ପିଲିପିୟ 1:5 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁵ ଇରିଙ୍ଗ୍‌ ମି ବିସ୍‌ବାସ୍‌ ଆରାମ୍‌ତାନ୍‌ ନେର୍‌ସାନ୍ଧି ସୁସମାଚାର୍‌ତି ପାଣିଦୁ ମିର୍‌ ନାଙ୍ଗିଁ ଏଣ୍ତେସ୍‌ ସାକା ଆତିମାନିଦେର୍‌,

ପିଲିପିୟ 1:5 Iomraidhean Croise

అపొస్తు 2:42

ଆୟାନାଣ୍ତିରାନ୍‍ ସିସୁର୍‍ ୱାରିଙ୍ଗ୍‌ ସିକିୟା ସିତାର୍‍ । ମାରି ୱାର୍‌ ମିସାବିଡ଼୍‍ ଆତାର୍‌, ରୁଟି ରୁକ୍‌ତେଙ୍ଗ୍‍ ମାରି ପାର୍‌ତାନା କିଦେଙ୍ଗ୍‌ ମୋନ୍‌ସିଜି ତେବାତାର୍‍ ।

ରୋମିୟ 11:17

ଡଡିଦୁ ଜାତୁନ୍‍ ଅଆୟ୍‍ଆଜିମାନି ଉନ୍‍ଣ୍ତ୍ରି ଜିତ୍‍ ମାରାତି ଏସ କମେଙ୍ଗ୍‍ ୱେର୍‌ଏ କିଜି, ବନ୍‍ତି ଜିତ୍‍ ମାରାନ୍‌ତି କମା ଆୟା ବାଡିଦୁ ଜଡ଼ିସ୍‍ କିଆୟ୍‍ଆତାମାନାତ୍‍ । ଅଣଜିହୁଦି ଲୋକୁ ଆୟା ବନ୍‍ ଜିତ୍‍ ମାରାନ୍‌ ୱାଜା । ମିର୍‌ ଇଲେଇ ଜିହୁଦିରି ବପୁ ଆତ୍ମିକ ଜିବନ୍‍ତି ବାଗ୍‍ତୁ ମିସାତିମାନିଦେର୍‍ ।

ରୋମିୟ 12:13

କ୍ରିସ୍ତବିସ୍‍ବାସିରି ଦର୍‍କାର୍‍ ମାନିକା ସିଦୁ । ମାରି ୱାନି ଲୋକାଙ୍ଗ୍‍ଁ ସନ୍‌ମାନ୍‌ତାନ୍‌ କୁକ୍‍ତୁ ।

ରୋମିୟ 15:26

ଜିରୁସାଲାମ୍‍ତୁ ମାପୁରୁଦି ଏମେ ଲୋକୁ କାକୁର୍ତି ମାନାର୍‌, ୱାରି ଉଣ୍ତିଙ୍ଗ୍‍ଁ ଏସ ଡାବୁଙ୍ଗୁଁ ସାହାଜ୍ୟ ପକ୍‍ତେଙ୍ଗ୍‍ଁ ମାସିଦନିଆ ନି ଆକାୟାଦି ମଣ୍ତଲିଙ୍ଗ୍‍ଁ ବଦା କିତାମାନାର୍‌ ।

1కొరింతి 1:9

ଆମା ମାପୁରୁ ୱାନି ମାରିନ୍‌ ମା ପ୍ରବୁ ଜିସୁ କ୍ରିସ୍ତଦି ସାକା ପୟ୍‌ନି ଉଣ୍ତିଙ୍ଗ୍‌ ମିଙ୍ଗିଁ କୁକ୍‌ତାମାନାନ୍‌, ୱାନ୍‌ ୱିଜୁଦିନ୍‌ ବିସ୍‌ବାସ୍‌ ।

2కొరింతి 8:1

ଏ ତଡ଼ାନ୍‌କୁ ନି ତାଙ୍ଗିଁକ୍‍, ମାସିଦୋନିଆଦି ମଣ୍ତଲିୟାଙ୍ଗ୍ ଏଣ୍ତେସ୍ ମାପୁରୁଦି ଦୟା ପୋଇତାମାନାର୍, ଆକା ମିଙ୍ଗିଁ ୱେର୍‌ତେଙ୍ଗ୍‌ ବଦା କିଜିନା ।

ଏପିସିୟ 3:6

ଆୟା ମାର୍‌ଗିତିମାନି ମାଟା ଆଜିନାତ୍‍, ସୁସମାଚାର୍‌ତି ଉଣ୍ତିଙ୍ଗ୍‌ ଜିହୁଦିରି ୱାଲେ ଅଣଜିହୁଦିରି ବା ମାପୁରୁଦି ଆସିର୍ବାଦ୍‌ତୁ ମିସାତାମାନାର୍‌ । ୱାର୍‌ ଆୟା ଉନ୍‌ଡ୍ରେ ମେନ୍ଦଲତି ମେନ୍ଦଲୱିଜୁ ମାରି ଜିସୁ କ୍ରିସ୍ତଦି ସାହାଜ୍ୟଦାନ୍‌ ମାପୁରୁ ସିତିମାନି ପାର୍‌ମାଣ୍‌ତୁ ମିସାତାମାନାର୍‌ ।

ପିଲିପିୟ 1:12

ଏ ତଡ଼ାନ୍‌କୁ ନି ତାଙ୍ଗିଁକି, ନା ଉଣ୍ତିଙ୍ଗ୍‌ ଆମା ଆମାକା ଗଟାତାମାନାତ୍‌, ଆକା ସୁସମାଚାର୍‌ତି ପାଣିଦିଙ୍ଗ୍‌ ପିର୍‌ନି ଉଣ୍ତିଙ୍ଗ୍‌ ସାହାଜ୍ୟ କିତାମାନାତ୍‌, ଇକା ମିଙ୍ଗିଁ ୱେର୍‍ତେଙ୍ଗ୍‍ ନାନ୍‌ ଇଚ୍ଛା କିଜିନା ।

ପିଲିପିୟ 1:16

ଇୟାକାର୍‌ ଇୟାୱାଜା କିନି ଉଣ୍ତିଙ୍ଗ୍‌ ଜିବନ୍‌ନୋନାର୍‌ । ଇରିଙ୍ଗ୍‌ ୱାର୍‌ ନେସ୍‌ନାର୍‌ ଜେ, ମାପୁରୁ ନାଙ୍ଗିଁ ସୁସମାଚାର୍‌ତିଙ୍ଗ୍‌ ସୁରକ୍ଷା କିଦେଙ୍ଗ୍‌ ଦାଇତ୍‌ ସିତାମାନାନ୍‌ ।

ପିଲିପିୟ 1:27

ନାନ୍‌ ମିଙ୍ଗିଁ ସୁଡ଼ୁଦେଙ୍ଗ୍‌ ଇଜି ସନ୍‍ଡ୍ରେଙ୍ଗ୍‍ ଡାଟ୍‌ ଆନା ସିଲିତିଙ୍ଗ୍‌ ଆଏ, ଇଲେଇ ପେରି ବିସୟ୍‌ ଆଜିନାତ୍‍, ମି ଜିବନ୍‌ ଜିନିକା ଏଣ୍ତେସ୍‌ କ୍ରିସ୍ତଦି ସୁସମାଚାର୍‌ତି ୱାଜା ଆନାତ୍‌ ନାନ୍‌ ଏଣ୍ତେସ୍‌ ୱେନା, ମିର୍‌ ଉନ୍‌ଡ୍ରି ଉଦେସ୍‍ ଅସି ଡାଟ୍‌ତାନ୍‌ ନିର୍‌ଇ ମାନିଦେର୍‌ ମାରି ଉନ୍‌ଡ୍ରି ଆସା ଅସି ସୁସମାଚାର୍‌ ବିସ୍‌ବାସ୍‌ତି ଉଣ୍ତିଙ୍ଗ୍‌ ଅର୍‌ସେ ଜୁଦ୍‌ କିଜିନିଦେର୍‌ ।

ପିଲିପିୟ 1:7

ମିର୍‌ ୱିଜୁଦିନ୍ ନା ମନ୍‍ତୁ ମାନିଦେର୍‌; ମାରି ମି ୱିଜୁଲୋକା ବିସୟ୍‌ତାନ୍‌ ଇୟାୱାଜା ଏତ୍‌ କିନିକା ମାନାତ୍‌ । ନାନ୍‌ ଜଇଲ୍‍ତୁ ସଲ୍‍ଇ ମାର୍‌ଇ ବେଡ଼ାଦୁ ମାରି ଇଲେଇ ଇୟା ଜଇଲ୍‍ତୁମାନି ଅବସ୍ଥାଦୁ ସୁସମାଚାର୍‌ତି ତିଆର୍‌କିନିକା ନି ରକ୍ଷାଦି ଉଣ୍ତିଙ୍ଗ୍‌ ପାଣି କିଦେଙ୍ଗ୍‌ ମାପୁରୁ ନାଙ୍ଗିଁ ଆମା ଦୟା ସିତାମାନାନ୍‌, ମିର୍‌ ୱିଜିଦେର୍‌ ଇବେନୁ ମିସାତିମାନିଦେର୍‌ ।

ପିଲିପିୟ 2:12

ମାରି, ଏ ନା ଲାଡ୍‍ତି ତଡ଼୍‍କୁ, ଏଣ୍ତେସ୍‌ ନାନ୍‌ ମି ୱାଲେ ମାର୍‌ଇ ବେଡ଼ାଦୁ ମିର୍‌ ଏଣ୍ତେସ୍‌ ୱିଜୁୱାଲେ ନା ମାଟାଦାନ୍‌ ମାର୍‌ଇଦେର୍‌, ମାତର୍‌ ଇଲେଇ ନାନ୍‌ ସିଲିୱାଲେ ମାରି ନାଣ୍ତଦାନ୍‌ ତିଲାଜି ମାରି ତିର୍‌ଜି ନିଜେ ନିଜେଦି ପରିତ୍ରାଣ୍‌ ପାଣି ଏଣ୍ତେସ୍‌ ପୁରା ଆନାତ୍‌ ।

ପିଲିପିୟ 2:22

ତିମତି ଜେ ପରିକାଦୁ ଜିଣାତି ଲୋକ୍‌, ଇକା ମିର୍‌ ନେସ୍‌ତିମାନିଦେର୍‌; ମାରିନ୍‌ ବୁବାଦି ସେବା କିତି ୱାଜା ୱାନ୍‌ ତୋ ସୁସମାଚାର୍‌ ପ୍ରଚାର୍‌ ପାଣିଦୁ ନା ୱାଲେ ସେବା କିତାମାର୍ହାନ୍‌ ।

ପିଲିପିୟ 4:3

ମାରି, ଏ ନା ବିସ୍‌ବାସ୍‌ତି ଅର୍‌ସେପାଣିକିନିକାନ୍‌, ଇୟା ତାଙ୍ଗିଁକାଙ୍ଗ୍‍ଁ ସାହାଜ୍ୟ କିନି ଉଣ୍ତିଙ୍ଗ୍‌ ନିଙ୍ଗିଁ ବା ନା ବାତିଙ୍ଗ୍‌ମାଲ୍‌ଜିନା, ଇରିଙ୍ଗ୍‌ ଇୟାକେଙ୍ଗ୍‌ କ୍ଲେମେନ୍‌ସ୍‌ ମାରି ନା ଆଇ ପାଣିକିନିୱାନିକା ୱାଲେ ସୁସମାଚାର୍‌ ପାଣିଦୁ ନା ୱାଲେ ପାଣି କିତେମାନେ; ଆୟା ପାଣିକିନିୱାନିକା ଦରୁ ମାପୁରୁଦି “ଜିବନ୍‌ ପୁସ୍ତକଦୁ” ରାସ୍‌ତାମାନାତ୍‌ ।

పిలొమో 1:17

ଆଦେଙ୍ଗ୍‌ ନାଙ୍ଗିଁ ଜଦି ନି ୱାଲେ ଅର୍‍ସେମାନିକାନ୍‌ ଇଜି ଅଡ଼୍‌ବିଜିମାନି, ନାଙ୍ଗିଁ ଏଣ୍ତେସ୍‌ କୁକ୍‌ତିମାନ୍ଦି, ୱାନିଙ୍ଗ୍‌ ବା ଆୟାୱାଜା ମାନାଆ !

ఎబ్రి 3:14

ଜଦି ମାଡୁ ସାରାସାରି ସାନ୍ଦି ମା ଆଗ୍‌ଡ଼ିରି ବିସ୍‍ବାସ୍‍ତୁ ଡାଟ୍‍ ମାନାଟ୍, ଆର୍‌ତିଙ୍ଗ୍‌ ମାଡୁ ୱିଜେରେ କ୍ରିସ୍ତଦିମାନୁ ମିସାଦେଙ୍ଗ୍ ଆଟ୍‍ନିକା ।

୧ ଜୋହନ 1:3

ଆମାକା ମାପୁ ସୁଡ଼ୁତାମାନାପ୍‌ ମାରି ୱେରିମାନିକା, କେବଲ୍‌ ଆୟା ମାଟା ମି ଲାକ୍‌ତୁ ୱେର୍‌ସିଇଜିନାପ୍‌, ଇକା ୱେନ୍‌ଜି ବୁବା ମାପୁରୁ ମାରି ୱାନି ମାରିସି ଜିସୁ କ୍ରିସ୍ତଦି ୱାଲେ ମା ଆମା ସହବାଗିତା ମାନାତ୍‌, ଆବେନୁ ମିରୁ ମିସାନିଦେର୍‌,

୧ ଜୋହନ 1:7

ମାତର୍‌ ମାପୁରୁଦି ୱାଜା ମାଡ଼ୁ ଜଦି ଜାୟ୍‌ତୁ ବାସାନିକାନ୍‌, ମାଡୁ ଆୟାୱାଜା ଜାୟ୍‌ତୁ ବାସାନିକା, ଆର୍‌ତିଙ୍ଗ୍‌ ମା ନିଜେନିଜେଦିଙ୍ଗ୍‌ ସହବାଗିତା ମାନାତ୍‌, ମାରି ୱାନି ମାରିସି ଜିସୁଦି ନେତେର୍‌ ୱିଜୁ ପାପ୍‌ତାନ୍‌ ନରିସ୍ କିନାତ୍‌ ।