1తిమోతి 2:6 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁶ ୱାନ୍‌ ୱିଜେରିଙ୍ଗ୍‌ ମୁକୁଡ଼ାକିନି ଉଣ୍ତିଙ୍ଗ୍‌ ନିଜେଦିଙ୍ଗ୍‌ ଦାନ୍‌ ସିଜି ଇବେଣାନ୍‍ ଟିକ୍‍ ୱେଡ଼ାଦୁ ପାର୍‌ମାଣ୍‌ ଆତାମାନାତ୍‌ ଜେ, ମାପୁରୁ ୱିଜୁ ଲୋକାଙ୍ଗ୍‌ ସାକ୍ୟ ସିଦେଙ୍ଗ୍‌ ଇଚ୍ଛା କିନାନ୍‌ ।

Konda: కొండ బాసదు నెగ్గి కబ్రు

⁶ వాండ్రు లోకుర్‌ విజెరె పాపమ్‌కాఙ్, ఎల్లకాలం మని సిక్సదాన్‌ తప్రిస్ని వందిఙ్‌ సాదెఙ్‌ వన్నిఙ్‌ వాండ్రె ఒపజెపె ఆతాన్. యాకదె, దేవుణు ఏర్‌పాటు కితి కాలమ్‌దు, లోకుర్‌ విజెరిఙ్‌ రక్సిస్తెఙ్‌ దేవుణు కోరిజిని దనిఙ్‌ సాస్యం.

1తిమోతి 2:6 Iomraidhean Croise

మత్తయి 20:28

ଏଣ୍ତେସ୍‌ ମନୁଷ୍ୟପୁତ୍ର ଯେ ନାନ୍ ସେବା ପ‍ଇଦେଙ୍ଗ୍‌ ରେଏ, ମାତର୍‌ ସେବା କିଜି ଆଇୱାରିଦି ଡ଼ିସିସ୍‍କିନି ଉଣ୍ତିଙ୍ଗ୍‌ ନିଜେଦି ଜିବନ୍‌ ସିଦେଙ୍ଗ୍‍ ଇଜି ୱାତାମାନାନ୍‍ ।”

మార్కు 1:15

ଜିସୁ ୱେର୍‌ତେଙ୍ଗ୍‌ ଆସ୍‌ତାନ୍‌, “ଦିନ୍‌ ଲାକ୍‌ତୁ ୱାତାତ୍‌ନି, ମାପୁରୁଦି ରାଜି ଇଗା ୱାଜିନାତ୍ ! ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ତୁ ମାରି ମାପୁରୁଦି ନେଗିକାବୁର୍‌ତୁ ବିସ୍‌ବାସ୍‌ କିଦୁ ।”

మార్కు 10:45

ଇରିଙ୍ଗ୍‌ ମନୁସ୍ୟପୁତ୍ର ଜେ ନାନ୍ ସେବା ପ‍ଇଦେଙ୍ଗ୍‌ ରେଏ, ମାତର୍‌ ସେବା କିଦେଙ୍ଗ୍‌ ୱାତାମାନା ମାରି ୱିଜୁ ଲୋକାଙ୍ଗ୍‌ ରକିୟା କିିଜି ନିଜେଦି ଜିବନ୍‌ ସିଦେଙ୍ଗ୍‍ ଇଜି ୱାତାମାନା ।”

యోహాను 10:15

ଆୟାୱାଜା ନାନ୍ ନା ନିଜେଦି ମେଣ୍ତେଆଙ୍ଗ୍‌ ନେସ୍‌ନା, ମାରି ନା ନିଜେଦି ମେଣ୍ଡେଙ୍ଗ୍‌ ନାଙ୍ଗିଁ ନେସ୍‌ନେ, ମାରି ମେଣ୍ତେଆଙ୍ଗ୍‌ ଉଣ୍ତିଙ୍ଗ୍‌ ନାନ୍ ନା ଜିବନ୍‌ ସିଦେଙ୍ଗ୍‍ ରାଜିମାନା ।

యోహాను 6:51

ନାନ୍ ମୁସ୍‌କୁପୁରୁତାନ୍‌ ୱାତିମାନି ଆୟା ଜିବନ୍‌ତି କାଦି, ଏନ୍‌ ଜଦି ଇୟା କାଦି ଉଣୁନାନ୍‌, ୱାନ୍‌ ଏସାଙ୍ଗ୍‌ୱିଜ୍‌ଇଦିନ୍‌ ସାନ୍ଧି ଜିବନ୍‌ ମାନାନ୍‌; ହୁଁ, ନାନ୍ ଏମେ କାଦି ସିନା, ଆକା ନା କାଣ୍ତା, ନାନ୍ ଆକା ଦୁନିଆଦିଙ୍ଗ୍‍ ଜିପିସ୍‍ନି ଉଣ୍ତିଙ୍ଗ୍‌ ସିନା ।”

ରୋମିୟ 16:26

ଆୟା ମାର୍‍ଗିତି ମାଟାଦି ସତ୍‍ୱିଜୁ ବାବବାଦିରି ଦାର୍ମୁସାସ୍ତ୍ରଦୁ ତରାୟ୍‍ ଆତାମାନାତ୍‌ ମାରି ଆକା ଇଲେଇ ୱିଜୁଦିନ୍‍ତି ପ୍ରବୁ ମାପୁରୁଦି ମାଣାନ୍‌ ୱିଜୁ ଲୋକା ଲୋଇ ପ୍ରଚାର୍‍ ଆଜିନାତ୍‍ । ତେନି ମାଣାନ୍‌ ୱିଜେରେ ବିସ୍‍ବାସ୍‍ କିଜି ମାପୁରୁଦି ମାଟା ମାନାଦେଙ୍ଗ୍‍ଁ ଆଟ୍‍ନାର୍‍ ।

ରୋମିୟ 5:6

ମାଡ୍‌ ନିରାସ୍‌ ମାର୍‌ଇୱାଲେ ମାପୁରୁଦି ତିଆର୍‍କିତି ସମୟ୍‍ତୁ କ୍ରିସ୍ତ ପାପି ଲୋକା ଉଣ୍ତିଙ୍ଗ୍‍ ସାତାନ୍‍ ।

1కొరింతి 1:6

ଇୟାୱାଜା କ୍ରିସ୍ତଦି ମାଟା ମିମାନୁ ସାକ୍ୟ ତିର୍‌ଆତା ମାନାତ୍‌ ।

2కొరింతి 5:21

ମାତର କ୍ରିସ୍ତମାନୁ ପୁରା ପାପ୍‌ ସିଲେତିଙ୍ଗ୍‌ ବା, ମାପୁରୁ ୱାନିଙ୍ଗ୍‌ ମା ଉଣ୍ତିଙ୍ଗ୍‌ ପାପ୍‍ତି ପୁଜା ୱାଜାକିତାନ୍, ମାଡ୍‌ ଏଣ୍ତେସ୍ ୱାନିୱାଲେ ମିସାଜି ମାପୁରୁଦି ଦାର୍ମୁପାଣିଦୁ ମିସାଦେଙ୍ଗ୍ ଆଟିନିକା ।

ଗାଲାତିୟ 1:4

ଇଲେଇତି ଇୟା ପାପ୍‌ ଦୁନିଆଦାନ୍‍ ମାଙ୍ଗିଁ ରକିୟା କିଦେଙ୍ଗ୍‍ଁ ଇଜି, ମା ବୁବା ମାପୁରୁଦି ବଦା ମାନାଜି, କ୍ରିସ୍ତ ମା ପାପ୍‍ ଉଣ୍ତିଙ୍ଗ୍‍ଁ ନିଜେଦିଙ୍ଗ୍‍ଁ ସର୍ପେ କିତାନ୍‍ ।

ଗାଲାତିୟ 4:4

ସାରାସାରି ଏସ୍ତିୱାଲେ ଟିକ୍‍ ସମୟ୍‍ ୱାତାତ୍‍, ମାପୁରୁ ୱାନି ନିଜେ ମାରିସିଙ୍ଗ୍‍ଁ ପକ୍‍ତାନ୍‍ । ଅରେତ୍‌ ସାମାନ୍‌ତି ଆଇମା ପଟାଦାନ୍‍ ୱାନ୍‌ ଜନମ୍‍ ଆଜି ଜିହୁଦିଲୋକା ନିୟମ୍‍ତି ଅଦିକାର୍‍ତାନ୍‍ ଜିତାନ୍‌ ।

ଏପିସିୟ 1:17

ନାନୁ ନା ଗୌରବ୍‍ତି ବୁବା, ମା ପ୍ରବୁ ଜିସୁ କ୍ରିସ୍ତଦି ମାପୁରୁଙ୍ଗୁଁ ପାର୍‍ତନା କିନା, ଏଣ୍ତେସ୍‌ ୱାନ୍‌ ମିଙ୍ଗିଁ ପବିତ୍ର ଆତ୍ମା ସିନାନ୍‍, ଆୟା ଆତ୍ମା ମିଙ୍ଗିଁ ବୁଦି ସିନାତ୍‍ ମାରି ମାପୁରୁଙ୍ଗୁଁ ମି ଲାକ୍‍ତୁ ତର୍‍ନାତ୍‍ । ଆତିଙ୍ଗ୍‌, ମିର୍‌ ୱାନିଙ୍ଗ୍‌ ନେସ୍‍ତେଙ୍ଗ୍‍ ଆଟ୍‍ନିଦେର୍‍ ।

ଏପିସିୟ 1:7

କ୍ରିସ୍ତଦି ସାତି ମାଣାନ୍‌ ମାଡ୍‌ ରକିୟା ପୟ୍‍ତିମାନିକା, ଅର୍ତାତ୍‍ ମା ୱିଜୁ ପାପ୍‍ କେମା ଆତାମାନାତ୍‌ । ମାପୁରୁଦି ଦୟା ଏସା ପେରିକା,

ଏପିସିୟ 3:5

ପୁର୍ବେକାଡ଼ାଦି ଲୋକା ଲାକ୍‌ତୁ ଇୟା ମାର୍‌ଗିତିମାନି ମାଟା ବିସୟ୍‌ତାନ୍‌ ୱେର୍‌ଏର୍‌ ମାର୍ହାର୍‌ । ମାତର୍‌ ମାପୁରୁ ଇଲେଇ ୱାନି ପବିତ୍ର ପ୍ରେରିତ ସିସୁ ମାରି ବାବବାଦିରିଙ୍ଗ୍‌ ଆତ୍ମାଦାନ୍‌ ଇକା ୱେର୍‌ତାମାନାନ୍‌ ।

ଏପିସିୟ 5:2

କ୍ରିସ୍ତ ଏଣ୍ତେସ୍‌ ମାଙ୍ଗିଁ ଜିବନ୍‌ନୋତାନ୍‍ ମାରି ମାପୁରୁଦି ୱେଡ଼ିକାଦି ଉଣ୍ତିଙ୍ଗ୍‍ଁ ନିଜେଦି ଜିବନ୍‍ତିଙ୍ଗ୍‍ ମା ଉଣ୍ତିଙ୍ଗ୍‌ ବାସ୍‍ନାଦି ଦୁପ୍‍ଣି ମାରି ପୁଜା ୱାଜା ଆତାନ୍‌, ମି ଜିବନ୍‌ ବା ଆୟାୱାଜା ଜିବନ୍‍ନୋନି ମାଣାନ୍‌ ସାଲାପିତ୍‍ ।

2దెస్స 1:10

ମାତର୍‌ ଆୟା ନାଣ୍ତିଙ୍ଗ୍‌ ୱାନ୍‌ ୱାରି ଲୋକାମାଣୁକୁ ମାରି ୱିଜେରି ବିସ୍‌ବାସ୍‌ତି ଲୋକା ମାଣ୍‌କୁ ସନ୍‌ମାନ୍‌ ମାରି ଗୌରବ୍‍ ପୟ୍‌ନାନ୍‌ । ଇୟାୱାରି ମାଣ୍‌କୁ ମିର୍‌ ବା ମିସାନିଦେର୍‌, ଇରିଙ୍ଗ୍‌ ମାପ୍‌ ମିଙ୍ଗିଁ ଆମା କାବୁର୍‌ ସିତାମାର୍ହାପ୍‌, ଆବେନ୍‌ ମିର୍‌ ବିସ୍‌ବାସ୍‌ କିତିମାନିଦେର୍‌ ।

1తిమోతి 6:15

ୱାନି ମାରିଡ଼େସିୱାନିକା ନେଗି ସମୟ୍‌ ଆସ୍‌ କିନାନ୍‌ ନିଜେ ମାପୁରୁ ଦନ୍ୟ, ରାଜାରି ରାଜା ମାରି ପ୍ରବୁରି ପ୍ରବୁ, ମାରି ଅରେନ୍‌ ସାସନ୍‌ କିନିକାନ୍‌;

2తిమోతి 1:8

ଆଦେଙ୍ଗ୍‌ ପ୍ରବୁ ଜିସୁଦି ବିସୟ୍‌ତାନ୍‌ ସାକ୍ୟୟ୍‌ ସିଦେଙ୍ଗ୍‌ ସେମାର୍‌ ଆମାଟ୍‌; ୱାନି ଉଣ୍ତିଙ୍ଗ୍‌ ନାନ୍‌ ଜଇଲ୍‌ତୁ ନା ଉଣ୍ତିଙ୍ଗ୍‌ ବା ସେମାର୍‌ ଆମାଟ୍‌ । ମାରି ମାପୁରୁ ମିଙ୍ଗିଁ ସିତିମାନି ସାକ୍ତି ଇସାବ୍‌ତାନ୍‌ ମିର୍‌ କ୍ରିସ୍ତ ଜିସୁଦି ସୁସମାଚାର୍‌ ଉଣ୍ତିଙ୍ଗ୍‌ ଦୁଃକ୍‌କାସ୍ଟୁ ପୟ୍‌ଦେଙ୍ଗ୍‌ ତିଆର୍‌ ଆଦୁ ।

తీతు 1:3

ମାରି ଟିକ୍‍ ୱେଡ଼ାଦୁ ଇୟା କାବୁର୍‌ ୱାନ୍‌ ୱେକ୍‍ତାମାନାନ୍‍ । ମା ରକିୟାକିନି ମାପୁରୁଦି ଆଦେସ୍‍ତାନ୍‍ ଇକା ୱେର୍‍ତେଙ୍ଗ୍‍ ନାଙ୍ଗିଁ ଦାୟିତ୍‍ ସିଆୟ୍‌ ଆତାମାନାତ୍‌ ।

తీతు 2:14

ଆୟା କ୍ରିସ୍ତ ଜିସୁ ମାଙ୍ଗିଁ ୱିଜୁ ତାଗ୍‌ଇ ପାଣିଦାନ୍‌ ଡ଼ିସିସ୍‌ କିଦେଙ୍ଗ୍‌ ମାରି ନିଜେଦି ଉଣ୍ତିଙ୍ଗ୍‌ ସତ୍‌ପାଣିଦୁ ୱେଡ଼ିକାଆଜି ନିଜେଦି ଲୋକା ୱାଜା ପୁରା ନେଗେନ୍‍ କିଦେଙ୍ଗ୍‌ ମା ଉଣ୍ତିଙ୍ଗ୍‌ ନିଜେଦିଙ୍ଗ୍‌ ସିଆୟ୍‌ଆତାନ୍‌ ।

ఎబ్రి 9:12

କ୍ରିସ୍ତ ଆୟା ଗୁଡ଼ା ନାଡ଼୍‍ମିସିଜି ଆୟା ମହାପବିତ୍ର ବାଡିଦୁ ଉନ୍‍ଡ୍ରେଦେବାଦି ଉଣ୍ତିଙ୍ଗ୍‌ ଡ଼ୁଗିନି ୱାଲେ ଆବେନ୍‌ ବଲିସିନି ଉଣ୍ତିଙ୍ଗ୍‌ ଗରିଏଙ୍ଗ୍‌ଁ ସିଲେତିଙ୍ଗ୍‌ ଡ଼ାକା ନେତେର୍‍ ଆସ୍‌ସି ସଲ୍‍ଏନ୍‍ ମାର୍ହାନ୍‍ । ମାତର୍‍ ୱାନ୍‌ ନିଜେଦି ନେତେର୍‌ ଅସି ମା ଉଣ୍ତିଙ୍ଗ୍ ୱିଜୁଦିନ୍‍ତିଙ୍ଗ୍ ମୁକୁଡ଼ାନି ପାଣି କିତାନ୍ ।

୧ ପିତର 2:24

ମାପ୍‌ ଏଣ୍ତେସ୍ ପାପ୍‌ତି ଉଣ୍ତିଙ୍ଗ୍‌ ସାଜି ମାରି ଦାର୍ମୁଦି ଉଣ୍ତିଙ୍ଗ୍‌ ଜିଜି ମାଡ଼ିନାପ୍‌, ଇୟାଉଣ୍ତିଙ୍ଗ୍‌ କ୍ରିସ୍ତ ନିଜେ କ୍ରୁସ୍‌କାଟ୍‌ ମୁସ୍‌କୁ ନିଜେଦି ମେନ୍ଦଲ୍‌ତାନ୍‌ ମା ୱିଜୁ ପାପ୍‌ ବଜୁ ପିଣ୍ତିତାନ୍‌ । ୱାନି ମେନ୍ଦଲ୍‌ତି ଆୟା ଗାଉତି ମାଣୁକୁ ମିର୍‌ ନେଗେନ୍‌ ଆତିମାନିଦେର୍‌ ।

୧ ପିତର 3:18

ମିଙ୍ଗିଁ ମାପୁରୁଦି ଲାକ୍‌ତୁ ତାନି ଉଣ୍ତିଙ୍ଗ୍‌ କ୍ରିସ୍ତ ନିଜେ ଦାର୍ମୁଦିକାନ୍‌ ଆଜି ଅଦାର୍ମୁ ଲୋକୁ ପାପ୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତାନ୍‌ । ଇୟା ପାଣି ୱାନ୍‌ ପୁରାଅର୍‌ସେ ୱିଜୁଦିନ୍‌ତି ଉଣ୍ତିଙ୍ଗ୍‌ ପୁରା କିତାମାନାନ୍‌ । ୱାନ୍‌ ମେନ୍ଦଲ୍‌ତାନ୍‌ ସାତାନ୍‌, ମାତର୍‌ ଆତ୍ମାଦାନ୍‌ ଜିବନ୍‌ ଆତାନ୍‌;

୧ ଜୋହନ 4:10

ଇକାନେ ସତ୍‌ତି ଜିବନ୍‌ନୋନିକା, ମାଡୁ ମାପୁରୁଙ୍ଗୁଁ ଜିବନ୍‌ନୋଇକା, ମାତର୍‌ ୱାନ୍‌ ମାଙ୍ଗିଁ ଜିବନ୍‌ନୋଜି, ମାରି ନିଜେଦି ମାରିନ୍‌ତିଙ୍ଗ୍‌ ମା ପାପ୍‌ତିଙ୍ଗ୍‍ ପିଣ୍ଡିନି ଅନିଉଣ୍ତିଙ୍ଗ୍‌ ପୋକ୍‌ତାତାନ୍‌ ।

ప్రకటన 1:5

ମାରି ସାତିୱାରି ମାଣୁକୁ ଆଗ୍‌ଡ଼ି ନିଙ୍ଗିଁନିକା, ବିସ୍‌ବାସ୍‌ତି ସାକି ମାରି ଦୁନିଆ ରାଜାଦିରାଜା ଜିସୁ କ୍ରିସ୍ତଦି ଦୟା ମାରି ସାନ୍ତି ମି ମୁସୁକୁ ରାପିତ୍ । ୱାନ୍‌ ମାଙ୍ଗିଁ ଜିବନ୍‌ନୋନାନ୍‌ ମାରି ୱାନି ସାତି ମାଣୁକୁ ମାଙ୍ଗିଁ ପାପ୍‌ତାନ୍‌ ରକ୍ଷା କିତାମାନ୍ ।

ప్రకటన 5:9

ୱାର୍‌ ଉନ୍‌ଡ୍ରି ପୁନି ପାଟା ପାରିଜିମାର୍ହାର୍‌ : “ବଇ ମାନାଜି ତାନି ସିଲ୍‍ ଆତିକେଙ୍ଗ୍‌ ରୁକୁତେଙ୍ଗ୍‌ ମିର୍‌ ନେ ଜୋଗ୍‍ : ଇରିଙ୍ଗ୍‌ ନିନୁ ସାତିମାର୍‌ଇ ମାରି ନି ସାତିମାଡ଼ାନ୍, ୱିଜୁ କୁଟୁମ୍‌, ବାସାବାଦି, ଦେସ୍ ମାରି ଜାତି ମାଡ଼ାନ୍‍କୁ ମାପୁରୁଦି ଉଣ୍ତିଙ୍ଗ୍ ଲୋକାଙ୍ଗ୍‌ କଟି ମାନି ।