତା ମାନା ମାରି ପୁରା ପୟ୍‌ତା ମାନା, ଆକା ସିଲେ, ମାତର୍‌ ନାନ୍‌ କ୍ରିସ୍ତ ଜିସୁଦି ମାଣ୍‌କୁ କୁକାୟ୍‍ ଆତିମାନିଙ୍ଗ୍‌ ଆକା ଆସିନି ଉଣ୍ତିଙ୍ଗ୍‌ ଉର୍‌କୁସିନା ।

Konda: కొండ బాసదు నెగ్గి కబ్రు

¹² నాను క్రీస్తు లెకెండ్‌ పూర్తి ఆత ఇజి నాను వెహ్‌ఎ. ఇహిఙ, దేవుణుదిఙ్‌ ఇస్టం ఆతి వజ నాను పూర్తి ఆతమన ఇజి వెహ్‌ఎ. గాని క్రీస్తుయేసు నఙి కూక్తివలె, నాను ఎలాగ మండ్రెఙ్‌ ఇజి వాండ్రు కోరిత మనాండ్రొ, దని వందిఙ్‌ నాను కస్టబడిఃజిన.

ପିଲିପିୟ 3:12 Iomraidhean Croise

మత్తయి 5:48

ମି ମୁସ୍‌କୁପୁର୍‌ତି ବୁବା ଏଣ୍ତେସ୍‌ ପବିତ୍ର, ମିର୍‌ ଆୟାୱାଜା ପବିତ୍ର ଆନିକାମାନାତ୍‌ ।

అపొస్తు 9:15

ପ୍ରବୁ ୱାନିଙ୍ଗ୍‌ ଇର୍ହାନ୍‌, “ସାଙ୍ଗ୍ଆ, ଅଣଜିହୁଦି ମାରି ରାଜା ମାରି ଇସ୍ରାଏଲ୍‌ତି ଲୋକା ଆଗ୍‌ଡ଼ି, ନା ଦର୍‌ ୱେର୍‌ତେଙ୍ଗ୍‌ ଇଜି ମାରି ନା ସେବା କିଦେଙ୍ଗ୍‌ ନାନ୍ ୱାନିଙ୍ଗ୍‌ ଆସ୍‍କିତାମାନା ।

ରୋମିୟ 8:39

ମୁସ୍‍କୁରିକା କି ଆଡ୍‍ଗିରି ଇନି ବିସୟ୍‍ ୱିଜୁ ତିଆର୍‍ ଆତିମାନୁ ଇୟାୱାଜା ଇନି ବିସୟ୍‍ ସିଲେତ୍‍, ଆମାକା ପ୍ରବୁ ଜିସୁ କ୍ରିସ୍ତ ମାଣାନ୍‌ ତରାତି ମାପୁରୁଦି ଆୟା ଜିବନ୍‍ତାନ୍‌ ମାଙ୍ଗିଁ ୱେର୍‌ଏ କିଦେଙ୍ଗ୍‌ ଆଟ୍‍ଏନ୍‍ !

1కొరింతి 13:10

ମାତର୍‌ ପୁରାୱିଜୁ ବିସୟ୍‌ ଇଗା ୱାତିଙ୍ଗ୍‍ ଇୟା ଇସ୍ରି ବିସୟ୍‌କୁ ମାରେଗ୍‌ନେ ।

1కొరింతి 13:12

ଇରିଙ୍ଗ୍‌ ଇଲେଇ ମାଡୁ ସତ୍‍ ବାକ୍ୟଦି ରୁପ୍‌ ଦାର୍ପାଣ୍‌ତି ସାହାଜ୍ୟଦାନ୍‌ ସୁଡ଼ୁଜିନିକା, ମାତର୍‌ ନାସ୍ତିୱାଲେ ମାଡୁ ସାମ୍‌ନାସାମ୍‌ନି ଆଜି ସୁଡ଼ୁଜିସାନିକା; ଇଲେଇ ନାନ୍‌ ଇସ୍ରି ଇସାବ୍‌ତାନ୍‌ ନେସ୍‌ସିନା, ମାପୁରୁ ନାଙ୍ଗିଁ ପୁରା ନେସ୍‌ତି ୱାଜା ନାସ୍ତିୱାଲେ ନା ବୁଦି ବା ପୁରା ଆନାତ୍‌ ।

1కొరింతి 9:24

ଆମାକାର୍‌ ଉର୍‌କୁତେଙ୍ଗ୍‌ ବାଗ୍‌ ଅନାର୍‍, ୱାର୍‌ ୱିଜେରେ ଉର୍‌କୁନାର୍‌ ସତ୍‍, ମାତର୍‌ କେବଲ ଅରେନ୍‍ ଜେ ପୁରସ୍କାର୍‌ ପୟ୍‌ନାନ୍‌, ଇକା ଇନିକା ମିର୍‌ ନେସ୍‌ଇଦେର୍‌ ? ମିର୍‌ ଏଣ୍ତେସ୍‌ ପୁରସ୍କାର୍‌ ପୟ୍‌ନିଦେର୍‌, ଇୟାଉଣ୍ତିଙ୍ଗ୍‌ ଆୟାୱାଜା ଉର୍‌କୁତୁ ।

2కొరింతి 13:9

ମାପୁ ଦୁର୍ବଳ ମାର୍‌ଇୱାଲେ ମିର୍‌ ସାକ୍ତିମାନିଙ୍ଗ୍‍ ମାପୁ ୱେଡ଼ିକା । ଆୟାଉଣ୍ତିଙ୍ଗ୍‌ ମି ନେକ୍‌କାଆନି ଉଣ୍ତିଙ୍ଗ୍‌ ମାପୁ ପାର୍‍ତାନା କିଜିନାପ୍ ।

2కొరింతి 7:1

ତଡ଼୍‍କୁ ନି ତାଙ୍ଗିଁକ୍‍ ଇୟାୱିଜୁ ମାଟା ମାଡ୍‌ ମାପୁରୁଦିମାଣାନ୍‍ ପୋଇତିମାନିକା । ଆଦେଙ୍ଗ୍‌ ରାଦୁ, ମେନ୍ଧଲ୍‍ ମାରି ଆତ୍ମାଦିଙ୍ଗ୍‌ ତାଗ୍‍ଇକାକିତିମାନୁ ୱିଜୁ ବିସୟତାନ୍ ନିଜେ ନିଜେଦିଙ୍ଗ୍ ନର୍‍ନାଟ୍‍ । ମାରି ମାପୁରୁଦିଙ୍ଗ୍ ତିଲାଜି ପୁରା ପବିତ୍ର ୱାଜା ଜିନାଟ୍‍ ।

ଗାଲାତିୟ 5:17

ଲୋକା ଗୁଣ୍‍ ପବିତ୍ରଆତ୍ମାଦି ବଦାଦି ବିରୋଦ୍‌ । ଆୟାୱାଜା ପବିତ୍ରଆତ୍ମାଦି ବଦା, ଲୋକା ଗୁଣ୍‍ତି ବିରୋଦ୍‌ । ଇକାନ୍‌ ନିଜେ ନିଜେଦି ସାତ୍ରୁ । ଆଦେଙ୍ଗ୍‌ ମିର୍‍ ଆମାକା କିଦେଙ୍ଗ୍‍ ବଦା କିନିଦେର୍‍, ଆକା କିଦେଙ୍ଗ୍‍ ଆଟ୍‍ଇଦେର୍‍ ।

ଏପିସିୟ 1:4

କ୍ରିସ୍ତଦିମାନୁ ମିସାଜି ମାଡୁ ଏଣ୍ତେସ୍‌ ମାପୁରୁଦି ଲୋକୁ ଆନିକା ଆୟାଉଣ୍ତିଙ୍ଗ୍‌ ୱାନ୍‌ ମାଙ୍ଗିଁ ପୃତିବି ତିଆର୍‍ ଆନି ଆଗ୍‍ଡ଼ିରାନ୍‍ ବାସେକିତାମାନାନ୍‍ । ମାରି ୱାନି ଜିବନ୍‌ନୋନିକା ମାଡୁ ୱାନି ଆଗ୍‌ଡ଼ି ପବିତ୍ର ନି ଦସ୍‍ସିଲିକାର୍‍ ଆନିକା ।

ଏପିସିୟ 4:12

କ୍ରିସ୍ତଦି ଆୟା ମେନ୍ଦଲ୍‌ ରସ୍‌ନି ଉଦେସ୍‌ତାନ୍‌ କ୍ରିସ୍ଟିୟାନ୍‌ ସେବା ପାଣି ଉଣ୍ତିଙ୍ଗ୍‌ ମାପୁରୁଦି ଲୋକାଙ୍ଗ୍‌ ତିଆର୍‌ କିଦେଙ୍ଗ୍‌ ୱାନ୍‌ ଇକା କିତାମାନାନ୍‌ ।

ପିଲିପିୟ 1:1

ପାଉଲ ମାରି ତିମତି, କ୍ରିସ୍ତ ଜିସୁଦି ରିଏର୍‌ ଦାସ୍‌କୁ, ପିଲିପି ମଣ୍ତଲିଦୁ ମାନି କ୍ରିସ୍ତ ଜିସୁଦି ମାନି ୱିଜେରେ ସାଦୁରି ଲାକ୍‌ତୁ ମାରି ନେତାର୍‌ ମାରି ସେବାକିନିୱାରି ଲାକ୍‌ତୁ ରାସ୍‌ସିନାନ୍‌;

ପିଲିପିୟ 3:16

କେବଲ, ନେର୍‌ସାନ୍ଧି ମାଡୁ ଆମା ନିୟମ୍‌ ମାନାଜି ୱାଜିନିକା, ଆୟା ଇସାବ୍‌ତାନ୍‌ ଆଗ୍‌ଡ଼ି ସନିକା ମାନାତ୍‌ ।

ପିଲିପିୟ 3:3

ଇରିଙ୍ଗ୍‌ ମାପ୍‌ ସତ୍‌ତାନ୍‌ ସୁନ୍ନତ୍‌ପୟ୍‌ତି ଲୋକୁ, ମାପୁ ମାପୁରୁଦି ଆତ୍ମାଦାନ୍‌ ଉପାସନା କିଜିନାପ୍‌, ମାରି ଆତ୍‌ରେରି ରିତିନୀତି ମୁସ୍‌କୁ ଆସା କିଏଣ୍‌ଗା କ୍ରିସ୍ତ ଜିସୁଦିମାନୁ ଗର୍ବ କିନାପ୍‌ ।

ପିଲିପିୟ 3:8

କେବଲ୍‌ ନାସ ସିଲେ; ନା ପ୍ରବୁ ଜିସୁ କ୍ରିସ୍ତଙ୍ଗ୍‌ ନେସ୍‌ନି ମାଣ୍‌କୁ ଆମା ନାଣ୍ତ ବୁଦି ପୟ୍‌ତାମାନା, ତାନି ବାଦ୍‌ଲୁ ୱିଜୁ ବିସୟ୍‌ତିଙ୍ଗ୍‌ ତାଗ୍‌ଇକା ଇଜି ଏତ୍‌କିନା; ୱାନି ଉଣ୍ତିଙ୍ଗ୍‌ ନାନ୍‌ ୱିଜୁ ବିସୟ୍‌ତିଙ୍ଗ୍‌ ଡ଼ିସ୍‍ତାମାନା, ଏଣ୍ତେସ୍‌ ନାନ୍‌ କ୍ରିସ୍ତଙ୍ଗ୍‌ ପୟ୍‌ଦେଙ୍ଗ୍‌ ଆଟ୍‌ନାନ୍‌ ।

1దెస్స 5:15

ଏନ୍‌ ଏନ୍ଧି ଅନ୍ୟାୟ୍‌ ବାଦ୍‌ଲୁ ଅନ୍ୟାୟ୍‌ କିମାକିନ୍‌, ମାରି ୱିଜୁଦିନ୍ ୱିଜେରି ନେଗିକା ସେସ୍ଟା କିପିନ୍‍ ।

2దెస్స 2:13

ଏ ତଡ଼ାନ୍‌କୁ ନି ତାଙ୍ଗିଁକି, ମି ଉଣ୍ତିଙ୍ଗ୍‌ ମାପୁରୁଙ୍ଗ୍‌ ୱିଜୁଦିନ୍ ଦନ୍ୟବାଦ୍‌ ସିନିକା ନେଗେତ୍‌ । ମାତର୍‌ ପ୍ରବୁ ମିଙ୍ଗିଁ ଜିବନ୍‌ନୋନାନ୍‌ । ସତ୍‌ତାନ୍‌ ମି ବିସ୍‌ବାସ୍‌ ଉଣ୍ତିଙ୍ଗ୍‌ ମାପୁରୁ ମିଙ୍ଗିଁ ପ୍ରାତୁମ୍‌ତି ୱାଜା ଆସ୍‌କିତାମାନାନ୍‌ ଏଣ୍ତେସ୍‌ ପବିତ୍ରଆତ୍ମାଦି ସାକ୍ତିଦାନ୍‌ ମିର୍‌ ରକ୍‌ୟା ପୟ୍‌ନିଦେର୍‌ ମାରି ଉନ୍‌ଡ୍ରି ପବିତ୍ର କୁଟୁମ୍‌ ଆନାତ୍‌ ।

1తిమోతి 5:10

କଡ଼ରି ନେଗେନ୍‌ ଜତନ୍‌ ଅନିକା, କୁଡ଼ାଆଙ୍ଗାଁ ସନ୍‌ମାନ୍‌ କିନିକା, କ୍ରିସ୍ଟାନ୍‌ ତଡ଼ାନ୍‌ ତାଙ୍ଗିଁକା ଉଣ୍ତିଙ୍ଗ୍‌ ସାନ୍ତିଦାନ୍‌ ବ୍ୟବ୍‌ହାର୍‌ କିନିକା, ସିଲିସାତି ଲୋକାଙ୍ଗ୍‌ ସାହାଜ୍ୟ କିନିକା ଇନି ଇନିକା ୱିଜୁ ସତ୍‌ପାଣି ଉଣ୍ତିଙ୍ଗ୍‌ ଆମାକାର୍‌ କୁଟୁମ୍‌ତୁ ୱେଙ୍ଗିଁନା ମାନାର୍‌ ।

1తిమోతి 6:19

ଆର୍‌ତିଙ୍ଗ୍‌ ଇୟାୱାଜା କିତିଙ୍ଗ୍‌ ୱାର୍‌ ୱାଜିନିଦିନ୍‌ତି ଉଣ୍ତିଙ୍ଗ୍‌ ମୁଲ୍‌ଦନ୍‌ ନିଜେ ନିଜେଦି ଉଣ୍ତିଙ୍ଗ୍‌ ଉଣ୍ତା କିନାର୍‌ ମାରି ସାରାସାରିୱେନ୍‌କା ୱାର୍‌ ସତ୍‌ତି ଜିବନ୍‌ ପୟ୍‌ନାର୍‌ ।

ఎబ్రి 12:14

ୱିଜେରି ୱାଲେ ସାନ୍ତିଦାନ୍ ବାସାକିଦେଙ୍ଗ୍ ମାରି ପବିତ୍ରଦାନ୍‌ ଜିଦେଙ୍ଗ୍‌ ସେସ୍ଟା କିଦୁ; ଇରିଙ୍ଗ୍‌ ତାନି ବାଦୁଲୁ ଏନ୍‌ ପ୍ରବୁଦି ଦର୍ସନ ପୋଇଦେଙ୍ଗ୍‌ ଆଟ୍‌ଏନ୍‌ ।

ఎబ్రి 12:23

ମାପୁରୁଦି ଏମେ ଆଗ୍‌ଡ଼ି ଜନମ୍‌ଆତି କଡ଼ର୍‌ଆଇଲିକା ଦରୁ ମୁସ୍‍କୁପୁର୍‍ତୁ ରାସାତା ମାନାତ୍, ମିର୍‌ ୱାରି ୱେଡ଼ିକାଦୁ ୱାତିମାନିଦେର୍‍ । ୱିଜୁ ଲୋକା ଜାତିଦି ବିଚାର୍‌କିନି ମାପୁରୁଦି ଲାକ୍‌ତୁ ମାରି ପୁରା ଦାର୍ମୁଦି ଲୋକାଦି ଆତ୍ମେଙ୍ଗାଁ ଲାକ୍‌ତୁ ମିର୍‌ ୱାତିମାନିଦେର୍‌ ।

ఎబ్రి 13:21

ମାରି ଜିସୁ କ୍ରିସ୍ତଦି ମାଣାନ୍‍ ମା ଜିବନ୍‍ତୁ ୱାନି ୱେଡ଼ିକାଦି ନେଗି ପାଣି ପୁରା କିପିନ୍‍ । ଜୁଗ୍‌ ଜୁଗ୍‍ ଗୌରବ୍‍ ୱାନିନ୍ଦି ଆପିତ୍‌ । ଆମେନ୍‍ ।

యాకోబు 3:2

ମାଡୁ ୱିଜୁଲୋକ୍‌ ଗାଦି ଦେବେଙ୍ଗ୍‌ ବୁଲ୍‌ କିନିମାନିକା । ଜଦି ଏନ୍‌ ୱାନି ୱାର୍‌ଗିଜିସାଜିମାନୁ ମୁଡ଼ୁକେ ପାପ୍‌ କିଏନ୍‌, ଆର୍‌ତିଙ୍ଗ୍‌ ୱାନ୍‌ ନେଗିକାନ୍‌ ମାରି ନିଜେଦି ମେନ୍ଧଲ୍‍ତିଙ୍ଗ୍‌ ପୁରା ନେଗେନ୍‌ ଇଟ୍‌ତାମାନାନ୍‌ ।

୧ ପିତର 5:10

ୱିଜୁ ଦୟା ସିନି ଆମା ମାପୁରୁ ନିଜେଦି ୱିଜୁଦିନ୍‌ତି ଗୌରବ୍‌ତୁ ମିସାନି ଉଣ୍ତିଙ୍ଗ୍‌ କ୍ରିସ୍ତ ଜିସୁଦି ମାଣୁକୁ ମିଙ୍ଗିଁ କୁକ୍‌ତାମାନାନ୍‌ । ୱାନ୍‌ ନିଜେ ସାଣେକ୍‌ତି ଦୁଃକ୍‌ପୟ୍‍ତି ୱେନ୍‌କା ମିଙ୍ଗିଁ ପୁରା କିନାନ୍‌, ତିର୍‌କିନାନ୍‍, ସାକ୍ତିକିନାନ୍‍ ମାରି ଡାଟ୍‍କିନାନ୍‌ ।