ଗାଲାତିୟ 4:4 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁴ ସାରାସାରି ଏସ୍ତିୱାଲେ ଟିକ୍‍ ସମୟ୍‍ ୱାତାତ୍‍, ମାପୁରୁ ୱାନି ନିଜେ ମାରିସିଙ୍ଗ୍‍ଁ ପକ୍‍ତାନ୍‍ । ଅରେତ୍‌ ସାମାନ୍‌ତି ଆଇମା ପଟାଦାନ୍‍ ୱାନ୍‌ ଜନମ୍‍ ଆଜି ଜିହୁଦିଲୋକା ନିୟମ୍‍ତି ଅଦିକାର୍‍ତାନ୍‍ ଜିତାନ୍‌ ।

Konda: కొండ బాసదు నెగ్గి కబ్రు

⁴ గాని దేవుణు ఎత్తుకిత్తి తగితి సమయం వాతివలె వాండ్రు వన్ని మరిసిఙ్‌ పోక్తాన్. వాండ్రు ఉండ్రి బోదెలి పొటా లొఇహన్‌ పుట్తాన్. వాండ్రు యూదురి రూలుఙ్‌ విజు లొఙిజి బత్కితాన్.

ଗାଲାତିୟ 4:4 Iomraidhean Croise

మత్తయి 1:23

ଆୟା ବବିସତ୍‍ ମାଟା ଆଜିନାତ୍‍, “ଅରେତ୍‌ ରିପା ଗାର୍ବୁଦୁ ତେବାଜି କଡ଼ଦିଙ୍ଗ୍‌ ଜନମ୍‍ସିନାତ୍‍ । ମାରି ଲୋକୁ ଆୟା କଡ଼ଦିଙ୍ଗ୍‌ ଇମାନୁଏଲ ଦର୍‌ତାନ୍‌ ୱେଙ୍ଗ୍‌ଁନାନ୍‌ । ଇମାନୁଏଲଦି ଅର୍ତ ମାପୁରୁ ମା ୱାଲେ ମାନାନ୍‌ ।”

మత్తయి 3:15

ମାତର୍‌ ଜିସୁ ଇର୍ହାନ୍‌, “ଇଲେଇ ନା ମାଟାଦୁ ରାଜିଆଆ । ଇରିଙ୍ଗ୍‌ ଇୟାମାଣ୍‍କୁ ମାଡୁ ମାପୁରୁଦି ବଦାଦି ପାଣି କିଦେଙ୍ଗ୍‌ ଆଟ୍‍ନିକା ।” ଆବେଟ୍‌ ଯୋହନ ୱାନିଙ୍ଗ୍‌ ଡୁବନ୍‌ ସିଦେଙ୍ଗ୍‍ ରାଜିଆତାନ୍‍ ।

మత్తయి 5:17

ଅଡ଼୍‍ବିମାଟ୍‍ ଜେ ନାନ୍ ମସା ସିତି ନିୟମ୍‌ ମାରି ବାବବାଦିରି ସିକିୟା ୱିଜୁ ଗୁସାକିଦେଙ୍ଗ୍‍ ୱାତାମାନା । ଆୟାୱିଜୁ ଗୁସାକିଦେଙ୍ଗ୍‍ ସିଲେ, ମାତର୍‌ ସତ୍‌ତାନ୍‌ ସତ୍‌ କିଦେଙ୍ଗ୍‌ ୱାତାମାନା ।

మార్కు 1:15

ଜିସୁ ୱେର୍‌ତେଙ୍ଗ୍‌ ଆସ୍‌ତାନ୍‌, “ଦିନ୍‌ ଲାକ୍‌ତୁ ୱାତାତ୍‌ନି, ମାପୁରୁଦି ରାଜି ଇଗା ୱାଜିନାତ୍ ! ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ତୁ ମାରି ମାପୁରୁଦି ନେଗିକାବୁର୍‌ତୁ ବିସ୍‌ବାସ୍‌ କିଦୁ ।”

లూకా 1:31

ମାରି ସୁଡ଼ୁଆ, ନିନୁ ପଟାଦୁ ଆନିନୋ ଅରେନ୍‍ କଡ଼ ଜନମ୍‌ ସିନି ମାରି ୱାନି ଦର୍‌ ଜିସୁ ସିନିଦେର୍‌ ।

లూకా 1:35

ଦୁତ୍‌ ତାନେଙ୍ଗ୍‌ ଇର୍ହାତ୍‌, “ପବିତ୍ର ଆତ୍ମା ନି ମୁସ୍‌କୁ ୱାନାତ୍‌ ମାରି ପେରି ମାପୁରୁଦି ସାକ୍ତି ନିଂଇ ଆସ୍‌ନାତ୍‌, ଏନ୍‌ ଜନମ୍‌ ଆନାନ୍‌, ୱାନ୍‌ ପବିତ୍ର ମାରି ମାପ୍‌ରୁଦି ମାର୍‌ସି ଇଜି ୱେଙ୍ଗ୍‌ଁନାନ୍‌ ।

లూకా 2:7

ୱାଦ୍‌ ନିଜେ ପର୍‌ତୁମ୍‌ କଡ଼ଦିଙ୍ଗ୍‌ ଜନମ୍‌ କିତାତ୍‌ କଡ଼ଦିଙ୍ଗ୍‌ ୱାତିଦୁ ତେର୍‌ପ୍‌ସି ଡ଼ାକ୍‍ ଏର୍‌ଉଣି ଟଙ୍ଗାଁଦୁ ତେର୍‌ପ୍‍ତାତ୍‍, ଇରିଙ୍ଗ୍‌ ତେବାନି ଇନ୍‌ଡ୍ର ୱାରି ଉଣ୍ତିଙ୍ଗ୍‌ ବାଡି ସିଲେତାତ୍‍ ।

లూకా 20:44

ମାରି, ଦାଉଦ ୱାନିଙ୍ଗ୍‌ ପ୍ରବୁ ଇଜି ଇନାନ୍‌; ଆରିଙ୍ଗ୍‌, ୱାନ୍‌ ଏଣ୍ତେସ୍‌ ୱାନି ମାରିନ୍‌ ?

యోహాను 1:14

ମାରି, ଆୟା ବାକ୍ୟ ନର୍‍ ମେନ୍ଧଲ୍‍ ଆସ୍‌ସି ମା ୱାଲେ ଜିତାନ୍‍ । ୱାନ୍‌ ଦୟା ନି ସତ୍‍ତୁ ପୁରା ଆଜିମାର୍ହାନ୍‍ । ମାରି ମାପୁରୁଦି ଅରେନ୍‍ନେ ମାରିସିୱାଜା ୱାନ୍‌ ଏମେ କାବାଆନି ମହିମାକି ପୋଇତାମାର୍‍ହାନ୍‍, ଆକା ମାପ୍‌ ସୁଡ଼ୁତାପ୍‌ ।

యోహాను 10:36

ବୁବା ମାପୁରୁ ନାଙ୍ଗିଁ ପବିତ୍ର କିଜି ଆସ୍‍କିତାନ୍‌ନୋ ଇୟା ଦୁନିଆଦୁ ପୋକ୍‌ତାତାମାନାନ୍‌ । ଆରିଙ୍ଗ୍‌, ନାନ୍ ନିଜେଦିଙ୍ଗ୍‍ ମାପୁରୁଦି ମାରିନ୍‌ ଇନି ମାଣାନ୍‌ ମାପୁରୁଙ୍ଗ୍‌ ନିଦା କିଜିନା ଇଜି ଏଣ୍ତେସ୍‌ ଇଜିନିଦେର୍‌ ?

యోహాను 3:16

ଇରିଙ୍ଗ୍‌ ମାପୁରୁ ଇୟା ଜଗତ୍‌ତିଙ୍ଗ୍‌ ନିସା ଜିବନ୍‌ ନତାନ୍‌ ଜେ, ୱାନ୍‌ ନିଜେଦି ଅରେନ୍‌ ମାରିନ୍‌ତିଙ୍ଗ୍‌ ସିତାନ୍‌, ଏଣ୍ତେସ୍‌ ଏନ୍‌ଆପିନ୍‌ ୱାନିମାନୁ ବିସ୍‌ବାସ୍‌ କିନାନ୍‌, ୱାନ୍‌ ନାସ୍ଟୁ ଆଏଣ୍ତା ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପଇନାନ୍‌ ।

యోహాను 6:38

ଇରିଙ୍ଗ୍‌ ନା ନିଜେଦି ବଦାଦାନ୍‌ଦିଙ୍ଗ୍‍ ପୁରା କିଦେଙ୍ଗ୍‌ ସିଲେ, ମାତର୍‌ ନା ପୋକ୍‍ତିୱାନି ବଦା ପୁରା କିଦେଙ୍ଗ୍‌ ନାନ୍ ମୁସ୍‌କୁପୁର୍‌ତାନ୍‌ ୱାତାମାନା ।

యోహాను 8:42

ଜିସୁ ୱାରିଙ୍ଗ୍‌ ଇର୍ହାନ୍‌, “ମାପୁରୁ ଜଦି ମି ବୁବା ଆତାନ୍‍ମାନ୍ଦି, ଆରିଙ୍ଗ୍‌ ମିର୍‌ ନାଙ୍ଗିଁ ଜିବନ୍‌ ନତିଦେର୍‍ମାନ୍ଦି; ଇରିଙ୍ଗ୍‌ ନାନ୍ ମାପୁରୁ ମାଣ୍‌କୁ ୱାଜି ଇଲେଇ ଇବେ ମାନା; ନାନ୍ ନିଜେଦି ଅଦିକାର୍‍ତାନ୍‍ ରେଏ, ମାତର୍‌ ୱାନ୍‌ ନାଙ୍ଗିଁ ପକ୍‌ତାନ୍‌ ।

అపొస్తు 1:7

ଜିସୁ ୱାରିଙ୍ଗ୍‌ ଇର୍ହାନ୍‌, “ୱେଡ଼ା ନି ଇଲେଇତିଙ୍ଗ୍‌ ନା ବୁବା ୱାନି ଆଡ୍‍ଗି କିଜି ଇଟ୍‌ତାମାନାନ୍‌ । ଇୟାୱିଜୁ ଏସ୍‌କାଙ୍ଗ୍‌ ଗଟାନାତ୍‌, ମିର୍‌ ନେସ୍‌ତେଙ୍ଗ୍‌ ଦର୍‌କାର୍‌ ସିଲେ ।

ରୋମିୟ 1:3

ତେନି ନାଡ଼୍‍ମି ଆଜିନାନ୍‍; ମାପୁରୁଦି ମାରିସି, ମା ପ୍ରବୁ ଜିସୁ କ୍ରିସ୍ତ । ଲୋକାୱାଜା ୱାନ୍‌ ଦାଉଦ୍‍ତି କୁଟୁମ୍‍ ।

ରୋମିୟ 15:8

ଇରିଙ୍ଗ୍‍ଁ କ୍ରିସ୍ତଦି ସେବାଦି ଜିବନ୍‌ ଜିହୁଦିଲୋକା ଉଣ୍ତିଙ୍ଗ୍‍ଁ ଟିକ୍‍ ମାର୍ହାତ୍‌ । ୱାରିଙ୍ଗ୍‍ଁ ୱାନ୍‌ ତର୍‍ତେଙ୍ଗ୍‍ଁ ବଦାକିଜିମାର୍ହାନ୍‍ ଜେ ମାପୁରୁ ବିସ୍‌ସାସ୍‍ତିକାନ୍‍, ଜିହୁଦି ଜାତିଦି ଡକ୍ରାଦାଦାରିଙ୍ଗ୍‍ ସିତିମାନି ୱାନି ମାଟାୱିଜୁ ୱାନ୍‌ କିନାନ୍‍ ।

ରୋମିୟ 5:6

ମାଡ୍‌ ନିରାସ୍‌ ମାର୍‌ଇୱାଲେ ମାପୁରୁଦି ତିଆର୍‍କିତି ସମୟ୍‍ତୁ କ୍ରିସ୍ତ ପାପି ଲୋକା ଉଣ୍ତିଙ୍ଗ୍‍ ସାତାନ୍‍ ।

ରୋମିୟ 8:3

ଇୟା ଲୋକା ଗୁଣ୍‍ ୱିଜୁ ଲିଡ଼ଲାଡ଼ା ଉଣ୍ତିଙ୍ଗ୍‍ଁ ମସା ସିତିମାନି ନିୟମ୍‍ ଆମାକା କିଦେଙ୍ଗ୍ଁ ଆଟ୍‍ଏତାତ୍‍, ମାପୁରୁ ଆକା କିତାମାନାନ୍‌ । ଲୋକା ଜିବନ୍‍ତୁ ପାପ୍‍ତିଙ୍ଗ୍‍ଁ ନାସ୍ଟୁ କିଦେଙ୍ଗ୍‍ଁ ଇଜି ୱାନ୍‌ ନିଜେଦି ମାରିସିଙ୍ଗ୍‍ଁ ପାପି ଲୋକୁ ୱାଜା ପକ୍‍ତାନ୍‍ ମାରି କ୍ରିସ୍ତ ଜିସୁ ପାପ୍‍ତି ସାକ୍ତି ନାସ୍ଟୁ କିତାମାନାନ୍‌ ।

ରୋମିୟ 9:5

ମା ୱେଙ୍ଗିଁତି ଜିହୁଦି ଡକ୍ରାଦାଦାରି ୱାର୍‌ କୁଟୁମ୍‌ତିକାର୍‍ ମାରି ଲୋକ୍‍ ୱାଜା କ୍ରିସ୍ତ ଆୟା କୁଟୁମ୍‌ତାନ୍‌ ଜନମ୍‍ । ଆୟା ୱିଜେରିଙ୍ଗ୍‍ଁ ସାସନ୍‍କିନି ମାପୁରୁ ଜୁଗ୍‌ ଜୁଗ୍‌ ଦନ୍ୟ ଆପିନ୍‌ । ଆମେନ୍‍ ।

ଏପିସିୟ 1:10

ଆୟା ସିନ୍ତାଦି ଇସାବ୍‍ତାନ୍‍ ମୁସ୍‌କୁପୁର୍‌ ନି ଦୁନିଆଦି ୱିଜୁ ତିଆର୍‌ ଆତି ବିସୟ୍‍ ଉନ୍‍ଡ୍ରେ ଆନେ ମାରି କ୍ରିସ୍ତ ଆୟାୱିଜୁଦି ତାଲା ୱାଜା ତେବାନାନ୍‍ । ଇୟା ସିନ୍ତା ମାପୁରୁ ଟିକ୍‍ ୱେଡ଼ାଦୁ ପୁରା କିନାନ୍‍ ।

కొలొసి 2:14

ୱାନ୍‌ ମା ବିରୁଦ୍‌ତାନ୍‌ ମାନି ନିୟମ୍‌ତି ଆକୁ ମାରି ଇୟାତାନି ନିତିନିୟମ୍‌ତିଙ୍ଗ୍‌ କ୍ରୁସକାଟ୍‌ତୁ ଡ଼ସି ମା ମାଣାନ୍‌କୁ ଆକ କିତାମାନାନ୍‌ ।

1తిమోతి 2:6

ୱାନ୍‌ ୱିଜେରିଙ୍ଗ୍‌ ମୁକୁଡ଼ାକିନି ଉଣ୍ତିଙ୍ଗ୍‌ ନିଜେଦିଙ୍ଗ୍‌ ଦାନ୍‌ ସିଜି ଇବେଣାନ୍‍ ଟିକ୍‍ ୱେଡ଼ାଦୁ ପାର୍‌ମାଣ୍‌ ଆତାମାନାତ୍‌ ଜେ, ମାପୁରୁ ୱିଜୁ ଲୋକାଙ୍ଗ୍‌ ସାକ୍ୟ ସିଦେଙ୍ଗ୍‌ ଇଚ୍ଛା କିନାନ୍‌ ।

1తిమోతి 3:16

ମା ଦାର୍ମୁବିସ୍‌ବାସ୍‌ତି ଇୟା ପେରିବିସୟ୍‌ ଏନ୍‌ ମାନାଦେଙ୍ଗ୍‌ ଆଟ୍‌ଏନ୍‌ : କ୍ରିସ୍ତ ଲୋକା ମେନ୍ଦଲ୍‌ ଆସ୍‌ସି ରେତାତାନ୍‌, ମୁସ୍‌କୁପୁର୍‌ତି ଦୁତ୍‌କୁ ମାଣୁକୁ ତରାୟ୍‌ଆତାନ୍‌, ଆତ୍ମାଦୁ ଦାର୍ମିକ ଇଜି ପାର୍‌ମାଣ୍‌ କିଆୟାଆତାନ୍‌, ୱିଜୁଜାତିଦି ଲଇ ୱାନି ନେଗିକାବୁର୍‌ ପ୍ରଚାର୍‌ ଆତାତ୍‌, ସାରାଦୁନିଆଦି ୱିଜୁତରିନ୍‌ ୱାନ୍‌ ବିସ୍‌ବାସ୍‌ ଆଜି ଗୌରବ୍‌ତାନ୍‌ ମୁସ୍‌କୁପୁର୍‌ତୁ ମୁସ୍‌କୁ ସର୍ହାନ୍‌ ।

ఎబ్రి 2:14

ୱାନ୍‌ ଏମେୱାରିଙ୍ଗ୍‌ କଡ଼ର୍‍ ଇଜି ମାନାତାମାନାନ୍‍, ୱାର୍‌ ନେତେର୍‍କାଣ୍ତା ମେନ୍ଦଲତି ଲୋକୁ ଆତିମାନିଙ୍ଗ୍‌ ଜିସୁ ବା ନିଜେ ୱାରି ୱାଜା ଲୋକା ମୁର୍ତି ନି ଗୁଣ୍‍ ଆସ୍‌ସି ୱାତାନ୍‌ । ୱାନ୍‌ ଇକା କିନି ମାଟା ଆଜିନାତ୍, ୱାନ୍‌ ଏଣ୍ତେସ୍ ନିଜେଦି ସାନି ମାଡ଼ାନ୍‍କୁ ସୟତାନ୍‍ତିଙ୍ଗ୍‌ ବିନାସ୍ କିନାନ୍, ଇରିଙ୍ଗ୍‍ଁ ସାନି ମୁସୁକୁ ସୟତାନ୍‍ତି ଅଦିକାର୍‌ ମାର୍‌ଆତ୍ ।

ఎబ్రి 9:10

ଇରିଙ୍ଗ୍‌ ଆୟାୱିଜୁ କେବଲ ଉଣି କାଦି ମାରି ସୁଚିକିନି ଉଣ୍ତିଙ୍ଗ୍‌ ଆତ୍‍ରେରି ପାଣି ମାତ୍ର । ମାପୁରୁଦି ପୁନି ନିୟମ୍‍ତି ତିଆର୍‍ଆନି ସାନ୍ଦି ଆୟାୱିଜୁଦି ଦରକାର୍‍ ମାର୍ହାତ୍ ।

୧ ଜୋହନ 4:14

ବୁବା ଜେ ମାରିସିଙ୍ଗ୍‌ ଜଗତ୍‌ଦି ରକିୟାକର୍ତ୍ତା ଆନି ଉଣ୍ତିଙ୍ଗ୍‌ ପୋକ୍‌ତାତା ମାନାନ୍‌, ଇକା ମାଡୁ ସୁଡ଼ୁତି ମାନିକା ମାରି ୱାନି ବିସୟ୍‌ତାନ୍‌ ଆଇୱାରିଙ୍ଗ୍‌ ସାକିୟ୍‌ ୱେର୍‌ସିନିକା ।

୧ ଜୋହନ 4:2

ୱାର୍‌ ମାପୁରୁଦି ଆତ୍ମା ପୟ୍‌ତାମାନାର୍‌ ନୋ ସିଲେ, ଆକା ନେସ୍‌ନି ଉପାୟ୍‌ ଆଜିନାତ୍‌ ଆମା ଲୋକ୍‌ତିମାନୁ ମାପୁରୁଦି ଆତ୍ମା ମାନାତ୍‌, ୱାନ୍‌ ପେରି ୱେୟୁଦାନ୍‌ ମାନାନାନ୍‌ ଜେ, ଜିସୁ କ୍ରିସ୍ତ ଲୋକା ୱାଜା ୱାତା ମାର୍ହାନ୍‌ ।