యాకోబు 2:5 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁵ ଏ ନା ଲାଡ୍‍ତି ତଡ଼ାନ୍‌କୁ ନି ତାଙ୍ଗିଁକି, ୱେନ୍‌ଡ୍ରୁ, ମାପୁରୁ ଇନିକା ଇୟା ଦୁନିଆଦି କାକୁର୍ତି ଲୋକାଙ୍ଗ୍‌ ବିସ୍‌ବାସ୍‌ୱାଜା ଦନ୍‌ତୁ ମାଜନ୍‌ ଆଦେଙ୍ଗ୍‌ ମାରି ୱାନି ସେବାକିନିୱାରିଙ୍ଗ୍‌ ଆମା ରାଜି ସିନା ଇଜି ମାଟା ସିତାମାନାନ୍‌, ଆବେଣି ଅଦିକାର୍‌ ଆନି ଉଣ୍ତିଙ୍ଗ୍‌ ଆସ୍‌କିଏନ୍‌ ?

Konda: కొండ బాసదు నెగ్గి కబ్రు

⁵ నాను ప్రేమిసిని తంబెరిఙండె, మీరు నెగ్రెండ వెండ్రు. యా లోకమ్‌ది బీదవారు దేవుణు ముస్కు ఇడ్తి నమకం వందిఙ్‌ ఆస్తి మన్నికారాదెఙ్‌ దేవుణు వరిఙ్‌ ఏర్‌పాటు కితాన్. దేవుణుదిఙ్‌ ప్రేమిసిని వరిఙ్‌ సీనా ఇజి ఒట్టు కిత్తి దేవుణు రాజ్యం దేవుణు వరిఙ్‌ సీనాన్.

యాకోబు 2:5 Iomraidhean Croise

మత్తయి 11:5

କାଣାର୍‌ ସୁଡ଼୍‍ଦେଙ୍ଗ୍‍ ଆଟ୍‌ସିନାର୍‌, ସଟାର୍‍ ବୁଲାଜିନାର୍‌, କୁସ୍ଟରୋଗ୍‌ତି ଲୋକୁ ନେଗେନ୍‍ଆଜିନାର୍‍, ବଇରା ଲୋକ୍‌ ୱେନ୍‌ଡ୍ରେଙ୍ଗ୍‌ ଆଟ୍‌ସିନାର୍‌, ସାତି ଲୋକୁ ଡ଼େସି ନିଙ୍ଗିଁଜିନାର୍‍ ମାରି କାକୁର୍ତି ଲୋକାମାନୁ ବା ନେଗି କାବୁର୍‌ ପ୍ରଚାର୍‌ କିଆଇଆଜିନାତ୍‍ ।

మత్తయి 25:34

ନାସ୍ତିୱାଲେ ରାଜା ୱାନି ଉଣି ତରିନ୍‌ମାନି ଲୋକାଙ୍ଗ୍‌ ଇନ୍‌ନାନ୍‌, ରାଦୁ, ମିଙ୍ଗିଁ ନା ବୁବା ଆର୍ସିବାଦ୍‌ କିତାମାନାନ୍‌ । ମି ଉଣ୍ତିଙ୍ଗ୍‌ ଦୁନିଆଦି ତିଆର୍‌ଆତି ଆଗ୍‍ଡ଼ିରାନ୍‍ ଆମା ରାଜି ତିଆର୍‌ ଆତାମାନାତ୍‌, ରାଦୁ, ଆବେନୁ ଡ଼ୁଗୁଦୁ ।

మత్తయి 5:3

ମାପୁରୁମାନୁ ଏମାକାର୍‌ ଆସା ଇଡ୍‌ନି, ଲୋକୁ ଦନ୍ୟ, ଇରିଙ୍ଗ୍‌ ମାପୁରୁଦି ରାଜି ୱାରିଦି ।

మార్కు 7:14

ଅର୍‌ଲେନ୍‌ ଜିସୁ ଲୋକାଙ୍ଗ୍‌ ଲାକ୍‌ତୁ କୁକ୍‌ସି ୱାରିଙ୍ଗ୍‌ ଇର୍ହାନ୍‌, “ମିର୍‌ ୱିଜେରେ ନା ମାଟା ୱେନ୍‌ଡ୍ରୁ ମାରି ବୁଝାଦୁ ।”

లూకా 12:21

ଏନ୍‌ ନିଜେଦି ଉଣ୍ତିଙ୍ଗ୍‌ ଦନ୍‌ ଉଣ୍ତା କିନାନ୍‍, “ମାତର୍‌ ମାପୁରୁଦି ଆଗ୍‌ଡ଼ି ମାଜନ୍‌ ଆଏନ୍‍, ୱାନି ଉଣ୍ତିଙ୍ଗ୍‌ ଇୟାୱାଜା ଗଟେଆନାତ୍‌ ।”

లూకా 12:32

ଏ ଇସ୍ରି ମାନ୍ଦା, ତିଲାମାଟ୍‌, ଇରିଙ୍ଗ୍‌ ମିଙ୍ଗିଁ ଆୟା ରାଜି ସିଦେଙ୍ଗ୍‍ ଇଜି ମି ମୁସ୍‌କୁପୁର୍‌ତି ବୁବା ବଦା କିଜିନାନ୍‌ ।

లూకా 16:22

ତାନେ ୱେନ୍‌କା ଆୟା ବିକାରି ସାତାନ୍‍ ମାରି ଦୁତ୍‍କା ମାଣ୍‌କୁ ଅବ୍ରାହାମତି ଗାତୁ ଅତେ; ୱେନ୍‌କା ଆୟା ଦନି ଲୋକୁ ବା ସାତାନ୍‍ ମାରି ମୁସ୍‌ତାର୍‌ ।

లూకా 16:25

ମାତର୍‌ ଅବ୍ରାହାମ ଇର୍ହାନ୍‌, ମାରିନ୍‌, ନିନ୍‌ ଜେ ଜିବନ୍‌ମାର୍‌ଇ ୱାଲେ ନିଜେଦି ନେଗି ବିସୟୱିଜୁ ପଇତି, ମାରି ଲାଜାର୍‌ ଆୟାୱାଜା ତାଗ୍‌ଇ ବିସୟୱିଜୁ ପ‍ଇତାନ୍‌, ଇକା ଅଡ଼୍‍ବିଆ; ମାତର୍‌ ଇଲେ ୱାନ୍‌ ଇୟା ବାଡ଼ିଦୁ ୱେଡ଼ିକା ପଇଜିନାନ୍‍, ମାରି ନିନୁ କଲ୍‌ବଲ୍‌ ଆଜିନି ।

లూకా 22:29

ନା ବୁବା ଏଣ୍ତେସ୍‌ ନା ଉଣ୍ତିଙ୍ଗ୍‌ ରାଜି ତିଆର୍‌ କିତାନ୍‌, ନାନ୍ ବା ଆୟାୱାଜା ମି ଉଣ୍ତିଙ୍ଗ୍‌ ତିଆର୍‌ କିଜିନା,

లూకా 6:20

ଆୟାୱାଲେ ଜିସୁ ନିଜେଦି ସିସୁରି ତରିଣ୍ତ୍‌ ସୁଡ଼ୁଜି ଇର୍‌ଆନ୍‌, କାକୁର୍ତିଲୋକୁ ଜେ ମିର୍‌, ମିର୍‌ ଦନ୍ୟ, ଇରିଙ୍ଗ୍‌ ମାପୁରୁଦି ରାଜି ମିଦି ।

యోహాను 7:48

“ନେତାରି ଲୋଇରାନ୍‌ ମାରି ପାରୁସିର୍‌ ଲୋଇରାନ୍‌ ଇନିକା ଏନ୍‌ ୱାନିମାନୁ ବିସ୍‌ବାସ୍‌ କିତାମାନାର୍‌ ଇକା ମିର୍‌ ନେସ୍‌ତିମାନିଦେର୍‌ ନୋ ?

అపొస్తు 7:2

ସ୍ତିପାନ୍ ଇର୍ହାନ୍‌, ଏ ନା ତଡ଼ାନ୍‌କୁ ନି ବୁବାର୍‍, ୱେନ୍‌ଡ୍ରୁ ! ମା ଡକ୍ରାଦାଦା ଅବ୍ରାହାମ ହାରୋଣଦୁ ବାସାଦେଙ୍ଗ୍‍ ସନି ଆଗ୍‌ଡ଼ି ଗୌରବ୍‍ତି ମାପୁରୁ ମେସପଟାମିଆଦୁ ତରାୟ୍‌ଆଜି,

ରୋମିୟ 8:17

ଏନ୍ଦାଇରିଙ୍ଗ୍‍ଁ ମାଡ୍‌ ମାପୁରୁଦି କଡ଼ର୍‍, ୱାନି ଲୋକା ଉଣ୍ତିଙ୍ଗ୍‍ଁ ଟିକ୍‍ ଆର୍ସିବାଦ୍‍ତୁ ମାଡ୍‌ ମିସାନିକା । ମାରି କ୍ରିସ୍ତଦି ଉଣ୍ତିଙ୍ଗ୍‍ଁ ମାପୁରୁ ଆମାକା ଉଣ୍ତା କିଜି ଇଟ୍‌ତାମାନାନ୍‌, ଆବେନ୍‌ ବା ମା ବାଗ୍‍ ମାନାତ୍‌ । ଜଦି ମାଡ୍‌ ଜିସୁଦି ଦୁକ୍‍ବଗ୍‍ତି ବାଗ୍‍ ଆତିମାନିକା, ଆର୍‍ତିଙ୍ଗ୍‍ଁ ୱାନି ଗୌରବ୍‌ଦୁ ବା ମିସାନିକା ।

1కొరింతి 2:9

ଏଣ୍ତେସ୍‌ ଦର୍ମସାସ୍ତ୍ରଦୁ ରାସାତାମାନାତ୍‌ : “କାଣ୍‌ଗା ଆମାକା ସୁଡ଼ୁଏତ୍‌, ଗିତଣି ଆମାକା ୱେନ୍‌ଏତ୍‌, ଆମାକା ଗଟାନିକା ଏନ୍‌ ଅଡ଼୍‌ବିଏନ୍‌, ଆୟାୱିଜୁ ବିସୟ୍‌ ମାପୁରୁ ନିଜେଦି ଜିବନ୍‌ନୋନିୱାରି ଉଣ୍ତିଙ୍ଗ୍‌ ତିଆର୍‌ କିତାମାନାନ୍‌ ।”

2కొరింతి 4:15

ମି ନେଗି ଉଣ୍ତିଙ୍ଗ୍‌ ଇୟାୱିଜୁ ଗଟାଜିନାତ୍ । ମାପୁରୁଦି ଦୟା ମାରି ନାଣ୍ତଦାନ୍ ନାଣ୍ତ ପିର୍‌ଜି ଲୋକାଙ୍ଗ୍‌ ମୁଟୁତାତ୍‌, ମାରି ଗାଦିଲୋକ୍‌ ନେଗି ମୋନ୍‌ତାନ୍‌ ମାପୁରୁଦି ଗୌରବ୍‍ କିନାର୍ ।

2కొరింతి 6:10

ମାପ୍‌ ଆଡ଼୍‍ବାଜି ବା ୱିଜୁଦିନ୍ ୱେଡ଼ିକା । ମାପ୍‌ କାକୁର୍ତିୱାଜା ତରାଜିନାପ୍‍, ମାତର ଏସ ଲୋକାଙ୍ଗ୍‌ ମାଜନ୍‍କିତାମାନାପ୍‍ । ମାଙ୍ଗିଁ ଇନିକା ସିଲେତିୱାଜା ମନେଆଜିନାତ୍, ମାତର ସତ୍‌ତାନ୍‌ ମାପ୍‌ ୱିଜୁଦି ଅଦିକାରିର୍‍ ।

2కొరింతి 8:9

ମିର୍‌ ପ୍ରବୁ ଜିସୁ କ୍ରିସ୍ତଦି ଦୟା ବିସୟନେସ୍ତୁ । ୱାନ୍‌ ମାଜନ୍‌ ଆତିଙ୍ଗ୍‌ବା ମି ଉଣ୍ତିଙ୍ଗ୍‌ ଗରିବ୍‍ ଆତାନ୍‌ ୱାନି କାକୁର୍ତିମାଡ଼ାନ୍ ମିର୍‌ ବା ଏଣ୍ତେସ୍ ମାଜନ୍‌ ଆଦେଙ୍ଗ୍‍ଁ ଆଟିନିଦେର୍‌ ।

ଏପିସିୟ 1:18

ନାନୁ ବାତିଙ୍ଗ୍‍ ମାଲ୍‍ନା, ଏଣ୍ତେସ୍‌ ୱାନି ଜାୟ୍‍ ସୁଡ଼ୁଦେଙ୍ଗ୍‌ ଇଜି ମି ଲୋଇରି କାଣ୍‌ଗା ରେଆନାତ୍‍ । ଆବେଣାନ୍‍ ଏମେ ଆସା ଉଣ୍ତିଙ୍ଗ୍‌ ମିର୍‌ ୱାନି ମାଣାନ୍‌ କୁକାୟ୍‍ଆତିମାନିଦେର୍‍, ଆକା ନେସ୍‌ନିଦେର୍‌ ।

ଏପିସିୟ 3:8

ନାନ୍‌ ମାପୁରୁଦି ଲୋକା ଲୋଇ ୱିଜେରିମାଣୁକୁ ଇସ୍ରିକିନ୍ଧା, ମାରିବା ଅଣଜିହୁଦିରି ଲାକ୍‌ତୁ କ୍ରିସ୍ତଦି ୱିଜ୍‌ଇ ସମ୍ପତିଦି ବାକ୍ୟ ଆସ୍‌ସି ସନି ଉଣ୍ତିଙ୍ଗ୍‌ ନାଙ୍ଗିଁ ମାପୁରୁ ଦୟା ସିତାମାନାନ୍‌ ।

1దెస్స 2:12

ମାପ୍‌ ମିଙ୍ଗିଁ ସାସ୍‌ ସିତାମାର୍ହାପ୍‌, ସାନ୍ତି ସିତା ମାର୍ହାପ୍‌, ମାରି ମିର୍‌ ଏଣ୍ତେସ୍‌ ମାପୁରୁଦି ବଦା ବ୍ୟବ୍‌ହାର୍‌ କିଜି ୱାନି ରାଜି ମାରି ଗୌରବ୍‌ଦି ବାଗ୍‍ ଆନି ଉଣ୍ତିଙ୍ଗ୍‌ ୱାନି ମାଟା ମାନାଦେଙ୍ଗ୍‌ ଆଟ୍‌ନିଦେର୍‌, ଇୟାଉଣ୍ତିଙ୍ଗ୍‌ ୱେଡ଼ିକା ସିତାମାର୍ହାପ୍‌ ।

2దెస్స 1:5

ଇୟା ୱିଜୁମାଣାନ୍‌ ପାରାମାଣ୍‌ ଆଜିନାତ୍‍ ଜେ, ମାପୁରୁଦି ବିସାର୍‌ ଟିକ୍‍ ମାରି ମିର୍‌ ୱାନି ରାଜିଦି ଜଗ୍‍ ଆନିଦେର୍‌, ଇରିଙ୍ଗ୍‌ ଆୟା ରାଜି ଉଣ୍ତିଙ୍ଗ୍‌ ମିର୍‌ ଦୁଃକ୍‌ ବୋଗାଜିନିଦେର୍‌ ।

1తిమోతి 6:18

ସତ୍‌ପାଣିଦୁ ଜାତୁନ୍‍ ଆଜି ନେଗିଦନ୍‌ ଉଣ୍ତା କିଦୁ; ଦାନ୍‌ସିଜି ନିଜେଦି ପାଣିଦୁ ଆଇୱାରିଙ୍ଗ୍‌ ମିସା କିଦୁ ।

2తిమోతి 4:18

ନା ବିସ୍‌ବାସ୍‌, ପ୍ରବୁ ନାଙ୍ଗିଁ ୱିଜୁ ତାଗ୍‌ଇ ପାଣିଦାନ୍‌ ରକିୟା କିଜି ସାରାସାରିୱେନ୍‌କା ୱାନି ମୁସ୍‌କୁପୁର୍‌ତି ରାଜିଦୁ ଅନାନ୍‌, ୱାନ୍‌ ଜୁଗ୍‌ ଜୁଗ୍‌ ୱାନି ଗୌରବ୍‍ ଆପିତ୍‌ ! ଆମେନ୍‍ ।

2తిమోతి 4:8

ଇଲେଇ ନାନ୍‌ ଦାର୍ମୁପାଣିକିନି ଉଣ୍ତିଙ୍ଗ୍‌ ଜିଣାନି ପୁର୍‌ସ୍କାର୍‌ ଇଟ୍‌ତାମାନାନ୍‌, ପେରିଦିନ୍‌ତୁ ନ୍ୟାୟ୍‌କିନି ବିସାର୍‌କିନି ପ୍ରବୁ ନାଙ୍ଗିଁ ଆୟା ପୁର୍‌ସ୍କାର୍‌ ସିନାନ୍‌, କେବଲ୍‌ ନାଙ୍ଗିଁ ସିଲେ; ଜିବନ୍‌ନୋନିକା ବକ୍ତିଦି ୱାଲେ ଆମାକାର୍‌ ୱାନି ୱାନିଦିନ୍‌ତିଙ୍ଗ୍‌ କାପ୍‌କିତା ମାନାର୍‌, ୱିଜେରେ ଇୟା ପୁର୍‌ସ୍କାର୍‌ ପୟ୍‌ନାର୍‌ ।

ఎబ్రి 11:26

ୱାନ୍‌ ମିସର୍‍ ଦେସ୍‍ତି ୱିଜୁ ଦନ୍‌ ବାଦ୍‍ଲୁ ମସିହଦି ଉଣ୍ତିଙ୍ଗ୍‌ କାଡ଼ାୟ୍‍ଆନିକା ନେଗେତ୍‌ ଇଜି ଏତ୍‌କିତାନ୍‌, ଇରିଙ୍ଗ୍‌ ୱାନ୍‌ ପୁରସ୍କାର୍‌ତି ଉଣ୍ତିଙ୍ଗ୍ ‌ୱାନି ଆସା ମାରାତ୍ ।

యాకోబు 1:12

ଆମା ଲୋକ୍‌ ଦୁଃକ୍‌କାସ୍ଟୁଦୁ ସାସ୍‌ କିନାନ୍‌, ୱାନ୍‌ ଆସିର୍ବାଦ୍‍ତିକାନ୍‍; ଇରିଙ୍ଗ୍‌ ଇୟାୱାଜା ଲୋକ୍‌ ପରିକାଦୁ ଜିଣାତିଙ୍ଗ୍‌, ମାପୁରୁ ୱାନି ଲୋକାଙ୍ଗ୍‌ ଆମା ଜିବନ୍‌ ସିନାନ୍‌ ଇଜି ପାର୍‌ମାଣ୍‌ କିତାମାନାନ୍‌, ୱାନ୍‌ ଆକା ପୁର୍‌ସ୍କାର୍‌ ୱାଜା ପୟ୍‌ନାନ୍‌ ।

యాకోబు 1:16

ଏ ନା ଲାଡ୍‍ତି ତଡ଼ାନ୍‌କୁ ନି ତାଙ୍ଗିଁକି, ବାୟା ଆମାଟ୍‌ !

యాకోబు 1:19

ଏ ନା ଲାଡ୍‍ତି ତଡ଼ାନ୍‌କୁ ନି ତାଙ୍ଗିଁକି, ଏତ୍‍କିଦୁ । ମିର୍‌ ୱେନ୍‌ଡ୍ରେଙ୍ଗ୍‌ ଦାନ୍ଦାଆନିକା ମାନାତ୍‌, ୱେର୍‌ତେଙ୍ଗ୍‌ ସାନ୍ତି, ରିସା କିଦେଙ୍ଗ୍‌ ତିର୍‌ ଆପିତ୍‌, ମାତର୍‌ ଆଗ୍‌ଡ଼ିୱେନ୍‌କା ଅଡ଼୍‍ବିଜି ମାଟା ଇନ୍‍ଡ୍ରୁ

యాకోబు 1:9

ସିଲିସାତିଅବସ୍ଥାଦାନ୍‌ ମାନି କ୍ରିସ୍ତ ବିସ୍‌ବାସ୍‌ସିଙ୍ଗ୍‍ଁ ମୁସ୍‌କୁପେରାତିଙ୍ଗ୍‌ ୱେଡ଼ିକା କିପିନ୍‌ ।

୧ ପିତର 1:4

ମାରି ମାପୁରୁ ତାମି ଲୋକା ଉଣ୍ତିଙ୍ଗ୍‌ ଆମା ନାଣ୍ତଦାରାଦି ଆସିର୍ବାଦ୍‌ ଇଟ୍‌ତାମାନାନ୍‌, ଆକା ପୋଇନି ଉଣ୍ତିଙ୍ଗ୍‌ ମାପୁ ଆସାଦାନ୍‍ ମାନାପ୍ । ଆକା ୱାନ୍‌ ମୁସ୍‌କୁପୁର୍‌ତୁ ମି ଉଣ୍ତିଙ୍ଗ୍‌ ଉଣ୍ତା କିତା ଇଟ୍‌ତାମାନାନ୍‌ । ଆବେନୁ ଆକା ତାଗ୍‌ଏଣ୍‌ ଆଏତ୍‌, ନାସ୍ଟୁ ବା ୱାରାଏତ୍‌ ।

ప్రకటన 2:9

ମି ଦୁଃକ୍‌କାସ୍ଟୁ ୱିଜୁ ନାନ୍‌ ନେସ୍‌ନା; ନାନୁ ବା ନେସ୍‌ନା ଜେ, ମିର୍‌ କାକୁର୍ତିଲୋକୁ; ମାତର୍‌ ସତ୍‍ତାନ୍ ମିର୍‌ ମାଜନ୍‌ ଲୋକ୍‌ । ଏମେକାର୍ ନିଜେଦିଙ୍ଗ୍ ଜିହୁଦି ଇଜି ଇନାର୍, ମାତର୍‌ ସତ୍‍ତୁ ଜିହୁଦିର୍ ଆଏର୍‌ ମାରି ଏମେକାର୍ ସୟତାନ୍‍ଦି ୱେନ୍‌କା ସନାର୍‌, ୱାର୍‌ ଏଣ୍ତେସ୍‌ ମିଙ୍ଗିଁ ଅପମାନ୍ କିଜି ମାଟା ଆଜିନାର୍‌, ଆକା ନାନୁ ନେସ୍‌ନା ।

ప్రకటన 21:7

ଏନ୍‌ ଜିଣାଜି ତେବାନାନ୍‌, ନାନ୍‌ ୱାନିଙ୍ଗ୍‌ ଇୟା ପୁରସ୍କାର୍‍ ସିନା ନାନ୍‌ ୱାନି ମାପୁରୁ ଆନା ମାରି ୱାନ୍‌ ନା ମାରିନ୍‌ ଆନାନ୍‌ ।

ప్రకటన 3:18

ଆଦେଙ୍ଗ୍‌ ନାନ୍‌ ନିଙ୍ଗିଁ ଆଦେସ୍ ସିଜିନା, ଦନିଆଦେଙ୍ଗ୍ ନାମାଣୁକୁ ନେଗି ବାଙ୍ଗାଁରାମ୍‍ କଡ଼ୋଦୁ ମି ସେମାର୍‌ତି ଉଣ୍ତିଙ୍ଗ୍‌ ଡୁମ୍‌ଡାମେନ୍ଦଲଦୁ ପିଡ଼ାଗାଦେଙ୍ଗ୍ ନା ଲାକୁତୁ ଅଡ଼ିନି ୱାତିଗନ୍ଦା କଡ଼ୋଦୁ । ମାରି ସୁଣି ସାକ୍ତି ନେଗେନ୍‌ କିନି ଉଣ୍ତିଙ୍ଗ୍ କାଟିକା କଡ଼ୋଜ କାଣ୍‌ଗାଦୁ ଉସାଆ ।