ଏପିସିୟ 1:9 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁹ ମାପୁରୁ ୱାନି ପେରି ବୁଦି ନି ଲୋଇ ସୁଣି ମାଣାନ୍‌ ଆମାକା ବଦାକିତା ମାର୍ହାର୍‍, ଆକା ପୁରା କିତାମାନାନ୍‌ ମାରି ତାନିଙ୍ଗ୍‍ କ୍ରିସ୍ତଦି ସାକାଦାନ୍‍ ପୁରା କିଦେଙ୍ଗ୍‌ ଇଜି ୱାନ୍‌ ଏମେ ମାର୍‍ଗିତି ସିନ୍ତା କିତାମାର୍ହାନ୍, ଆକା ମା ଲାକ୍‌ତୁ ୱେକ୍‍ତା ମାନାନ୍‌ ।

Konda: కొండ బాసదు నెగ్గి కబ్రు

⁹ దేవుణు ఎత్తు కిత్తిక వాండ్రు కిత్తాన్‌. క్రీస్తు వెట పూర్తి కిదెఙ్‌ ఇజి వాండ్రు వన్ని గర్బమ్‌దు ఎత్తు కిజి డాప్సి ఇట్తి పణి మఙి తోరిస్తాన్. అయాక ముఙాల్‌ ఎయెర్‌బా నెస్‌ఎతార్.

ଏପିସିୟ 1:9 Iomraidhean Croise

మత్తయి 13:11

ଜିସୁ ଇର୍ହାନ୍‌, ମୁସ୍‌କୁପୁର୍‌ତି ମାର୍‍ଗିତିମାନି ବିସୟ୍‌ ନେସ୍‌ତେଙ୍ଗ୍‌ ଇଜି ମିଙ୍ଗିଁ ବୁଦି ସିଆଇ ଆତାମାନାତ୍‌, ମାତର୍‌ ୱାରିଙ୍ଗ୍‌ ସିଆଇ ଆଏତ୍‍ ।

లూకా 12:32

ଏ ଇସ୍ରି ମାନ୍ଦା, ତିଲାମାଟ୍‌, ଇରିଙ୍ଗ୍‌ ମିଙ୍ଗିଁ ଆୟା ରାଜି ସିଦେଙ୍ଗ୍‍ ଇଜି ମି ମୁସ୍‌କୁପୁର୍‌ତି ବୁବା ବଦା କିଜିନାନ୍‌ ।

లూకా 2:14

“ମୁସ୍‌କୁପୁର୍‌ତୁ ମାପୁରୁଦିଙ୍ଗ୍‌ ମହିମା ଆପିତ୍‌, ମାରି ଇୟାୱିଜୁ ଦୁନିଆଦି ଏମେ ଲୋକା ମୁସ୍‌କୁ ମାପ୍‌ରୁ ୱେଡ଼ିକା ମାନାନ୍‌ ଆୟା ଲୋକାମାନୁ ସାନ୍ତି ରାପ୍‌ତି ।”

అపొస్తు 13:48

ଅଣଜିହୁଦିର୍‍ ଇକା ୱେନ୍‌ଜି ୱେଡ଼ିକା ଆତାର୍‌ ମାରି ପ୍ରବୁଦି ମାଟା ଉଣ୍ତିଙ୍ଗ୍‍ଁ ଦନ୍ୟବାଦ୍‌ ସିତାର୍‍ । ଏମେକାର୍‌ ଏସାଙ୍ଗ୍‌ୱିଜ୍‍ଇ ଜିବନ୍‌ ଉଣ୍ତିଙ୍ଗ୍‍ଁ ବାସେଆତାମାର୍ହାର୍‍, ୱାର୍‌ ଆୟା ମାଟାଦୁ ବିସ୍‌ବାସ୍‌ କିତାର୍‍ ।

అపొస్తు 2:23

ମାପୁରୁ ୱାନି ଉପାୟ୍‌ ଇସାବ୍‌ତାନ୍‌ ଜିସୁଙ୍ଗୁଁ ମି କିୟୁଦୁ ସର୍ପେ କିଦେଙ୍ଗ୍‌ ତିର୍‍ କିତାମାର୍ହାନ୍‌ । ମାରି ମିର୍‌ ୱାନିଙ୍ଗ୍‌ ପାପିଲୋକା ମାଣାନ୍‌ କ୍ରୁସଦୁ ଏକିସ୍‍କିଜି ଡାକ୍‍ତି ମାର୍‌ଇଦେର୍‌ ।

అపొస్తు 4:28

ମି ସାକ୍ତି ମାରି ବଦା ଇସାବ୍‌ତାନ୍‌ ଆମାକା ୱିଜୁ ଗଟେଆନି ଉଣ୍ତିଙ୍ଗ୍‌ ମିର୍‌ ଆସା କିତିମାର୍‍ଇଦେର୍‍, ୱାର୍‌ ଉଣ୍ତାଜି ଆୟାୱିଜୁ କିନି ଉଣ୍ତିଙ୍ଗ୍‌ ଲାଗେ ପଡ଼େଆତାର୍‍ ।

ରୋମିୟ 11:25

ତଡ଼ାନ୍‍କୁ ନି ତାଙ୍ଗିଁକି, ଇୟା ବିସୟ୍‌ତାନ୍‌ ଉନ୍‍ଣ୍ତ୍ରି ମାର୍‍ଗିତି ସତ୍‌ ୱେକ୍‍ନାତ୍‍ । ଆକା ୱେରିଙ୍ଗ୍‍ଁ, ମିର୍‌ ନିଜେଦିଙ୍ଗ୍‍ଁ ମାରି ବୁଦିମାନିକାନ୍‍ ଇଜି ଅଡ଼୍‍ବିଦେଙ୍ଗ୍‍ଁ ଆଟ୍‍ଇଦେର୍‍ । ଇସ୍ରାଏଲ୍‌ ଲୋକା ଅମାନ୍ୟ ୱିଜୁଦିନ୍‍ ତେବାଏତ୍‍ । ଅଣଜିହୁଦିର୍‍ ୱିଜେରେ ମାପୁରୁଦି ଲାକ୍‍ତୁ ୱାନି ସାନ୍ଦି ୱାର୍‌ ଆୟାୱାଜା ତେବାନାର୍‍ ।

ରୋମିୟ 8:28

ଏମେକାର୍‌ ମାପୁରୁଦି ବଦାଦିଙ୍ଗ୍‍ ପୁରା କିଦେଙ୍ଗ୍‍ଁ ଇଜି କୁକାତାମାନାର୍‍ ମାରି ମାପୁରୁଙ୍ଗ୍‍ଁ ଜିବନ୍‍ନୋନାର୍‍, ୱାରି ଉଣ୍ତିଙ୍ଗ୍‌ ୱିଜୁ ବିସୟ୍‍ ନେଗିକା ଆନାତ୍‌ ମାପୁ ଇକା ନେସ୍ତାମାନାପ୍ ।

1కొరింతి 1:21

ଇରିଙ୍ଗ୍‌ ମାପୁରୁ ୱାନି ପେରି ଜ୍ଞାନ୍‌ତାନ୍‌ ତିର୍‌ କିତାମାର୍ହାନ୍‌ ଜେ ଜଗତ୍‌ତି ଲୋକୁ ନିଜେଦି ଜ୍ଞାନ୍‌ଦାନ୍‌ ମାପୁରୁଙ୍ଗୁଁ ନେସ୍‌ତେଙ୍ଗ୍‌ ଆଟ୍‍ଏର୍‍ । ମାପୁ ପ୍ରଚାର୍‌ କିଜିମାନି ବାକ୍ୟଦି ତାଗ୍‌ଇମାଟା ସୁସମାଚାର୍‌ତୁ ବିସ୍‌ବାସ୍‌ କିଜିମାନି ଲୋକାଙ୍ଗ୍‌ ରକିୟା କିନି ଉଣ୍ତିଙ୍ଗ୍‌ ମାପୁରୁ ୱେଡ଼ିକା ଆତାନ୍‌ ।

ଗାଲାତିୟ 1:12

ନାନୁ ଇନି ଲୋକାମାଣାନ୍‍ ଆକା ପୟ୍‍ଏ, ମାରି ଏନ୍‍ ନାଙ୍ଗିଁ ଆକା ଅଜା କିଏନ୍‍ । ନିଜେ ଜିସୁ କ୍ରିସ୍ତ ଆକା ନା ଲାକ୍‍ତୁ ତର୍‍ତାମାନାନ୍‍ ।

ଗାଲାତିୟ 1:15

ମାତର୍‍ ମାପୁରୁ ୱାନି ଦୟାଦାନ୍‍ ନା ଜନମ୍‍ ଆନି ଆଗ୍‍ଡ଼ିରାନ୍‍ ନାଙ୍ଗିଁ ଆସ୍‍କିତାମାର୍ହାନ୍‍ ମାରି ୱାନି ସେବା କିନି ଉଣ୍ତିଙ୍ଗ୍‍ଁ ନାଙ୍ଗିଁ କୁକ୍‍ତାମାର୍ହାନ୍‍ ।

ଗାଲାତିୟ 1:16

ମାରି ଅଣଜିହୁଦି ଲୋକା ଲାକ୍‍ତୁ ସୁସମାଚାର୍‌ ପ୍ରଚାର୍‍ କିନି ଉଣ୍ତିଙ୍ଗ୍‍ଁ ଏସ୍ତିୱାଲେ ନା ଲାକ୍‍ତୁ ୱାନ୍‍ ୱାନି ମାରିସିଙ୍ଗ୍‍ ତର୍‍ତାନ୍‍, ଇୟା ବିସୟ୍‌ତାନ୍‌ ସିକିୟା ସିଦେଙ୍ଗ୍‌ ଇଜି ନାନ୍ ଆଇ ଏ ଲାକ୍‍ତୁ ସଲ୍‍ଏ ମାର୍ହା ।

ଏପିସିୟ 1:11

ୱିଜୁ ବିସୟ୍‍ ମାପୁରୁଦି ଜୋଜନା ନି ରାଜିଆନି ଇସାବ୍‍ତାନ୍‍ ଆନାତ୍‍; ଆଗ୍‍ଡ଼ିରାନ୍‍ କିତିମାର୍ହି ନିଜେଦି ଉଦେସ୍‍ କିଦେଙ୍ଗ୍‌ ଇଜି, କ୍ରିସ୍ତଦି ମାଣାନ୍‌ ୱାନି ନିଜେ ଲୋକୁ ଆଦେଙ୍ଗ୍‌ ଇଜି ମାପୁରୁ ମାଙ୍ଗିଁ ଆସ୍‌କିତାମାନାନ୍‌ ।

ଏପିସିୟ 1:8

ଆୟା ଦୟା ୱିଜୁଜାତିଦି ବୁଦି ମାରି ଜ୍ଞାନ୍‌ ୱାନ୍‌ ମାଙ୍ଗିଁ ନାଣ୍ତଦାନ୍‌ ସିତାମାନାନ୍‌ !

ଏପିସିୟ 3:11

ମାପୁରୁ ୱାନି ପୁର୍ବେଦି ଉଦେସ୍‌ତି ଇସାବ୍‌ତାନ୍‌ ମା ପ୍ରବୁ କ୍ରିସ୍ତ ଜିସୁଦିମାଣୁକୁ ଇକା ପାଣି କିତାମାନାନ୍‌ ।

1తిమోతి 3:16

ମା ଦାର୍ମୁବିସ୍‌ବାସ୍‌ତି ଇୟା ପେରିବିସୟ୍‌ ଏନ୍‌ ମାନାଦେଙ୍ଗ୍‌ ଆଟ୍‌ଏନ୍‌ : କ୍ରିସ୍ତ ଲୋକା ମେନ୍ଦଲ୍‌ ଆସ୍‌ସି ରେତାତାନ୍‌, ମୁସ୍‌କୁପୁର୍‌ତି ଦୁତ୍‌କୁ ମାଣୁକୁ ତରାୟ୍‌ଆତାନ୍‌, ଆତ୍ମାଦୁ ଦାର୍ମିକ ଇଜି ପାର୍‌ମାଣ୍‌ କିଆୟାଆତାନ୍‌, ୱିଜୁଜାତିଦି ଲଇ ୱାନି ନେଗିକାବୁର୍‌ ପ୍ରଚାର୍‌ ଆତାତ୍‌, ସାରାଦୁନିଆଦି ୱିଜୁତରିନ୍‌ ୱାନ୍‌ ବିସ୍‌ବାସ୍‌ ଆଜି ଗୌରବ୍‌ତାନ୍‌ ମୁସ୍‌କୁପୁର୍‌ତୁ ମୁସ୍‌କୁ ସର୍ହାନ୍‌ ।

2తిమోతి 1:9

ମା ନିଜେଦି ସତ୍‌ପାଣିଦି ପୁର୍‌ସ୍କାର୍‌ ୱାଜା ୱାନ୍‌ ମାଙ୍ଗିଁ କୁକ୍‌ଏନ୍‌, କେବଲ୍‌ ୱାନି ଦୟାଦାନ୍‌ ୱାନି ଉଦେସ୍‍ ପୁରା କିଦେଙ୍ଗ୍‌ ମାଙ୍ଗିଁ ୱାନି ଲାଡ୍‍ତିଲୋକୁ ଆନି ଉଣ୍ତିଙ୍ଗ୍‌ ରକିୟା କିତାମାନାନ୍‍ ମାରି ଆସ୍‌କିତାମାନାନ୍‌ । କ୍ରିସ୍ତ ଜିସୁଦି କିତିମାନି ପାଣି ପୁର୍ବେ କାଡ଼ାଦାନ୍‌ ମାପୁରୁ ମାଙ୍ଗିଁ ଇୟା ଦୟା କିଜି ଇଟ୍‌ତା ମାର୍ହାନ୍‌ ।