2దెస్స 1:8 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁸ ଆମାକାର୍‌ ମାପୁରୁଙ୍ଗ୍‌ ନେସ୍‌ଏର୍‌ ମାରି ମା ପ୍ରବୁ ଜିସୁଦି ସୁସମାଚାର୍‌ ମାନାଏର୍‌, ଆୟା ଲୋକାଙ୍ଗ୍‌ ସାସ୍ତି ସିନି ଉଣ୍ତିଙ୍ଗ୍‌ ୱାନ୍‌ ନାସ୍ତିୱାଲେ କାସ୍‌ସିମାନି ସିସୁଦୁ ପକ୍‍ନାନ୍‌ ।

2దెస్స 1:8 Iomraidhean Croise

మత్తయి 25:41

ତାନେୱେନ୍‌କା ରାଜା ଡେବିରି ତରିନ୍‌ମାନି ଲୋକାଙ୍ଗ୍‌ ଇନ୍‌ନାନ୍‌, ଏ ମାପୁରୁଦି ଆନାଦୁରିଆ ପୟ୍‌ତି ଲୋକୁ ! ନା ଆଗ୍‍ଡ଼ିରାନ୍‍ ଆକ ସାନ୍‌ଡ୍ରୁ । ସୟତାନ୍ ନି ତାନି ଦୁତ୍‌କା ଉଣ୍ତିଙ୍ଗ୍‌ ଆମା ଏସ୍‌କାଙ୍ଗ୍‌ୱିଜ୍‍ଇ କାସ୍‌ସିମାନି ସିସୁ ତିଆର୍‌ ଆତାମାନାତ୍‌ ଆବେନୁ ସାନ୍‌ଡ୍ରୁ ।

మత్తయి 25:46

ଇୟାକାର୍‌ ୱିଜୁଦିନ୍‌ତି ଉଣ୍ତିଙ୍ଗ୍‌ କାସ୍ଟୁବଗାନାର୍‌, ମାତର୍‌ ଦାର୍ମୁଦିକାର୍‌ ଏସ୍‌କାଙ୍ଗ୍‌ୱିଜିଇ ଜିବନ୍‌ ପୟ୍‌ନାର୍‌ ।

యోహాను 3:19

ମାରି, ଆୟା ବିସାର୍‌ ଇୟା, ଜଗତ୍‌ତଦୁ ଜାୟ୍‌ ତରିତା ମାନାତ୍‌, ମାରି ଲୋକୁ ଜାୟ୍‌ତି ବାଦୁଲୁ ସିକାଟିଦିଙ୍ଗ୍‌ ବଦା କିତାର୍‌, ଇରିଙ୍ଗ୍‌ ୱାରି ପାଣିୱିଜୁ ତାଗିଇକା ।

యోహాను 8:19

ଆବେଟ୍‌ ୱାର୍‌ ୱାନିଙ୍ଗ୍‌ ୱେନ୍‌ବାତାର୍‌, “ମି ବୁବା ଏମେ ?” ଜିସୁ ଇର୍ହାନ୍‌, “ମିର୍‌ ନାଙ୍ଗିଁ ନେସ୍‌ଇଦେର୍‌ ମାରି ନା ବୁବେଙ୍ଗ୍‌ ବା ନେସ୍‌ଇଦେର୍‌; ଜଦି ନାଙ୍ଗିଁ ନେସ୍‌ତିଙ୍ଗ୍‌, ଆରିଙ୍ଗ୍‌ ନା ବୁବେଙ୍ଗ୍‌ ବା ନେସ୍‌ତିଦେର୍‌ମାନ୍ଦି ।”

అపొస్తు 6:7

ଇୟାୱାଜା ମାପୁରୁଦି ବାକ୍ୟ ପ୍ରଚାର୍‌ କିତାର୍‍ । ଜିରୁସାଲାମ୍‍ତୁ ସିସୁରି ଦଲ୍‌ ନାଣ୍ତଦାନ୍‌ ନାଣ୍ତ ପିର୍‌ଦେଙ୍ଗ୍‌ ଆସ୍‌ତାର୍‌; ନାଣ୍ତ ଜାଜକର୍‌ ବା କ୍ରିସ୍ତ ବିସ୍‌ବାସ୍‌ସିର୍‌ ଆତାର୍‌ ।

ରୋମିୟ 1:28

ଇୟା ଲୋକୁ ମାପୁରୁଦି ବିସୟ୍‍ତାନ୍‍ ଟିକ୍‍ ସିନ୍ତା ପୟ୍‍ଦେଙ୍ଗ୍‍ ବଦା ସିଲେତାର୍‍ଆକା, ମାପୁରୁ ୱାରିଙ୍ଗ୍ ଡ଼ିସ୍‍ତାମାନାନ୍‍ ମାରି ୱାର୍‌ ତାଗ୍‍ଇମନ୍‍ ଆଜି ଲୋକ୍‍ତି ୱାଜା ବୁଲାଏଜିନାର୍‍ ।

ରୋମିୟ 1:5

କ୍ରିସ୍ତଦି ଉଣ୍ତିଙ୍ଗ୍‌ ମାପୁରୁ ନାଙ୍ଗିଁ ପେରିତ ସିସୁ ୱାଜା ବାସେକିଜି ୱିଜୁଜାତିଦି ଲୋକା ଲାକ୍‍ତୁ ପ୍ରଚାର୍‍ କିଦେଙ୍ଗ୍‌ ଆସିର୍ବାଦ୍‌ ସିତାମାନାନ୍‌, ଏଣ୍ତେସ୍‌ ୱାର୍‌ ଜିସୁମାନୁ ବିସ୍‍ବାସ୍‍ କିଜି ୱାନିଙ୍ଗ୍‍ଁ ମାନାନାର୍‌ ।

ରୋମିୟ 10:16

ମାତର୍‍ ୱିଜେରେ ଆୟା ସୁସମାଚାର୍‍ ମାନାଏର୍‍ । ଆୟାଉଣ୍ତିଙ୍ଗ୍‌ ଜିସାଇୟ ରାସ୍‌ତାମାନାନ୍‌, “ଏ ପ୍ରବୁ, ଏନ୍‌ ମା ନେଗିକାବୁର୍‌ ମାଟା ବିସ୍‌ବାସ୍‌ କିତାମାନାନ୍‍ ?”

ରୋମିୟ 15:18

ଅଣଜିହୁଦି ଲୋକାଙ୍ଗ୍‍ଁ ମାପୁରୁଦିଙ୍ଗ୍‍ଁ ମାନାଦେଙ୍ଗ୍‍ଁ ଇଜି କ୍ରିସ୍ତ ନା ମାଣାନ୍‌ ଇନିକା କିତାମାନାନ୍‌, କେବଲ ଇୟା ମାଟା ଇନ୍‍ଡ୍ରେଙ୍ଗ୍‍ଁ ନାନୁ ସାସ୍‍ତିକାନ୍‍ ଆତାମାନା ।

ରୋମିୟ 16:26

ଆୟା ମାର୍‍ଗିତି ମାଟାଦି ସତ୍‍ୱିଜୁ ବାବବାଦିରି ଦାର୍ମୁସାସ୍ତ୍ରଦୁ ତରାୟ୍‍ ଆତାମାନାତ୍‌ ମାରି ଆକା ଇଲେଇ ୱିଜୁଦିନ୍‍ତି ପ୍ରବୁ ମାପୁରୁଦି ମାଣାନ୍‌ ୱିଜୁ ଲୋକା ଲୋଇ ପ୍ରଚାର୍‍ ଆଜିନାତ୍‍ । ତେନି ମାଣାନ୍‌ ୱିଜେରେ ବିସ୍‍ବାସ୍‍ କିଜି ମାପୁରୁଦି ମାଟା ମାନାଦେଙ୍ଗ୍‍ଁ ଆଟ୍‍ନାର୍‍ ।

ରୋମିୟ 6:16

ମିର୍‌ ପୁରା ନେସ୍‍ତିମାନିଦେର୍‍, ଜଦି ମିର୍‌ ଆମାୱାନି ଆଡ୍‍ଗି ମାନିକା ମାନାଜି ୱାନି ପୁରା ମାଟା ମାନାନିଦେର୍‍, ଆର୍‌ତିଙ୍ଗ୍‌ ମିର୍‌ ୱାନି ଦାସ୍‍ । ଜଦି ପାପ୍‍ତି ଦାସ୍‌ ଆନିଦେର୍‌, ତେନି ଦଣ୍ତ୍‍ ଆନାତ୍‌ ସାନିକା; ଜଦି ଦାର୍ମୁଦୁ ସାଲାନିଦେର୍‍, ଆର୍‌ତିଙ୍ଗ୍‌ ଜିବନ୍‌ ପୟ୍‍ନିଦେର୍‍ ।

1కొరింతి 15:34

ଆଦେଙ୍ଗ୍‌ ଜାଗ୍‌ରାତା ଆଦୁ, ପାପ୍‌ କିମାଟ୍‌; ଇରିଙ୍ଗ୍‌ ଏନ୍‌ ଏନ୍‌ ମାପୁରୁଦି ବିସୟ୍‌ତାନ୍‌ ନେସ୍‌ଏର୍‌; ନାନ୍‌ ମିଙ୍ଗିଁ ସେମାର୍‌ତି ମାଟା ୱେର୍‌ସିନା ।

2కొరింతి 10:5

ମାପୁରୁଦି ବୁଦିଦିଙ୍ଗ୍ ବିରୁଦ୍‌କିନି ୱିଜେରେ ୱିଜୁ ବନ୍ଦନଦିଙ୍ଗ୍‌ ମାପୁ କୁତ୍‍ନାପ୍ ମାରି ଲୋକୁଦି ୱିଜୁ ଚିନ୍ତା ଆଡ୍‍ଗି ଆଜି କ୍ରିସ୍ତଦି ମାଟାମାନାନେ ।

ଗାଲାତିୟ 3:1

ଏ ବୁଦିସିଲି ଗାଲାତିୟଦି ଲୋକୁ ! ଏନ୍‌ ମି ମୁସ୍‌କୁ ଇୟା ଉପାୟ୍‌ ୱେର୍‌ତାମାନାନ୍‌ ? କ୍ରୁସକାଟ୍‌ ମୁସ୍‌କୁ ଜିସୁ କ୍ରିସ୍ତଦି ସାତି ବିସୟ୍‌ ପୁରାନେସ୍‌ନି ୱାଜା ମି ଲାକ୍‌ତୁ ୱେର୍‌ଆଇ ଆତାମାନାତ୍‍ ।

ଗାଲାତିୟ 4:8

ଆଗ୍‍ଡ଼ି ମିର୍‍ ମାପୁରୁଙ୍ଗ୍‍ଁ ନେସ୍‍ଇମାର୍ହିଦେର୍‍, ଆଦେଙ୍ଗ୍‍ଁ ଏମେକାର୍‍ ସତ୍‍ତାନ୍‍ ମାପୁରୁ ଆଏର୍‍, ଆୟାନାନି ମିଚ୍‍ ଦିୟାମ୍‍କା ଦାସ୍‍ ମାର୍ହିଦେର୍‍ ।

1దెస్స 4:5

ମାପୁରୁଙ୍ଗ୍‍ଁ ନେସ୍‌ଇମାନି ଦୁନିଆଦି ଅଣଜିହୁଦି ଲୋକା ୱାଜା ଲାଲାୟ୍‌ ଆମାଟ୍‌ ।

ఎబ్రి 10:27

ଆର୍‌ତିଙ୍ଗ୍‌, ମାଡୁ ୱାଜିମାନି ପେରି ବିଚାର୍‍ତୁ ସାମାନ୍‌ ଆଜି ମାପୁରୁଦି ବିରୁଦ୍‍କିନିୱାରି ଉଣ୍ତିଙ୍ଗ୍‌ ନାଣ୍ତକାସ୍‍ସିମାନି ସିସୁଦୁ ଦଂସ୍‌ ପୋଇନି ଇସାପ୍‍ତି ତିଲାନି ବାଦ୍‍ଲୁ ମା ଆଇ ଇନି ଉପାୟ ସିଲେତ୍‌ ।

ఎబ్రి 10:30

“ନାନୁ ପ୍ରତିସଦ୍‍ ଅନା, ନାନୁ ଦଣ୍ତସିନିକିନ୍ଦା ।” ଇୟା ମାଟା ଜେ ଇର୍ହାମାନାନ୍‌, ୱାନିଙ୍ଗ୍‌ ମାପ୍‍ ନେସ୍‍ନାପ୍‍ । ୱାନ୍‌ ମାରିବା ଇର୍ହାମାନାନ୍, “ପ୍ରବୁ ୱାନି ଲୋକାଙ୍ଗ୍ ବିଚାର୍‌କିନାନ୍ ।”

ఎబ్రి 11:8

ମାପୁରୁ ଅବ୍ରାହାମଦିଙ୍ଗ୍‌ ଏମେ ଦେସ୍ ସିନା ଇଜି ମାଟା ସିତାମାରାନ୍, ଆୟା ଦେସ୍‍ତୁ ସୋନି ଉଣ୍ତିଙ୍ଗ୍‌ ୱାନ୍‌ ଏସ୍ତିୱାଲେ ୱାନିଙ୍ଗ୍‌ କୁକ୍‍ତାନ୍, ନାସ୍ତିୱାଲେ ଅବ୍ରାହାମ ବିସ୍‍ବାସ୍‍ତାନ୍ ମାପୁରୁଦି ମାଟା ମାନାତା ମାର୍ହାନ୍‍ । ୱାନ୍‌ ଏମେମାନୁ ସୋନାନ୍, ଆକା ନେସ୍‍ଏଜି ବା ନିଜେଦି ଦେସ୍ ଡ଼ିସ୍‍ତା ସର୍ହାନ୍‌ ।

ఎబ్రి 12:29

ଇରିଙ୍ଗ୍‌ ସତ୍‌ତାନ୍‌ ମା ମାପୁରୁ ଅରେନ୍ ଦଂସକିନି ସିସୁ ୱାଜା ।

ఎబ్రి 2:3

ଆର୍‌ତିଙ୍ଗ୍‌, ଇୟା ପେରିରକିୟାଦିଙ୍ଗ୍‌ ଡ଼ିସ୍‌ତିଙ୍ଗ୍‌, ମାଡ୍‌ ଏଣ୍ତେସ୍ ରକିୟା ପୋଇନିକା ? ଇୟା ପରିତ୍ରାଣ ନିଜେ ପ୍ରବୁ ନିଜେ ଆଗ୍‍ଡ଼ିନେ ୱେର୍‍ତାମାନାନ୍ ମାରି ୱାନିମାନୁ ୱେର୍‌ଇମାନି ଲୋକୁ ୱାନି ପେରିସତ୍‍ ମା ଲାକୁତୁ ପାର୍‌ମାଣ୍‌ କିତାମାନାର୍‍ ।

ఎబ్రి 5:9

ଇୟାୱାଜା ମାପୁରୁ ୱାନିଙ୍ଗ୍‌ ଅରେନ୍‌ ନେଗି ପେରି ଜାଜକ ଇଜି ଜଗ୍‌ ଆସ୍‌କିତାନ୍‍, ୱାନ୍‌ ୱାନି ମାଟାମାନାନି ଲୋକା ଉଣ୍ତିଙ୍ଗ୍‌ ୱିଜୁଦିନ୍‍ତି ରକିୟାଦି ୱେଡ଼ିକା ଆତାନ୍‍ ।

୧ ପିତର 1:2

ମିର୍‌ ବୁବା ମାପୁରୁଦି ବୁଦିଇସାବ୍‌ତାନ୍‌ ଆସାତିମାନିଦେର୍‍ । ଜିସୁ କ୍ରିସ୍ତଦି ମାଟା ମାନାଜି ୱାନି ନେତେର୍‌ତାନ୍‍ ନେଗେନ୍‌ ଆନି ଉଣ୍ତିଙ୍ଗ୍‌ ମିର୍‌ ଆତ୍ମାଦି ପାଣିଦି ଉଣ୍ତ୍ରି ପବିତ୍ର ଆତିମାନିଦେର୍‌ । ମି ଉଣ୍ତିଙ୍ଗ୍‌ ନାଣ୍ତ୍‌ଦାନ୍‌ ମାପୁରୁଦି ଦୟା ମାରି ସାନ୍ତି ଆପିତ୍‌ ।

୧ ପିତର 3:6

ସାରା ଆୟାୱାଜା ଅରେତ୍‌ ଆଇମା ମାର୍ହାତ୍ । ୱାଦ୍‌ ଅବ୍ରାହାମ୍‌ଦି ମାଟା ମାନାଜି ୱାନିଙ୍ଗ୍‌ ପ୍ରବୁ ଇଜି ମାନାଜିମାରାତ୍‌ । ମିରୁ ଇଲେଇ ତାନି ଗାଡ଼୍‌ସିକ୍‌ । ଜଦି ମାନାତିଙ୍ଗ୍‌, ଆର୍‌ତିଙ୍ଗ୍‌, ଇନି ବିସୟ୍‌ ମିଙ୍ଗିଁ ମାରି ତିଲିସ୍‌ କିଦେଙ୍ଗ୍‌ ଆଟ୍‌ଏତ୍‌ ।

୧ ପିତର 4:17

ବିଚାର୍‌କିନି ଦିନ୍‌ ଇଗା ୱାତାତ୍‍ ମାରି ମାପୁରୁଦି ଲୋକୁ ଆଗ୍‌ଡ଼ି ବିଚାର୍‌ କିଆୟ୍‌ଆନାର୍‌ । ଜଦି ମାବାଣାନ୍‍କୁ ଆକା ଆରାମ୍‍ ଆନାତ୍‍, ଆର୍‍ତିଙ୍ଗ୍‍ଁ ଏମେକାର୍‍ ମାପୁରୁଦି ସୁସମାଚାର୍‌ ବିସ୍‌ବାସ୍‌ କିଏର୍‌, ୱାରି ସାରାସାରିଦି ଦଣ୍ତ୍‌ ଏସା ପେରିକା ଆଏତ୍‌ ?

ଜିହୁଦା 1:7

ଆୟାୱାଜା ସଦମ୍‍ ମାରି ଗମୋରା ମାରି ଲାକ୍‌ତୁରି ଗାଡ଼୍‌କାଣି ଦଣ୍ତତିଙ୍ଗ୍‌ ଏତ୍‌ କିଦୁ । ୱାର୍‌ ତେବାତିମାନି ଆୟା ଦୁତ୍‌କା ୱାଜା ପାଣି କିଜି ଦାରିପାଣି ମାରି ତାଗ୍‍ଇପାଣିଦୁ ମିସାତାର୍‌ । ଆଇୱାରିଙ୍ଗ୍‌ ଜାଗ୍‌ରାତାକିନି ଉଣ୍ତିଙ୍ଗ୍‌ ୱାର୍‌ ୱିଜୁଦିନ୍‌ତି ନରକଦି ସିସୁଦୁ ଦଣ୍ତବୋଗ କିଜିନାର୍‌ ।

ప్రకటన 20:10

ମାରି ଏମେ ଗନ୍ଧକ୍‌ସିସୁ କାସ୍‌ସିମାନି ସାମ୍‌ଦୁର୍‌ତୁ ପସୁ ନି ବଣ୍ତବାବବାଦିର୍‌ ପୋକାତା ମାର୍ହାର୍‌, ବେମ୍‌ରିକିନି ସୟତାନ୍‌ତିଙ୍ଗ୍‌ ବା ଆବେନୁ ପୋକ୍‍ନାର୍‌ । ଆବେନୁ ୱାର୍‌ ୱେଡ଼େ ନାଡ଼ା ଜୁଗ୍‌ ଜୁଗ୍‌ ସାନ୍ଧି କାସ୍ଟୁ ଦୁଃକ୍‌ ପୋଇଜିମାନାର୍ ।

ప్రకటన 21:8

ମାତର୍‌ ବିରୁ, ଅବିସ୍‌ବାସି, କାଡ଼ିନିକାର୍, ଲୋକାଙ୍ଗ୍‍ ୱେଡ଼ିଇକାର୍ ଦାରିପାଣିକିନିକାର୍ ଗୁଣିଆର୍, ବମା ପୁଜାକିନିକାର୍‌, ମିଚ୍‌ ୱେର୍‌ନି ୱିଜେରେ ତାଗିଇ ୱାରି ଜାଗା ଆଜିନାତ୍, ଗନ୍ଧକ୍‍ତାନ୍ କାସ୍‌ସିମାନି ସିସୁଗୁଟା ଆବେନୁ ୱାର୍‌ ରିଜାସାନି ଦଣ୍ଡ୍‌ ପୋଇନାର୍ ।”

ప్రకటన 6:10

ୱାକୁ ପେରିବଲୁଦାନ୍ ଆଉଲିକିଜି ଇଜିମାରେଏ, “ପେରି ପ୍ରବୁ ପବିତ୍ର ମାରି ସତ୍‌ ମାପୁରୁ ! ଦେସ୍‍ତୁ ଏମେକାର୍ ମାଙ୍ଗିଁ ସାପିସ୍‌ କିତାମାନାର୍‌, ୱାରିଙ୍ଗ୍‌ ବିଚାର୍‌ କିଜି ସାସ୍ତିସିଦେଙ୍ଗ୍ ମାରି ଏସ ଦିନ୍‌ ୱେଡ଼ାକିନି ?”