ଏପିସିୟ 2:2 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

² ଆୟା ବେଡ଼ାଦୁ ମିର୍‌ ଦୁନିଆଦି ସତ୍‌ସିଲି ସାରିଦୁ ବୁଲାଜି, ବାଦଡ଼ତି ରାଜିଦି ଅଦିପତିଦି ଆଡ୍‍ଗି ମାର୍‌ଇଦେର୍‌ । ଆୟା ଅଦିପତି ଇଲେଇ ମାପୁରୁଦି ମାଟା ଆସ୍‌ଇୱାରି ଲୋକା ମୁସ୍‌କୁ ସାସନ୍‌ କିଜିନାନ୍‌ ।

Konda: కొండ బాసదు నెగ్గి కబ్రు

² యా లోకమ్‌దు మని దేవుణుదిఙ్‌ దూసిస్నికార్‌ కిజి మహి లెకెండ్‌ మీరుబా కిజి మహిదెర్. ఆగాసమ్‌దు బుల్లెయ్‌ కిని దెయమ్‌కాఙ్‌ నెయ్‌కి ఆతి సయ్‌తానుఙ్‌ లొఙిజి మహిదెర్. వీండ్రె దేవుణుదిఙ్‌ లొఙిఇ వరి ముస్కు ఏలు అతికారం కిజినాన్.

ଏପିସିୟ 2:2 Iomraidhean Croise

మత్తయి 11:19

ଏସ୍ତିୱାଲେ ମନୁଷ୍ୟପୁତ୍ର ୱାଜି ଉଣାନ୍‌ ତିନାନ୍‍, ୱିଜେରେ ଇର୍ହାର୍‌, ଇୟା ଲୋକ୍‌ତିଙ୍ଗ୍‌ ସୁଡ଼୍‍ଦୁ ! ୱାନ୍‌ ଅରେନ୍‍ ପେଟୁ ନି ମଦୁଆ, ସିସ୍‍ଟୁ ଲୋସ୍‍ନି ଲୋକା ମାରି ପାପି ଲୋକା ସଙ୍ଗ୍‍ । ମାତର୍‌ ମାପୁରୁ ବୁଦି ନିଜେଦି ପାଣିଦାନ୍‌ ସତ୍‍ଇଜି ପାର୍‍ମାଣ୍‍ଆତାନ୍‍ ।”

మత్తయి 13:22

ଏନ୍‌ ବାକ୍ୟ ୱେନାନ୍‌, ମାରି, ଦୁନିଆଦି ସିନ୍ତା ମାରି ଦନ୍‌ତି ଆସା ୱାନିଙ୍ଗ୍‌ ତିଗ୍‍ନା ପକ୍‍ନାତ୍‍, ମାରି ୱାର୍‌ ପସଲ୍‍ ଆସ୍‍ଏର୍‍, ଆୟା ଲୋକ୍‌ ସାମ୍‌କା ଦୁପାଦୁ ୱିତାତିମାନି ବୁମିଦି ୱାଜା ।

మత్తయి 13:38

ଇୟା ଦୁନିଆ ଆଜିନାତ୍‍ କିଡ଼ିଇ । ଏମେକାର୍‌ ମୁସ୍‌କୁପୁର୍‌ତି ଅଦିକାରି, ୱାର୍‌ ନେଗି ୱିତୁ । ଗଲୁତକାଲାଟେଙ୍ଗ୍‌ ସୟତାନ୍‍ତି ୱାଲେ ବୁଲାନିକାର୍‍ ।

మార్కు 4:19

ମାତର୍‍ ଦୁନିଆଦି ସିନ୍ତା, ଦନ୍‍ଲବ୍‍ ମାରି ଆଇ ଆସା ୱାରି ମନ୍‌ତିଙ୍ଗ୍‍ ତିର୍‌ଜିମାନିଙ୍ଗ୍‌ ଆୟା ମାଟା ୱାରିମାନୁ ପିର୍‌ଏତ୍‌ ।

లూకా 16:8

ଆୟା ଅବିସ୍‌ବାସ୍‌କିତି ଗୋତିମୁରୁଲି ବୁଦିଦି ୱାଲେ ପାଣି କିତିମାନିଙ୍ଗ୍‍ ୱାନି ମାଲିକ୍‌ ୱାନିଙ୍ଗ୍‌ ପ୍ରସଂସା କିତାନ୍‍; ଇୟା ଦୁନିଆ କଡ଼ର୍‍ ୱାରି ପାଣି କିଦେଙ୍ଗ୍‌ ଜାୟ୍‌ତି କଡ଼ରି ବାଦୁଲୁ ନାଣ୍ତ ବୁଦି ।

లూకా 22:31

“ସିମୋନ, ସିମୋନ, ସୁଡ଼ୁଆ, ପାଣିକିନିକାନ୍‌ ଗଦ୍‍ମୁଦାନ୍‍ ସପାଦିଙ୍ଗ୍‍ ୱେର୍‌ଏ କିଦେଙ୍ଗ୍‌ ଇଜି ସୋଲିଦୁ ଜଲ୍‍ପ୍‍ନି ୱାଜା ନେଗି ଲୋକାମାଣ୍‌କୁ ତାଗ୍‍ଇ ଲୋକାଙ୍ଗ୍‌ ୱେର୍‌ଏ କିନି ଉଣ୍ତିଙ୍ଗ୍‌ ସୟତାନ୍ ମିଙ୍ଗିଁ ପରିକା କିଦେଙ୍ଗ୍‌ ସାରିପୋଇତା ମାନାତ୍‌;

యోహాను 12:31

ଇଲେଇ ଇୟା ଦୁନିଆଦୁ ବିସାର୍‌ ଇଗା ୱାତାତ୍‍; ଇଲେଇ ଇୟା ଦୁନିଆଦି ବିସାର୍‍ପତିଙ୍ଗ୍‌ ଆତ୍‌ରେ ପକାନାନ୍‍ ।

యోహాను 13:2

ଜିସୁ ନି ୱାନି ସିସୁର୍‍ ଏସ୍ତିୱାଲେ ନାଡ଼ାଦି ବଜିଦୁ ବାସ୍‍ତାମାର୍ହାର୍‍ । ଏସ୍ତିୱାଲେ ସୟତାନ୍ ସିମୋନ ମାରିସି ଇସ୍କାରିୟୋତିୟ ଜିହୁଦାଦି ଜିବନ୍‌ତୁ ଜିସୁଙ୍ଗୁଁ ସାତ୍ରୁରି କିୟୁଦୁ ସର୍‍ପେ କିଦେଙ୍ଗ୍‌ ଇଜି ବଦା କିତାୱିସ୍‍ତା ମାର୍ହାନ୍‍ ।

యోహాను 13:27

ଆୟା ରୁଟି କାଣ୍ତେକ୍‌ ପୟ୍‌ତି ୱେନ୍‌କା ସୟତାନ୍ ୱାନି ମାନୁ ଡ଼ୁଗିତାତ୍‌ । ଆବେଟ୍‌ ଜିସୁ ୱାନିଙ୍ଗ୍‌ ଇର୍ହାନ୍‌, ଆମାକା କିଦେଙ୍ଗ୍‌ ସଲ୍‌ସିନି, ଆକା ଦାପେର୍‌ କିଆ ।

యోహాను 14:30

ନାନ୍ ମି ୱାଲେ ମାରି ନାଣ୍ତ ସମୟ୍ ୱାର୍‌ଗିଜିସାଦେଙ୍ଗ୍‌ କେଏନି, ଇରିଙ୍ଗ୍‌ ଦୁନିଆଦି ପେରିକାନ୍‌ ୱାଜିନାନ୍‍; ମାରି, ନା ମୁସ୍‌କୁ ୱାନି ସାକ୍ତି ଇନିକା ସିଲେତ୍‌;

యోహాను 15:19

ମିର୍‌ ଜଦି ଇୟା ଦୁନିଆଦିକାର୍‌ ଆତିଦେର୍‌ ମାନ୍ଦି, ଆରିଙ୍ଗ୍‌ ଦୁନିଆ ମିଙ୍ଗିଁ ନିଜେଦିକାର୍‌ ଅଡ଼୍‍ବିଜି ଲାଡ୍‌ କିତାତ୍‌ମାନ୍ଦି; ମାତର୍‌ ନାନ୍ ମିଙ୍ଗିଁ ଆସ୍‌କିଜି ଦୁନିଆଦାନ୍‌ ୱେର୍‌ଏ କିତାମାନା । ଆୟାଉଣ୍ତିଙ୍ଗ୍‌ ଦୁନିଆ ମିଙ୍ଗିଁ କାଡ଼୍‌ନାତ୍‌ ।

యోహాను 16:11

ବିସାର୍‌ ବିସୟ୍‌ତାନ୍‌ ୱାର୍‌ ବୁଲ୍‌ ଇରିଙ୍ଗ୍‌ ଇୟା ଜଗତ୍‌ତି ପେରିକାନ୍‌ ବିସାର୍‌ ଆତାମାନାତ୍‌ ।

యోహాను 7:7

ଦୁନିଆ ମିଙ୍ଗିଁ କାଡ଼୍‍ଏତ୍‍, ମାତର୍‌ ନାଙ୍ଗିଁ କାଡ଼୍‍ନାତ୍‍, ଇରିଙ୍ଗ୍‌ ୱାନି ପାଣି ଜେ ତାଗ୍‌ଇକା ଇଜି ନାନ୍ ଆୟା ବିସୟ୍‌ତାନ୍‌ ଇୟା ସାକି ସିଜିନା ।

యోహాను 8:23

ଆବେଟ୍‌ ଜିସୁ ୱାରିଙ୍ଗ୍‌ ଇର୍ହାନ୍‌, “ମିର୍‌, ଦୁନିଆଦାନ୍‍ ଜନମ୍‍ ଆତିମାନିଦେର୍‍, ମାତର୍‌ ନାନ୍ ମୁସ୍‌କୁରାନ୍‌ ୱାତାମାନା; ମିର୍‌ ଇୟା ଦୁନିଆଦାନ୍‍ ୱାତିମାନିଦେର୍‌, ନାନ୍ ଇୟା ଦୁନିଆଦାନ୍‌ ରେଏ ।

యోహాను 8:44

ମିର୍‌ ମି ବୁବା ସୟତାନ୍ ମାଣ୍‌କୁ ଜନମ୍‍ ଆତିମାନିଦେର୍‍, ମାରି ମି ବୁବାଦି ପାଣି କିଦେଙ୍ଗ୍‌ ମି ବଦା । ୱାଦ୍‌ ଆଗ୍‍ଡ଼ିରାନ୍‍ ଲୋକାଙ୍ଗ୍‌ କାତ୍‍ନିକାତ୍‍, ମାରି ୱାଦ୍‌ ସତ୍‍ତୁ ତେବାଏତ୍‍, ଇରିଙ୍ଗ୍‌ ତାନେମାନୁ ସତ୍‌ ସିଲେତ୍‌ । ଏସ୍ତିୱାଲେ ୱାଦ୍‌ ମିସ୍‌ ଇନାତ୍‍, ନାସ୍ତିୱାଲେ ୱାଦ୍‌ ନିଜେଦି ମାଣାନ୍‌ ଇନାତ୍‍; ଇରିଙ୍ଗ୍‌ ୱାଦ୍‌ ନିଜେ ମିସ୍‍ଇନିକାତ୍‍ ନି ମିସ୍‌ ୱେର୍‍ନି ଲୋକା ବୁବା ।

అపొస్తు 19:35

ସାରାସାରି ଗାଡ଼୍‌ତି ପେରିକାନ୍‌ ଲୋକାଙ୍ଗ୍‌ ଆଲେଜ ମାନ୍‍ଡ୍ରେଙ୍ଗ୍‍ଁ ଇଜି ଇର୍ହାନ୍‌, “ଏପିସିୟଦୁ ବାସାନି ତଡ଼ାନ୍‌କୁ ୱିଜେରେ ନେସ୍‍ନାର୍‍ ଜେ, ଏପିସସ୍‍ ଗାଡ଼୍‌ତି ପେରି ଦିୟାମ୍‍ ଆର୍ତ୍ତେମି ମନ୍ଦିର୍‌ ନି ବାଦଡ଼୍‍ତାନ୍‍ ଆର୍‍ତି ୱାତିମାନି ପବିତ୍ର ବମାଦି ରକ୍ଷା ଆଜି ୱାଜିନାତ୍‍ ।

అపొస్తు 5:3

ପିତର୍‌ ୱାନିଙ୍ଗ୍‌ ଇର୍ହାନ୍‌, “ହନନିୟ, ନି ଜିବନ୍‌ ୱିଜୁ ଏନ୍ଦା ସୟତାନ୍‍ତି ଆଡ୍‍ଗି ଆଜି ବୁମି ପର୍‌ଜି ପୟ୍‍ତିମାନି ଡାବୁଙ୍ଗୁଁ ଏସ ନିଜେଦି ଉଣ୍ତିଙ୍ଗ୍‌ ଇଡ୍‌ଜି ପବିତ୍ର ଆତ୍ମାଦିଙ୍ଗ୍‌ ମିସ୍‌ ଇର୍ହି ?

ରୋମିୟ 12:2

ମିର୍‌ ଇୟା ଇଲେଇତି ଦୁନିଆଦି ଇସାବ୍‍ତାନ୍‍ ବୁଲାମାଟ୍‍ । ମାପୁରୁ ମି ମନ୍‍ତିଙ୍ଗ୍‍ ପୁରା ପୁନିକା କିପିନ୍‍ ମାରି ମି ମନ୍ ପୁରା ବାଦ୍‍ଲେ ଆପିତ୍‌ । ଆତିଙ୍ଗ୍‌, ମାପୁରୁଦି ବଦା ଇନିକା, ୱାନି ଲାକ୍‍ତୁ ଏମେ ୱିଜୁ ବିସୟ୍‍ ସତ୍‍, ୱେଡ଼ିକାଦିକା ମାରି ପୁରା ନେଗିକା, ଇକା ମିର୍‌ ନେସ୍‍ତେଙ୍ଗ୍‍ଁ ଆଟ୍‍ନିଦେର୍‍ ।

1కొరింతి 5:10

ତାନି ଅର୍ତ ଆଏତ୍‍ ଜେ ଇୟା ଦୁନିଆଦାନ୍‌ ଦାରିପାଣି, ଦନ୍‌ଆସା, ଡଙ୍ଗାଁକିନିକା ମାରି ବମା ପୁଜାକିନିୱାରି ୱାଲେ ମୁଡ଼ୁକେ ସଙ୍ଗ୍‍ କିମାଟ୍‌ । ଆୟାୱାଜା ଆତିଙ୍ଗ୍‌, ମିଙ୍ଗିଁ ଦୁନିଆଦାନ୍‌ ସୋସ ସନ୍‍ଡ୍ରେଙ୍ଗ୍‍ ପଡ଼ାନାତ୍‌ ।

1కొరింతి 6:11

ମାରି, ମି ମାଣ୍‌କୁ ଏନ୍‌ ଏନ୍‌ ଆୟାୱାଜା ମାରିଇଦେର୍‌, ମାତର୍‌ ଇଲେଇ ମିର୍‌ ପାପ୍‌ତାନ୍‌ ନରାଆୟ୍‌ ଆଜି ମାପୁରୁଦି ଉଦେସ୍‌ତାନ୍‌ ମାନିଦେର୍‌ । ମାରି ପ୍ରବୁ ଜିସୁ କ୍ରିସ୍ତ ମାରି ପବିତ୍ରଆତ୍ମାଦାନ୍‌ ମିର୍‌ ଦାର୍ମୁଦିକାନ୍‌ ଇଜି ଲେକିସ୍‌କିଆତିମାନିଦେର୍‌ ।

2కొరింతి 4:4

ୱାର୍‌ ବିସ୍‍ବାସ୍ କିଏରେ, ଇରିଙ୍ଗ୍‌ ୱାରି ମନ୍‍ତିଙ୍ଗ୍ ଇୟା ଦୁନିଆଦି ଦିୟାମ୍‌ କାଣା କିତାମାନାତ୍ । ଇସାବ୍‍ତାନ୍ ମାପୁରୁଦି ମୁର୍ତିଦି କ୍ରିସ୍ତଦି ମହିମାନ୍ନିତ ସୁସମାଚାର୍‌ତି ଜାୟ୍‌ ୱାରି ଲାକୁତୁ ସଲ୍‌ଏତ୍‍ନି ।

ଗାଲାତିୟ 1:4

ଇଲେଇତି ଇୟା ପାପ୍‌ ଦୁନିଆଦାନ୍‍ ମାଙ୍ଗିଁ ରକିୟା କିଦେଙ୍ଗ୍‍ଁ ଇଜି, ମା ବୁବା ମାପୁରୁଦି ବଦା ମାନାଜି, କ୍ରିସ୍ତ ମା ପାପ୍‍ ଉଣ୍ତିଙ୍ଗ୍‍ଁ ନିଜେଦିଙ୍ଗ୍‍ଁ ସର୍ପେ କିତାନ୍‍ ।

ଏପିସିୟ 1:21

କ୍ରିସ୍ତ ୱିଜୁ ମୁସ୍‌କୁପୁର୍‌ତି ସାସନ୍‍ କିନିକାନ୍‍, କିଦେଙ୍ଗ୍‍ ଆଟ୍‍ନି ଅଦିକାରି, ସାକ୍ତିଦିକାନ୍‍ ମାରି ନେତାରି ମୁସ୍‌କୁ ସାସନ୍‍ କିନାନ୍‍, ଇୟା ଜୁଗ୍‌ କି ୱାନି ଜୁଗ୍‌ଦି ଅଦିକାରିସିନା ୱିଜୁ ଅଦିକାର୍‌ ବାଦ୍‍ଲୁ ୱାନି ଅଦିକାର୍‌ ନାଣ୍ତ ପେରିକା ।

ଏପିସିୟ 2:11

ନିଜେଦି ସର୍‌ଇଦିନ୍‌ତି ଅବସ୍ତା ଏତ୍‌ କିଦୁ, ମିର୍‌ ଅଣଜିହୁଦି ମାର୍‌ଇଦେର୍‌, ନିଜେଦିଙ୍ଗ୍‌ “ସୁନ୍ନତ” ଇଜି ୱେର୍‌ସିମାନି ଜିହୁଦିର୍‌ ମିଙ୍ଗିଁ “ଅସୁନ୍ନତ” ଇଜି ଇଜିମାରାର୍‌ । ଇକା କେବଲ ଉନ୍‌ଡ୍ରେ ମେନ୍ଦଲ୍‌ତି ଅବସ୍ତାଦିଙ୍ଗ୍‌ ବୁଜାନାତ୍‌ ।

ଏପିସିୟ 2:13

ପୁର୍ବେ ମିର୍‌ ଆକ ମାର୍‌ଇଦେର୍‌, ମାତର୍‌ ଇଲେଇ କ୍ରିସ୍ତ ଜିସୁଦିମାନୁ ୱାନି ନେତେର୍‌ତାନ୍‌ ଲାକ୍‌ତୁ ଆତିମାନିଦେର୍‌ ।

ଏପିସିୟ 2:3

ସତ୍‌ତାନ୍‌ ମାଡୁ ୱିଜୁଲୋକୁ ୱାରି ୱାଜା ମାର୍‌ଇକା ମାରି ମେନ୍ଦଲ ନି ମନ୍‍ତି ଆସାଆନି ଇସାବ୍‌ତାନ୍‌ ଜିଜି ମାର୍‌ଆଟ୍‌ । ମାରି ଆଇୱାରି ୱାଜା ମାଡୁ ବା ମାପୁରୁଦି ରିସାଦି ବାଦ୍‌ଲୁ କାସ୍ଟୁ ପୟ୍‌ଦେଙ୍ଗ୍‌ ସୋଲ୍‌ସିମାର୍ହାପ୍‌ ।

ଏପିସିୟ 4:17

ମାରି, ପ୍ରବୁଦି ଦର୍‌ତାନ୍‌ ନାନ୍‌ ମିଙ୍ଗିଁ ଜାଗାର୍‌ତା କିଜି ସିଜିନା, ଅଣଜିହୁଦିରି ୱାଜା ମାରି ସାଲାବୁଲା କିମାଟ୍‌ । ୱାରି ସିନ୍ତା ପେରିକା

ଏପିସିୟ 4:22

ମିର୍‌ ଆମା ପାଡ଼ିଇ ସାଲାବୁଲାଦାନ୍‌ ଜିବନ୍‍ ଜିଜି ମାର୍‌ଇଦେର୍‌, ଆକା ୱିଜୁ ଡ଼ିସ୍‌ତୁ, ଇରିଙ୍ଗ୍‌ ଆୟାତାନି ସାଲାକି ପାଣିଦାନ୍‌ ମି ଆତ୍ମା ନାସ୍ଟୁ ଆଜିମାର୍ହାତ୍‌ ।

ଏପିସିୟ 5:6

ପୁଲାପୁଲି ମାଟେଙ୍ଗ୍‌ ୱେର୍‌ସି ଆମାକାନ୍‍ ମିଙ୍ଗିଁ ବାଣ୍ତିସ୍‍ କିମାକିନ୍‌ । ଇୟାୱିଜୁ ତାଗ୍‍ଇ ପାଣିଦାନ୍‍ ଏମେକାର୍‌ ମାପୁରୁଦି ମାଟା ଅମାନ୍ୟ କିନାର୍‌, ୱାରି ଉଣ୍ତିଙ୍ଗ୍‌ ୱାନି ରିସା ନାଣ୍ତ ଆନାତ୍‌ ।

ଏପିସିୟ 5:8

ମିର୍‌ ନିଜେ ଅର୍‍ଲେନ୍‍ ସିକାଟିଦୁ ମାର୍ହିଦେର୍‍ । ମାତର୍‌ ଇଲେଇ ପ୍ରବୁଦି ଲୋକୁ ଆତିମାନିଙ୍ଗ୍‌ ମିର୍‌ ଜାୟ୍‌ତୁ ମାନିଦେର୍‍ । ଆଦେଙ୍ଗ୍‌ ମିର୍‌ ଜାୟ୍‌ତି କଡ଼ରି ୱାଜା ସାଲାବୁଲା ଆଦୁ ।

ଏପିସିୟ 6:12

ଇରିଙ୍ଗ୍‌ ମାଡ୍‌ ଦୁନିଆଦୁ ବାସାଜିମାନି ଲୋକା ବିରୁଦ୍‍ତାନ୍‍ ଜୁଦ୍‍ କିଇକା; ମାଡ୍‌ ୱାର୍‍ଇବାଦଡ଼୍‍ତି ତାଗ୍‍ଇ ସାକ୍ତି ମାରି ସିକାଟି ଜୁଗ୍‍ତି ସାସନ୍‌କିନିକାତ୍‍, ଅଦିକାରି ମାରି ୱିଜୁ ଦୁନିଆଦି ତାଗିଇ ଆତ୍ମିକ ସାକ୍ତି ବିରୁଦ୍‍ତାନ୍‍ ଜୁଦ୍‍ କିଜିନିକା ।

కొలొసి 1:21

ଉନ୍‌ଡ୍ରେ ବେଡ଼ାଦୁ ତାଗ୍‌ଇ ପାଣି ନି ତାଗ୍‍ଇ ସିନ୍ତା କିଜିମାନିଙ୍ଗ୍‌ ମିର୍‌ ମାପୁରୁଦିମାଣୁକୁ ଆକ ମାର୍‌ଇଦେର୍‌ ମାରି ୱାନି ସାତ୍ରୁ ମାର୍‌ଇଦେର୍‌ ।

2తిమోతి 4:10

ଦିମା ଇୟା ଇଲେଇତି ଦୁନିଆଦିଙ୍ଗ୍‌ ଜିବନ୍‌ନୋଜି ନାଙ୍ଗିଁ ଡ଼ିସ୍‌ତାସରା ମାନାନ୍‌, ୱାନ୍‌ ଇଲେଇ ତେସଲନିକିୟାଦୁ ସର୍‌ଆମାନାନ୍‌, କ୍ରେସ୍‌କେନସ୍‌ ଗାଲାତିଆଦୁ ମାରି ତିତସ ଡଲମାତିଆଦୁ ସର୍‌ଆମାନାର୍‌ ।

యాకోబు 1:27

ଆମା ଦାର୍ମୁପାଣି ବୁବା ମାପୁରୁଦି ଲାକ୍‌ତୁ ନେଗିକା ମାରି ଟିକ୍‍, ଆକା ଆଜିନାତ୍‌ କାକୁର୍ତିମାନି ଟୁରାଲୋକାଙ୍ଗ୍‍ ମାରି ରାଣ୍ତିଆଇମେକାଙ୍ଗ୍‌ ଜାତୁନ୍‍ କିନିକା ମାରି ଦୁନିଆଦାନ୍‌ ନିଜେଦିଙ୍ଗ୍‍ ପାପ୍‌ପାଣିଦାନ୍‌ ରକିୟା କିନିକା ।

యాకోబు 1:7

ଆୟାୱାଜା ଲୋକ୍‌ ପ୍ରବୁଦିମାଣୁକୁ ଇନିକା ପୟ୍‌ନା ଇଜି ଏତ୍‌କିମାକିନ୍‌,

యాకోబు 4:4

ଏ ବିସ୍‌ବାସ୍‌ତୁ ବିସ୍‌ ସିନି ଲୋକୁ ! ମିର୍‌ ଇନିକା ନେସ୍‌ଇଦେର୍‌, ଦୁନିଆ ମାପୁରୁଦି ଉଣ୍ତିଙ୍ଗ୍‌ ସାତ୍ରୁଆନାତ୍‌ ? ଏନ୍‌ ଇୟା ଦୁନିଆଦି ୱାଲେ ସଙ୍ଗ୍‌ ଆଦେଙ୍ଗ୍‌ ବଦା କିନାନ୍‌; ୱାନ୍‌ ମାପୁରୁଦି ସାତ୍ରୁ ।

୧ ପିତର 1:14

ମାପୁରୁଦି ମାଟା ଆସ୍‌ତୁ । ମି ଆଗ୍‌ଡ଼ି ଆମା ଆସାଦୁ ପୁରା ଆତିମାର୍‌ଇଦେର୍‌, ଆୟାୱିଜୁ ଦାନ୍‌ ମି ଜିବନ୍‌ ମାରି ସାଲାମାକିତ୍‌ ।

୧ ପିତର 4:3

ଆଗିଡ଼ି ମିର୍‌ ଅଣଜିହୁଦିରି ୱାଜା ପାଣି କିଜି ନାଣ୍ତ୍‌ ବେଡ଼ା କାଟେକିତି ମାନିଦେର୍‌ । ମି ଜିବନ୍‌ ଲୋଇ ୱିଜୁ ରକମ୍‍ତି ପାପ୍‍, ଲାଲାୟ୍‌ଆନିକା, କାଡ଼ୁ ଉଣିକା, ରସ୍‌ୟାଆନିକା, ସୋସ୍‌ନିକା ମାରି କାଡ଼୍‌ନି ବମା ପୁଜାଦୁ ଜିଜିମାର୍‌ଇଦେର୍‍ ।

୧ ଜୋହନ 3:10

ଇବେନୁ ଏନ୍‌ ମାପୁରୁଦି ମାରିନ୍‌ ମାରି ଏନ୍‌ ସୟତାନ୍‌ଦି ମାରିନ୍‌, ଇକା ତରାୟ୍‌ଆନାତ୍‌ : ଏନ୍‌ ସତ୍‍ପାଣି କିଏନ୍‌, ମାରି ନିଜେଦି ତଡ଼ାନ୍‌ତିଙ୍ଗ୍‌ ଜିବନ୍‌ନୋଏନ୍‌, ୱାନ୍‌ ମାପୁରୁଦି ମାରିନ୍‌ ଆଏନ୍‌ ।

୧ ଜୋହନ 3:8

ଏନ୍‌ ପାପ୍‌ କିନାନ୍‌, ୱାନ୍‌ ସୟତାନ୍‌ତି ମାଣୁକୁ ଜନମ୍‌, ଇରିଙ୍ଗ୍‌ ସୟ୍‌ତାନ୍‌ ଜଗତ୍‌ ତିଆର୍‌ଆତି ଆଗ୍‌ଡ଼ିରାନ୍‌ନେ ପାପ୍‌ କିଜିୱାଜିନାତ୍‌ । ଆୟା ସୟ୍‌ତାନ୍‌ତି ପାଣିଦିଙ୍ଗ୍‌ ଦ୍ୱଂସ କିନି ଉଣ୍ତିଙ୍ଗ୍‌ ମାପୁରୁଦି ମାରିନ୍‌ ୱାତାନ୍‌ ।

୧ ଜୋହନ 4:4

ଏ କଡ଼ର୍‌, ମିରୁ ମାପୁରୁଦିମାଣୁକୁ ଜନମ୍‌, ମାରି ମିରୁ ଆୟା ବଣ୍ତ୍‌ ବାବବାଦିରିଙ୍ଗ୍‌ ଆରାକିତିମାନିଦେର୍‌, ଇରିଙ୍ଗ୍‌ ମି ଜିବନ୍‌ତୁ ବାସାତି ମାନି ମାପୁରୁଦି ଆତ୍ମା, ଜଗତ୍‌ଦି ଲୋକା ଆତ୍ମାଆଙ୍ଗ୍‌ ମାଣୁକୁ ନାଣ୍ତ୍‌ ସାକ୍ତି ।

୧ ଜୋହନ 5:19

ମାଡୁ ଜେ ମାପୁରୁଦିମାଣୁକୁ ଜନମ୍‌ ମାରି ୱିଜୁ ଜଗତ୍‌ ଜେ ସୟତାନ୍‍ତି ଅଦିକାର୍‌, ଇକା ମାପୁ ନେସ୍‌ନାପ୍‌ ।

୧ ଜୋହନ 5:4

ଇରିଙ୍ଗ୍‌ ମାପୁରୁଦି କଡ଼ର୍‌ ଇୟା ଜଗତ୍‌ତିଙ୍ଗ୍‌ ଆରା କିଦେଙ୍ଗ୍‌ ସାକ୍ତି ପୟ୍‌ତାମାନାନ୍‌ । ବିସ୍‌ବାସ୍‌ତି ସାକ୍ତିଦାନ୍‌ ମାଡୁ ଜଗତ୍‌ତି ମୁସ୍‌କୁ ଜିଣାଦେଙ୍ଗ୍‌ ଆଟ୍‌ନିକା ।

ప్రకటన 12:9

ଆୟା ସାରାସ୍ ଆଜିନାତ୍, ୱିଜୁ ଦୁନିଆଦିଙ୍ଗ୍‍ ବାଣ୍ତିସ୍‍ କିତିମାନି ସାକ୍ତି ପୁର୍ବେଦି ସାରାସ୍, ସୟତାନ୍; ତାନି ଦୁତ୍‍କା ୱାଲେ ମୁସ୍‌କୁପୁର୍‌ଦାନ୍ ପୋକାୟ୍‌ଆଜି ଦୁନିଆଦି ମୁସୁକୁ ୱାଜି ଆର୍‌ତାତ୍ ।

ప్రకటన 13:14

ମାରି ପାର୍‌ତୁମ୍‌ ପସୁଦି ମାନିମାନୁ ଇୟାୱାଜା ନାଣ୍ତ କାବାଆନି ପାଣି କିଜି ଦୁନିଆଦି ଲୋକାଙ୍ଗ୍‌ ୱିଜେରିଙ୍ଗ୍ ବାଣ୍ତିସ୍‍ କିତାତ୍ । କାଣ୍ତାସାରି ଗାଉ ଆଜି ନେଗେନ୍‍ ଆତିମାର୍‍ଇ ଆଗିଡ଼ିରି ପସୁଦିଙ୍ଗ୍ ସନ୍‌ମାନ୍‌ତି ଉଣ୍ତିଙ୍ଗ୍‍ ତାନି ଉଣ୍ତ୍ରି ବମା ତିଆର୍‌ କିଦେଙ୍ଗ୍ ମାରିଉନ୍‌ଡ୍ରି ପସୁ ଲୋକାଙ୍ଗ୍‌ ଆଦେସ୍ ସିତାତ୍ ।

ప్రకటన 13:8

ଦୁନିଆ ତିଆର୍‍ଆନି ପୁର୍ବେଦାନ୍ ଏମେୱାରି ଦରୁ ସାତିମାନି ମେଷସାବକତି ଜିବନ୍‌ ବଇଦୁ ରାସାତାମାରାତ୍, ୱାରିଙ୍ଗ୍‍ ଡ଼ିସ୍‍ତିଙ୍ଗ୍‍ ଦୁନିଆଦି ଆଇ ୱିଜେରେ ଆୟା ଜାତୁଦିଙ୍ଗ୍‌ ପୁଜାକିନାର୍ ।

ప్రకటన 16:17

ତାନିୱେନ୍‌କା ସତ୍‌ ନମ୍ୱର୍‌ତି ଦୁତ୍ ତାନି ଡୁବାଇତି ଜିନିସ୍‌ତିଙ୍ଗ୍‌ ଗାଲିଦି ମୁସୁକୁ ୱାକ୍‍ତାସିତାତ୍ । ଆଦେଙ୍ଗ୍‌ ମନ୍ଦିର୍‌ତୁ ମାନି ସିଂହାସନ୍‌ତାନ୍ ପେରିବଲୁଦାନ୍ ଉନ୍‌ଡ୍ରି ମାଟା ୱିଙ୍ଗିଁତାତ୍, “ପାଣି ୱିଜିତାମାନାତ୍ ।”

ప్రకటన 20:2

ୱାଦ୍‌ ଆୟା ପ୍ରାଚିନ୍ ସାରାସ୍, ଆୟା ତାଗ୍‌ଇ ସୟତାନ୍‍ତିଙ୍ଗ୍‌ ଆସ୍‌ସି ୧,୦୦୦ ବାର୍ସେକ୍ ସାନ୍ଦି ସିକ୍‌ଣିଦାନ୍ ତୋର୍‌ତା ମାର୍ହାତ୍‌ ।