1తిమోతి 1:12 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹² ନା ଦାଇତ୍‌ କିଦେଙ୍ଗ୍‌ ନାଙ୍ଗିଁ ଦୟା କିତିମାନିଙ୍ଗ୍‌ ମା ପ୍ରବୁ ଜିସୁ କ୍ରିସ୍ତଙ୍ଗ୍‌ ଦନ୍ୟବାଦ୍‌ ସିଜିନା । ପୁର୍ବେ ନାନ୍‌ ୱାନିଙ୍ଗ୍‌ ନିନ୍ଦା କିଜିମାର୍‌ଆ, ୱାନିଙ୍ଗ୍‌ କାସ୍ଟୁ ନି ଅପ୍‌ମାନ୍‌ ସିଜିମାର୍ହା । ମାରିବା ୱାନ୍‌ ନାଙ୍ଗିଁ ବିସ୍‌ବାସ୍‌ ବୁଦି କିଜି ୱାନି ସେବା ଉଣ୍ତିଙ୍ଗ୍‌ ଆସ୍‌କିତାମାନାନ୍‌ ।

Konda: కొండ బాసదు నెగ్గి కబ్రు

^12-13 ముఙాల నాను యేసుప్రబు ఆతి యేసుక్రీస్తుఙ్‌ దూసిస్తికాన్. నమ్మిత్తి వరిఙ్‌ ఇమ్సెఙ్‌ కిజి ఆహె వన్నిఙ్‌ ఇమ్సెఙ్‌ కితికాన్. వన్నిఙ్‌ స్రమెఙ్‌ కితికాన్. అహిఙ్‌బా నాను నమ్మిదెఙ్‌ తగ్నికాన్‌ ఇజి వాండ్రు ఒడిఃబిజి, మహివరిఙ్‌ సువార్త వెహ్సిని వన్ని పణిదిఙ్‌ నఙి ఏర్పాటు కిత్తాన్‌. అందెఙె నాను మా ప్రబు ఆతి క్రీస్తు యేసు నఙి కితి దని వందిఙ్‌ ఎసెఙ్‌బా పోస్‌ఎండ మన. వాండ్రునె వన్ని పణి కిదెఙ్‌ నఙి సత్తు సితాన్. నాను యేసుఙ్‌ నమ్మిఎండ మహివలె, తెలిఎండ అక్కెఙ్‌ కిత. అందెఙె దేవుణు నా ముస్కు కనికారం తోరిస్తాన్.

1తిమోతి 1:12 Iomraidhean Croise

మత్తయి 20:4

ୱାରିଙ୍ଗ୍‌ ୱାନ୍‌ ଇର୍ହାନ୍‌, ମିର୍‌ ବା ନା ଅଙ୍ଗୁର୍‌ କିଡ଼ିଇଦୁ ସୋଲ୍‌ସ ପାଣି କିଦୁ, ମିଙ୍ଗିଁ ସାମାନ୍‍ ବୁତି ସିନା ।

యోహాను 5:23

ଆୟାଉଣ୍ତିଙ୍ଗ୍‌ ଏଣ୍ତେସ୍‌ ବୁବେଙ୍ଗ୍‌ ମାନାନାର୍‌, ମାରିସିଙ୍ଗ୍‌ ବା ଆୟାୱାଜା ୱିଜେରେ ମାନାନାର୍‌ । ମାତର୍‌ ଏନ୍‌ ମାରିସିଙ୍ଗ୍‌ ମାନାଏନ୍‌, ୱାନିଙ୍ଗ୍‌ ପୋକ୍‍ତିମାନି ବୁବେଙ୍ଗ୍‌ ବା ୱାନ୍‌ ମାନାଏନ୍‌ ।

అపొస్తు 16:15

ୱାଦ୍‌ ନି ତାନି ଇଲ୍‍ତି ୱିଜେରେ ଡୁବନ୍‌ ଅତି ୱେନ୍‌କା ମାଙ୍ଗିଁ ମାଡ଼ିସ୍‌ କିଜି ଇର୍ହାତ୍‌, “ପ୍ରବୁମାନୁ ସତ୍‍ତାନ୍‍ ନା ବିସ୍‌ବାସ୍‌ ମାନାତ୍‌ ଇଜି ଜଦି ମିର୍‌ ଅଡ଼ବିଜିନିଦେର୍‌, ଆର୍‍ତିଙ୍ଗ୍‍ଁ ୱାଜି ନା ଇଲ୍‌ତୁ ତେବାଦୁ ।” ୱାଦ୍‌ ଇୟାୱାଜା ତାନି ଇଲ୍‌ତୁ ସନ୍‍ଡ୍ରେଙ୍ଗ୍‍ଁ ଇଜି ମାଙ୍ଗିଁ ୱେର୍‌ତାତ୍‍ ।

అపొస్తు 9:15

ପ୍ରବୁ ୱାନିଙ୍ଗ୍‌ ଇର୍ହାନ୍‌, “ସାଙ୍ଗ୍ଆ, ଅଣଜିହୁଦି ମାରି ରାଜା ମାରି ଇସ୍ରାଏଲ୍‌ତି ଲୋକା ଆଗ୍‌ଡ଼ି, ନା ଦର୍‌ ୱେର୍‌ତେଙ୍ଗ୍‌ ଇଜି ମାରି ନା ସେବା କିଦେଙ୍ଗ୍‌ ନାନ୍ ୱାନିଙ୍ଗ୍‌ ଆସ୍‍କିତାମାନା ।

అపొస్తు 9:22

ମାତର୍‌ ସାଉଲ ପ୍ରଚାର୍‌ ନାଣ୍ତ ସାକ୍ତି ମାର୍ହାତ୍‌, ଜିସୁ ଜେ ମସିହ, ଇୟା ବିସୟ୍‌ତାନ୍‌ ୱାନି ପାର୍‌ମାଣ୍‌ ନିସା ଜିଦ୍‌ ମାର୍ହାତ୍‍ ଜେ ଦାମାସ୍‍କସ୍‍ତୁ ବାସାଜି ମାନି ଜିହୁଦିର୍‌ ୱାନି ଇନି ମାଟାଦି ଉତର ସିଦେଙ୍ଗ୍‍ ଆଟ୍‍ଏର୍‍ ମାର୍ହାର୍‌ ।

1కొరింతి 15:10

ମାତର୍‌ ନାନ୍‌ ଆମାକା ଆତାମାନା, ଆକା ମାପୁରୁଦି ଦୟାଦାନ୍‌ ଆତାମାନାତ୍‌, ମାରି ନା ଉଣ୍ତିଙ୍ଗ୍‌ ୱାନି ଆୟା ଦୟା ବେକାର୍‌ ଆଏତ୍‍ । ମାତର୍‌ ନାନ୍‌ ଆୟା ୱିଜେରିମାଣୁକୁ ନାଣ୍ତ ପାଣି କିତାମାନା, ମାରିବା ନାନ୍‌ ସିଲେ, ମାତର୍‌ ନା ଉଣ୍ତିଙ୍ଗ୍‌ ମାପୁରୁଦି ଦୟା ମାନିଙ୍ଗ୍‌ ଇକା ପୁରା ଆତାମାନାତ୍‌ ।

1కొరింతి 3:5

ଆପୋଲୋ ଏନ୍‌ ? ମାରି ପାଉଲ ଏନ୍‌ ? ୱାର୍‌ ମାପୁରୁଦି ସେବାକିନିକାର୍‌, ମିଙ୍ଗିଁ ବିସ୍‌ବାସ୍‌ କିଦେଙ୍ଗ୍‌ ମାପୁ ସାହାଜ୍ୟ କିଜିନାପ୍‌ । ମାପୁରୁ ମା ମାଣ୍‌କୁ ୱିଜେରିଙ୍ଗ୍‌ ଆମା ପାଣିଦୁ ଆସ୍‌କିତାମାନାନ୍‌, ମାପୁ ଆୟା ପାଣି କିଜିନାପ୍‌ ।

1కొరింతి 7:25

ମିର୍‌ ପେଡ଼ିଆଇୱାରି ବିସୟ୍‌ତାନ୍‌ ନେସ୍‌ତେଙ୍ଗ୍‌ ଅଡ଼୍‍ବିଜିନିଦେର୍‍ । ଇୟା ବିସୟ୍‌ତାନ୍‌ ନାନ୍‌ ପ୍ରବୁଦିମାଣୁକୁ ଇନି ମାଟା ପୟ୍‌ଏ । ମାତର୍‌ ପ୍ରବୁଦି ସାକାଦାନ୍‌ ଅରେନ୍‍ ବିସ୍‌ବାସ୍‌ତି ଜଗ୍‌ ଲୋକ୍‌ ୱାଜା ନା ମୋନ୍‌ତି ବଦା ୱେର୍‌ସିନାତ୍‌ ।

2కొరింతి 4:1

ମାପୁରୁଦି ଦୟା କିଜି ମାଙ୍ଗିଁ ଇୟା ସେବା ପାଣି ସିତିମାନିଙ୍ଗ୍ ମାଡ଼ୁ ୱେଡ଼ିକାସିଲି ଲୋକା ୱାଜା କିଇକା ।

ଗାଲାତିୟ 3:26

ବିସ୍‍ବାସ୍‍ତାନ୍ କ୍ରିସ୍ତ ଜିସୁଦି ୱାଲେ ଜଡ଼ାଜି ମିର୍‍ ୱିଜିଦେର୍‌ ମାପୁରୁଦି କଡ଼ର୍‍ ଆଇଲିକ୍‌ ଆତିମାନିଦେର୍‍ ।

ଗାଲାତିୟ 3:28

ଆଦେଙ୍ଗ୍‍ଁ ଜିହୁଦି ନି ଅଣଜିହୁଦି, କଟିସାକର୍‌ ନି ମୁକ୍‍ଡ଼ାତି ଲୋକୁ, ମେମାରି ବା ଆଇମା ଲୋଇ ମାରି ଇନି ୱେର୍‍ଏ ସିଲେ । ମିର୍‍ ୱିଜେରେ ଜିସୁ କ୍ରିସ୍ତଦି ୱାଲେ ଜଡ଼ାଜି ଉନ୍‍ଣ୍ତ୍ରେମାନୁ ଆତିମାନିଦେର୍‍ ।

ପିଲିପିୟ 2:11

ମାରି, ବୁବା ମାପୁରୁଦି ଗୌରବ୍‍ତି ଉଣ୍ତିଙ୍ଗ୍‌ ୱିଜେରି ୱେତଲ୍‌ ଜିସୁ କ୍ରିସ୍ତ ପ୍ରବୁ ଇଜି ମାନାନାର୍‌ ।

ପିଲିପିୟ 4:13

ନା ସକ୍ତିଦାତା କ୍ରିସ୍ତଦି ସାହାଜ୍ୟଦାନ୍‌ ନାନ୍‌ ୱିଜୁ କିଦେଙ୍ଗ୍‌ ଆଟ୍‌ସିନା ।

కొలొసి 1:25

ମି ନେଗି ଉଣ୍ତିଙ୍ଗ୍‌ ଇୟା ପାଣି କିଦେଙ୍ଗ୍‍ଁ ନାନୁ ମାପୁରୁଦି ମାଣାନ୍‌ ମଣ୍ତଲିଦି ଅରେନ୍‍ ସେବାକିନିକାନ୍‌ ୱାଜା ଆସ୍‌କିତାମାନାନ୍‌ । ୱାନି ସୁସମାଚାର୍‌ ପୁରାଦାନ୍‌ ପ୍ରଚାର୍‌ କିନିକା ନା ପାଣି,

1తిమోతి 1:1

ନାନୁ ପାଉଲ, ମା ରକିୟାକର୍ତ୍ତା ମାପୁରୁ ମାରି ଆସାଦିମୁଣ୍ତା କ୍ରିସ୍ତ ଜିସୁଦି ମାଟା ଇସାବ୍‌ତାନ୍‌ କ୍ରିସ୍ତ ଜିସୁଦି ଅରେନ୍‌ ପୋକ୍‌ତିମାନି ସିସୁ,

1తిమోతి 1:11

ଗୌରବ୍‌ମୟ୍‌ ଦନ୍ୟ ମାପୁରୁଦି ନେଗି କାବୁର୍‌ ପ୍ରଚାର୍‌ କିନି ଦାଇତ୍‌ ନା ମୁସ୍‌କୁ ସିଆୟ୍‌ଆତା ମାନାତ୍‌ ।

1తిమోతి 1:2

ୱାନି ଦାର୍ମୁମାରିସି ତିମତିଦି ଲାକ୍‌ତୁ ରାସ୍‌ତିମାନି ଆକୁ : ବୁବା ମାପୁରୁ ମାରି ମା ପ୍ରବୁ କ୍ରିସ୍ତ ଜିସୁଦିମାଣାନ୍‌ ଦୟା, ସାକା ମାରି ସାନ୍ତି ମି ଉଣ୍ତିଙ୍ଗ୍‌ ଆପିତ୍‌ ।

1తిమోతి 6:13

ୱିଜେରି ଜିବନ୍‌ସିନି ମାପୁରୁଦି ଆଗ୍‌ଡ଼ି, ମାରି ପନ୍ତିୟ୍‌ ପିଲାତ୍‌ଦି ଆଗ୍‌ଡ଼ି ଡାଟ୍‌ ବିସ୍‌ବାସ୍‌ତାନ୍‌ ସାକିୟ୍‌ ସିତିମାନି ପ୍ରବୁ ଜିସୁ କ୍ରିସ୍ତଦି ଦର୍‌ତାନ୍‌ ନିଙ୍ଗିଁ ଆଦେସ୍‌ ସିଜି ୱେର୍‌ସିନା :

2తిమోతి 2:2

ମାରି ଗାଦି ଲୋକ୍‌ ସାକିରି ଆଗ୍‌ଡ଼ି ନାନ୍‌ ପ୍ରଚାର୍‌ କିତିମାନି ବାକ୍ୟୱିଜୁ ମିର୍‌ ୱେର୍‌ଇମାନିଦେର୍‌ । ଆଇୱାରିଙ୍ଗ୍‌ ସିକିୟା ସିନି ଉଣ୍ତିଙ୍ଗ୍‌ ସାସ୍‌ ମାରି ବିସ୍‌ବାସ୍‌ତି ଲୋକା ଲାକ୍‌ତୁ ଆୟାୱିଜୁ ବିସୟ୍‌ ସର୍‌ପେ କିଦୁ ।

2తిమోతి 4:17

ମାତର୍‌ ମାପୁରୁଦି ୱାଲେ ଏତ୍‌କିଜି ଅଣଜିହୁଦିରି ମାନୁ ନେଗିକାବୁର୍‌ ପ୍ରଚାର୍‌ କିନି ଉଣ୍ତିଙ୍ଗ୍‌ ନାନ୍‌ ନାଣ୍ତ୍‌ ସାକ୍ତି ପୟ୍‌ତାମାନା ମାରି ନାନ୍‌ ପାର୍ଟାନରେସ୍‌ତି ୱେୟୁଦାନ୍‌ ବା ରକିୟା ପୟ୍‌ତାମାନା ।

తీతు 1:4

ନା ୱିଜୁ ବିସ୍‌ବାସ୍‌ସିର୍‌ ମାରି ଇୟା ବିସ୍‌ବାସ୍‌ ଉଣ୍ତିଙ୍ଗ୍‌ ଟିକ୍‍ତାନ୍‌ ନା ମାରିନ୍‌ ତିତସଦି ଲାକ୍‌ତୁ ନାନ୍‌ ଇୟା ଆକୁ ରାସ୍‌ସିନା : ବୁବା ମାପୁରୁ ମାରି ମା ରକିୟାକର୍ତ୍ତା କ୍ରିସ୍ତ ଜିସୁ ମିଙ୍ଗିଁ ଦୟା ନି ସାନ୍ତି ସିପିନ୍‌ ।

పిలొమో 1:9

ମାତର୍‌ ମି ଉଣ୍ତିଙ୍ଗ୍‌ ନା ଜିବନ୍‌ନୋନିକା ମାନିଙ୍ଗ୍‌ ନିଙ୍ଗିଁ କେବଲ ଅନୁରୋଦ୍‌ କିଜିନା । ଜଦିବା ନାନ୍‌ ପାଉଲ ଅରେନ୍‌ ଡକ୍ରା, କ୍ରିସ୍ତ ଜିସୁଦି ଉଣ୍ତିଙ୍ଗ୍‌ ଇଲେଇ ଜଇଲ୍‌ତୁ ମାନା,